cafe TOO

营业中

休息中

款式多到眼花花😍五星級酒店環球美食自助餐！👏🏻無辦法抗拒呀😫 食自助餐感覺真係好正🤓卡路里？咩黎架🤔波士頓龍蝦出場喇！🐉一食落口有淡淡的海水味～超級新鮮呀👏🏻龍蝦肉爽口彈牙👻仲有鮮甜嘅龍蝦膏😍食到依個質素的龍蝦bb 絕對值回票價啦😂甜品都好有水準架😍Pancake皮夠哂煙煙韌韌🌮加埋雪糕同芒果肉粒🍨冷熱crossover 好想再encore呀🙃Chesecake芝士味超rich！口感細滑😋如果個胃有多d quota就好喇😂

舊年我嘅生日，我倆係"Cafe Kool"食dinner buffet慶祝，簡直正到痺！今年畀我揀，再揀都係“香格里拉”，不過就選擇咗位於金鐘嘅”Cafe Too"！是晚我倆準時到達"Cafe Too", 港島店明顯地比九龍店grand多了！然而食物種類卻被九龍店比下去！幸好味道質素不遑多讓，話晒大家都係姊妹店吖！就帶大家去睇真啲~海鮮: "香格里拉"必食嘅就係海鮮，我俩急不及待，第一時間走去品嚐波士頓龍蝦，原隻上連一雙大蝦鉗，啖啖肉，肉質爽脆兼有蝦膏！跟住試下"Cafe kool"無嘅麵包蟹，啲蟹膏及蟹肉比較結實，都好味唔錯吖！接住食下長腳蟹，鮮甜爽口！見到有大頭蝦(又係Cafe Kool無嘅)，即刻攞嚟試試，盛滿蝦膏嘅蝦身，一啲味道都無嘅，中晒伏添！呢度反而無生蠔及賴尿蝦！刺身+壽司: 平平無奇，毫無特色，即時被比下去！三文魚，厚身但味道一般矣已！北寄貝，鮮甜爽口！壽司太少款式，又無"Cafe Kool"嘅火熖龍蝦三文魚卷，又無鰻魚、腐皮、赤貝等呢類！熱盤:  種類少好多，又無"Cafe Kool"嘅鵝肝多士,  不過有多款點心爭番啲分數，有一籠大大隻小籠包, 熱辣燙口，皮薄肉汁香

以為自己第一次去。原來黎過。好多甜品，雪糕，雪巴，cup cake, tart等。飲品就麻麻地。楊枝金露最好飲。其他珍多冰同蜜瓜就麻麻地。但勁飽肚。我覺得最好味就係個酸辣湯啦。可以返dull...熱盤有點心，炒面，薯角，魚手指，意粉，炆牛柳粒 等。整體好味。

上次試過自助晚餐，今次放假睇完戲后刻意嚟試埋自助午餐……其實我鈡意環境舒服及服務質素好，當然食物質素都緊要啦今次冷盤有蟹脚、麵包蟹、大头蝦及海蝦，而刺身都有4-5款，當中必包三文魚及吞拿魚啦，其他還有壽司、冷麵、熱葷、上海檔、新加坡檔及印度檔、燉湯、甜品、雪糕……等我本人胃口唔係大，就係鈡意一次過可以食唔同食物多選擇，上次食完dinner buffet 飽到嘔，今次又係…但嘔少咗啦，換句話講即係多嘢食夠滿足啦

心肝椗生日，見到呢間buffet so far 既comment 都不錯，所以決定揀呢間食生日飯最期待係佢既燉湯 同 火焰雪山...一坐低，就開始搵食 😁😁😁海鮮凍盤唔多選擇；先攞左啲龍蝦、長腳蟹、麵包蟹同凍蝦:龍蝦 - 鮮，不錯長腳蟹 - 唔算好大條，食落都okay, 但無乜海水味麵包蟹 - 都算多膏凍蝦 - 麻麻地，唔算好鮮然後見到有和牛粒，切得幾大粒，同有啲over cook 左... 三文魚刺身都算肥美。牛扒無乜特別，但ham 不錯。有燻蛋同醉雞，頗入味。熱盤有個避風塘蟹，幾入味既，但唔係好避風塘 （即係好辣個種感覺）。難得係見到有麻蓉飽，有麻蓉既香味，但就無一粒粒麻蓉既口感...炒飯、炒udon、咖哩都有齊，唔難食。終於出燉湯喇😁😁😁見人人最少都攞兩碗，好似好正咁☺️但我地都驚飲唔晒嘥左，所以都係攞一碗試下。點知一試，查實我自己就覺得個味有啲淡，似係燉唔夠時間、啲料相互之間都未好好溶合就已經要端出來...等左一陣，終於有火焰雪山 😍😍😍呢個不錯，酒味好夠，火焰同雪糕夾埋啲酒味，真係幾好食 👍🏻總括黎講，食物和環境是不錯；但食材質量有點普通、食物種類也不太特別，不太值$6xx 一

