黃埔小廚

同朋友聚聚想食到大排檔風味，但環境都好重要新開位於黃埔 黃埔小廚 主打鑊氣小炒、生猛海鮮料理等多元粵菜，將就黎失傳傳統菜式再一次呈現另外好似我唔太飲傳統啤酒就岩晒～有提供本地釀 吹啤啤精釀啤酒 🔸傾城 基底帶有百香果果香，花香ge after taste 都幾突出，幾岩女仔飲！🔸小麥蜂 帶有小麥香氣同橙皮清新感覺，散發出淡淡橙花味道🔸懷舊芝麻雞今次過黎呢度主要為呢道手工懷舊菜，可以話大部分都係高級食府先能夠搵到，舖滿芝麻雞皮酥脆香口，肉質嫩滑🔸蜆蚧鯪魚球鯪魚球炸過質地香脆彈牙，沾上帶超肥美大粒蜆仔蜆介醬食唔停口！🔸豉椒炒蟶子蟶子肉厚鮮甜大大條，夠鑊氣用豉汁炒最適合不過🔸鐵板黑椒牛仔骨鐵板上熱辣辣令黑椒汁滋咋響，牛仔骨入晒味都唔靱…查看更多

黃埔小廚出名有鑊氣、帶有大排檔風味嘅粵式餐廳🍴，知道佢地嘅懷舊芝麻雞非常出名，今次黎到呢度，果然名不虛傳，食完真係舔舔脷😋仲有其他菜式都好好味，聽到廚房開爐炒菜嘅聲音，彷彿置身於大排檔一樣，當然唔少得黎枝吹啤啤手工啤酒🍻啤一啤啦，小菜同啤酒🍻係最佳拍檔呀嘛❤️懷舊芝麻雞🐔風乾過嘅雞皮非常薄脆，需要多重工序製作，再鋪上芝麻風乾，口感非常惹味，心機之作👍🏻雞肉帶有少少鹹味，第一次食芝麻雞🐔，原來咁正😍需提早預訂，好彩我地有訂到🤩聽到隔離有幾張檯落單時，同餐廳職員查詢落單。鐵板黑椒牛仔骨🐮上檯時仲可以聽到「滋滋」嘅聲音，牛仔骨煎香，配上黑椒，配啤酒🍻一流。配菜有洋蔥🧅、三色椒🫑，沾上牛仔骨煎香後的汁，香口美味。柚子蝦球🦐爽口彈牙的原隻蝦球炸過之後，沾上柚子汁，帶點酸酸甜甜嘅味道，十分開胃。估唔到隻蝦咁大隻，份量十足。椒鹽鮮魷🦑鮮魷🦑配椒鹽亦係配啤酒之選，炸粉非常簿，灑上椒鹽，鮮魷咬落不韌，令人忍唔住一直食。吹啤啤手工啤酒🍻夠薑🫚味道充滿濃郁的薑味，入口香滑。味道清爽易入口，幾適合女仔飲。蘋果西打🍻飲落帶點酸味，配上蘋果的獨特味道，都幾開胃。…查看更多

老公話好想食大排檔，夏日炎炎真係唔太想去，網上見到呢間人氣小店，主打大排檔風味、粵式小菜， 望落去幾高質，價錢又大眾化，一家四口即係去試下先❤️✨砂鼓油王蝦🍤豉油王去煎香口又惹味，蝦殼好香脆，連殼都食埋，蝦大隻又新鮮豉椒炒蟶子🦪大約有八隻蟶子，份量唔細，入口肉質肥美加上爽口，食落超新鮮，面頭掛滿豉汁蒜容，食落好惹味椒鹽鮮魷🦑賣相已經好吸引，表面鋪滿椒鹽和蒜蓉，蒜蓉經過爆香，魷魚的鮮甜與Q彈口感配合酥脆的外層，食落好香口，再配以喼汁食用，成為必點的佐酒小食🍻豉油王玫瑰露乳鴿🦆乳鴿都幾大隻，又香又好味，滷水味道突出，小朋友食得好滿足🥢吹啤啤小麥蜂手工啤😻陣陣的小麥香，配合埋橙皮的清新，容易入口吹啤啤蘋果西打手工啤😍女士必點之選，入口清甜，充滿陣陣清香蘋果味呢度啲餸菜又大碟又好食，火喉十足，水準高質，必定再來品嚐其他菜色💫😋黃埔小廚📌紅磡德民街40號黃埔新邨安華樓地下K2號舖…查看更多

