Chatterbox Café (圍方)

营业中

休息中

Chatterbox Café (圍方) (大圍).自從大圍多左圍方之後真係多左好多食物選擇，地點又就腳.▪️$338二人滋味套餐▪️.二人套餐幾抵食，包一個小食，兩個主菜，一份菜同埋兩杯飲品.主菜緊係要叫一份佢嘅signature海南雞飯，香油飯勁香又好食，海南雞有得沾蒜茸，醬油等.另一個主菜叫左星洲海鮮炒貴刁，甜豉油炒味道有啲類似港式乾炒牛河但海鮮真係好足料，有帶子，大蝦，八爪魚🐙.小食我地叫左個黑醬油炒蘿蔔糕，切得比較細粒，好入味！.📌 Chatterbox Café (圍方) (大圍)大圍車公廟路18號圍方3樓304號舖.環境：⭐️⭐️⭐️⭐️⭐️味道：⭐️⭐️⭐️⭐️服務：⭐️⭐️⭐️⭐️價錢：⭐️⭐️⭐️⭐️

新加坡知名度高嘅Chatterbox 文華酒店，佢哋嘅人氣海南雞飯出名到無人不知今次叫咗雞肉喇沙麵，就算湯底一直浸住雞肉仲keep 住好滑嫩，而且好香雞味湯底就比較濃稠，椰香味偏重，顯得米線特別掛汁                                                                                                                                                                                                                                                                                                                              另外一款喺咖哩豬肋骨，用左紅咖喱，食落少少辣又惹味                                                         

餐廳門外充滿🇸🇬東南亞風情設計新穎，空間感十足，座位旁更添加了🪴綠色元素擺設，優雅舒適，主打星加坡菜式📔Order咗一份午餐及下午茶🇸🇬文華海南雞飯配$178已去骨雞肉浸住醬油 皮薄嫩滑 食起來方便配油香飯份外好食，點埋黑醬油、薑蓉及辣椒醬更可倍添風味小食：特色咸蛋雞中翼（2隻）皮脆咸香，惹味極邪惡🇸🇬迷你招牌蝦喇沙$82（半隻蛋、魚片、蝦、芽菜、豆卜）賣相特別以米線做底吸收魚蓉湯汁極香濃 撈起嚟食特別惹味 豐富配料好到胃 要趁熱食餐飲方面選擇多，古唔到有有機🌿博士雜莓茶及紅榭茶，甘甜順口

想留喺香港都嘆到特色新加坡菜式，今晚收工就去咗大圍圍方 Chatterbox Café🌟好鍾意餐廳裝潢充滿東南亞風，座位之間有一定距離，空間感十足，侍應收碟速度快🤟🏻🔹二人滋味套餐🔹有齊小食、主菜、蔬菜仲有飲品，三百幾蚊性價比超高！👉🏻黑醬油炒蘿蔔蘿蔔糕口感綿密柔軟，加入黑醬油同炒，帶點焦香，相當惹味～👉🏻文華海南雞飯嫩滑可口嘅海南雞皮薄雞味濃，去骨啖啖肉方便享用～雞油飯以上湯、雞油、乾蔥等製作，粒粒味香而不油膩。👉🏻 招牌大蝦喇沙啡黃色湯頭帶點紅油，味道香濃順喉偏稠身，椰奶味相當突出～大蝦彈牙好有口感，配料仲有魚片、豆卜、雞蛋，大大碗超豐富～👉🏻蠔油小棠菜套餐包埋菜就更加健康，小棠菜份量都幾多下，淋上蠔油增加香甜味～👉🏻鮮磨咖啡香滑濃郁嘅即磨咖啡醇厚唔苦澀，唔錯～食飽飽想食甜品，除咗刨冰仲有椰子雪糕、斑蘭蛋糕，都幾多選擇😆🔹斑蘭蛋糕伴椰子雪糕斑蘭蛋糕口感鬆軟細緻，散發斑蘭葉特殊清香～椰子雪糕夠哂冰凍綿滑，入口啖啖香濃椰子味🥥Chatterbox Café✨📍大圍車公廟路18號圍方3樓304號舖

咖喱雞煲配白飯及香脆薄餅 $142雞世界級滑😂 係海南雞飯用既雞，暫時淨係係呢香食過咖喱雞係用海南雞，超驚喜，好有心既一道菜！嗰咖喱汁都好香，配白飯一流😋黑醬油炒鮮蝦蘿蔔糕 $96雖然佢放係小食糕，但佢配得上一個主食，似係平時既炒麵炒烏冬既蘿蔔糕版，超入味！適合重口味人士，好香口，係細細糕既蘿蔔糕，會忍唔住一口接一口，加辣椒醬食應該會更惹味！招牌涼粉日本紅豆椰子冰沙 $54呢杯係我見過最足料既冰沙，啖啖好似食緊甜品多過飲品。首先佢面頭有椰子雪糕，然後飲落嗰冰沙都好似雪糕咁，椰子味好重，係比較杰身既冰沙，重點係入面有原條冰凍既椰子絲，再加上涼粉紅豆，口感超豐富！會列為我最喜愛既冰沙之一🫶🏻 不過佢係唔解渴嫁🫠 要當佢係甜品，如果鍾意椰子既絕對不容錯過！