今日又尼左香格里拉食lunch buffet,上年都尼食過，咁覺得幾好食，今次又尼啦！呢間酒店做緊個優惠係六歲以下小童免費，咁就一家大細尼左呢度啦！我見都有好多小朋友，閒日尼都有好多人食，今次尼我見食物都有d唔同上次，但都好食的，熱食海南雞飯好好食，甜品都係一樣的好食，海鮮麵包蟹我都食左幾件，今次都有食下所有野，亦都好滿足啦！信用卡優惠有8折，三百幾蚊位，食到好食d又多野食既，都算抵啦！

今天與Honey共渡生辰，選了這間五星酒店的cafe之Lunch Buffet. 不是太貴但又夠grand.Cafe佈置豪華，滿佈美食。長腳蟹～味道鹹香，好味，可惜太多美食，只吃了四保條。魚生～全部厚切，取一次就夠，欠少少新鮮，但品質pass生果區～又是切得大大件唔失禮，蜜瓜清甜，應是一級貨。煙三文魚～味道很好，應是高級貨，可恨只吃了一件，因為太多美食等住我吃了。雪糕有十二款任選～哈根大師甜品～遜色，蛋糕不太新鮮，有點乾。有風乾火腿，沙律吧，串燒，麵包蟹．．．吃得很滿意的一餐。

下午茶自助餐有好多好多糕點和麵包，我喜歡啊！英式鬆餅又香又軟很好吃，連吃了兩個有提子的，配搭的clotted cream也很美味。沙嗲豬肉串燒很好吃，可是後來沒有再出現，只吃了一串。魚生壽司只有各兩款實在太少選擇，不過呑拿魚和三文魚很新鮮。我那張信用卡買一送一加一後每人＄170，在五星酒店的環境吃算扺食。噢！我回家後才又想起沒拍照，我這入門新手還是沒能做到「相機食先」，因為次次都是給食物先吸引住。

今次嚟食lunch buffet, 香格里拉d食物一向有水準有中式西式日式同甜品我最欣賞佢呢個小籠包，真係皮薄，入面豬肉鮮甜多汁，仲多左種豬肉嘅甘香甜品方面都好出色呢個吉士布丁甜度岩岩好，唔會係太甜嘅。真係甜而不漏。另外，一般嘅芝士蛋糕都會比我覺得好油膩。但係呢度嘅芝士蛋糕就甜而不膩，藍梅酸酸甜甜加埋芝士蛋糕，味道很配合。迷你梳乎梨，細細個好得意，表皮熱辣辣又d脆，入面軟綿綿層次好豐富，好食，而且size好啱女仔食。

媽咪生日話要食自助餐~ 講到環境，食物質數，坐得舒服之餘又交通方便，我即時就諗起CAFE TOO啦!  其實我本身就好細食，所以我鐘意去啲食物質數有返咁上下既自助餐，而我媽咪最愛就係食長腳蟹同龍蝦，集合上述要求，CAFE TOO仍我地既不2之選!!其實自助餐食黎食去都係個啲嘢，其他buffet有既嘢CAFE TOO都絕對有齊晒，而且食物質數比較高，話晒都7百蚊一位，味道當然有返咁上下。所以我今次重點介詔吓我覺得特別同埋好好味既嘢!螺片燉雞湯呢個湯，必飲! 碗燉湯落足料，夠清夠滋潤，我每次都會飲成3至4碗架~攞湯攻略: 每晚7:30後供應，只要見到有條人龍出現既時候，就係有湯攞既時候啦!! 唔可以唔介紹呢個Corner，專供應泰國小食，有咖哩，沙律...(總之就好好味啦~)尤其呢個蓮霧沙律，真係超級好味!!! 呢個沙律係將蓮霧、辣椒、蒜頭再加青檸放係個小木碗內"中"碎佢 (上圖姐姐就係整緊呢個沙律了)諗吓都流晒口水，小小甜又有啲酸同辣再配上蓮霧既爽口，食落味道好有層之同口感豐富!最後要提既就係呢個生日蛋糕仔，呢個係我訂台個日同酒店講話呢餐飯係同我媽咪食生日飯, 於是佢地就話幫我準備個小蛋

有海外至親回港過春節，嚮往港島香格里拉酒店海鮮自助餐，於是訂了 Cafe Too 自助午餐，大家餐后都説稱心满意! 店内環境和食物檔分佈得宜，取食物甚方便和舒適。食物首先推介冷盤麪包蟹，愛吃蟹糕的就開心，因蟹糕好多，橙黃色的糕比較實但有咬口和好香，而墨綠色的糕則甘香輭滑。冷盤還有皇帝蟹脚，蟹肉好鮮甜; 蝦有两種: 大大隻的淡水蝦頭有糕，不過唔香，蝦肉亦無乜味道，好睇唔好食，但海中蝦則肉味鮮甜可口。㸃心方面推薦人參灌湯包，一小籠一個包，原籠即蒸，包里的湯有清香人参味，肉醤有鮮肉味，十分好吃。燒味可比美城中著名専門店，义燒肥瘦平均，爽口及味佳，豉油雞輭滑香口及有雞味，燒鵝亦肉嫩可口。西餐烤肉首選慢烤肉眼牛扒，是用原塊超過七磅重的肉眼，牛肉味極濃且香，肉質輭滑，客人可自由選擇牛肉的熟度，由八成熟至五成或三成熟，㕑師都樂意奉上，配用的烧汁味道也做得很好，不會蓋過牛肉的香味。有驚喜的是這里的㗎喱也做很好很香，由印度籍的㕑師主理，用足印度香料和煮法，好有印度 feel。这里午餐也有合時焞湯，湯在下午一時正焞好，鑼聲一嚮，客人蜂湧上前拿取，不過人人有份，今天的焞湯是海底椰焞瘦肉，湯淡口但好清甜，全無

