麗苑酒家

营业中

休息中

喺馬鞍山飲茶飲開開講嘅我，喺阿媽多次介紹之下都唔想去呢間食，今日咁啱去海怡耀安做啲嘢就腳唔夠時間去咁遠，我哋就嚟呢度飲茶我以為會係質素差，而且價錢貴但係又唔會有套餐 會抵少少，燒賣好多肥膏就麻麻哋囉 不過大大粒，鮮蝦粉果尖椒同埋叉燒包都好味，叉燒包好大個，割包皮好軟熟，覺得仲好過海港，入面嘅叉燒粒就唔肯定好似都唔錯呢個23個白切雞鹹蛋飯好抵，通常得切雞配米線或者飯，呢度仲有半粒鹹蛋雖然鹹蛋唔係話特別好味但係我好欣賞呢度野菜生冇加油去灼白飯就比較差比較硬而且冇米香，應該係下等米雞嘅質素朝早合格，都多肉，蛋白質補充，不是特別好味或者難食呢度有齋腸粉，好啊好好味唔會太油，本身仲會怕有，因為見到立立令 原來都唔會潮州粉果好大粒好味喎！蝦餃就覺得比較多肥肉，呢間酒樓嘅同傳統餐廳酒樓相似嘅地方就係個環境，見到有得舊式哋搭枱 然後啲阿姐又好似呆呆濟濟😂😂另外就係食乜點三到撈得比較多肥肉韭菜豬紅唔錯 大大碗 雖然$38 成本睇埋就唔抵，但係好大碗 而且好味買單二百幾 唔錯

去完新界西北玩咗一轉，返到嚟已經買唔切餸。唔主要情況下，老竇提議再嚟呢度食晚飯。今次完全成功避開咗節日前後嘅套餐要求。試咗去食炸子雞，個皮係做得幾好嘅夠脆隻雞都滑，但係個底味就有啲偏淡。個酸菜魚啲魚片份量都幾足都夠滑。可惜嗰湯頭唔夠辣，酸度就剛剛好。元貝都尚算鮮甜，都清洗得幾乾淨。因為唔係好多地方有無錫骨食，見到佢個餐牌有就叫嚟試吓。呢個反而酸到有啲罅喉，個味完全Over咗。食完晚飯，見佢好似啲舊式酒樓有糖水比客人。但係佢送完俾一檯熟客（成晚有講有笑）之後就冇晒。呢方面係明嘅，但係另外幾檯就奉上糕點，而俾我哋嗰啲上邊有一點黑色嘢，老媽子見到就同佢講，侍應拎去掉咗佢，但係又冇話再俾碟新我哋。後來個侍應見我哋等咗好耐，佢先出聲同我地講頭先嗰碟已經係最後一碟。事實真係唔怕講，送晒唔緊要，但係最基本都要同個客交代一下。上述用餐服務體驗為個人之食後感。其實喺屋村嘅酒樓，客源相當重要，唔係單單靠一兩檯熟客就可以維持到夜市，希望酒樓負責人見到此食評可以有所改善。

1月22日返屋企途中見到佢喺出面有張海報，話有一蚊炸子雞，就諗住星期五放工同屋企人去食。因為放工遲返，屋企人就先去搵位。點知屋企人坐落，先知道佢暫停一蚊炸子雞又已經轉左賀年餐單。食飯嗰日只係1月24日，張海報當晚仲喺度。最後都焗選咗三個餸，落嘅時候，侍應call去燒味部係話有半隻燒鵝，點知入完單就話冇要等45分鐘。嗰一刻真係想即刻走，但係費事啲老人家走來走去，所以就焗食。XO醬炒雙蚌，紅色嗰個睇得出象拔蚌仔，白色嗰個冇味唔知咩蚌，成個餸好彩有少少XO醬調味。小炒王啲料都當，不過都係冇味。隻燒鵝最後等咗1個鐘頭15分鐘。本身夠45分鐘嘅時候佢就俾咗一隻遠嘅張大枱，跟住再等咗半個鐘先斬咗半隻比另一張遠處嘅中枱，最後嗰半隻先去到我張枱。佢淋得太多汁真係淨食到汁嘅鹹味，食唔到隻鵝肉味。太鹹所以屋企人叫啤酒，但係牆上面海報嘅價錢又唔係而家做緊嘅價錢。明白過年未必有相關嘅推廣，但係最好寫明或者換咗啲海報佢，唔好令消費者有所誤會。此食評為事次用餐個人之體驗，希望酒樓管理層可以了解新店的營運問題。