101手工涮涮鍋 (金朝陽中心二期 - Midtown)

营业中

休息中

餐廳地點位於銅鑼灣金朝陽中心，離地鐵站非常近，步行四分鐘便能到達，地理位置非常便利。餐廳面積挺大，佔金朝陽中心29樓全層，桌子與桌子之間有足夠的空間。餐廳的設計很時尚，進門便能看到酒bar，燈光是很柔和的藍紫色，桌面是雲石的圖案，整個環境很整潔和簡單，給人很放鬆舒適的感覺。前菜是涼拌手撕雞肉和木耳，兩者入味得剛好，個人比較喜歡涼拌手撕雞肉，因為肉質口感適中，調料令人很開胃。共有十個鍋讓我們選擇，有濃味的，也有清淡的，切合不同顧客的需要，而我們選擇了一個比較清淡和養生的火鍋，裏面很足料，湯也很清甜，不會蓋過其他火鍋配料的味道。火鍋配料種類很多，也很足夠，而最吸引的是手工小食類，好吃又很特別，例如太極冬菇，冬菇裏釀了魚肉和墨魚肉，形成太極的圖案，賣相吸引和創新。總括而言，食材新鮮，處理的很乾淨，分量適中，賣相和擺設也很美觀。飲料方面，選擇眾多，大約有30多款供顧客選擇，有酒精和非酒精類。這次嘗試了珍珠奶茶，甜度適中，不過可以小杯一點，很完有點飽。也試了cocktail，味道很清新，冰的分量不多不少，因此融化時也不會影響酒的味道。可惜的是甜點選擇太少，只有兩款，建議可以增加款式，吸引更多喜歡

多麼美麗的香港啊！👍台式的101涮涮鍋餐館又開多一間分店在銅鑼灣金朝陽中心頂樓，呢度風景極之美麗，可以遠眺對岸尖沙咀的聖誕燈飾嘅夜景，維港两岸燈火璀璨，也把東方之珠的夜空映得通紅的啊！👍我諗，有101唰唰鍋嘅美食兼又可在這装飾極為優雅，環境那麼舒適，內外景緻又是那麼美麗的環境伴隨著樂餐的，真係今晚食飽飲醉的同時，定會滿足非凡，快樂無比啊！😍👍😀服務生熱情地介紹着餐牌上的食物，還是用挻風趣幽默的方式來推介的啦！真搞笑！😁👏如此大鍋的食材在內的，有我至喜歡吃的唐芹，紫洋蔥，蟲草花，蕃茄，紅棗，菌菇類，還有块極之一大块冬瓜在鍋的中間泡滾著呀！👏👍雞肉也多得很的，在此季節裏，吃温和或補品都均有益身體啊！😁來杯白葡萄酒及台式蘋果茶，好助更醒胃的呀！😁因只吃了那火鍋內的美食，己夠豐富了啊！👍皇帝菜，豆腐，南瓜，粟米，金針菇等等都是我們的最愛，蔬菜類，極為新鮮，豆腐也滑呀！好！👍😁😁真係意猶未盡，又叫了瓶紅酒，更添浪漫氣氛，望住窗外嘅夜景，更增添多份詩情畫意的啊！👍👍一邊嘆着紅白葡萄酒，一邊食着脆脘魚骨腩，此的脆脘骨腩，有油滋滋香味俱全兼爽爽脆脆的口感！👍👍👍真還想來多份來尽樂享的呀！任飲任食的美食

對放題火鍋一向都有啲抗拒，通常環境、質素、服務都爭啲，所以過往都比較少食任食火鍋。今日同幾個朋友試左呢間放題火鍋，事前睇過評語都好正面，睇左啲相又幾靚，所以都幾期待。呢間火鍋店位於登龍街呢棟幾新嘅大廈，環境方面同一般邊爐格局唔同，比較新派同埋最重要係位於29樓，配埋靚景。當然啦，同平時食開嘅平價火鍋店放題係兩碼子的事，食物有好多選擇，價錢中上，主打台式火鍋我地幾個快快點左個餐，因為都已經好肚餓喇。首先有前菜、鍋底方面有辣有唔辣，選擇豐富，另外套餐亦都包左肉（牛肉/黑豚肉/豬頸肉，3揀2)、丸餃拼盤、即炸響鈴、炸魚皮、飲品任飲、甜品；仲有一大張紙可以任食其他火鍋配料，款式好多，亦都可以加錢配埋海鮮拼盤香辣三杯卜卜蜆鍋：料都好多，有蜆、菜、洋蔥，特別鐘意洋蔥，又甜，好好食海鮮拼盤：有鮑魚、蝦、馬刀貝、珍寶蠔、蜆，全部都好新鮮，好好食，特別係隻蠔，超大隻。58蚊一位，加呢個拼盤都幾抵食手工炸響鈴、魚皮：響鈴好大條，夠新鮮脆口。手切安格斯牛頸脊肥牛片：牛肉好腍身，好重牛味，平時叫一碟手切牛都唔平啦。手工火鍋拼盤：主要係有8款丸類、餃類，都係手工製，見到都覺得吸引。全部都係好新鮮，特別係流心芝士

