A.T.A.S

营业中

休息中

餐廳裝修好靚，有田園風格，好多綠色佈置，令人感覺好舒適~座位有單人座，有玻璃窗可以望到出面風景，仲有沙發座、多人高枱等，一個人或者同一班朋友黎都適合🤣🤣🤣餐牌有好幾個類別選擇，包括小食、招牌、主食、甜品等新加坡排骨蝦麵 $123不愧係招牌菜，湯底好特別，排骨肉好嫩口，咬落幾juicy，蝦好大隻，蝦肉結實，至於啲麵，軟硬適中，幾入味，唔錯新加坡沙爹米粉 $118份量好多好大碟，啲食材比預計中新鮮，特別係個豬肉，超嫩口，魷魚偏爽脆，個汁係最特別，食到新加坡特色，出面比較少見咖椰爆醬 $68推薦！！好好食，個醬超級香，每啖都好滿足，多士外層鬆脆，內層鬆軟，值得叫😋😋😋野飲叫咗咖啡祿同青檸茶~

之前一路聽講有間新加坡特色fusion菜，今日終於喺銅鑼灣試到啦！味道果然驚喜！1. **新加坡咖喱牛腩** 選用嫩滑的牛腩與香濃的咖喱醬慢燉而成。通常搭配米飯或烤麵包，味道香辣濃郁，是新加坡街頭和餐廳都非常受歡迎的美食。2. **叄岜魔鬼魚（Tampak Sari Devil Fish）** 這道菜通常是指用新加坡特有的魔鬼魚配合香料烹調，具有獨特的辣味和香氣。3. **羅惹（Rojak）** 羅惹是一種新加坡的沙拉，以各種新鮮水果（如蘋果、青瓜、鳳梨）和蔬菜混合，加上花生醬、辣椒醬、花生碎和炸麵皮，味道酸甜辣香，口感豐富，是當地非常受歡迎的街頭小吃。4. **斑斕薏米水** 這是一款用斑斕葉（香蘭葉）和薏米製成的清涼飲品，具有淡淡的香氣和清爽口感。常作為解暑的飲料，既健康又美味。5. **玫瑰露恐龍** 這是一款用玫瑰露和其他配料製成的創意飲品或甜點，名字中的“恐龍”可能是趣味的稱呼，帶有花香和甜味，外觀吸引。📍A T A S📕銅鑼灣邊寧頓街9-11號登龍閣地下

Yo! 呢到有無美祿愛好者 🙌🏻🍫我對美祿既熱愛程度係會直接𢳂美祿粉 🥄 大啖大啖食 🤣-😈 咖椰爆醬 😈事實係kaya toast 邪惡版3層輕輕烤過嘅朱古力多士 + 2層🧈內有Kaya醬 + 🥜醬 + 自家製cream cheese醬面層灑咗雨量咁多美祿粉 + 朱古力醬 🍫成單野又夾又好食 減肥呢啲野唔該唔好提(真心建議要2-3個人share呢個罪惡感)-😈 Milo Martini 😈根本就係18🈲版美祿真係無諗過 bailey x vodka x 美祿 🍸原來係咁夾咁好飲 好易入口 完全唔嗆喉-其他菜式都好有水準 大家放心叫野食 😎👍🏻傳統嘅 推介Laksa同串燒 (湯底同自家製沙嗲醬好食！)新興嘅 推介近年星馬好hit嘅鹹蛋黃dishes 鹹蛋骨超good 🫶🏻未食就記得影 // #相機有得食先⚡️

A.T.A.S 係Fusion新加坡菜😋位於銅鑼灣有好多唔同特色嘢食😍環境便舒服，裝修得幾好員工服務都好好👍🏻值得一讚～✨新加坡咖喱牛腩 $168咖喱好香，亦都唔會特別辣，牛腩好林咖喱汁比較多唔同香料，唔同港式咖喱所以食落去好香🤤佢另外有四塊薄餅可以點咖哩食~ ✨Durian over load $98身為榴槤愛好者嘅我🤤而家係榴槤季節，見到Menu有榴槤嘅嘢雙眼發光😍所以就叫咗呢個甜品嚟食入邊滿滿嘅榴槤，加埋麵包嘅酥脆真係好好味😚建議幾個朋友一齊happy share就可以試多幾款唔同嘅嘢😛鍾意榴槤，一定唔可以放過✨Teh Limau $30好清香嘅茶底味，十分之解甜同解渴好食指數⭐️⭐️⭐️⭐️⭐️📍餐廳名稱：A.T.A.S (銅鑼灣)銅鑼灣邊寧頓街9-11號登龍閣地下C2號舖

