Espresso Alchemy (海港城港威商場)

营业中

休息中

難得過咗嚟尖沙咀食嘢，好想坐喺個舒服嘅地方睇吓書，所以今次就揀咗呢間Espresso alchemy，呢間Cafe好出名！lunch長期都排隊，好在我今日早咗少少嚟，如果唔係都可能有排等！由於今日超級肚餓嘅關係，同朋友叫咗好多嘢食！首先我叫咗個牛油果沙律，真係超級足料，起碼有半個牛油果仲有大量嘅蔬菜同蕃茄仔！食落好fresh好好食，細隻嘅女仔可能食呢個已經搞掂！之後我哋仲叫咗個青醬雞肉長通粉，啲雞胸肉一啲都唔嚡，咬落好Juicy好好食，個青醬調得剛剛好！又唔會令到個意粉好濕同好乾！之後我哋仲叫咗個青醬烤雞意大利三文治，有蕃茄又有芝士，麵包外脆內軟好好食，芝士半溶好正好好味！仲有我哋仲叫咗個檸檬蛋糕，$33勁大件！食落口好fresh一啲都唔甜！呢個件裝蛋糕好好食！仲有特登整熱咗，唔會凍冰冰！加分加分！之後我仲跟餐叫咗杯綠茶燕麥奶，好好飲，綠茶味好重！由於我飲唔到鮮奶嘅關係，轉飲燕麥奶都係加$3！開心開心！

📍Espresso Alchemy公司就喺海港城對面，今日一個人食lunch就近近哋來呢間食。之前都幫襯過好鍾意佢哋嘅青醬長通粉，今次想食啲唔同嘅，嗌咗一個好豐富嘅lunch😂🫕忌廉黑松露配雜菌芝士意大利飯 呢個好正呀 份量都幾大 黑松露味好濃郁 芝士唔係粉係細細塊嘅同飯一齊食有口感 芝士味都好正 菌都好足料 食完好滿足🍃ice mint chocolate 真係好好飲😋作為一個薄朱狂熱粉絲 真係要讚呢杯 甜度啱啱好 薄荷同朱古力奶黃金比例 融合得好好 仲可以飲到少少薄荷葉碎 好正🍌香蕉蛋糕 同事介紹我食佢哋嘅香蕉蛋糕 成條香蕉擺入去焗成嘅 香蕉味好濃 食落口感好綿密呢個lunch真係食得勁飽😂但係好豐富好滿足會再encore呢一間Cafe～

呢排放假真係要去啲有冷氣嘅地方chill 吓嘆吓，呢間cafe喺港威商場入面，而且仲有好多打卡靚位。牛肉三文治伴蘑菇及沙律配檸檬醋醬牛肉夠嫩滑，搭配香煎蘑菇，份量超多。三文治的外皮烤至金黃酥脆，整體口感唔錯。另外，好鍾意沙律個檸檬醋醬，令人開胃。忌廉黑松露醬配雜菌芝士意大利飯忌廉黑松露醬香氣撲鼻，令人垂涎。野菌咬落有口感，而芝士味道好香口，係我鍾意食嘅味道。蜜糖伯爵茶鮮奶呢杯Latte 好精緻，而且味道好出色！伯爵味好香，鮮奶順滑，而蜜糖的自然甜味恰到好處，大力推介。生酮宇治抹茶忌廉卷最近戒甜食，呢個生酮忌廉卷真係好啱我！既有抹茶的清香，又有忌廉的細膩，完全滿足到我食甜品嘅慾望。

