101手工涮涮鍋 (金朝陽中心二期 - Midtown)

营业中

休息中

今日夜晚同屋企人係銅鑼灣行街shopping，行到攰，就諗下晚餐食咩嘢！點知個個都話冇所謂！最後細妹就提議打邊爐，話有間叫”101手工刷刷鍋”佢同事之前試過話唔錯！咁我地一行四人浩浩盪盪行上去會一會佢（溫馨提示：個商場地下有兩邊入口，但記得係登龍街個邊上去先啱，面向時代廣場係上唔到㗎）入到餐廳俾我第一個感覺就係環境好舒服，裝潢簡潔，最重要坐位勁寬敞（感覺好似四個人坐8個人位）之後我地開始睇Menu，先揀湯底，原本職員推薦台灣麻辣雞鍋，辣辣地，夠惹味！但我大妹唔食得辣，所以叫咗個”金蟬脫殼”內有冬瓜，雞肉，清清地，唔錯！之後我地就揀火鍋料！因為張Menu同平時食開火鍋店好唔同！一開始真係有d睇唔明！好彩有職員解釋，最後點咗”手工火鍋拼盤，台灣夜市火鍋拼盤，同2碟安格斯肥牛片，本身仲擔心唔夠食，點知嚟到份量比想像中多，首先我地試一試”安格斯肥牛片”點知一食有驚喜，牛肉味好濃，加上肉質好嫰，入口即溶，抵讚！跟著試個叫”黑松露蟹肉餀都好正，肉汁多而且好重黑重露味，絕對物超所值！另外個盆叫”台灣夜市火鍋拼盤”係一d已煮好既滷水大腸，牛肚等等...只需放入鍋，滾一滾就食得，以前食開既火鍋店真係未食

難得放假同爸爸2人世界去食下lunch！之前有朋友推介過呢間台式涮涮鍋餐廳，一於去試下！估唔到2點幾都仲有好多人食lunch，餐廳大玻璃可以見到海景，剛好當日天色靚，個景完美！午市有2款style選，涮涮鍋/台式定食。我同👨🏻最後決定食涮涮鍋餐，一人一鍋share，涮涮鍋餐每人簡一款湯底配3款配料再加飯/麵，套餐每人包1杯餐飲。再追加2款前菜1.麻醬麻辣手撕雞2.秘制麻辣木耳。麻醬手撕雞沾滿濃厚麻醬香味，木耳大大塊，爽口。1.沙茶湯底配白蘿蔔，蜂巢豆腐，秘制台灣雞件加台灣渝川拉麵。除左3款自選配料外，仲有蕃茄，芽菜，粟米配菜送。沙茶湯底夠濃帶甜，蜂巢豆腐吸晒沙茶湯👍🏻白蘿蔔清甜無渣，雞件嫩滑。2.三杯雞湯配魚腐，花枝丸，魚皮餃加米線。三杯雞湯微辣，花枝丸彈牙😋米線最好盡快夾起，有小小偏淋，整體讚餐飲有多款選擇！好多都好吸引，最後叫左巨峰提子沙冰同熱柑桔柚子蜜。沙冰大大杯！天氣咁熱飲完即刻涼晒！每人人均$60，性價比👍🏻👍🏻下次要再試下台式定食

中秋正日自己兩公婆去行街食飯，印象中最近睇過報導介紹有間打邊爐好似唔錯，咁就去搵啦位置喺金朝陽中心，不過要喺登龍街嗰邊上上到去，就算兩人座位都寬敞，環境舒適哩度算係半放題形式，第一個round 嘅嘢食係無得無限食，食到咁上下職員會拎第二個round 有得無限食嘅menu 過嚟前菜無限添嘅黑木耳同手撕雞都已經幾好味，開始期待之後嘅嘢食果然係唔會失望我地個湯底係金蟬脫殼（即係唔辣嘅雞件）響鈴好大舊，嚇得下人啲牛都幾靚無限嗌嘅8吋長蟹柳應該幾啱小朋友食量唔算大嘅可以喪飲嘢，選擇多，好大杯，好呃like, cocktail & wine 都有得無限飲，cocktail 有啲可以揀不含酒精，正最唔抵係加錢嗌嘅海鮮，份量得好少另外值得讚下佢地嘅服務，主動得嚟唔長氣，個個職員態度都好友善，搵人落單/加水唔洗三催四請，仲要笑容可掬