天氣涼涼地，冇之前咁熱辣辣，又可以回歸我最愛嘅火鍋，最近麻辣鍋大行其道，但多食都冇乜新鮮感，今日去到位於銅鑼灣嘅金朝陽，一行四人訂左呢間101試試，網站清一色好評，所以都幾有信心。收工過到黎八點多啲，餐廳位於大廈29樓，一出電梯已經好快有店員招待。店內位置非常大，有卡位、梳化位，亦有房間供應，落地大玻璃，居高臨下，景觀一流，人多可以預先訂位。另外設有戶外位置，方便吸煙嘅客人，又或者唔吸煙嘅客人也大可出去吹吹風，飲杯野，隱約望到過對面海，加上微微涼風，幾舒適餐牌供應【無限時任飲任食套餐】，基本係包括前菜(無限追加)、鍋底(2-6人選一款鍋)、肉類(每兩位一碟)，另有手工火鍋拼盤(人頭份)或台灣夜市拼盤、一份手工炸響鈴卷及炸魚皮、飲品、甜品(人頭份)，另外有精選火鍋配料超過30款可無限追加，有肉類、魚腩、丸餃類、蔬菜、麵食等。如果鐘意食海鮮嘅可以每位另加$58有五款海鮮拼盤。醬料 $15/位 (基本嘅都有齊，個人特別喜歡XO醬，夠哂香辣)前菜 (麻辣醬手撕雞、麻辣木耳)前菜無限追加，兩款都好食，木耳夠哂爽脆，帶微微麻辣，夠哂入味手撕雞更容易入口，唔會好麻辣。台式香辣三杯卜卜蜆涮涮鍋鍋底有1

瘋狂打call！午市抵食之選！一定要12：20之前到，否則就要等位了。。我們1：30出來的時候門外排滿了人。。午市可以選打邊爐或者午市套餐，兩種都送無酒精飲料。打邊爐有三餸一面：邊爐裡面加了台灣面，味道實在太完美！午市套餐包括一個小食（三選一）+一個主食（三選一）：我們點了兩個套餐，分別是手撕雞+豬兒和三杯雞+紅燒牛肉麵，配珍珠米白飯。有小小鹹，配白飯剛剛好。飲品選擇很多，整版無酒精飲品都可選：我們分別點了盆栽珍珠奶茶和愛文芒果沙冰：不要太划算啊，在其他cafe這麼一杯起碼40+港幣吧……珍珠奶茶上面有奧利奧碎和cream，有小小膩，好在奶茶本身不是特別甜。珍珠一般般，有點硬，不過可以忽略掉哈哈。四個人剛好做在卡位，旁邊就是無敵維港海景，用ip隨手拍了一張，用餐體驗不差于人均過千的西餐廳哈哈哈~最後再說一句：一定要12：20之前來，除非你想等位！！！

從來冇諗過打個邊爐，都可以俯瞰香港嘅夜景! 記得細個有齣戲講，男主角喺情人節約咗個女朋友打邊爐最後鬧交收場!我夠膽講呢間嘢絕對可以打破呢個局面!就係101刷刷鍋平日$398任食，唔算平但望埋出面呢個景物有所值啦~但世事嘅嘢好現實，冇嘢可以望吓就飽~所以都係要啟動胃部!但係當我嗱起支筆嘅時候，見到張任飲嘅Order紙冇酒精都有成21款俾我揀... 咁我冇理由唔試㗎呢杯盆栽特濃朱古力珍珠!真係唔簡單朱古叻愛好者請勿放過!朱古叻味勁濃又唔太甜飲落一啲都唔漏（即刻有種去咗台灣cafe嘅感覺）神呀~我嚟打邊爐㗎咋回魂之後叫返個金蟬脫殼湯底先（內容有冬瓜，滑雞，蟲草花仲有啲豆卜什菜）呢個黑毛豬要介紹吓，食落有種爽口嘅感覺肉汁非常濃厚 好味!呢個炸鈴鈴，好明顯係呢間餐廳自己炮製!超大size炸得好脆~海鮮都十分新鮮雖然係任食，但上碟都放得好靚,一啲都唔求其芝士蝦同墨丸特別彈牙下次結婚紀念日約下老婆嚟嘆吓先