嚟咗呢個商場嘅呢間 coffee shop 食個 early dinner 🤣$50「氣泡黑咖啡 Sparkling Black」：餐牌寫住《Double Espresso Dissolved in Lime Soda》，但係我想要完全唔甜，所以就改咗淨係要 Soda，咁樣就一啲都唔甜，飲到有 subtle 香味嘅 carbonated coffee 🤣$137「煙三文魚意大利飯 Smoked Salmon Two-Way Risotto」：唔知乜嘢係 Two-Way Risotto，原來係 Two-Way 三文魚 一啲係煙燻一啲係撈喺飯裏邊煮熟咗🤣；意大利飯夠 al dente 啱胃口，亦都夠 creamy 🤣$33「自家製藍莓核桃蛋糕」：有藍莓🫐有核桃，又唔算好甜，啱食🤣

高質慢活，食材新鮮有心思！今日同朋友去咗尖沙咀呢間Cafe chill吓，環境舒服，座位闊落，啱晒同朋友傾偈或者自己嚟hea。首先個**三文魚沙律**好有驚喜！三文魚厚切又鮮甜，沙律菜新鮮爽脆，仲加咗啲藜麥同車厘茄，口感豐富，個醬汁調得剛剛好，酸酸哋好開胃，健康得嚟又唔會寡。 **Pesto雞肉Panini**烘得外脆內軟，入面嘅雞肉嫩滑，芝士半溶，加埋香濃嘅Pesto醬，每一啖都好滿足！朋友叫咗杯**凍Mocha**，朱古力同咖啡比例啱啱好，唔會太甜，飲落順滑，配Panini一流。 我哋仲試咗個**Carbonara意粉**，個汁真係做得好好，濃郁得嚟唔會膩，煙肉煎得香脆，意粉煮得岩岩好，仲有蛋黃香，味道夠晒高質。我揀咗杯**Single Origin Brew**，果香風味，飲落真係有淡淡嘅莓果酸香，好適合鍾意清新口感嘅人。 最後試咗件**香蕉蛋糕**，質地濕潤鬆軟，香蕉味好天然，甜度適中，配咖啡簡直完美！

呢間cafe嘅野食每次都令我好驚喜同滿意🤩去左尖沙咀海威商場分店，呢間有啲門拱形design,幾靚，同埋又多位！三文魚菠蘿通心粉貝果配沙律（$97)🥯大份到癲左😆嗌呢個嘅原因係因為覺得個配搭幾新穎，菠蘿通心粉係沙律醬撈埋，跟住配上煙三文魚，睇相會見到餡料真心多！好豐富嘅口感+味道，然後個bagel口感係好煙靭架，上癮的口感🤭極鍾意呢種口感，真心令人好surprise同好滿足！😍藍莓loaf cake好好食，唔會好甜，質地濕潤。Matcha Latte,嗌左large size😆佢地嘅抺茶幾夠濃，同時奶味都好香，large都係多幾蚊，好抵！

呢間餐廳嘅空間感，令人覺得好舒服，地方夠寬敞，職員只會喺你有需要嘅時候先行過嚟，又冇限時，同朋友可以暢所欲言。食物嘅選擇好多，掙扎過後我哋揀咗青醬雞肉長通粉。平時啲餐廳肉好有限，但佢呢碟性價比好高，幾乎每一啖長通粉都有雞肉。個汁唔會太杰或者太稀，長通粉嘅口感軟硬適中。嘢飲叫咗杯熱嘅宇治抹茶鮮奶，優質抹茶粉沖泡後呈現鮮亮的翠綠色，層次分層明顯（抹茶、牛奶、奶泡），攪拌後變成溫柔的淺綠，拉花技術不錯，打卡一流！淡淡的青草香，甜中帶一絲微苦。牛奶的綿密與抹茶的細膩應完美融合，無顆粒感，甜度啱啱好。最後梗係要叫個甜品，我同朋友分別叫咗檸檬同藍莓蛋糕，各有千秋，檸檬好fresh，職員會問我哋想唔想焗熱嚟食，好細心。