最近在Instagram 和Facebook等平台都看到「101手工涮涮鍋」的照片，看到餐廳的景觀十分開揚，能好好欣賞夜景，具有酒吧情調，更可任飲酒精飲品如Cocktail ，所以這天便和朋友到來一試。當我們在為今晚火鍋湯底煩惱之際，店員很有心的走過來為我們介紹各款湯底，當中金蟬脫殼是一款用上各種藥材的滋潤湯底，而三杯雞則是比較台式的秘制湯。經一輪忐忑後，最後我們選擇了三杯卜卜蜆鍋，因為想更好的享受，而且也喜歡吃蜆。台式夜市火鍋拼盤，看來101是想把所有台式的食品都用於火鍋呢。當中有不小的滷水食品，滷水也相當的入味，即使放到味濃的火鍋中也仍能保持到滷水汁的特有香味。只是部份的豬、牛雜需要多些時間才能炆腍，吃起來會帶點韌度，也是不錯。101的火鍋拼盤是我非常推薦，只可惜份量比較少。芝士鮮蝦丸很彈牙，入口要小心中間燙燙的芝士汁會溢出，味道很好。太極冬菇上有蝦滑，冬菇香氣滲透至魚滑之中，蝦和菇的香氣夾攻，香口美味。安格斯牛丸中沒有難咬的筋，味道也和一般的牛丸不同，很特別。同時還有黑松露肉丸和餃子，我一直都不太喜歡嗆味的黑松露，因為它會完全蓋過食材的味道，而這些肉丸和餃子的黑松露味道不會太嗆，

101涮涮鍋係近排好hit嘅火鍋店所以我就去咗101打邊爐，慶祝朋友生日佢杯珍珠奶茶叫做不過不失啦，不過我比較推介砂冰系列如果中意熱飲都有值得一讃係飲料都幾多選擇講反啲嘢食，真係唔錯，幾特別！只係無得任食豬,有啲sad 響鈴超大，影相一流仲好脆,真係會心思思，想食多個!魚皮都好味滷水食物都唔錯不過留意反，有好多嘢食都係得1round ! 任食係有好多其他嘢食😂佢哋服務唔錯環境一流，坐得寬敞，仲有酒飲！湯底有特式，嘢食特別，好少有其他餐廳做！用甘嘅價錢算係甘，最基本一定食得飽好過其他啲特色火鍋！完全可以去食！

這個地方實在太good.sunday lunch set$53 平到咁。不但好味，地方靚乾淨，仲有無敵靚景，實在太讚了！$53有野飲又有涮涮麵服務超好，好細心，行左出露台影左兩張相，waiter已經幫我地將鍋同野飲放得靚靚。實在很貼心呀！台灣麻辣湯底超好味。我不停飲。魚皮餃是自己整既，味道唔會好濃唔肥，因湯底太好飲，所以成煲野吸晒味，樣樣都好好食。綠色既翠玉龍珠幾特別，味道鮮。朋友叫左蜂巢豆腐，真係火煲一絕。佢叫既係三杯雞湯底，其實都好好食，不過喜歡辣既我都係鍾意自己果個多d。這裡CP值都超級高。味道、景、服務、地方都係超高級。但收你$53+10%，一定會再黎啦！

係openrice睇下銅鑼灣有咩抵食而且好食嘅午餐，搵到呢間101手工涮涮鍋。要上29樓先有得食，好期待呀。咁午餐餐牌主要有4張，有打邊爐，又可以食set lunch。基本上d餐都包野飲，而價錢都好抵呀。最後，我地嗌左一個打邊爐同埋一個set lunch share。等野食黎個陣，可以選擇走去露台影下相。咁飲品方面，我地分別叫左可樂巨峰提子砂冰同埋忌廉青蘋果砂冰。飲落非常冰凍，非常適合咁熱嘅天氣，倒插支汽水亦都係一個特別之處。打邊爐就叫左蕃茄湯湯底，拉麵，日式芝士竹輪卷，芝士丸同翠玉龍珠。咁湯底好夠味，而拉麵份量好多，$53真係非常抵食。Set lunch就包個前菜同一款餸。我地叫左麻辣手撕雞同紅燒牛肉涼拌麵。食落係有dd辣，但飲杯砂冰即刻舒服哂。紅燒牛肉同手撕雞都好入味。

