Espresso Alchemy (海港城港威商場)

营业中

休息中

今日送陪太太返工，去到尖沙咀，想搵間餐廳一齊食個Lunch先返工，所以就去咗呢間Espresso Alchemy到食Lunch。呢間Espresso Alchemy 坐位都算多同埋好坐，叫完餐就可以坐定定等店員送餐過嚟👍🏻虎蝦車厘茄意大利飯一隻隻虎蝦剝好殼放在飯上邊，勁吸引，蝦肉爽甜唔韌。意大利飯加上車厘茄再配上洋蔥蒜蓉，甜甜哋又辣辣哋，非常開胃😋青醬雞肉忌廉長通粉長通粉煮得剛剛好，唔會太淋或太硬。雞肉軟滑，加上青醬嘅味道，將雞味提升。自家製香蕉蛋糕非常驚喜，香蕉蛋糕外表睇上去好硬，但咬落去口感係非常軟熟，入口即溶嘅感覺👍🏻香味唔會太濃，恰到好處。香蕉蛋糕作為甜品，非常適合，一件已經夠我同太太食。Flat White奶味濃厚，咖啡帶有淡淡果香味，口感清新，好好飲。Mocha咖啡味唔會太濃，不會蓋過咖啡嘅味道，咖啡非常香，如果可以甜多少少，會更加好飲。同太太食完個Lunch，就送佢返公司，食飽飽咁開工係最開心😊

一早從澳門回來, 人未坐定早午飯未吃, 首先要醫醫肚, 即走到最近的港威 Espresso Alchemy, 喜歡這裡沒海港城那邊人頭湧湧, 坐得舒服一定要點的 flat white, 喝一口熱騰騰的咖啡, 整個人安靜下來實在有點餓, 即叫了烤雞菠蘿漢堡配檸檬 yogurt及焗薯餡料非常豐富, 包夠鬆軟, 雞肉乾濕程度剛剛好, 帶點juicy, 配上漢堡包十分好; 焗薯有點黑椒, 吃來點點的辣, 夠惹味; 燒菠蘿的酸酸甜甜正好中和了雞肉的濃濃香味在counter 見到新鮮焗製的蛋糕忍不住點了兩款味道, 檸檬味道突出, 未吃已經嗅到檸檬皮的清香; 藍莓核桃也很不錯, 尤其喜歡有咬口的核桃 吃得有點飽, 再加多杯蜜糖青檸消滯一下最好不過

在新春期間與好友相聚，當然要去咖啡店飲杯咖啡。這家咖啡店位於繁華嘅海港城，店內裝潢雅緻，讓人心情愉悅，適逢休閒嘅時間不用等位，便可以坐下來。首先點了一份香煎大蝦配蘆筍辣蕃茄汁意粉，然後點了一杯熱mocha咖啡。吃完意粉當然要再點一個甜品西多士伴鮮果醬及雪糕配自家海鹽焦糖醬，再配返一杯熱嘅宇治抹茶，滿足第二個胃。 先來是香煎大蝦配蘆筍辣蕃茄汁意粉，意粉口感剛剛好，大蝦鮮嫩彈牙，搭配蘆筍的清甜，辣蕃茄汁好惹味，讓整碟意粉更加豐富美味。Mocha 咖啡苦澀中帶著朱克力的甜蜜，口感豐富而深邃，每一口都是一種享受，讓人感受到咖啡的獨特魅力。最後來到了最吸引人的甜品西多士伴鮮果醬及雪糕配自家海鹽焦糖醬。吐司外酥內軟鮮果醬，配上雲呢拿雪糕，碟邊間海鹽焦糖醬，層次豐富，甜中帶鹹，香甜可口，絕對是一道讓人回味無窮的甜品，再配上一杯熱宇治綠茶，真是很滿足的一餐。