今次點左三款菜式，咩嚟呢！✨️《柚子蝦球》蝦球大大粒，蝦肉新鮮Q彈。每粒都掛滿香甜嘅柚子醬，好好味。蝦控嘅人一定大愛。✨️《砂豉油王蝦》蝦嘅本身己經好新鮮，而豉油王味又能帶出蝦嘅鮮味，呢種超級鮮味令人食落非常開胃，餸飯一流。✨《豉椒炒蟶子》滿滿一大碟嘅蟶子約有八隻，肉質夾嫩、肥美，而且冇沙又5醒，配合豉椒一起炒，十分惹味。而佐洒小品就有：✨️《黑松露蝦多士》黑松露味香濃，多士炸到脆卜卜好好味。呢度有多款很有特色嘅本地手工啤洒✨️《蘋果西打》甜甜酸酸嘅味道，感覺清香可口，不太苦，啱哂女仔飲。✨️《傾城》味道偏濃，鍾情苦澀咪嘅人就啱哂。地址：紅磡德民街31G號黃埔新邨安華樓地下 K2號舖#紅磡 #黃埔小廚 #中式菜館 #大排檔 #粵菜 #黃埔美食 #吹啤啤 #手工啤酒 #精釀啤酒 #黃埔…查看更多

今日去黃埔行街，用openrice嘅「搵餐廳」功能😎，搵到一間以大排檔風味作招徠嘅粵菜餐廳—黃埔小廚大排檔炒嘢一定要好有鑊氣，黃埔小廚確實做到鑊氣小炒🔥，而且，每碟份量十足，性價比高👍🏻🐥懷舊芝麻雞芝麻雞好大隻，雞皮鋪滿大粒芝麻🦐豉椒炒蟶子8隻蟶子都好大隻，好厚肉肥美，冇沙；雖然表面掛滿豉汁，但仍然食得出海鮮嘅鮮味🍍菠蘿咕嚕肉咕嚕肉外皮酥脆，肉質軟嫩🐟蜆芥鯪魚球雖然只係佐酒小品，但鯪魚球竟係有9粒，仲又圓又大😍 🍻本地手工啤酒食「大排檔」，緊係要啤一啤，黃埔小廚賣嘅係本地手工啤酒—吹啤啤蘋果西好有果香；早晨就比較清爽📍紅磡德民街40號黃埔新邨安華樓地下K2號舖☎️26610938…查看更多

最近終於同老公去試左人氣高企既小店 黃埔小廚果然係如大家所講 海鮮超新鮮 食物質素高 份量多 難怪平日夜晚都咁多人幫襯 我地經常眼闊肚窄 但今次叫左咁多野都清哂 好誇張呀豉椒炒蟶子大大隻蟶子 肉質肥美、爽口、鮮甜 食落好新鮮 我至愛椒鹽鮮魷 食落脆卜卜 炸漿口感酥脆唔厚 入口又唔油膩 鮮魷肉質鮮嫩 一d都唔韌 加埋喼汁食 好惹味芝麻雞懷舊菜 依家好少地方有得食 雞皮連芝麻炸到勁香勁脆 入面雞肉又保持到鮮嫩多汁 配埋埋麻醬 充滿芝麻香 另外我試過點雞醬都一樣咁好味 脆雞配上酸酸甜甜都好夾黑椒牛仔骨煲鐵板上 一上檯 黑椒香味四散 好有鑊氣 我最鐘意係食d配菜 配菜先係最正食小菜又點少得啤酒🍻黃埔小廚有特式手工啤 老公試左2枝傾城手工啤，ABV 7.2%，麥芽、小麥味道比較濃厚 帶有百香果味 入口甘醇神父衣領ABV 8% 麥味重 有著比利時酵母帶來既香料同水果酯味 口感濃郁但不膩走個時見到隔離檯訂左菲律賓醃仔蟹 大大隻 爆哂膏勁靚 呢個要提早預訂 森爸話下次要黎試…查看更多