今天到港威交功課遇到好耐無見的朋友，大家相聚話題不絕，不如到附近一齊吃個午餐。以前我哋都喜愛一齊嘆咖啡，吃下甜品，今日選了港威商場的 Espresso Alchemy ，有我喜愛的青醬雞胸沙律配檸檬醋醬，慢煮的雞胸仍然留著肉汁，又有青醬的清香，這裡的沙律菜特別新鮮，青脆爽口，只配上簡單的檸檬醋醬充滿著維生素。忌廉黑松露醬配雜菌芝士意大利飯，雜菌炒得好香爽口，又有黑松露醬的獨特香味及巴馬臣芝士令整個意大利飯滋味起來。兩個人可以多叫一個甜品西多士，西多士伴鮮漿果及雪糕，可以選楓糖漿或者海鹽焦糖醬，我覺得海鹽焦糖醬比較突出，西多士外脆內軟，一口多士加上雲呢拿雪糕和帶鹹的焦糖醬，味蕾的衝擊。今天很累又熱，這個時候我最鍾意嘆返一杯Sparkling Black ，double espresso 醒醒神，爽啊！

Espresso Alchemy 地址: 尖沙咀廣東道3-27號海港城港威商場地下G104號舖電話: =====================平日食brunch 今日為了早起運動，book 了場，就先食過豐富架early lunch 先去了，免得唔夠力氣呀，同夏天要補充水份呢，好易中暑coffee to wake up my day$61 keto cake 試了花生醬dark chocolate roll cake ,食完都無guilty 呀！因用代糖相對低卡又low carb睇埋kcal 要了低卡青醬雞胸salad 健身人必備架，高蛋白質佢雞肉量多又唔鞋，好好食！

個人真係好鍾意呢間餐廳，地點方便，環境舒服，又有私隱度。佢嘢飲嘅選擇多，以前覺得佢嘅咖啡偏淡，但係太眼瞓，所以都嗌咗杯iced cappacinno，今次再飲，對佢哋咖啡印象好唔同！今次咖啡味好濃郁！食物方面嘅水準就一直都維持得好好，呢個香煎虎蝦意粉，面頭嘅芝士拉絲，個汁調得剛剛好，香辣惹味，意粉又好彈牙。然後就係我最愛嘅西多士，每次嚟我都必點！今次揀咗配楓糖漿，唔會太甜，士多啤梨同藍莓新鮮又甜，連朋友都讚好！特別一提，係佢哋優質嘅服務態度，我同朋友一路傾一路食，唔覺唔覺就坐咗三個鐘，但職員一直保持微笑，態度又良好，冇趕我哋走，係當我哋問起佢哋收幾點嘅時候，先驚覺我哋係時間要離開。

之前黎過幾次, 覺得coffee 都唔錯. 原來佢今年仲有全球一百間最佳咖啡店tst呢間分店寬敞, 有限時1個鐘用餐時間, 平日 lunch time 都好多白領. 夜晚去就少好d 好坐dPork Neck Tortilla Wrap w/ Whole Grain Mustard $122有兩件, 用墨西哥餅皮包住豬頸肉, 份量唔少調味剛好, 仲有rocket leaves 增加香味. 芥末籽醬唔多不過都幾惹味Homemade Blueberry Walnuts Loaf Cake $33Keto Peanut Butter Chocolate Roll Cake $61其實想食tiramisu roll cake 不過sold out. 生酮都食得, 比較濕潤蛋糕. loaf cake 第一次試, 口感好鬆軟帶牛油香卻唔會膩. 仲有少量blueberry 同walnuts 豐富口感Flat White $41Iced Mint chocolate $63Flat white 偏nutty, 幾香濃. Mint chocolate 有層厚泡, 增加左口感, 唔會太甜Espresso A