諗住見到d comments 幾好去試 點知伏伏伏伏伏 試過一次真系喊住走 辛辛苦苦等到肚餓 諗住放假食下好野 點知換黎就系差過茶記質素嘅碟頭飯 d 野食完全唔match 仲差過三餸飯 但收你高級餐廳價錢

Chatterbox Cafe餐廳位於沙田大圍地鐵站上蓋圍方商場3樓,餐廳裝修設計新穎帶有東南亞風情,以藤器木系為主調,設有卡座,座位非常寬敞又舒適,乾淨衛生,柔和嘅燈光,配合綠色元素擺設,餐廳主打東南亞海南雞飯,有多種星加坡菜式供客人選擇,服務員招呼客人有禮。星洲海南炸豬扒配香米飯炸豬扒切片上碟,有車厘茄,青瓜,綠豆作伴碟,廚師用酸甜醬汁淋上炸豬扒,令每片豬扒沾滿酸甜汁,豬扒食落酸酸甜甜,越食越開胃。星洲海鮮炒貴刁海鮮炒貴刁配料有香茜,芽菜,鮮蝦,帶子,魷魚,韮菜,韮黃等,廚師炒貴刁炒到有焦香味又夠鑊氣。特色鹹蛋雞中翼雞中翼炸到金黃色,每隻雞翼沾滿鹹蛋黃,雞肉入口嫩滑兼帶有香濃鹹蛋黃味,越食越好味。雙球椰子雪糕有薄荷葉作點綴,雪糕食落有椰子口感和好有香濃椰子味。飲品有香濃熱咖啡和新鮮熱檸水。

平時行街係好多地方都見有Chatterbox Café,  終於黎到圍方見唔洗等位就入去食喇~~餐廳環境非常舒適, 燈光柔和, 裝潢簡約富現代感, 且充滿東南亞風情食物方面有好多新加坡菜式選擇~~ 好多都好吸引呢特色咸蛋黃雞翼 $72賣相非常吸引!!! 雞翼炸得金黃酥脆, 每隻都有好多咸蛋黃包住雞翼肉質鮮嫩多汁, 咸蛋黃香滑濃郁帶點微辣參巴辣椒炒豆角 $72豆角炒得脆爽, 參巴辣椒醬汁香辣又鮮香~辣辣地好惹味~~ 一條接一條咁愈食愈上隱星洲海鮮炒貴刁 $128份量比預期多, 都算大碟~~海鮮材料有大蝦, 帶子, 魷魚等....全部都好新鮮, 鮮甜又爽呀!!貴刁質感軟滑, 食落冇乜油膩感

新加坡知名餐廳Chatterbox Cafe 進駐圍方終於有機會同屋企人試吓，環境比較闊落舒服 ，員工招呼週到有禮叫左個二人套餐，有一份小食，兩個主菜，菜一碟，飲品兩杯，埋單三百幾蚊文華海南雞飯一直係店內人氣菜式雞肉質鮮嫩，口感細膩，雞皮夠爽滑油飯十分之乾身 香而不膩星洲海洲炒貴刁 油香豐富，鑊氣十足，有大蝦，帶子及魷魚，估唔到仲有臘腸味道更豐富惹味。鹹蛋雞翼 滿滿鹹蛋黃醬，外層口感依然酥脆菜都幾大碟，兩個人食剛剛好

之前係K11 Musea食過佢既海南雞 一試難忘😍所以見圍坊某晚見到唔太多人等位 於是就揀左呢間食 今次就叫左個二人餐$338 因為見到幾抵食甘 有小食、主食、蔬菜同埋野飲👏🏻最後揀左特色咸蛋雞翼（2隻） 勁推介👍🏻雞翼炸得好食唔鞋而且掛滿咸蛋汁 微微既辣味 食落勁惹味😋主食就揀左必回既文華海南雞飯同星州海鮮炒貴刁！海南雞依然嫩滑多汁 都真出色 配搭三隻唔同嘅醬料 可以食到唔同嘅味道😊不愧係佢哋嘅王牌‼️至於星洲海鮮炒貴刁 啱晒鍾意食海鮮嘅小編😍大大隻帶子同埋爽口既蝦 豐富咗成個貴刁嘅口感 同埋都炒得好乾身同好好👍🏻蔬菜我地就揀咗蠔油小棠菜因為另一個係生菜平時都食開🫢正常水準發揮～而飲品我地都冇加錢轉特色野飲 因為小編唔太中意飲野😅最後叫左兩杯奶茶 都香同滑而且仲比埋方糖自己加落去😙食完個餐已經飽左就再冇叫甜品🍧加$58就有個甜品仲好似幾吸引🤩中意食雞既人可以去食下😎