今次嚟到 @whampoakitchen_ 黃埔小廚呢度保留大排檔風味主打粵式小菜🍗🥜🍚🍻有多款鑊氣小炒😋😋😋👶🏻最喜歡芝麻雞🐔老闆好細心特別炒咗碟豉油皇炒麵食到停唔到啊🤩仲有椒鹽鮮魷🦑柚子蝦球🍤鐵板黑椒牛仔骨🐮每款都大碟又惹味呢度仲配有 @hongkongwhistle嘅特式手工啤酒🍻👩🏻最喜歡左邊個支「香港早晨」回憶返哂嚟🥰右邊個支「傾城」最有果香味岩哂女仔飲 ⛱️黃埔小廚📍黃埔新邨安華樓地下 K2號舖#kol #紅磡 #黃埔小廚 #中式菜館 #大排檔 #粵菜 #黃埔美食 #吹啤啤 #手工啤酒 #精釀啤酒 #黃埔 #hkkids #hkkidsmodel #parenting #babyblogger #香港bb #親子好去處 #育兒日記…查看更多

之前約咗個讀書識嘅朋友，嗰陣一齊玩Ocamp，一班人會去大排檔度食飯。最近成日喺條街見到啲大學生玩Ocamp，諗返起以前ocamp嘅日子，所以我都叫咗呢個朋友同我一齊去黃埔小廚 @whampoakitchen_ 感受吓大排檔風味。呢間餐廳主打粵式小菜，有好多款唔同嘅鑊鑊氣小炒同埋佐酒小品嘅菜餚，我同我朋友嗌咗幾款餸，另外再加兩支啤酒啤啤佢。🍗懷舊芝麻雞呢個係我同我朋友不約而同都想揀嘅餸，外皮上面鋪滿晒芝麻，而且炸到好脆口，入邊啲雞肉都好嫩滑，食過返尋味。想要個味濃啲可以點埋佢個芝麻醬。🥩鐵板黑椒牛仔骨呢碟菜一放上枱就聞到好香嘅黑椒味，而且啲牛仔骨啱啱煎香，上枱嘅時候我仲聽到佢哋鐵板上有啲吱吱聲。牛仔骨嘅肉完美咁索唒黑椒汁，肉質亦都好腍，送飯一流！🍍菠蘿咕嚕肉呢碟菜幾乎係我去大排檔必嗌嘅菜，酸甜嘅口味再配上香酥咕嚕肉，啲肉質外脆內軟，而且吸晒啲甜酸汁，好醒胃呀！😋椒鹽百福豆腐粒粒豆腐都沾滿晒椒鹽嘅味道，而且炸得好香口，一粒豆腐，一啖酒，係佐酒之選至於酒個方面，朋友叫咗支「早晨」，我叫咗枝「夠薑」，呢兩支酒都係嚟自一個品牌 @hongkongwhistle 早晨，一打開支酒，就聞到好濃嘅麥味，鍾意飲得濃味啲嘅可以揀呢啲夠薑，呢支酒聞一聞，好重嘅薑味，飲落口有少少薑嘅辣，同時因為支酒入邊加咗蜜糖，所以都有少少好似飲緊薑蜜嘅感覺，好易入口，啱晒啲好少飲酒嘅人幾個字總結呢間舖頭：有酒，有美食，有風味黃埔小廚📍 紅磡德民街40號黃埔新邨安華樓地下K2號舖…查看更多

👩🏻喺黃埔搵到間正宗大排檔風味嘅港式餐廳！炒嘢好有鑊氣！🌟豉椒炒蟶子 時價蟶子勁大隻，好肥好厚肉。好正宗嘅豉椒調味，我鍾意佢唔會太鹹，唔會遮蓋咗蟶子本身嘅鮮味。🌟椒鹽鮮魷$108鮮魷嘅炸粉好薄，口感爽脆。鹹鹹香香送酒一流。🌟蜜汁欖骨豬扒$98 豬扒口感鬆軟，每件都均勻沾滿蜜汁、欖角碎、芝麻，味道香甜開胃，大人細路都鍾意。🌟鐵板黑椒牛仔骨$138牛仔骨肉質好腍，連筋膜位置都好易咬。黑椒汁係類似港式扒房配牛扒嗰種。🌟吹啤啤 — 早晨吹啤啤 — 蘋果西打呢度有本地嘅手工啤幾特別。蘋果西打好易入口啱晒女仔。早晨就清爽啲有陣citrus fruit嘅香味。…查看更多

