cafe TOO

营业中

休息中

今日同朋友黎食lunch buffet😎我哋一坐低冇耐就即刻開餐🍴見到蝦、凍蟹相對多啲人排隊，不過因為太想食所以我都照排咗先，其實又唔係話排好耐😂 見到佢嗰度仲有麵包蟹，都好似幾多肉咁，不過我都係鍾意食凍蟹多啲，所以冇拎到麵包蟹🤭 凍蟹多肉，都新鮮👍🏻呢度種類都算多，除咗冷盤，仲有：日式：壽司🍣、刺身、沙律🥗、天婦羅🍤中式：點心、炒麵、小籠包等；西式：牛扒🥩、羊扒；港式：丸+粉麵🍲、叉燒等；咖喱🍛整體而言，種類算齊，味道都還好😬 不過好老實講，食buffet你要預咗係種類多，但味道唔可以要求太多，除非勁高價啦😂 (同埋睇你對食嘅要求有幾高啦😂)同埋冇生蠔爭咁啲😟埋單因為有HSBC信用卡優惠，有七折，其實最後人均$3xx，食buffet來講都算幾抵👍🏻

今日去cafe too 食自助餐，openrice訂位有85折， 原本我地8個人， 打電話去改9位， 個時有問hsbc 卡係咪會8折， 我地埋單個下佢都係話用openrice 計只會85折， 咁應該改人數個時就提下客人。大家都有d不快。講返食物先，都係失望多，凍海鮮有麵包蟹，青口，蝦同蟹腳， 選擇比較少， 我試左麵包蟹有膏唔錯。冇左沙律bar， 換左細細碗沙律，沙律款式都減少左。 刺生有帶子，吞拿魚，北寄貝，3文魚同8爪魚粒，帶子同8爪魚粒唔錯。熟食，我試左魚同西蘭花， 偏咸。牛扒ok。燉湯係海底椰豬湯都係偏咸， 龍蝦湯濃味。有焗龍蝦但係切碎粒加洋蔥焗，勁似放題既焗蠔。 好失望， 我冇諗過折完都要650蚊既酒店buffet 會俾我切粒上既龍蝦甜品都冇咩驚喜， 最驚嚇既係芒果梳乎里， 唔夾味仲好怪。個朱古力蛋糕個蛋糕底係乾爭爭。唯一讚既係waiter服務好好，但同我對比前幾年食既cafe too...跌晒watt...sorry, 真心冇下次。

今日我慶祝媽生日,來到shangri la cafe too 食buffet, 非常開心，因為自從疫情之後，好耐冇食過自助餐！其實呢排有朋友約我食自助餐，但係好多自助餐依家用剔剔紙，無咁盡興。好彩今日呢度將食物分成細碟，衛生程度不錯！！今日嘅食物唔錯(尤其是甜品)，再加上有1位經理同員工服務態度好好，下次要慶祝又多一個選擇！！😆💕

今日我哋為慶祝爸爸生日，挑選咗去食午餐buffet，因疫情關係大部份酒店自助餐都係以放題形式落單，而港島香格里拉酒店Cafe Too 就用以往自助形式拎食物，當然佢哋有加強防疫措施包括分區排隊、有專人派碟及準備搓手液，出去拎食物要戴口罩， 而且枱上每位客人的白開水水杯都有紙蓋蓋好。酒店海鮮充足，有長腳蟹、麵包蟹、青口及蝦等，長腳蟹供應源源不絕，味道又鮮甜。刺身有5款選擇，包括北寄、 三文魚、帶子、 吞拿魚及八爪魚。魚生還有壽司、煙三文魚等。至於熱盤屬於一般，我都沒有去攞。還有燉湯、點心、小籠包、還有泰國美食及沙律等。點心都有多款包括蝦餃、鳳爪。泰國美食都有多款選擇。當然還有牛扒，普普通通。至於天婦羅區成日都沒有鮮蝦，其他款式都沒有什麼添加。 甜品區位於中間位置，款式都算多，還有多種味道雪糕，甜品可以推介檸檬撻。

