○de▽ 鯛白湯らーめん (電氣道)

营业中

休息中

一如座銀及Next Shikaku嘅風格，麵食款式只供應幾款拉麵。而這間除了鯛白湯是必點的拉麵外，鯛沾麵也是人氣之選。難得見到天后都開左分店，經過附近又唔駛排長龍就當然要試下！今次叫左重口味嘅鯛沾麵！ 🐟 鯛沾麵一上枱時就冒著白濛濛嘅乾冰煙霧，夠哂吸睛，用埋果個金色高身碗裝住，仙氣逼人！湯底以天然日本鯛魚所熬製，魚味非常濃郁。拉麵外型猶如刀削麵，口感煙韌，波浪紋狀增強掛湯能力。湯底裏有叉燒粒同鯛魚粒，鯛魚粒係有炭燒味，但叉燒粒就一般，略嫌太肥及未夠香。Overall，終於試勻3間，個人覺得鯛魚碗湯係好好飲，但始終最有surprise 既係Next Shikaku既平打麵及清湯，而座銀就一般啦！📍Maru De Sankaku (鯛白湯らーめん○de▽)(天后)天后電氣道77號

今日來到這間新開的拉麵店試食。我本身食嘢比較清淡，所以揀咗鯛清湯。用鯛魚淆成的湯底非常鮮甜，不似其他拉麵店食的拉麵湯底過份濃郁及極重味精。師傅準備食物過程非常認真，且上菜前會抹乾淨碗邊，看得出師傅對食物賣相的執着。我不是很大食，拉麵份量剛剛好。另外，不得不提那塊炸鯛魚皮。炸鯛魚皮非常脆口，而且粉漿不多，值得一試。若果你喜歡食拉麵，又不想再試一般拉麵店的豬骨湯底，我誠意推介到Ode試吓佢哋嘅鯛清湯！

從大阪到中環歌賦街，再到最新的天后電氣道據點，◯de▽ 的鯛魚湯拉麵依然鮮美香濃，無論是清甜怡人的鯛清湯，抑或是濃郁澎湃的鯛濃湯，都能感受到源源不絕、來自大海的鮮味精華。No matter the madai clear broth ramen or the madai broth ramen, this bowl is the treasure box with loads of umami from natural sea bream, delivered to you from Osaka to Central and Tin Hau. 

鯛白湯在香港始於中環，一路由於太多人未有機會一試，今日剛發現這間位置天后近清風街的新分店，立即去一試。如題目所述，鯛白湯是一間專心鑽研以鯛魚為主的拉麵店，沒有其他選擇。亦由於這情況，他能以這手本名物生存到今天，什至於經過兩年的疫情依然能維持還加開分店，足證佢既鯛魚拉麵係十分有料什至令人回味。鯛白湯實質只提供三款拉麵：鯛魚沾麵，鯛白湯拉麵和鯛清湯拉麵。今天由於沒有沾麵供應，我跟太太點了白湯和清渴拉麵。兩款湯其實部有好濃的魚味（其實一進店內已嗅到很濃郁的魚湯味道）分別就是白湯就好像母親餚了一整天的牛鰍魚湯一樣，味濃魚味重，對愛吃魚的人來說是十分吸引。若不是愛魚之人，清湯的清甜魚味亦應可滿足食客的口福要求。拉麵是採用幼身日本拉麵，加上將鯛魚粒鋪在麵上，吃過的食客相信都會感到滿足！更窩心的是白湯拉麵的碗邊搽上柚子醬，如食客吃過白湯真的覺得太濃時，混入少許有柚子醬與白湯一起喝進口裡，一切濃膩的感覺一掃而空，白湯可繼續大口大口喝下，十分滿足。鯛白湯是走高檔路線的日式餐廳，服務算是很好，但消費卻不會太低，大約每人$150-200。

寫得咁好諗住有驚喜，全部都假！如果大家唔怕魚腥味，就去試吧！這樣的價錢可以有很多選擇。只是名氣，絕對不會返轉頭幫襯！太腥了！得個樣，完全失望😞還有要先付款，不收現金！