今日和先生過來輕食晚餐，很久沒有在Chatterbox餐廳用膳了，食物合乎期望，是美味的:海南雞飯仍然嫩滑，椰子雪糕亦充滿椰子味道，Pandan蛋糕亦濕潤。意外的是，門口接待員及餐堂的侍應提供了貼心,誠懇的服務，很久沒有在香港的餐廳獲得這種 services 了！雖然久違了，卻不遲，特別多點一些甜品，以示支持值得入OpenRice出post 讚賞。

大圍chatterbox嘅人氣海南雞飯真係好出色！我特地去試咗一次，真係留下深刻嘅印象。首先，啲雞肉好滑嫩，每一口都帶嚟一種鮮美嘅口感。雞肉嘅調味剛剛好，唔會太鹹或太淡，真係令人回味無窮。仲有飯，佢哋嘅雞油飯真係好香。每粒飯都充滿住濃郁嘅雞油味道，令整個海南雞飯更加美味。飯粒亦都好軟糯，同雞肉一齊食真係絕配。湯亦都好有特色，有炸蔥嘅味道。湯底清澈，但又帶嚟一種濃郁嘅蔥香，令湯更加香濃可口。特別係炸蔥，帶嚟一層香脆嘅口感，加埋湯嘅滋味，真係一種獨特嘅享受。大圍chatterbox嘅人氣海南雞飯真係值得一試。

呢間主打新加坡菜嘅餐廳原來新店已進駐大圍環境添上綠葉襯托．相當舒適馳名嘅文華海南雞飯更是招牌菜之一✨文華海南雞飯海南雞無骨啖啖肉以肥美嫩滑來形容 就相當貼切沾上醬汁更美味配上香噴噴嘅油飯 湯裡面仲添加滑溜溜嘅豆腐✨特色咸蛋雞翼雞翼外層添上咸蛋味道油脂豐溢．味道同雞翼好夾✨馬來特色炸豆腐豆腐外層炸得香脆夠乾身亦唔無油膩感沾上充足花生香味嘅醬汁份外滋味見下午茶餐價錢都好抵食下次嚟大圍睇完戲，又有多個選擇喇

之前在尖沙咀K11也食過這間，一直都很喜歡這家的海南雞飯。最近知道這間餐廳在圍方新開了間分店，剛好約了朋友在大圍吃飯，一於就來食呢間。我們兩個人就點了個2人套餐。套餐包一款小食，兩款主菜，一款蔬菜，兩杯飲料，特飲就要加錢。小食我們選了魚餅，有小小辣，夾面包一齊吃，挺特色。主菜當然要選海南雞飯，另外一個就選擇了星州海鮮炒貴刁。我最喜歡就是這個海南雞飯的醬，雞的肉質嫩滑，油飯香。另外這個星州海鮮炒貴刁，料很足，有蝦、帶子、魷魚等海鮮，而且炒得很有鍋氣。我點了個蘋果紅茶不用加錢。這個二人套餐如果是女生就夠吃的。

老公之前在尖沙咀食過，佢覺得唔錯。今晚行街見到，佢就話不如食呢間。餐廳門口好多人，環境都舒服。職員推介新出左d套餐，二人套餐有一款小食、一款菜、兩款主食同兩杯飲品，都係$328，其實都抵食，最後我哋叫左佢。炸素春卷：剛炸起，熱辣辣。春卷皮好脆，菜爽口，點埋旁邊甜辣醬食，幾好。蠔油小棠菜：份量多，小棠菜淥得剛剛好，食落唔會有沙，乾淨爽口，簡簡單單配蠔油已經好食。文華海南雞飯：招牌菜之一，海南雞係雞胸部分，但都算滑，皮薄唔多脂肪，就算連皮食，都唔覺得好肥。油飯都幾香，亦唔覺得好油。星洲海鮮炒貴刁：海鮮有帶子同大蝦，兩款都好大隻，裏面有臘腸、芽菜、蔥同韭菜，其中我覺得臘腸最特別，未試過同炒，整體唔算太多油，味道唔太喊，好夠味道。飲品：我叫左熱錫蘭奶茶，茶味香濃，口感滑，幾好飲。老公就叫左熱檸茶，佢話味道正常。