今日約咗朋友仔去尖沙咀行街，我哋打算去Cafe食吓嘢傾吓偈，最後嚟咗位於海威商場嘅Espresso Alchemy～ 餐廳裝修好靚，有個圓拱門打卡位，仲有向出望街嘅位置。今日中午時侯嚟到，餐廳提供lunch set。厚切意大利煙肉配卡邦尼意粉 $108朋友食卡邦尼意粉，意粉表面有芝士碎同唔少煙肉，賣相靚靚。煙肉用上意大利厚切煙肉，煙肉煎香左，食落油香十足，味道濃厚鹹鮮，同意粉好夾。意粉口感啱啱好，沾滿晒卡邦尼醬汁。醬汁非常濃郁，食到有好香嘅蛋黃味。忌廉黑松露醬配雜菌芝士意大利飯 $111黑松露雜菌意大利飯香噴噴，面頭有數塊芝士同好多炒雜菇。炒雜菌炒得非常香，食落好Juicy，用上咗黑椒調味。意大利飯帶點硬硬嘅口感，而且吸收晒忌廉黑松露醬汁嘅味道，非常香口、美味。Hot matcha latte +$11跟餐可以加錢轉飲品。抹茶拿鐵拉花好靚，飲落好清香，茶味香濃，唔會太甜。Ice latte +$19Latte容易入口，奶味唔會搶過咖啡味，亦都唔會太苦。生酮意式芝士卷 $62我哋仲叫咗個甜品，keto tiramisu卷比較健康，較少碳水化合物。蛋糕層保持到濕潤，而且帶有咖啡味。內裏忌廉

同朋友係海港城附近行開，發現呢間裝修幾吸引既cafe,見到餐牌都覺得好正就即刻搵位坐低左😎店員係非常有禮貌，為我地簡單介紹餐牌同用餐時間，買野食係要先到前台比錢。虎蝦車厘茄意大利粉 $131隻虎蝦係剝好殼放係意粉上面，好大隻勁勁吸引，蝦肉夠爽甜又唔韌。仲有車厘茄配搭，加上洋蔥蒜蓉，又甜又辣咁，非常開胃🤤煙三文魚意大利飯 $137本身就好中意食三文魚，呢款醬汁好夠多，仲有唔少熟三文魚碎件飯，好有口感😻份量亦好多👍🏻西多士伴鮮果醬及雪糕配楓糖漿 $76點呢個之前已經比餐牌吸引左，黎到果然冇失望，擺盤非常靚相機食岩晒🤩西多士外層好酥香，以為配楓糖漿會好膩，但要加埋生果同雲呢拿雪糕一齊食，成個味道好清新😌整體唔會覺得好甜，西多士嘅酥脆加上軟綿綿嘅雪糕，好搭！Mocha $42好香濃同埋好順滑😋飲落一啲都唔苦，好香！完美混合☺️Matcha Latte $49唔會太甜膩，抹茶香濃，中意抹茶值得一試

喺尖沙咀食早餐，口袋清單裏面總係有位於海港城嘅Espresso Alchemy，由佢哋以前喺重慶大廈嘅舖頭已經有開始幫襯，好欣賞佢哋高質素嘅咖啡。店舖越開越多，但品牌依然對質素好有要求，保持到水準，尤其係咖啡。今日仲見到佢哋原來拎咗The World’s 100 Best Coffee Shops嘅榮譽，真係好厲害。漏咗單之後就會有個號碼牌，店員會為你送上食物飲品。✨The Alchemy All Day Breakfast✨Alchemy 全日早餐Eggs (Scrambled or Sunny Side), Bacon, Sausages, Mushroom, Potatoes and Croissant早餐依然係好豐富，剛剛好嘅太陽蛋，煙肉、腸仔等，每樣都有質素。而latte就唔需要揀咖啡豆，house blend已經非常好飲，入口順滑，奶同啡嘅平衡做得好好，唔會淨係覺得好重奶感。

員工服務態度好，食物質素高，環境坐得舒舒服，建議未黎過既朋友得閒可以多啲黎試下👍員工服務態度好，食物質素高，環境坐得舒舒服，建議未黎過既朋友得閒可以多啲黎試下👍員工服務態度好，食物質素高，環境坐得舒舒服，建議未黎過既朋友得閒可以多啲黎試下👍