係試業期間即試鯛白湯😎襯無乜人麻！要記住先係門口俾錢落單，之後先會有人帶你入去。每個人都會有派濕毛巾同圍圍裙，啱晒我依啲食到彈污糟衫嘅人🙈.拉麵🍜選擇得三款，小食選擇都唔多，而我揀左：.🍜鯛白湯 $138 (5/5)愛魚🐟人士必食！好香濃嘅魚湯😳😳加左多好貝類煮8個鐘而成，無得輸！拉麵硬到適中，裡面有魚肉、貝類、日式叉燒，份量好夠👍🏻啖啖海鮮同魚味😝好正！店員建議食到一半，可以加入碗邊柚子醬，同可以要求加湯，咁都無咁膩，好清新🤪欣賞日本🇯🇵菜嘅仔細.🍜鯛沾麵 $148(4/5)沾麵大家都唔陌生，但佢一上枱同乾冰搞到佢出晒煙，全場都望住🙈🙈🙈個湯比起鯛白湯會再咸啲濃啲，亦加左啲雞白湯入去，個人覺得唔適合單飲😂個麵係粗加曲個隻，彈牙同硬身啲，方面掛湯🍜🍜🍜裡面都有日式叉燒同魚🐟🐟個人中意鯛白湯多啲，因為沾麵個湯層次感少啲同咸🙈.🥚櫻木煙熏糖芯蛋 $15 (3/5)糖芯蛋有少少🤏煙熏味，個人唔覺得有咩特別🙈所以無乜驚喜.日式炸雞🍗$48(4/5)好好食！皮脆肉汁多，又唔太咸，值得一試！當然價錢唔平啦🙈

喜歡食魚嘅我知道有一日本鯛魚拉麵專門店在天后開張，梗係要試一試。新開張排隊人不多，大約5-10分鐘內已有枱，排住隊有一位態度及禮貌很好的小姐幫手掃針卡及落單，所以入座坐定，煮麵師父確定各人所選的拉麵就立刻一絲不苟地新鮮炮製及很快熱辣辣地奉上。我哋叫咗招牌鯛白湯和鯛清湯，另加了炸雞炸魚皮和糖心蛋！嘩！！！色香味俱全！很滿足！價錢其實不平宜，但是日式鯛魚拉麵，又新鮮即叫即整，而且每碟上枱前都一絲不苟做足功夫，所以是值得的。不過都係覺得一片魚皮$48貴吖，所以顯得鯛清湯性價比略高，因為鯛清湯有魚皮，其他兩款麵冇，而且我覺得冇鯛白湯咁腥添。最後意見都係覺得每款拉麵都要試吓，由自己舌尖去選出最合自己的味道。

個日同女朋友行過見到間新開拉麵，咁就行埋去門口睇吓啦，咁門口有個店員淨係問我地鐘唔鐘意食魚，我地就一個鐘意一個唔鐘意，店員就淨係話食魚呢個，唔食魚就嗰個啦，我係預期佢會同我介紹一下幾碗麵有咩分別，等我知道自己食緊咩，到佢上個麵個陣，我都唔知我地有冇掉轉到，食錯左大家個個。咁佢鋪頭入面有十零個位到，坐得都幾舒服既，裝修都幾靚，入去門口個刻，店員都有歡迎我哋既，咁佢有啲bar 檯位啦，就可以坐係師傅面前睇師傅整，咁呢個都算係席前料理，我留意左煮麵師傅係同bar 檯客人完全0交流，咁你做席前料理完全冇意思。之後煮完個麵，樓面拎過黎，放低時又冇講佢個個咩黎，直接放低就算，不過呢餐飯我最唔開心就係個樓面成日拎張紙巾抹地，抹完之後張紙放入圍裙個袋到，之後因為佢戴住手套，抹完之後又唔換手套，又唔消毒雙手，繼續拎餐比客。我覺得係呢個時勢衛生要加陪做好。個麵冇特別，唔覺好食，唔值咁貴。