去黃埔食飯緊係要去「黃埔小廚」，依間人氣小店的確幾高質，依餐飯Order嘅四個海鮮菜式都食得出絕對係用生猛海鮮製作，所以都好滿意，難怪幾多客人嚟幫襯，食小菜點得啤酒，依間仲有賣唔同手工啤，味道都幾創新㗎，如果Menu上面無你想食嘅菜式，只要你講得出，廚師都會肯為你整。豉椒炒蟶子（單點$180），有8隻蟶子，蟶子好大隻，近乎係蟶子皇級數，肉質肥美、爽口，食落好新鮮，表面掛滿豉汁，食落好惹味，配料包括有豉椒、辣椒、紫洋蔥、彩椒、蒜頭、香蔥。黃金蝦球（單點$128），即叫即炸，食落好熱辣辣，表面鋪滿鹹蛋黃，味道鹹香，炸漿口感薄脆，鮮蝦肉質彈牙，味道鮮甜，整體皮薄餡靚。胡椒豬肚浸花甲（單點$118），豬肚份量多，口感厚彈，花甲肉質飽滿，食落鮮味十足，湯底飲落充滿白胡椒味道，但又不會太濃烈、帶點豬骨味道，配料包括有鹹酸菜、辣椒、蒜頭。椒鹽鮮魷（單點$108），表面鋪滿椒鹽、蒜蓉，蒜蓉經過爆香之後，食落脆卜卜，如果有落埋指天椒，應該會更加好味，炸漿口感酥脆，鮮魷肉質爽脆、不韌，食落好香口，配以喼汁食用，味道更佳。吹啤啤傾城手工啤（單點$45），ABV 7.2%，麥芽、小麥味道比較濃厚，蓋過百香果味道，所以入口較苦。吹啤啤單眼佬手工啤（單點$45），ABV 4%，話梅、蜂蜜味道融合，飲落味道酸甜、帶點微鹹，容易入口。…查看更多

係openrice俾佢嘅食評吸引左，見佢好似好推介海鮮，另外小菜都幾多選擇，就去試試。入去坐低落單之後，送左兩個例湯，同平時茶餐廳例湯一樣正正常常，唔會有太大要求。豉椒炒蜆蜆唔算好鮮味，但勝在無沙同鍋氣10足。椰菜炒回鍋肉呢個餸反而幾特別。除先會將回鍋肉先炒至比較乾身，再加椰菜同其他調味。呢個做法食落唔同材料會比較分明。整體每碟餸都好大份，小菜造得唔錯，性價比都可以。環境就比較地道，相信都係做街坊生意為主。…查看更多

👧🏻😋👅🍽✨黃埔必食小廚🙌🏻-🥢每一道菜都做到極緻咁好味, 逐樣出菜熱辣辣, 一邊吹水一邊嘆住香港製造吹啤啤精釀手工啤等野食時間好快過🥢餐牌選擇多元化, 鑊氣小炒款款特色唔係度度有, 將大排檔同粵式小菜完美結合, 鑊氣夠但唔油膩好欣賞! 仲可預訂新鮮靚海鮮-🐚 豉椒炒蟶子 時價💯訂左6隻, 隻隻都新鮮肥美好厚肉, 用三色椒同紫洋蔥炒到好香, 連配菜都充滿海鮮香氣清晒碟! -🐓 鐵板XO醬炒雞雜 $128✨XO醬惹味唔會太辣, 但剛好去左內臟既羶味, 雞腎爽口雞肝軟滑, 配松茸, 椒同洋蔥一齊炒再用鐵板上熱辣辣送酒送飯都100分-🐠 蜜汁美極煎封鱔 $138💯蜜汁味較美極重, 食落係甜但又有醬油層次, 蜜汁仲做到好似焦糖效果, 每一件鱔魚都煎到外脆內軟, 魚肉爆汁, 薯仔粒都好脆!! -🦑 椒鹽鮮魷 $108✨鮮魷每件都大大塊, 炸得酥脆好鬆化, 魷魚肉軟滑唔會似橡筋, 椒鹽重味但唔太鹹, 太完美了-🍻 吹啤啤手工啤 $45-50/枝💯單眼佬話梅蜂蜜酒ABV 4% 入口酸甜鹹都有味道複雜而唔違和, 好有香港特色💯神父衣領ABV 8% 麥味重帶香料味但都算幾易入口…查看更多