大大話話都食過香港好多間Cafe，呢一間都算性價比幾高。平時早餐或者午餐都會跟咖啡，甚至可以優惠價加購飲品。今晚同朋友夜晚到訪，人流唔算好多，亦都有一段傾偈嘅空間！當晚叫咗一份青醬雞胸沙律，透過慢煮嘅方法，雞胸肉都保持到肉汁完全唔會好乾好柴，更重要嘅係蛋白質充沛！主食方面揀咗香煎虎蝦配蘆筍辣蕃茄意粉、牛油果碎蛋貝果沙律🥗意粉帶少少辣辣地比較開胃，虎蝦都幾大隻，份量足夠一個女生食用。至於bagel包口感比較實淨，亦都好鍾意牛油果同碎蛋嘅配搭，軟綿綿得來又清新！由於夜晚到訪，所以朋友叫咗一杯咖啡，亦都用一個香蕉蛋糕作為今餐嘅甜品。

尖沙咀港威商場入面嘅Espresso Alchemy環境舒適，最重要係他們嘅咖啡同食物質素都很高，真係好值得推薦。脆炸魚堡配自家製蛋黃醬魚肉高質新鮮，炸得外脆內嫩，份量仲好大。配搭自家製蛋黃醬，同魚肉好夾，漢堡鬆軟有彈性。青醬雞肉忌廉長通粉最鐘意食長通粉，配上雞肉夠豐富，雞肉好嫩滑，青醬豐富惹味，加入忌廉很有層次，充滿香草味，長通粉煮得恰到好處，唔會過軟或者過硬，吸收咗雞肉同青醬嘅味道，十分惹味。伯爵茶朱古力有拉花，打卡一流，朱古力質感滑順同伯爵茶嘅清香好夾。伯爵茶香又出色，好味。藍莓核桃蛋糕，勁大舊，蛋糕嘅質感好鬆軟，滿滿嘅藍莓，好新鮮，核桃夠香脆，口感層次豐富。

咁啱去咗海港城附近，諗起呢度有間好chill嘅cafe，過嚟食咗個Lunch，估唔到午餐時間都幾多人✅牛油果青瓜番茄沙律伴芝士配檸檬醋醬 檸檬醋醬唔會太酸，反而令沙律更開胃，沙律新鮮，牛油果份量勁多🥑一個沙律都好夠飽✅雜菌豬頸肉漢堡配芥末籽醬比想像中大好多🤣要將個burger分開食先得😂😂豬頸肉肉質結實，超級大塊，要切開細細件食，因為我叫咗沙律嘅關係，覺得連沙律一齊食都幾唔錯😆✅Latte & honey Earl Grey Latte呢度嘅咖啡味道清幽，口感順滑☕️Earl Grey Latte加入蜂蜜層次豐富✅Blueberry Bread & Banana Bread收銀枱附近會見到實物，口感非常鬆軟😍呢兩隻味係最多人點，果然好食😋本身以為一片得好少，估唔到比想像中大塊📍Espresso Alchemy (尖沙咀)尖沙咀廣東道3-27號海港城港威商場地下G104號舖

朋友鍾意飲咖啡，難得今日空閒，一齊坐低飲下食下傾下偈😁🌟黑咖啡 ($40) - 就是正常Long black 啦😁🌟宇治抹茶鮮奶 ($45) - 拉花美美的，抹茶味濃👍🏻🌟烤雞菠蘿漢堡配檸檬乳酪醬及焗薯（$128）- 超大的，賣相不錯，驚訝有兩整塊雞扒咁多😱加上蕃茄菠蘿生菜，清新解膩，口感豐富😊焗薯加上了少少辣粉，加了點刺激🤣🌟西多士伴鮮醬果及雪糕配自家製海鹽焦糖醬（$76）- 還是第一次見三層的西多士，夾層有果醬和牛油，香口又帶點香甜😋吃東西食物質素固然重要，環境美美的沒壓迫感也很重要，餐廳的拱門設計加添了一些美感，感覺舒適🥰