睇到YouTube 食過話好味，專誠排隊試店外落單比錢，可加快速度進店前已準備好因閣下點既餐所需既食具白湯賣相唔錯第一時間飲啖湯先，魚湯味唔算好濃，層次亦唔夠，只飲到鹹味之後略帶魚味咁，完全無介紹講到咁誇張，以百幾蚊一碗黎講，完全無性價比喇！仲未計要排隊呢！麵既軟硬無得揀，都係一般貨色碗邊係柚子蓉，用黎解膩，我就覺得唔多夾加15蚊要左糖心蛋，都有陣煙薰味既，無咩特別。超open kitchen, 師父後面再d 湯加工，前面就砌麵上枱環境乾淨舒適，等既時間店員都會問定幾位，等安排暢順d.純以食物質素黎講，試過就算。

新開張 少少人排隊就試一試佢今次試左鯛白湯同魚皮簡單講下呢碗麵有咩配料：湯頭：很香濃的魚湯味，面頭的泡沫若然可以再幼滑一點就好拉麵：無得揀粗幼和硬度，呢碗係適中硬度的幼麵魚肉粒：係有燒過的魚肉，有焦香味，但略嫌乾同鞋左d，而且太細粒，以魚湯為主題黎講，佢變左配角叉燒：薄切、嫩滑、唔會煮到全熟，口感幾好，份量適中筍：形狀係圓形和三角形，切合返佢個鋪頭名，口感好淋，但筍味淡左d柚子皮和洋蔥：切碎的洋蔥和柚子皮為呢碗濃湯帶左點點解膩的感覺柚子醬：碗邊的柚子醬都係作清新和解膩之用，不過我覺得味道可以再濃烈少少整體黎講，$138碗拉麵仍然屬於偏貴少少，但味道都總算對得住個價錢，下次有機會會想試埋沾麵同鯛清湯我見好多人都會飲哂碗湯，但真係會口渴，所以適可而止小食果度叫左魚皮脆口，但稍為太厚太硬，魚皮無調味，無味，佢跟果個蠔醬都係無咩味，加埋一齊食就無咩特別

從來唔寫食評但係今日真係谷鬼氣建議train 番d人1. 唔好一路煮面一路吹水2. 帶位至少講俾人聽先俾錢後入座呀…而唔係一句「佢俾緊錢 你排後面」仲好似我打佢尖咁 鬼知你俾完錢先入咩 我以為佢走緊呀大佬⋯ 問吓個帶位有咩好食 一句「沾面 白湯law」講完入得之後 連坐邊個位都無人帶，樓面個妹妹仔0招呼3. 排隊果時樓面個妹妹仔仲掛住同排後面個熟客吹水然後唔理其他客人，仲好似我食左你個frd最後碗面咁 係呀 係話緊你呀 個帶位都話有人叫左啦 仲問完又問又bear住哂咁 我讓埋俾佢食好無？ 4. 上菜至少介紹下點食呀 碗野有咩特別5. 成個用餐過程由我入左去之後係無staff招呼你任何野 係0呀已經又貴味道又一般架啦其實d Staff又咁既質素 不如自助式算啦總公司真係多謝晒d前線同事幫佢倒米歡迎光臨呀 下次再黎呀 咩都無但係同事之間吹哂水咁好真係無下次 ：）

我自己其實唔係好食魚，不過見到咁多人排隊所以想試吓，揀左鯛清湯，其實味道係OK，但反而食完之後味蕾咸味一直持續，成30分鐘都未自然散，係好咸果隻。1. 炸魚皮/ 炸雞好好食👍🏻2. 拉面ok，湯底食果陣飲曬，係好味👍🏻但食完之後條脷唔舒服，味蕾果陣咸味好誇張3. 魚肉/筍/叉燒無乜特別4. 門口招待果位妹妹態度好好👍🏻如果食完即刻比分，我一定比高分同埋一定會再去。但食完之後5-10分鐘後，味蕾感覺好難頂，印象分即時大減。