銅鑼灣近時代廣場附近，有一間係29樓我叫做「101手工涮涮鍋」，上到去以紫色燈光為主，門口裝修好有氣派，餐廳環境好大，座位非常寬闊，而且有海景一望無際，除咗卡位位置之外，仲有沙發位置，而且外面有個露天露台，有幾張高枱可以企喺度一邊飲酒、一邊望風景、一邊傾計，非常寫意。套餐價值＄388一位，首先包含前菜仲要係無限追加，「手工麻辣麻醬手撕雞」同埋「秘製麻辣木耳」兩款帶點小辣嘅味道，食落去好開胃。見到有咁多特色飲品選擇，真係忍唔住要叫幾杯來試吓，當然不得不叫就係我至愛嘅「盆栽特濃朱古力奶茶」，面頭好多Oreo粒粒，飲落去除咗食到珍珠煙煙靭靭嘅口感之外，飲落去朱古力味道非常香濃，好快就飲晒了。之後再叫左「盆栽香芋奶茶」、「熱柑桔柚子蜜」同埋「青蘋果水果冰茶」等等試吓，都好好飲啊。最超值嘅係連「有酒精飲品」都係無限免費追加，真係超值啊。涮涮鍋有10款選擇，由於我哋鍾意食雞煲，所以揀咗主菜係「台灣香辣三杯雞涮涮鍋」，裏面除咗雞之外，仲有好多其他配料，雞好大件多肉少骨，食落去肉質滑嫩，而且入味。另外我哋每人加$58試吓個「時令海鮮拼盤」，包括五種新鮮海鮮，當中不得不提就係「游水大海蝦」同埋「卜卜大蜆

中秋節和同事慶祝，提早訂位留到一間房，高層靚景，環境舒適，經理亦服務周到。五十幾蚊加一有一人一鍋，可選一湯一面三餸連一杯台式飲品，只能說非常抵食。我選了蕃茄湯底，平時好多蕃茄湯底都很淡，一係就好重味精，難得這間蕃茄味夠，食完又唔會好口渴。連個台灣面加三個配菜其實真係飽到行唔郁。更加分既係Menu仲有好多台式飲品，唔係求其咖啡奶茶。 我選擇了曲奇咖啡珍珠，個樣都夠靚，味道都不錯，可惜我不太喜歡甜野，下次會揀下同事叫的沙冰，都好似好吸引。唯一缺點就係一人一鍋，多人就有點熱，建議大家煮熟野後熄爐，會涼一點。

雖然天氣好熱，但都冇減我打邊爐嘅興趣，今晚去左呢間環境吾錯嘅火鍋店。位於金朝陽29樓，上到去望住個景都幾靚，仲要係任食任飲，好爽。嗌左個台灣香辣三杯雞涮涮鍋，我特別嗌左少辣，真係少辣嚟，好岩食，好香好惹味。點了海鮮拼盤，都好多野食，有鮑魚，珍寶桶蠔，鮮蝦，大硯，馬刀貝，全部都好新鮮。肉方面，點了手切安格斯prime grade牛頸脊肥牛肉，好正丫，落呢個香辣湯底之中，牛有牛味之餘，又辣辣地，諗起都流口水。另仲有手工配料，好多都好好食，推介安格斯霜降牛丸，黑松露蟹肉餃。仲有任食任點menu，不過食晒上面set嘅食物都飽死，冇點嗌更多任食嘅，不過都一大張menu，菜丸肉魚都有。整體吾錯，食得飽價錢又合理，幾滿意。

星期日鬆一鬆，約媽媽到銅鑼灣行街食飯，走到鵝頸橋附近看見V Point旁的金朝陽中心2期有很多餐廳，於是上網看看有沒有餐廳可以吃個舒服的午餐。看著大廈水牌，發現101 gill bar + hotpot位於大廈的29樓,Grilled bar一般都是吃西餐的，配合火鍋比較少見，還要是台式的火鍋，於是和媽媽試一試。客𨋢到達29樓的入口Bar枱的佈置已經很新穎和很有格調進入店內環境已經很心擴神怡，四周都是落地大玻璃窗，還能看見維港景色。店員遞上menu,細看上面菜式，真是蔗渣價錢但卻有著燒鵝脾的質素，收費$53，有著一個自選半火鍋麵食組合，還要有多款飲品選擇，在銅鑼灣區有選擇真的很難想像。細看飲品menu,更不是哪些行貨飲品，卻是台式精緻的飲料。於是我和媽媽各點了一個精緻的套餐，在等候的時候已被餐廳環境吸引，餐廳有一個露台，遠眺就是廣寛的維港景色，忍不住便出去走一走也和媽媽自拍在facebook打一打卡，立即心情大開。回到座位，店員已送上餐飲，我們分別點盆栽珍珠奶茶和盆栽炭燒咖啡，真的份量十足。台式飲品一向以甜出名，但枱上兩杯飲品甜度適中，不會甜得牙關打震，兩杯當中我比較喜歡盆栽炭燒咖啡，