新開業親民高質小菜黃埔小廚黃埔小廚保留大排檔風味，主打粵式小菜，著重食物原有的味道和配合，提供多款鍋氣小炒、生猛海鮮、四川風味、佐酒小食，令你一試難忘。椒鹽鮮魷即叫即炸，熱騰騰奉上，外層炸到金黃鬆脆，鮮魷火喉拿捏得剛好，口感彈牙味鮮，完全不韌，香脆無比，沾上喼汁，更添滋味蜜汁美極煎封鱔鱔肉質較彈牙爽口，肉質肥美厚滑，油脂含量均勻，配上蜜汁和美極，美味豉椒炒蟶子惹味精選，充滿大排檔風味。蟶子巨型大隻，肉厚新鮮彈牙，鮮甜無比，背上豉椒炒熟，非常惹味蜜汁欖骨豬扒豬扒肉腍嫩滑，已欖菜炒香後淋上蜜汁，甜甜的，大愛吹啤啤手工啤酒主要生產「輕奢」、「手藝化」、「少量精釀」的手工啤酒，並藉此推廣當代文化及體驗集體回憶。傾城 Passionfruit, Grapefruit, Refreshing淡淡的果味，但這個酒精濃度比較濃一點蘋果西打 Premium Apple Juice, Fruity，Fresh夏日清新之選，每口充滿著陣陣清香蘋果味黃埔小廚📍紅磡德民街40號黃埔新邨安華樓地下K2號舖…查看更多

放工經過黃埔見到新開間餐廳就入諗住入去試吓結果嘢食水準係出乎意料地好食！# 黃金蝦球酥脆的外層配上鮮嫩彈牙的蝦肉,油炸恰到好處,不會油膩。鹹蛋黃醬味非常之突出,醬料恰到好處,相當入味。鍾意食鹹蛋味嘅朋友一定要試！🥰# 瑤柱肉碎蒸水蛋蒸蛋細滑嫩滑,瑤柱和肉碎的鹹香完美融合,口感層次豐富🤤 可以稱得上係世一蒸水蛋🍳# 薑蔥焗桶蠔新鮮的桶蠔,配上薑蒜爆香,入口綿密✨ 焗烤過後,外層酥脆內層肥美,而且份量非常之多,係誠意十足的一道菜～# 啫啫雞煲啫啫雞煲份量十分之足,另外都有豬膶喺度,值得一試！…查看更多

一大班人慶生🎉，因為要方便朋友去左黃埔食，估唔到住宅區大排檔都可以盡興！呢間餐廳菜式選擇多，包括好多經典粵菜小炒，好有驚喜🤩！仲有仲有，唔好以為小店無海鮮，同老闆傾開，佢話每日都會去街市買餸，有鮮食鮮，有要求可以預先同佢講～～今晚有蟶子同貴妃蚌，有口福！🐓芝麻雞 以前成日食，依家比較少見，估唔到呢度有！雞皮連芝麻炸到勁香勁脆，但入面雞肉🍗唔會老，仲好嫩、好多肉汁。沾埋麻醬一起食，芝麻香真係搞唔掂！🐟蜜汁美極煎封鱔 美極煎鱔整得唔錯，美極嘅鮮味加上蜜汁🍯好夾，鹹甜交錯好過癮！鱔雖然唔大條，但肉質彈牙，香而不膩。😋🔥豉椒炒蟶子 一上菜就已經覺得好壯觀，蟶子每一條都勁大條😲，放入口淡淡肉超爽，果然係每日精選！豉椒炒絕對唔會出錯，香到食得落一碗飯。🍚🧄蒜蓉粉絲蒸貴妃蚌 蒜蓉膽拖貴妃蚌，加上吸收左精華嘅粉絲，鮮味無窮！✨🐚清烚田螺田螺好大隻肉夠厚，鮮甜到唔洗點醬都夠味！🥘鐵板雞雜腰花 雞雜唔成日有，用XO醬炒過，鑊氣足，香中帶辣，惹味到不得了～😍仲有其他菜式都好出色，好似紹菜豆腐浸潮州魚蛋🥬(魚蛋大大粒)、蟹肉冬蓉羹🦀（濃稠適中有口感）、豉油王炒麵（麵條幼條條分明勁香口）～～有啲卧虎藏龍嘅感覺😂😂!下次要再試下其他菜先得！👍🏻…查看更多