平時慣性帶飯，點知同事話60蚊打邊爐，仲話飽到嘔，實在太吸引！放棄咗個飯盒，跟同事黎試下點樣飽到嘔！環境超好，對住海景食Lunch，心情都暢快啲！Lunch set包湯底，飯或麵，三款餸，仲有埋飲品，真係好！抵！湯底揀咗三杯雞，辣辣地，好野味！如果唔食得辣嘅話，就記住叫小辣！麵款有幾隻揀，我就揀咗個台式拉麵，麵底好多，食極都唔完！餸方面揀咗雞件，花枝丸同芝士年輪。三樣都好味，雞件係必食！飲品好多選擇，所有都唔需要加錢。揀咗巨蜂提子沙冰跟雪碧，味道好好，但係沙冰唔夠沙。Lunch time都幾旺，因為價錢平，食物質素高。所以如果黎嘅話最好book位啦！

之前朋友介紹食午餐，因食物質素和價格十分超值，所以分別光顧兩次，一次兩人，一次三人，各分別安排入座二人和三人枱。今天跟父母三人再次光顧，卻說公司新規矩須安排二人枱。這根本就是不可能的，坐得舒不舒服已不是重點，最主要是二人枱根本放不下三套爐具和三份餐具。侍應表面有禮道歉，但直接就說「如果你唔滿意可以選擇唔食」。所以說如果不是兩人或四人光顧就要忍受，如此待客簡直不知所謂，不吃就不吃，反正他們覺得客人多，少三個人不少，奉勸三人用餐的朋友不用去了，以免一肚火。

這家101手工涮涮鍋是我想去很久了！一直都沒有空去！難得這天是男人說不如去試試看，因他發現這家是任飲cocktail，紅酒、白酒、啤酒的！基本上來HH 加邊爐是非常prefect的！一看便覺得是新派的餐廳haha我們被安排坐左露台附近的桌子，由於這天很大風，其他客人一出一入便feel到很冷haha但最後還是有外出拍照，是打卡的好地點這裡只有一個餐，就是半自助打邊爐 ＄398一位！店員推介台灣香辣三杯雞卜卜蜆/冬陰公卜卜蜆海鮮/清清地金蟬脫殻湯底，最後我們選了第一個！首先店員給了醬料待我們自己調味～台灣香辣三杯雞卜卜蜆內有大量卜卜蜆，豆卜，菇類，菜類等等，我們叫了小辣，但都有點覺得辣！所以沒有叫到菜吃，怕更辣，下次要叫清清地的湯底才行！前菜有手工麻辣醬手撕雞及秘製麻辣木耳兩款前菜都辣辣地，但非常開胃，我們還encore了兩次追加$58 時令海鮮拼盤有珍寶美國桶蠔，原隻鮑魚，游水大海蝦，馬刀貝及卜卜大蜆！全部都很新鮮！可以再encore！手切安格斯Prime Grade 牛頸脊肥牛片2人只可選1份肉，我們選了牛！這個牛很薄，一放入鍋中便很快熟了！而家這牛肉是很有牛味，不會不新鮮！台灣夜市火

係銅鑼灣返工，要搵一間中下位價錢又吃得飽肚既餐廳真係唔多。一早就聽同事話呢間餐廳嘅lunch set抵到笑，但係唯一問題就係中午時間人好多。如果真係準時一點到餐廳，已經要等上15 - 20mins的時候，雖然上菜係好快，但係只有短短半小時的享用時間，真係熱了口又熱了自己......雖則等位失敗了一次，今次決定再早ＤＤ去。12:50準時到達，但都係人山人海，不是今次決心等下去，20mins後準時入。因為之前已經睇好個餐牌，已經有哂心水要吃咩野，一坐底二話不說地落好單，要慢慢欣賞周圍的環境。位於金朝陽二期29樓，景觀開揚又舒服，自然光好充足。感覺HKD55的lunch 又包特飲，真心超值。＃蕃茄湯底，台灣雞件，日式芝士筒x2舊，蜂巢豆腐x4舊，台灣拉面其實配菜上已經有豆牙，蕃茄x2舊，叔米x3舊。感覺上已經很full了。蕃茄湯底：味道岩岩好，本身以為蕃茄係因為我個湯底而有，但原來係配菜。佢地蕃茄湯底係用蕃茄容，都吃得出係有蕃茄湯底的感覺。台灣雞件：必點之選，份量都好多，雞好滑同好入味。日式芝士筒：呢個冇得輸，因為係我嘅最愛。軟軟的外皮包住融左嘅芝士，香味一流。蜂巢豆腐：呢一個係睇網友提議的