一年一度食阿公, 錢唔係考慮, 就揀了呢間.當日大約五成滿座, 人唔太多, 加上食物擺放位置很多, 可可慢慢望, 慢慢揀, 不用同人爭食物的感覺真好.先食刺身, 三文魚很肥美, 北寄貝都甜, 其他無試佢除咗燒牛肉外, 仲有即燒澳洲牛柳粒, 牛魔王好歡喜呵.印度叻哩香而不辣, 正.冷盤有龍虾, 大虾, 青口, 面包CRAB, 雖然都要排隊, 但不是太多人, 無人打尖, 個個都有耐性地一個跟一個地等.  員工又在冷盤旁努力補給, 保証人人有得食.  抵讚雖然個炖湯不是山珍海味, 但清香好味, 連小朋友都話好飲.面檔師父好好人, 有拉沙湯, 雞湯, 清湯底,  我中意啦沙湯, 但老公話雞湯好香.甜品哈根大師雪糕有8款, 加上PANCAKE 師父勁好人, PANCAKE又脆又好味.  員工衞生意識要讚一讚, 鄰枱的國內人喪食後出現飽到嘔的情境 (真係第一次見), 員工馬上安排我們轉枱並用消毒用品馬上清潔.   整體都很滿意, 下次會再來.

平時食buffet都唔會食到咁貴 今次難得有Gift Cert就可以嚟喇 貴價自助餐有樣野好，就係唔會有人同你搶攞野食，食客都斯文同禮讓 食物方面我最欣賞就係冷盤龍蝦 (新鮮大隻厚肉，唔似雪藏貨)、葡汁龍蝦同埋個燻蛋，好多人覺得燻蛋係平價野所以唔會選擇食，但我反而覺得呢啲餸菜先真正食緊手工錢 我食左4件 凍蝦都好大隻，我平時食既自助餐都唔會有咁大隻凍蝦同埋刺身有北寄貝 可以食多幾片天婦羅係有位哥哥新鮮即炸, 十分脆口兼唔油膩配Parmaham既哈蜜瓜又甜又多汁, 加埋咸咸地既PARMAHAM一齊食, 味道岩晒似係日本貨(當然我唔知係咪啦)小龍包一隻入面有好多湯, 皮夠薄, 要小心辣口鐵板牛柳粒，肉質夠嫩滑，唔會太熟過老，細細粒食多幾粒都唔怕!對食物質素都幾滿意，但我心目中一個自助晚餐係應該要有埋生蠔先至可以叫做Perfect既! 特別係收得咁貴既價錢啦

好一段時間没有在這里吃自助餐了，由於有朋友好想吃優質海鮮自助，於是我帶了他来這店，結果大家都覺得好满意。海鮮方面最好的是凍龍蝦，原隻龍蝦一開二，好大隻兼十分新鮮，多肉又有羔，蝦肉甜美，羔又輭熟，好好食。凍海蝦也十分大隻，每隻應該有三両重，有海水味，肉爽好口感。此外，在日本冷麵的旁边放了一盤辣味紫菜片，與冷麵一齊食，感覺好特别，亦好味。我是無肉不歡的，當然唔會錯過日式鐵板牛柳，厨師將大大塊的美國西冷扒，即煎即切方粒，臨起鍋時澆些燒酒，鑊氣冲天，牛柳粒又熱，又香，又唸，超正。此外，又再去熱食檔拿一片厚切四成熟的燒牛肉眼連骨，好香牛肉味，骨边的肉也被我食得好乾淨。遠處鐘聲响了，即是炖烏鷄湯经己炖好了，於是也不執輸，拿了一盅，湯好清甜，温度又夠晒熱，是極品! 其他值得一提的是即蒸即食的人参小籠包，包里面的免治豬肉渗出幽香的人參味，一定要試下。

因為家庭聚會，已經是第n次來，無奈一次比一次失望。希望在這裡寫食評告訴大家不要去。星期日晚上自助餐比平日貴。。要7百幾包加一，曾經有一絲希望有些好吃的。。無奈沒有。。人參小龍包又厚皮左，無豬肉味。所謂和牛好鞋冇牛味。曾經特別的有乳豬，但唔脆。天婦羅南瓜未熟。中湯冇味。春卷唔脆。雪糕係溶既，未返到位已經溶左一半，梳乎里謝曬，macron 好甜。buffet 到9:30，八點已經唔refill.....唯一可取的是Boston 龍蝦好鮮但好瘦。。長腳蟹好瘦。唔係聚會一定唔會再來，依個價錢可以有好多其他選擇！仲有食到成身汗唔夠冷氣！