因為襯依家lunch buffet 特價關係,所以今次team lunch 我地揀左食香格里拉。cafe too lunch buffet 主打面包蟹,所以我地一開波就食蟹同蟹腳。 蟹腳有鮮味,食落唔會似一般餐廳 咁咁大陣鹽水味, 可能我本身都唔太好海鮮,所以都係食左一件面包蟹,但都啖啖肉。之後就食好多人推介既小籠包,當然冇得同鼎泰豐比,但都皮薄,肉汁鮮美。cafe too最出色係甜品,款式多,但甜品匙係要額外問待應拎,呢件事令我同同事都嚇左一跳。但總體以人均三百幾蚊既價錢可以食到咁靚既環境同服務係一流!

適逢今日係520+本人生日就打左黎book位食晚上自助餐，係網上見到join做會員仲有75折優惠👍🏻👍🏻👍🏻緊係join埋啦，book位既時候仲同左侍應講係黎慶祝生日的，之後佢就話會有小蛋糕送番啦，真令人期待我同老公大確6點幾揸車黎到，係到食自助餐原來會有3小時免費泊車！太好了 唔洗周圍搵停車場🅿️！！準時入到去首先去消毒左雙手先，之後有侍應會企左係到派碟俾客人，所有熟食都有用蓋蓋住，衞生防護意識都做得唔錯，同埋呢到所有侍應都好好招呼，十分有禮貌，值得一讚食物方面最受歡迎莫過於就係龍蝦啦，食落去肉質真係好彈牙，因為真係好食，所以我地都來回排左好幾次其他熱食都有每款試左d ,不過不失啦！但最大敗筆係無生蠔食，同埋刺身款式種類比較少，如果可以有多點選擇就好啦酒店送的生日蛋糕🎂美觀又好味😋侍應仲好熱情❤️幫我地影相📸️

早前去左Island Shangri-La港島香格里拉酒店試tea buffet，之前仲誤會左以為係類似三層架既afternoon tea set，一去到見到係任食既buffet好興奮即刻雙眼發光🤣 哈哈。..要讚下員工先，一入到去除褸同手袋，佢地就好貼心即刻拎保護墊過來披係褸面，以免整污糟。佢地好有禮貌，態度好好。..呢度環境好大好舒服，食物擺盤同裝飾都好靚，食物選擇好多。凍食有刺身同壽司🍣仲有幾款沙律🥗；熱食有點心🥟、魚、咖哩雞🍗叉燒🍖等等；最驚喜係燒賣真係好好食(好食到我特登影左個close up😂😂)同埋有碗仔翅！我真係好耐無食過啦！🤤🤤🤤 好懷念。..小妹我主攻甜品，甜品選擇真係好多！不過我鍾意食既款都係凍櫃入面，要叫人拎😂 都真係唔太好意思，要人地逐款逐款拎出泥🤣 雪糕有8款，都係有專人會整俾你，最後勁飽勁滿足，連晚飯都唔駛食！呢度既tea buffet性價比高，我去果陣做緊有恒生信用卡仲有75折啊！