同同事吃個午餐，本來大家心情很好。因為這間店舖價錢適中，味道幾好，以鋼鑼灣區來說都已經是100%👍🏻。可惜店員態度很差！冇禮貌。事情係店員攞個pot都要客人自己拎，仲要語氣十分差！

一班女人其實都係打邊爐夠feel 麻甩系列之前因爲promo任飲任食 加埋靚view 試過book但好full 呢次提早一星期 終於可以食到但係個plan就轉咗 $4xx 冇時限 質素真係唔差 服務好貼心 嘢食都新鮮 飲品仲好靚 仲幫埋fill酒 成支攞都得！牛頸脊 （除咗牛/豬海鮮refill要加錢 其他都任叫）5個女仔食 都好多嘢最後waiter仲幫我哋出outdoor影張 仲要包靚 大家快d去試下！

101好似就係台灣一個象徵，好多餐廳都鍾意加101去改名！101手工涮涮鍋就係其中一個，係香港已經開左兩間分店，今日終於book到位了成日都會full booking，真係一位難求。餐廳位於29樓，可以望到香港夜景，如果一大班朋友黎可以坐埋窗邊位~~~~~~~~~~~~~~~~~~~~~~~~~~~~~~點餐時間！！------------------------------餐廳係以任飲任食既形式經營，但當然都唔係所有食材都可以！星期一至四就$398一位，其實睇到包既食材都唔會覺得太貴唔抵！101 craft beer 手工自製啤酒味道唔算太濃，好易入口好順。好少飲啤酒既我都覺得唔錯。盆栽香芋珍珠雖然知道係香精調出黎既飲品，但係黎到台式餐廳無理由唔飲。面層有大量餅碎，蓋住一層厚厚既cream。口感更加豐富！珍珠好軟糯夠哂甜，香芋味岩岩好，唔會太甜又唔會太稀而無味手工麻辣麻醬手撕雞&秘製麻辣木耳手撕雞麻醬好香，加上青瓜唔會好膩。木耳好大一件，醬汁帶有少少辣，好惹味。而且係可以無限追加台灣香辣三杯雞涮涮鍋(小辣)好大一鍋，鍋內已經有大量底料。點左小辣，如果食到辣既朋友，台灣既辣唔好太期待，

不嬲都喜歡去有海景既餐廳食飯，但有海景的餐廳通常都係西餐，點知依家可以睇住海景食火鍋，即刻去試一試好彩早去到，可以坐近窗邊，欣賞住香港夜景，慢慢揀野食其實外邊又個露台 好似roof top bar 咁 好正！食到飽飽出去行一行又可以繼續擦～一人揀一個 398 無限時任飲任食set問店員邊個鍋受歡迎，她話多人揀台灣紅燒牛肉鍋小辣， 就試試佢啦！ 肉類揀了比較少食的西班牙伊比利亞黑毛豬肉片 都有10幾塊 2人食剛剛好 不會太多101特選手工 和 台灣夜市 火鍋拼盤就 一樣一個 包埋一份超巨型 手工即炸響鈴卷和魚皮,  超好食!! 浸一浸湯, 索哂D 味, 仲要勁脆咁多野食 都好似唔使追加再點埋野飲，選擇困難出現了 好彩可以追加，結果叫左3round！d野飲好新潮 唔洗再飲酸梅湯和茅根精！！！個煲來到 好多配料！！！ 淨係牛肋條 都有5-6條！d黑毛豬肉好甜 好爽 不肥膩 火鍋拼盤睇落好小 但絕對係小吃多滋味其中黑松露蟹肉手工餃 和 黑松露芝士豚肉餃 最滋味！未試過  有意大利雲吞O既感覺, D皮好爽滑, 肉餡鮮甜又有黑松露味, 如果個胃有無限空間 一定encore可惜唔食到太多野 只係加左