龍苑中菜廳

营业中

休息中

呢度嘅菜式係好穩定所以嚟呢度食野多數好放心招呼朋友亦唔駛擔心食物或招呼失凖=====片皮鴨=====好重視點樣切呢個一定要讚一碟皮一碟皮加肉再加埋二食 鴨鬆=====花膠鵝掌=====足料好入味今次唔記得叫佢用煲上好似有鑊氣啲=====蟹肉薑汁炒飯=====米飯炒得粒粒分眀亦有好多蟹肉最緊要唔油=====炸子雞=====招牌菜肉質好滑雞皮脆連伴碟嘅蝦片都脆=====紅棗薑汁糕=====即叫即蒸非常軟綿綿甜度適中

簡單講😎龍苑啲齋好食過啲肉幾倍嗱利申唔記得餸名第一個上湯竹笙加菜啲料靚到呢🤓個竹笙之好食真係講唔出口😋啲菜唔苦個湯唔會好咸入口又順哎成個人醒曬😎第二個露筍炒菜個露筍又係甜爆唔苦炒得啲菜又脆又翠脆口爽口鮮甜再讚埋兩碟啲菇有浸乾貨嘅香味又唔係噏味加左一層鮮味俾佢😋😋😋第三個都係好食又係菇做MVP真係好正啲菇個腐皮嘅朋友都好有豆香原味得嚟又唔反感跟住個炒飯又係乾爽又香口啲菜片又係夠脆口唔會腍滋滋咁係真係唔錯🤓跟住呢個我好似冇乜點食不過我記得啲齋參齋肉好難得冇令我反感冇豆腥蒟蒻腥尾尾個蛋散又係正嘅香脆酥而冇萬年油溢味個蜜糖仲啱啱好真係唔錯😂結論：去龍苑食齋唔好食肉😂

冇錯，好耐之前嘅生日飯post終於出由於餸有啲多所以分兩篇✌🏻劈頭講句，有啲overrated😂😂😂😂😂😂😂😂😂因為其實都有啲貴本身expected more講講頭版個賽螃蟹啦喺我認知入面呢賽螃蟹要有蛋白、魚肉/帶子絲同埋一粒蛋黃嘅呢個嚟講呢個調味有啲啲淡啦唔緊要本身佢係應該淡味嘅不過😂爭咁個蛋黃其實真係成色爭好遠可能有衛生(食安)concern 啦我唔知總之冇咁靚仔啦同埋就算唔執著個黃呢佢都炒得有啲水同埋口感未夠好個人係覺得失望嘅🥲跟住係叉燒啦😂冇記錯佢係寫黑毛豬嘅而本肥對上一塊食嘅黑毛豬叉燒係好厚切好肥美同埋好好食嘅😂(唔洗問喺邊喇執左🥲)所以佢呢😂就有啲尷尬嘞😅瘦叉我唔反對嘅但真係少乾🥲跟住嗰個叫花雕龍躉蒸蛋白um，，，，其實幾好食😂幾補身我覺得不過個龍躉唔係好龍躉唔識形容印象中嘅龍躉會再彈牙啲同鮮味啲😂咁囉跟住嗰個係帶子荷葉飯😂勁多帶子😂小happy飯都有炒過吓嘅我就覺得，，，都唔錯嘅都係淡左啲咁囉😂跟住係牛柳粒都😂好食嘅不過佢嚟嗰陣啲飯未到冇得送飯😂小可惜後面個糕應該係薑汁糕印象中is 唔錯(梳唔記得左咩味😂)

人生得意須盡歡💃🏼🥂又到我最愛的蟹季🦀😋😍2021第一餐大閘蟹 揀嚟揀去 還是覺得你性價比最高😁Holiday inn龍苑 雖然得一隻大閘蟹 ，但係好味嘅一隻就夠。唔夠既你又可以單獨叫😂但我食得慢，佢拆好哂做蟹黃的小菜，我就啱晒。蟹粉小籠包 勁多蟹肉燕窩羹😋真係多蟹肉到不得了炸魚柳配蟹黃 米通又配海鮮蟹黃 包尾仲嚟多個芝麻湯圓(仲好夠薑味)性價比高嘅原因 仲有加$𝟏𝟎𝟎一位，就可以紅白酒，啤酒任飲😍可惜無仼飲花雕，這是美中不足的地方🤣食咁多，飲咁多，先講緊$600/位。抵啦👍