年三十同家人食午餐自助餐，好耐無食過自助餐所以去 Openrice 睇下邊間酒店餐廳有優惠。見到在金鐘的香格里拉酒店上的 Cafe Too 做緊75折優惠｡ 平均一位三佰多元，貴為五星級酒店的自助餐實在優惠。早一個星期都可以訂到位，真幸運。不過，去到酒店時才知道要做會員才可以享用優惠。餐廳位於商場上蓋，去酒店要通過兩部電梯才可以到達。貴為五星級酒店，裝潢金壁輝煌，經過長長的走廊終於到達餐廳。餐廳地方寬敞，明確地分開食物區及用餐區。用餐區面向玻璃窗，陽光充足，雖然景色只是一般，但空間感十足｡自助餐食物區從門口右邊起是海鮮區，海鮮區不太吸晴，只有青口、麵包蟹、蝦，沒有生蠔。旁邊有刺身壽司區，有三款刺身；每片都切得厚厚的，非常有咬口。再旁邊有沙律及芝士。竟然還有個泰國區。在中間位置就有大大的甜品區，每款甜品都非常精緻，見到都口水流｡ Cafe Too 的甜品款式多，每款款細絔細件可以多試試幾款款。每款甜品用心心製作十分精緻，入口味道不錯錯。Cafe Too 的食物當中，筆者最吓欣賞兩款食物。特色就是每日中午一點出燉湯。侍應通知每一枱客人準備出去排隊，今日燉湯是淮山杞子瘦肉燉雞湯。湯料十足，燉

今晚同朋友一齊黎食，撞岩佢逢星期四既劏魚，今晚劏既係吞拿魚，劏完大家就可以自己攞黎食。佢有中呑位，大呑就無得拎。呑拿魚有魚味，但去唔到日本食到既鮮味。另外有北寄貝，三文魚，鱆紅魚，油甘魚，除左北寄貝，呢間既刺身可以話係buffet級數一數二。凍海鮮方面，龍蝦一定要提，好好食，有甜鮮味，唔係死實實既無味肉。蟹腳都好甜，但無乜refill😭麵包蟹一般，無乜味。今晚最最最好食既係泰式部既蓮霧沙律，我忍不住食左3 runs，好開胃好夾，係大廚獨創。另外，值得推介既分別係:威靈頓魚扒好特別，酥皮香牛扒肉質好叉燒香Tempura好食，有綠茶salt椒鹽炒龍蝦好惹味

今年聖誕，不是太多地方有聖誕裝飾，金鐘太古廣場是比較有氣氛。一家人慶祝生曰，第一次在Cafe Too食自助晚餐，七百幾一位，但質素對得住這價格，海鮮新鮮，有開邊龍蝦、麵包蟹、蟹腳、青口和蝦，全部都好鮮甜，小籠包、鐵板牛柳很好味，魚生也好味，甜品🍮種類多，而且精緻，不會太甜，五星級酒店的環境、服務一流，值得再次惠顧。因為聖誕月，小孩子有抽獎玩，因為慶祝生日，酒店也為我準備了一碟寫上名字的蛋糕🍰，還幫我同家人影相，很窩心😘

臨近聖誕，當然係食自助餐既節奏趁月頭早少少食，避過聖誕既人潮。呢段時間酒店供應海鮮冷盤、主打既甜品同中日泰印式corner。帶子大隻鮮甜，但偏向乾身；日式刺身類有油甘魚、金槍魚、三文魚、八爪魚等，全部厚切，入口肥美。亦有唔少拌好既日式刺身，例如魷魚、三文魚，後者好重洋蔥味，食完個口好大味龍蝦開邊易食，肉質唔鞋，蝦膏唔腥旁邊係泰國corner菜式，青咖喱帶椰香，雞好滑，無乜肥膏；鮮蝦青芒果沙律食落好清新開胃，忍唔住翻兜多轉羊架比坊間偏細小，切除過多既脂肪，入口稔軟不肥膩，但肉味唔算濃厚；酥皮三文魚外面酥脆香口，內裡魚肉好綿又唔腥，對比威靈頓牛扒口感輕盈得黎無咁飽滯龍脷柳、啫啫雞麻麻過麻麻，好鞋酒店定時定候會出熱辣辣燉湯，但成浸油浮面，無咩味，仲衰過茶記燉湯見好多人推介叉燒，但只能形容係普通貨色。反而燒雞翼又香又甜又好味，雞皮薄又香脆，雞肉火候恰到好處，嫩滑飽滿日式鐵板燒即煎和牛，半熟程度，肉香又juicy最出名既甜品，都係最失望嘅一樣樣樣甜到好似直接食糖咁，不了不了。