銅鑼灣呢間新馬餐廳 ATAS 真係帶嚟驚喜連連！#叁岜魔鬼魚絕對係海鮮愛好者必試～ 魔鬼魚屬軟骨魚類，肉質嫩滑，完全冇細骨，啖啖肉食得超爽！面頭雖然鋪滿舖頭自製嘅参岜辣椒醬同洋蔥，睇落好辣，不過唔食得辣嘅絕對唔使驚！因為平時出街食開微辣嘅我都覺得唔辣完全接受到👍🏻 啱晒香港人口味💖#咖椰爆醬邪惡到極🍞 三層烤得脆脆嘅麵包夾住流心咖椰醬、花生醬同朱古力醬，面頭再灑滿美祿粉同朱古力醬，每一啖都係罪惡感同幸福感嘅交織！#黑玫瑰露恐龍少女心爆發💖 粉紅色嘅玫瑰露清香優雅，面頭鋪滿厚厚美祿粉，飲落先花香後朱古力香，層次感十足～

💫新加坡新鮮蝦喇沙一定係飲湯先☺️喇沙湯底濃郁, 少少辣味, 好鬼香, 鮮蝦真係不得不讚, 啖啖肉, 好彈牙👍除左蝦, 仲有魚丸, 豆腐, 雞蛋, 口感豐富, 麵條都有兩款, 一款好似油麵咁嘅質地, 另一款係米粉, 麵條掛起喇沙湯底, 好惹味🤤🤤🤤💫沙嗲雞串雞肉經過香料醃製, 味道鮮美, 肉質嫩滑, 搭配左濃郁嘅靈魂花生醬, 超好味!!! 所以不能沒有呢個醬😝 另外仲有新鮮爽爽黃瓜片中和一下🥤青檸茶(Hot)青檸酸酸嘅味道恰到好處與茶底嘅香氣相輔相成, 每一啖都感受到青檸的清新與茶的醇厚, 好氣爽🥤Ten Lo (Cold)煉奶味比較突出嘅新加坡凍奶茶, 甜度適中👍

今日衝咗去銅鑼灣邊寧頓街「A.T.A.S」掃食，間舖細細但人氣爆燈，試完五款招牌真係想encore！ .1️⃣ 老虎蝦辣椒蟹忌廉醬義大利蛋麵寬條麵掛汁能力滿分💯！忌廉醬辣得嚟帶蟹鮮，啖啖痴住濃醬，老虎蝦開邊彈牙，辣味後勁仲偷偷哋撩你食多啖，邪惡到停唔到手啊～ .2️⃣ 肉脞麵星馬風暴擊！豬肉嫩、肉丸彈、香菇香，重口味粉絲必嗌🌶️！辣汁撈埋豬油香，麵條索晒汁，味濃郁，食完嘴角仲有辣油，要抹嘴先好出街！ .3️⃣ 榴槤爆醬** 榴槤控衝啊！一上枱核爆級香味攻鼻～當造貓山王蓉多到瀉都未夠勁，一刀切開——流心咖央醬湧住出嚟！ 榴槤濃郁撞埋斑斕椰香咖央，甜度層次雙重暴擊💥邪惡度爆燈！ .4️⃣ 美綠爆炸熱量炸彈嚟真㗎🍫！杯面鋪到成山咁高嘅美綠粉，插住Oreo同朱古力脆波，撈勻飲… 哇！甜到蛀牙但爽到痺，罪惡感？食完先算啦！ .5️⃣ 斑斕薏米水解辣救星🌟！斑斕葉清香似椰香但冇咁膩，薏米煲到爆花，微甜冰涼～.總結：濃味控天堂！環境擠但夠地道，記得預時間排隊啊！