💖連鎖cafe中嘅CP值王者👑，特別係午市套餐，今日黎海港城呢間靚裝分店食晚餐～1⃣️西多士伴鮮漿果及雪糕配楓糖漿或自家製海鹽焦糖漿🍞 $76💖我嘅至愛同必食😝，maple syrup同salted caramel二選一，海鹽焦糖醬口感濃稠，海鹽中和左焦糖嘅甜膩，更添清新。西多士外皮帶蛋香，邊角焦脆，咬落鬆軟，中間夾住士多啤梨果醬，帶香甜果香。仲有滿滿香草籽嘅雲呢拿雪糕🍦、士多啤梨同藍莓。2⃣️牛肉三文治拌蘑菇及沙律配檸檬醋醬🐮 $96💖超足料！滿到漏嘅香滑牛肉同滑嫩蘑菇，油脂肉味香得黎唔會太多肥油、食落唔膩。三文治外皮微脆。沙律份量豐富，搭配番茄仔同開胃嘅檸檬醋醬，食落健康。3⃣️青醬雞肉忌廉長通粉🐔 $108💖推薦，帶羅勒🌿、蒜🧄同松子油香嘅青醬非常濃稠，好香口配咩都好味🤤，雞肉份量多而且好軟嫩，搭配有嚼勁嘅長通粉，口感豐富。4⃣️Milk chocolate🍫 $40💖拉花靚，朱古力味濃郁香醇，口感厚重帶奶香。💖海港城呢間半開放式用餐空間，坐落都舒服。

最近想食返健康少少，嚟到尖沙咀海港城呢間Cafe😆 餐牌有好多唔同嘅三文治、意粉、飲品！而且環境十分空曠，適合我哋喺度悠閒食晚餐🍴去到餐廳我係櫃檯度點食物先，之後職員會俾個號碼牌放喺枱面等候～我點咗牛油果蕃茄芝士意大利三文治，牛油果十分新鮮，食落口感一流😛 而且麵包又軟熟，成個組合好清新！ 叫咗一杯抹茶鮮奶🍵，抹茶味很濃郁，適合冬天叫嘅一杯暖心飲品❤️我朋友叫咗一份煙三文魚蛋沙律三文治同埋一杯美式咖啡，蛋沙律嘅份量非常多，蛋味十足！🥚最後我哋一人叫咗一件蛋糕做飯後甜品，有香蕉蛋糕同埋檸檬蛋糕，食完呢餐感十分滿足😛

今日返晏，拉老公食返個Prefect Breakfast 🍳 位於海港城角位，有間不起眼但好好食又好平嘅咖啡店。✨三文魚牛油果碎蛋蕃茄三文治確實係擺盤擺得非常之靚，三文魚砌成一朵玫瑰花，加上牛油果嘅香軟，蕃茄嘅清爽，鬆脆嘅麵包外皮，成為一份Good Morning 嘅早餐✨菠菜芝士奄列配多士餐廳嘅奄列夠實淨，每食一啖雞蛋，都會品嚐到內在澎湃嘅芝士，加入咗菠菜口感帶多一份清新！✨青醬雞肉忌廉長通粉除咗單點之外，午市套餐就更加抵啦！其實價錢冇變，只係會送一杯single brew或者用11蚊優惠價加配其他飲品。雞肉雖然係雞胸肉，但係佢唔乾唔柴。忌廉夠多，但係又唔會太過膩！調味唔係太重，食開濃味嘅會略覺淡身。✨檸檬蛋糕咁厚身都只係$33，好好好好高CP值，檸檬味道好natural ，堂食仲會焗返熱俾你，邊邊位更帶點脆脆感。✨Americano·Earl grey chocolate餐廳咖啡豆較酸，但餘韻卻又較悠長。幸有伯爵茶嘅中和，朱古力入口唔太甜！

Espresso Alchemy絕對係我同朋友嘅cafe safe choice，坐得舒服之外，餐點同咖啡選擇多，品質穩定。🥗青醬雞胸沙律配檸檬醋醬呢個真係每次必點！慢煮雞胸非常嫩滑，香草咪香濃，份量勁滿足。沙律葉新鮮，仲有蕃茄乾，檸檬醋醬酸度適中，清新開胃。🥯三文魚菠蘿通心粉貝果配沙律貝果口感煙韌，外層微脆。貝果夾菠蘿通心粉第一次見，沙律醬增加貝果濕潤感。一樣配有大量沙律，健康之選！🍋Homemade loaf cake （lemon)Counter 擺放左一個個完整磅蛋糕，賣相勁吸引。有三種味，香蕉、藍莓核桃、檸檬。切片蛋糕目測多過2cm ，好大件，烘熱後面層香脆，檸檬味很香，蛋糕濕潤鬆軟，推薦！🍸Iced mint chocolate 用上新鮮薄荷葉，絕對唔係假薄荷味，朱古力味適中，不會死甜