今日黎食下午茶自助餐。首先去左沙律魚生區，三文魚同八爪魚刺身都好新鮮。蟹籽蟹柳冷麵唔錯，有面包俾你自己夾材料食，揀左帕帕尼個種包，個包好食。冇食壽司。跟住去熟食區，好食既有雞肉串，牛肉串，蝦片，炸魚，咖哩雞，XO醬蘿蔔糕，馬拉糕，豬肉燒賣。仲有泰式泡飯同粉麵，但冇食到。食完鹹食就主攻甜品啦，有好多選擇，可惜水準不及鹹食。最好食係Haagen dazs雪糕，有8隻味，仲可以連埋雪糕筒一齊食，正。其次係士多啤梨撻，意大利芝士忌廉，其它都唔太突出，少少失望。沙律魚生區熟食區甜品區生果同果汁

2hrs Afternoon Tea Buffet款式都多, 中,西,日式都覆蓋到,對酒店黎講，食物味道就普通左D，不過服務態度係好既碗仔翅有啲咸中式點心就真係麻麻地啦🤭🤭中式粉麵大大碗 質素吾差㗎 見住隔離枱食左三四碗炸魚柳,串燒都唔錯三文魚刺身🍣條隊無停過，不斷好多人拎，比人拎到無晒貨😅😅😅之後佢就放啲八爪魚🐙北寄貝刺身，但每人得個刺三片🤨🤨甜品🍮種類好多選擇...有鬆餅,mousse cake,即整既抹荼雞蛋仔&waffle等等雪糕都有七八款味道 水果🥭好甜整體來講不過不失啦😉

九月尾同屋企人一齊黎食Cafe Too既buffet上次黎已經係兩年前喇，仲要係lunch buffet😂Dinner buffet就第一次。適逢香港酒店大減價，當然要食下buffet😋話晒都係五星酒店🏨環境好係expected自肋餐應該有既都有：海鮮🦞、燒牛肉、刺身/壽司🍣、中式點心🥧、甜品🍮⋯我非常鍾意食牛。To be honest, 個燒牛肉就差左少少喇。比較硬，又唔係好重牛味😢我食左一舊就冇再食喇。反而有一味就咁放係碟既牛柳仲好食好多⋯要特別講既就一定係佢d甜品🥰🤤每一款都好出色❤️我最鍾意既係佢個合桃puff, filling好香滑而puff外脆再軟🤤雖然已經食到好飽，我都食左兩個🤭雪糕係Häagen-Dazs 上次黎明明有rum raisin😢但今次冇左 最後埋單3個人$1900（已加一） 下次我應該都會再黎食既 但lunch buffet會抵食d

地方大，每樣試一啖都可以食飽。麵包蟹同長腳蟹腳好鮮味。仲有大蝦同青口。海鮮冷盤可以話係主打，龍蝦好多膏。頭盤方面，沙律、煙燻三文魚、巴馬火腿、水牛芝士番茄等等。。壽司同刺身有三文魚、北寄貝、吞拿魚、八爪魚，亦都比較普通。自助餐必備嘅燒牛肉，肉質都算嫰，旁邊有人參湯包，類似有人參味嘅小籠包。熱葷有薑蔥龍蝦、三杯雞、三文魚扒、炒飯等等，可能因為其他食物款式多，數量唔算多。龍蝦肉質新鮮又夠惹味。中式燒味同燒雞翼其實整得幾好味，特別係乳豬，好快被人拎晒。足料原盅中式燉湯，一搖鍾個個都去攞。粉麵檔可以自選配料同麵條。甜品款式都好多，以蛋糕類為主。有十幾款雪糕。到咗某個時間，甜品師傅會搖鐘，表示開始整火焰雪山 / 雪糕蛋糕，即係將酒煮熱同點火，淋係雪糕蛋糕上面，外層忌廉燶燶哋暖暖地，帶啲酒香，入面仍然凍凍哋，好特別。