呢間紅咗好耐依家先第一次食😂 少見嘅新加坡菜 lunch係抵食啲😋 ❣️辣椒蟹忌廉醬義大利蛋麵 $128呢個係俾佢吸引咗嚟食嘅關鍵😛 我對呢啲東南亞菜Crossover意粉冇乜抵抗力😂 冬陰功意粉係我長期favourite🙂‍↔️呢個辣椒係忌廉汁有驚喜🌶️醬汁有絲絲嘅蟹肉🦀 闊條麵超掛汁 而且幾有咬口🍝配搭嘅海鮮係蝦唔係蟹 對我呢啲懶人嚟講更容易進食😂❣️鴨腿粿汁 $98湯底有點藥膳感覺👵🏻 份量多到食唔晒🫣有一大隻鴨腿煮得夠腍 入曬味肉唔柴🦆仲有豆卜同五花肉 真係勁似肉骨茶🐷粿有啲似河粉但比較闊 滑身同超級吸湯😂❣️Pandan milk tea $25呢個漸變色好靚💚🤍而且真係唔甜🙂‍↔️ 奶香茶香同斑斕味都飲到💕❣️Milo $20美祿味純純正正夠晒濃飲完好精神🔥

銅鑼灣有間好好食嘅樓上星加坡菜餐廳，雖然晚上食物係散叫，但都唔算貴。環境使用白光光線充足，而且座位寬闊坐得幾舒服。黑椒軟殼蝦賣相看似超濃味，色澤偏向呈暗黑色。黑椒味超重，聞落超香。蝦🦐的口感非常彈牙。肉骨茶唔使點醬油都已經夠味，加咗原粒蒜頭味道惹味，湯頭輕微的藥膳味；豬骨煮至非常軟身。蒜蓉炒通菜--味道較濃味，但用大量蒜蓉烹調非常香口的。通菜都幾靚，冇渣。美祿爆炸用美祿沖嘅凍朱古力🍫，朱古力味較濃：加埋脆粒增加口感。玫瑰精華--依款雞尾酒岩女士飲用，甜甜地加了Vodka，但酒精較為淡一點。

銅鑼灣有發現，傳統加Fusion星加坡菜，ATAS。辣椒蟹配饅頭-醬含多蟹肉，有黑松露，有少量蝦米。微辣，同惹味。鹹蛋軟殼蝦-鋪滿鹹蛋黃醬嘅軟殼蝦，啱晒愛吃蝦頭愛好者。鹹蛋黃醬，唔會太鹹，甜甜哋，味道剛好。燒春雞配咖喱-香甜的黃咖喱帶點揶香。佢哋嘅燒春雞做法讓新鮮雞汁精華都保持喺皮肉入便。美祿爆炸-有cereal感，朱古力奶的甜。如此配搭同伴都覺得可飲又好玩。玫瑰精華-玫瑰香氣撲鼻，加埋酒精就更加特別了。總括：嘢食性價比好，環境乾淨闊落，喺附近美食中心嘅選擇之一。

專登黎食海南雞同麥皮蝦，海南雞無特別入味同非常嚡，好失望麥皮蝦仲衰，啲肉梅到爆，完全係唔新鮮。。。搣殼啲肉係痴住晒唔離殼。。未食過啲咁樣嘅蝦。。真係好失望。。杯美綠係幾好飲，蟹肉炒飯同肉骨茶都可以，佢係重胡椒味個種。啲排骨都煲到比較老。但個麥皮蝦實在太差，令到成餐飯個體驗都差咗，無下次。啲姐姐服務幾好，但我朋友生日，直接係佢面前問can we serve the cake now? 有啲奇怪，希望佢哋下次識做啲。

有麝自然香，朋友介紹銅鑼灣一間樓上鋪的新加坡fusion菜，今日同老細真金白銀比錢去食，果然無令人失望！ 雲吞配喇沙忌廉醬：一上枱就聞到濃郁椰香，蟹肉餡飽滿，醬汁似咖哩，但更溫和，帶點南洋風情，食落好滿足。 叁岜蟹肉炒飯：鑊氣十足，飯粒乾身分明，蟹肉份量慷慨，叁岜醬微辣惹味，每一啖都食到鮮甜同香辣，好過癮！ 咖啡排骨：賣相黑黝黝，但一入口就知有驚喜。醬汁甜中帶甘，咖啡香慢慢滲出，排骨肉質鬆化，食多幾件都唔覺膩。 叁岜醬炒通菜比普通馬拉盞更豐富，鹹香帶辣，仲有淡淡甜味，通菜爽脆，一碟轉眼清晒。 老闆娘好熱情，見我哋對醬料有興趣，仲特意介紹佢哋自家研發的醬汁，話遲啲會推出市面。果然正宗新加坡人手藝，連醬料都咁講究，值得期待！ 呢間樓上鋪雖然唔起眼，但食物質素高，味道正宗又有心思，絕對會再嚟幫襯！（唔記得留返張收據……）