星期日心血來潮想食蟹宴，各區都訂唔到位，見呢間有位所以嘗試下。叫咗蟹宴套餐，燕窩蟹肉湯羹足料，但個人覺得偏咸，蟹粉小籠包小湯汁而且冇味（真係咩味都冇😅），套餐內有一味斑球，似乎同蟹又唔係咁夾😅 主打大閘蟹亦冇驚喜。炸蝦同窩巴，同用左同蟹羹一類既食物茨汁，覺得有啲悶欠新意。用餐期間侍應都有6-8人，不過回應客人要求就唔算快，有啲甚至視而不見。酒店內食中餐，會祈望有較好既服務態度同食物質素，個人覺得呢間就唔到酒店級水準

蟹逅在龍苑大閘蟹🦀季節又到啦今年比起往年 算遲左起步🤣今年開鑼唔響屋企自己蒸，試下出面嘅質素先揀左龍苑，佢每年都會出大閘蟹套餐華麗「蟹」逅 $498/person生拆蟹粉小籠包 —— 每人只得一粒 蟹粉擺係面 食落去味道同普通小籠包差唔多 蟹粉蟹肉高湯燴燕窩——好出色 啖啖蟹肉同燕窩 唔會好似紫蘇蒸大閘蟹——五兩，都算夠膏，但唔算好香口，白膏亦未係張口吉列越南虎蝦球配蟹皇醬——脆口蝦滑 蟹皇醬用料豐富 調製出嚟嘅醬好濃郁 而且金黃色😍鮮淮山胡椒高湯浸斑球——嚴格來說應該係斑塊 超大塊 食左咁多蟹 呢味non-蟹味嘅魚可以當中場休息🤣蟹粉海皇窩巴——同一個醬 不過有多啲海鮮 有帶子 蝦 同斑塊 佢中間個斑球安排得啱哂黑糖薑茶湯丸脆皮燒腩仔雖然自己買返屋企最抵食 但出去食唔使搞場大龍鳳 唔使洗碗 又有得食下各樣蟹製小菜 一年一度都係唔錯嘅選擇☺️

Today we went to 龍苑 to celebrate my mother's birthday. It was convenient location wise. It offered good value for money, especially if you join its membership scheme.Dim sums were very good. We tried shrimp dumplings, abalone siu mai, char siu rice rolls, pineapple char siu buns, truffle dumplings, spring rolls, etc. All tasted very well.We also ordered some other dishes and fried rice. All were of high quality and yummy.The free xo sauce was a bonus. Tea was very good.

與朋友慶祝生日飯，朋友想食片皮鴨🦆咁我就諗起不如去龍苑試下所以一早已經打電話去訂位順便叫佢地預留一隻片皮鴨🦆比我地位於尖沙咀地段，很少找到安靜又高質的餐廳我地點了👇🏻片皮鴨🦆1隻 （兩食）生菜包鴨崧花膠燉響螺湯芝士焗波士頓龍蝦（稻庭烏冬底）遠年花雕蛋白蒸龍躉球黑松露野菌炒蘆筍原個菠蘿咕嚕黑豚肉片皮鴨係我地既至愛🥰芝士焗龍蝦🦞原來用烏冬做底係咁入味，啲烏冬好滑😋，第一次試好好味👍🏻花雕蛋白蒸龍躉，啲蛋白好滑，而且龍躉唔會有骨，最怕食食下有骨插著，係之前既恐怖陰影😂。啲龍躉都煮得剛剛好，唔會鞋。好味😋整體黎講成餐飯幾好味再加上我地成枱都係美女，所以服務好周到多謝服務員咁照顧我地😆呢餐我地5個女仔都食得好飽🥰加上我有會員優惠，成餐飯都好抵😆📍龍苑中菜廳 地址：尖沙咀彌敦道50號金域假日酒店低層1樓環境／設施：位置超級方便，係彌敦道入口落一層就到了！特色－片皮鴨好好味😋，仲有蒸蛋白都好好味👍🏻人均價格：$400評分：👍🏻👍🏻👍🏻👍🏻👍🏻