2025年1月5日 星期日今日難得周末放假，就同屋企人行下街影下相，悠悠閒閒咁度過，行到攰攰地就去呢間餐廳坐低飲杯野食返個下午茶餐廳人流唔算太多，係商場既開放空間，採光十分足夠，位置都坐得舒適餐牌除咗有咖啡同其他飲品之外，仲有提供唔少主食同甜品，連burger同panini都有，價錢尖沙咀黎講都唔算太貴，於是我哋就每人要左一杯飲品同一份甜品後上，再加一個panini點完餐返到個位等左一陣，飲品就即刻送到，係我要既matcha latte，黎到既時候已經聞到好香抹茶味，上面個拉花整得好靚，飲落去好順滑，而且由於我轉左燕麥奶，所以奶味比較淡，更加突出抹茶嘅味道老婆就要咗牛奶朱古力，朱古力味好濃郁，但係一啲都唔苦，亦唔會太過甜，加埋牛奶令到質感比較順滑食物方面有檸檬汁烤雞煙肉芝士意大利三文治，成個panini都塞滿晒雞肉，塊麵包烤過嚟暖暖哋，口感非常豐富，每一啖都食到嫩滑既雞肉，加埋檸檬汁，食落去完全唔覺得膩甜品方面我哋分別叫咗生酮意式芝士卷同生酮花生醬黑朱古力忌廉卷，冇諗過呢間餐廳都會提供新酮甜品，啱晒鍾意食少甜嘅人士首先呢個生酮意式芝士卷中間有大量意式芝士，味道十分濃郁，但唔會過甜，食完

多謝朋友請嘅生日飯。今次係第二次試ALCHEMY，之前試過鰂魚涌分店，今次試尖沙咀店。裝潢有風格，開放式設計夠開揚。忌廉黑松露醬配雜菌芝士意大利飯一上枱，已經聞到好香濃嘅黑松露味。一啖落口，忌廉黑松露味好突出，雜菌亦都好有咬口。而飯嘅質地方面，佢係比較煙韌嘅，唔似平時食開中間可能有少少硬嘅，反而我幾鍾意呢款煙韌嘅口感。Alchemy 全日早餐鍾意食All Day Breakfast嘅原因，當然係因為可以一次過試唔同嘅食材。炒蛋真係冇得輸，蛋味及奶味濃。另外，煙肉煎得焦脆，薯角係帶點辛辣。藍莓合桃蛋糕用上新鮮嘅珍寶藍莓，仲有粒粒合桃，味道唔會太甜。Iced mint chocolate 底層嘅一半係薄荷朱古力，上層一半係豐綿嘅奶泡。薄荷同朱古力嘅味道平衡得幾好，唔會搶晒對方嘅味道，值得一試。

聖誕佳節，最啱同好朋友見吓面，享用美食。每次嚟ALCHEMY，都係坐得舒服，食得開心。-青醬烤雞蕃茄芝士意大利三文治-之前試過佢嘅青醬雞肉長通粉，青醬味道同埋雞肉做得唔錯，所以今次試埋佢嘅三文治。餡料豐富，雞肉做得嫩口，青醬好味，意大利三文治好鬆軟。-厚切意大利煙肉配卡邦尼意粉-必試！每次食嘅煙肉都係薄片，但呢款意粉用上厚切，真係第一次試。鹹香、油脂夠，好味。整體嘅味道調味到位，意粉彈牙，值得推薦。-西多士半鮮果醬及雪糕配自家製海鹽焦糖醬-每次嚟ALCHEMY，都必點，水準如一。西多士真係整得好出色，搭配海鹽焦糖醬同埋凍冰冰嘅雪糕，口感一流。-湯力咖啡-又係我最愛嘅咖啡之一。果味郁香，帶點氣泡嘅口感，清涼可口。

Needed somewhere to rest my legs after busy Christmas shopping in TST one afternoon. This coffee place was quite packed with people already when I arrived and one of the servers helped to find a table for me by the window. The seat was comfortable and allowed me to “people gaze” 🤣. I ordered a large cappuccino ($45) plus a blueberry cake ($33). The blueberry cake slice was of a good size, warm, slight crusty on the outside and of the right amount of sugar, very moreish and delicious on a cold da