經朋友介紹下， 去了一間好高級嘅火鍋店， 叫名「 101手工涮涮鍋 」。餐廳裝修時尚，以紫藍色燈光為主， 配上白色雲石桌，氣派十足。 前菜有《手工麻辣醬手撕雞》和《秘製麻辣木耳》，這兩道都是「開胃」菜， 酸酸辣辣， 味道不錯， 夠曬開胃。 火煱醬料係隨意配搭的， 有蔥花、芫荽、 生蒜和醬油等等。餐廳提供十款湯底，我叫咗《冬瓜卜卜蜆海鮮鍋》，湯底十分鮮甜美味。《手切安格斯Prime Grade牛頸脊肥牛片/西班牙伊比利亞黑毛豬肉片/西班牙伊比利亞玫瑰黑毛豬頸肉》三揀一  喜歡食牛嘅我， 當然要揀安格斯肥牛啦！肥牛口感不错， 有濃郁嘅肉味， 肥瘦適中， 油脂分布平均， 只要煮到七成熟， 再加上醬汁，味道更佳，肉質又香嫩又多汁。加$58有《時令海鮮拼盤》，包括有珍寶美國桶蠔、原隻鮑魚、游水大海蝦、馬刀貝、卜卜大蜆。海鮮又係我之愛， 梗係要「加」啦 ！ 鮑魚既鮮甜又唔韌，鮑魚超爽囗，打邊爐食鮑魚真係正。海蝦大大隻， 十分鮮甜， 滾一滾就食得， 真是 快! 靚! 正!美國桶蠔，肉質肥美，即使煮咗一陣， 都是大大隻啖啖肉， 沒有縮水。 《101特選手工火鍋拼盤/台灣夜市火鍋拼盤 》二揀一我們點了

lunchtime 接老公食個海景 lunch 😂餐廳喺金朝陽二期，喺 timesquare 行過去好近我哋一人一個台式涮涮鍋$58 連飲品好抵食！我嗰個湯底係台灣沙茶湯～三個配料分別係芝士竹輪、章魚餅同沙茶牛肉襯番我個湯底，哈哈 😆沙茶牛肉仲有好多片𠻹阿～其餘配料就每樣兩件老公想食得清啲，就揀咗台灣豬骨清湯佢配蟹粉丸、魚皮餃同唐生菜個菜好翠綠，好健康咁 😛我哋都係食台灣渝川拉麵，特別啲吖嘛扁身啲，麵質好有口感都幾好食 👍🏻偷咗老公啲餸 😂 個餐份量好多都食咗三四碗食台灣嘢一定要飲珍珠奶茶啦深色嗰杯係朱古力珍珠個頂仲有啲 oreo 碎碎，兩杯都好靚好好飲兩個人百二蚊有找，正～

十一放假約了朋友去CWB行下街，點知未行先肚餓😅即刻搵餐廳醫肚！路過登龍街才知道半條街唔同晒！以前兩邊都是唐樓同好多小餐廳，幾時開始起了一棟棟大樓？這新開？的金朝陽中心二期好像有很多餐廳選擇Openrice見29樓那間101 grill bar 好似唔錯，我又想食涮涮麵😼一入去發現餐廳好大間！坐位很寬敞舒服Set lunch 53蚊！好抵！包飲品及三個餸，估唔到CWB做到呢個價貪心的我們追加兩碟小食木耳有少少麻辣又唔會太酸！正！手撕雞是麻辣+麻醬，原來好match!一大鍋好豐富！番茄湯甜甜的好濃番茄味～栗米好甜～估唔到有芝士竹輪😍我最愛，平時在街市/超市都唔覺有得買....薄切的黑椒味台灣腸也不錯~最估唔到是滑牛片份量很多！我好像食了7、8片🙀加錢要了讚岐烏冬好滑！份量好多，飽到反肚朋友點的三杯雞比較像醬油味，有點像濃湯的味道，魚腐一向都好食，蜂巢豆腐推薦！好入味！還有娃娃菜～她點了白飯，滿滿的一大碗...好大盆*盆栽*😋上層是cream+oreo!正近年流行*倒插式*飲品，變相是平時兩杯的份量一杯變兩杯！好抵！終於明白為什麼枱那麼大，貪心點多一兩樣都要小心唔夠位置放😂最後當然頂住肚盡

前幾日同同事咁啱喺銅鑼灣做嘢，lunch就走左上去101食，價錢＄53仲包一杯野飲，同事都話好抵食而且仲有個超級無敵海景。銅鑼灣真心呢個價錢好抵食，性價比超高嘢食同埋湯底選擇都多，＄53可以叫三個餸仲有啲特色野飲添我叫左沙茶湯底，來到既時候望落唔係太濃，但係一路煮着越嚟越香。配料方面我揀咗雞肉鴨胸同埋滑牛，鴨胸夠味道夠厚，雞件好好食，食落去有花雕酒味應該醃過好正。牛肉正常唔錯。最誇張係我叫左個台灣拉麵，佢係超大份，我諗起碼有兩個面底爭啲都食唔晒再加埋佢杯盆栽朱古力飽晒