點心非常一般，粉麵飯差，不會再光顧似中價酒樓，衛生都一般，最好就係枱與枱距離濶，同價中歺會有更好質數，附近其實有很多選擇，作為酒店內中歺廳，應該要改善下食物質素！

又同高太去staycation ，今次package 包一千蚊dinning credit 甘就試一試酒店既中菜廳先一入到去龍苑就見到隔離有個宮庭式既梳化好似又幾有氣派枱同枱之間距離都幾夠，我地今日可以坐到二人卡位首先嗌左個叉燒同嗌左枝酒食住先唸再嗌咩食依個例牌既叉燒要$268蚊，見到個價錢，就滿心祈望個叉燒既質素不過食落就真係無咩特別同出面燒味鋪既無咩分別黑松露什菌炒露荀炒得正正常常，無咩特別葱油雞我唸住係黃油雞，點知係豉油雞不過葱油味唔多夠，但係隻雞都幾滑既三個餸一枝白酒加埋要千二蚊真係貴左啲，食物又唔算太出色

早個多月前的訂位，訂D區，竟然安排B區，要分開2枱，明顯俾咗其他人。太差差差。食物只是尚可，帶子比一蚊仲細。明明是按位上，只係得龍蝦,羹, 飯,糖水上. 其他按一盤上出菜後再分2盤, 勁差!5百幾蚊位唔值。洗手間衛生差,一灘水,一唔小心就PK!酒店中菜廳下等水準!

呢間位於彌敦道50號金域假日酒店低層1樓，龍苑中菜廳，最方便從彌敦道入口、電梯落一層，直行便是龍苑大門口，因為疫情關係，進入餐必須登記的，因為家人入左會員，所以第一次去龍苑飲茶，款式很多，我地叫左蝦餃、鮑魚燒賣、鳳爪、豉油皇銀芽炒腸粉、菠蘿义燒餐飽、蘿蔔絲酥餅、芋角、鮮蝦腐皮卷、XO醬蝦球炆伊麵，每款點心都好好味，酒店服務亦很好，地方環境很舒服。提提中菜廳XO醬、辣椒油或辣椒醬調味料都好好味，配以各款點心味道更佳。

好失望好差，兩年前黎過幾次飲茶感覺非常良好，兩年後食晚飯感覺完全差天共地，服務態度非常差，間餐廳唔算大，伙記又唔算少，想叫個人加水個個好似時運高睇你唔到咁……酒店收費但一般酒樓食物，就算AE card八五折後都唔値

好幾年前同朋友黎食，覺得啲點心好好食。今年黎過兩次，兩次都覺得自己食緊啲垃圾。上一次係年頭下午兩點黎，啲點心又唔熱，皮又厚，個蟹粉小籠包衰過超市買返黎自己整熱果啲，黑芝麻煎堆完全唔流心，以為係兩點鐘關係，得返貨尾所以甘。事隔半年多，諗住比多次機會。今日正常lunch 時間再黎幫襯下，同樣地，啲點心皮厚到嘔，xo 醬蘿蔔糕無xo 醬味，芋角又唔熱又無芋頭味，無一個點心合格，又貴又難食！我以後唔會再幫襯！講完

我們全家都喜歡這間中餐廳，多年来都捧場。過時過節就來龍苑家庭聚會。間中約吓朋友飲茶。每年都renew會藉 直至疫情嚴重才減少外出吃飯。最近每星期都在這裏飲茶,點心燒味和炒粉麵都保持水準！不幸昨天午餐幾乎樣樣中伏😱鳳瓜一噚雪味，义燒和油雞與普通燒味店無異，干炒牛河油淋淋冇味道, 究竟發生咩事？是否換咗廚師?希望餐廳檢討下！