第二次食呢間餐廳， 熱量爆炸，印象中有啲餸都還可以嘅，所以再嚟幫襯多次！ 等位/入座： Openrice 訂左位， 唔使等。 平日夜晚七點，感覺上都唔係好多人。 環境： 空間闊落，燈光都好光猛。不過要上一層樓梯先會去到餐廳。 落單/上菜：QR code落單，上菜都算係正常速度。 食物： 燕麥蝦，$188。之前喺新加坡嘅熟食市場已經食開，真還原風味。 不過當然比起新加坡食嘅時候貴啦。 五六隻蝦，賣將近200蚊，自己衡量下。 咖啡骨，$128。 佢應該咁多度餸入面，甜得黎唯一苦到尾。係特別嘅，不過未必係特別到你會想食第二次第三次。 辣蟹肉忌廉醬蛋麵配大蝦，$178 。 你唔講入面又有蟹肉，我係唔會知道。因為佢係有配兩隻大蝦，但菜單冇寫。 味道好食的， creamy但唔油膩。 咖椰爆漿，$68。食呢個就真係考驗友情嘅時候，你真係要同friend share。因為望住啲牛油你係會死的，入邊仲有咖央醬不得了。美祿爆炸，$58 。 反正都係熱量地獄，唔爭在啦。 甜甜甜甜甜，喜愛甜到嘅人會愛死佢。 用餐時間：七點食到九點半。 冇人趕你走，亦都唔係太多人。 總結：適合聚餐分享嘅餐廳。 cp值唔高。好食

呢度菜式有特色，我哋試咗幾樣嘢。首先講下 Bandung Dinosaur，呢杯飲品色彩繽紛，口感甜美。而 Pandan Milk Tea更加有獨特嘅香味，飲落去好順滑。Lime Juice就係一個好清新嘅選擇，酸酸甜甜。接著係 Ngoh Hiong，外脆內嫩，香料味道十足，咬落去有層次感。Chicken Satay，雞肉串燒得剛剛好，配上花生醬，味道香濃，啖啖肉質鮮嫩，真係惹味。Chilli Crab Sauce with Mantou，呢個組合真係非常吸引！呢個醬汁非常美味，加上炸得金黃酥脆嘅 Mantou，一齊享用非常過癮。最後，Salted Egg Pork Ribs，豬肋骨有濃郁嘅鹹蛋黃醬，好香口。

A.T.A.S 🥄@atas_hkA Taste Above Shiok「ATAS」喺個新加坡術語，有「高級」嘅意思🇸🇬 而新加坡人老闆卻以「a taste above shiok」重新定義，而shiok都係Singlish，喺一種「好爽」同「好正」嘅感覺🤓講到星加坡美食，辣椒炒蟹絕對係必提嘅經典之選🦀 但對於懶人嚟講，成日都覺得剝蟹殼又煩又污糟🤌🏼 餐廳一系列進化版招牌菜🎖️ 將辣椒蟹嘅靈魂味道，完美融入唔同小食同主菜入面🌶️奶油麥片老虎蝦🦐嗰層鹹蛋黃醬真係炒至起沙，香濃到不得了🟠 首先一定要吸晒殼外面嘅醬汁，唔想浪費每一啖！至於拆殼方面，由於老虎蝦已經劏開，完全唔使擔心麻煩，刀叉輕輕一撩就可以成隻蝦肉拎出嚟🍴 完全唔需要擔心拆殼會搞到成手油膩🫳🏽辣椒蟹肉醬炸蛋🍳底層係煎到啱啱好嘅蛋，外層金黃香脆，入面仲保留住少少嫩滑嘅質感🍳 而精華就係淋滿晒個蛋上面嗰層辣椒蟹肉醬！用咗超多鮮甜蟹肉，再拌炒咗多種香料，辣度啱啱好，香辣帶微甜，好有層次🌶️ 完全冇搶走蟹肉嘅鮮味✨ 整體feel 有啲似亞洲版嘅煎蠔餅，但係更加高級同濃味🦪Wanton in Laksa Cream Sauce👝呢道菜用咗東南亞