影片
喺马鞍山饮茶饮开开讲嘅我，喺阿妈多次介绍之下都唔想去呢间食，今日咁啱去海怡耀安做啲嘢就脚唔够时间去咁远，我哋就嚟呢度饮茶我以为会系质素差，而且价钱贵但系又唔会有套餐 会抵少少，烧卖好多肥膏就麻麻哋啰 不过大大粒，鲜虾粉果尖椒同埋叉烧包都好味，叉烧包好大个，割包皮好软熟，觉得仲好过海港，入面嘅叉烧粒就唔肯定好似都唔错呢个23个白切鸡咸蛋饭好抵，通常得切鸡配米线或者饭，呢度仲有半粒咸蛋虽然咸蛋唔系话特别好味但系我好欣赏呢度野菜生冇加油去灼白饭就比较差比较硬而且冇米香，应该系下等米鸡嘅质素朝早合格，都多肉，蛋白质补充，不是特别好味或者难食呢度有斋肠粉，好啊好好味唔会太油，本身仲会怕有，因为见到立立令 原来都唔会潮州粉果好大粒好味㖞！虾饺就觉得比较多肥肉，呢间酒楼嘅同传统餐厅酒楼相似嘅地方就系个环境，见到有得旧式哋搭枱 然后啲阿姐又好似呆呆济济😂😂另外就系食乜点三到捞得比较多肥肉韭菜猪红唔错 大大碗 虽然$38 成本睇埋就唔抵，但系好大碗 而且好味买单二百几 唔错
继续阅读
去完新界西北玩咗一转，返到嚟已经买唔切𩠌。唔主要情况下，老窦提议再嚟呢度食晚饭。今次完全成功避开咗节日前后嘅套餐要求。试咗去食炸子鸡，个皮系做得几好嘅够脆只鸡都滑，但系个底味就有啲偏淡。个酸菜鱼啲鱼片份量都几足都够滑。可惜𠮶汤头唔够辣，酸度就刚刚好。元贝都尚算鲜甜，都清洗得几干净。因为唔系好多地方有无锡骨食，见到佢个餐牌有就叫嚟试吓。呢个反而酸到有啲罅喉，个味完全Over咗。食完晚饭，见佢好似啲旧式酒楼有糖水比客人。但系佢送完俾一台熟客（成晚有讲有笑）之后就冇晒。呢方面系明嘅，但系另外几台就奉上糕点，而俾我哋𠮶啲上边有一点黑色嘢，老妈子见到就同佢讲，侍应拎去掉咗佢，但系又冇话再俾碟新我哋。后来个侍应见我哋等咗好耐，佢先出声同我地讲头先𠮶碟已经系最后一碟。事实真系唔怕讲，送晒唔紧要，但系最基本都要同个客交代一下。上述用餐服务体验为个人之食后感。其实喺屋村嘅酒楼，客源相当重要，唔系单单靠一两台熟客就可以维持到夜市，希望酒楼负责人见到此食评可以有所改善。
继续阅读
您可能会有兴趣的...