鮨樂 (如心廣場二期)

营业中

休息中

休閑下午茶，今日在家工作開完lunch meeting 才可以午飯，這店開了一陣子但沒有機會試，今日診下午茶時段較少人可以品嚐一番。本身諗住食午餐，但來到發現居然有下午茶，故點了一個下午茶$78+1 有兩件太卷，湯，沙拉及迷你魚生井，話說迷你但其實女仕份量剛好，另外加了一件牡丹蝦，帶子sushi, 各樣食物很好，魚生夠新鮮，有水凖，員工服務態度十分之好，不停幫我加荼，口好享受的一頓下午茶，所以一定會再光顧。下次會試午，晚餐，其待！

本店一大特色是坐在bar枱前看著師傅手握壽司, 加上環境舒適, 坐得舒服, 服務態度又好。午餐小編點了定食, 當中有稻庭烏冬, 首先一讚烏冬煙韌適中而滑的, 再簡單放上蔥花同海帶, 在呷一啖湯底, 感覺舒服。至於手握壽司的食材夠新鮮, 三文魚, 蝦, 魷魚, 吞拿魚, 壽司卷, 印有鮨樂的甜, 所有都好美味。跟餐有一碗麵豉湯同沙律, 喜歡沙律上面有三塊爽口的青瓜片, 是一個絕不馬虎的午餐選擇。

唔會再食 雖然服務ok 但餐廳需要食物質素四百幾蚊嘅魚生盤，味道一般，同價錢可以有更好選擇 炸軟殼蟹沙律得好少，味道一般，但唔值得試，炸嘅皮多過肉鰻魚飯set lunch， 鰻魚係ok嘅， 但d飯就完全無誠意， 凍嘅酸嘅， 用壽司飯當鰻魚飯， 完全唔ok 普通炙燒三文魚腩壽司、吞拿魚小卷 係ok嘅總結 食普通平價壽司 小卷可以， 唔好期望太高，貴價食物可以有更好選擇 見好似好多人食 又要等位 就試下點知好失望 完全無水準 收得呢個價 應該有更好嘅食物質素

今天和堂弟來吃午餐，第一次來，這裡的服務還算是不錯。裝修雅致，我們坐在Bar臺，可以觀賞魚生師傅的手藝。我們叫了兩個精選壽司定食。先來了沙律、湯同茶碗蒸。沙律很新鮮，湯裡放了海帶、蔥，味道不錯。茶碗蒸裡有蟹肉，口感非常滑。一共有十件壽司，味道正常，賣相吸引，吃起來也挺新鮮。個人最喜歡是吞拿魚，非常肥美。另外，海膽壽司也很鮮甜。價格方面就比較貴，中上價錢，但可以接受，每位大概二百幾。聖誕假期趁機會就好好享受一下。

如心廣場主打食嘢為主，餐廳當然有好多款選擇。今日去咗食一間望落比較高檔少少嘅日本餐廳，叫咗午市嘅刺身飯同埋一個壽司烏冬set😆《角切魚生飯》❤️❤️❤️魚生食落好新鮮，本身飯底有落醋，就算唔再加豉油都夠晒味，可惜刺身粒就唔算多，不過都夠食《烏冬壽司定食》❤️❤️❤️呢個set有幾件壽司再加冷烏冬，壽司就中上質素，反而冷烏冬嘅面汁就有驚喜，鍾意食冷麵嘅朋友可以考慮叫呢個再追加左三件壽司三件質素都可以👍🏻

今次係第二次幫襯，但係非常失望上一次幫襯嘅時候我寫咗一篇極力推薦的食評，但今次再去幫襯時，已經大不如前。希望餐廳能夠改善，食材係一間餐廳非常重要的當我結帳時，我有同經理反映，經理亦很有禮貌告知會同師傅反映。麵豉湯味道很濃郁，同平時嘅麵豉湯嘅味道完全唔一樣北海道海膽之前曾經強烈推薦，但今次很失望顏色上已經失色，吃下完全沒有鮮甜，相反多咗一種小小臭，其實坊間大部份的海膽都是這樣，所以其實不算太過分，只是上次幫襯時，係感覺到日本的味道大拖羅壽司今次亦是入口即溶，保持到水準另外墨魚壽司很有口感，亦是推介之一刺身方面帆立貝的Size有點偏小，但是味道也很鮮甜活赤貝爽口，亦夠厚，但是平時在其他地方活赤貝應該有2條(蘇)，難道餐牌上沒有寫明是原隻所以無？

基本上係荃灣最高質壽司店無得去日本食，就係香港揾正野。開左一段時間，都未有機會去試，今日路過，終於食到平時中午經過都要排隊，3點左右得幾枱人，無咩人，2人坐卡位舒適，價格偏貴，但質素高，值經理推介鰤魚刺身，原本諗住要油甘魚，經理話鰤魚更肥美可口，可以一試特盛北海道海膽壽司 濃厚超鮮甜，肥美，分量都多。中拖羅壽司 油分布平均，入口即溶炙燒吞拿魚壽司 筋位較中拖多，但亦不會有渣的口感，但味道更濃郁炙燒佐賀和牛壽司 味道濃郁，半生熟燒得剛剛好

這家店新開也沒有很久，路過了無數次也沒有進去試食。今日終於有尼個機會啦！在店入口有用布幕阻擋，不進去的話幾乎看不到裡面的佈局，私隱度十足。實際環境比我想像的大很多，未進之前以為是很小的一家店，人也比想像的多，不過閒日午飯時間不需要等位。Lunch meun 沒有很多選擇，款式也不算豐富，於是跟旁邊那桌叫一樣的。今天每人也送麵豉海，滿滿的好像是紫菜？！很好喝，跟一般街上只有味精味不同。壽司的魚生外觀色澤好像沒有很油亮，但口感味道是新鮮的，而且很厚切，非常不錯。壽司的飯是啡色的，不知道加了什麼。冷麵也挺不錯的。順帶一提，這家服務態度真的很好 (=^▽^=) 不過有一點希望改善，並不是每桌座位都有籃子可以放袋，於是邊吃要邊抱住，不太方便尼。

如心廣場新開張的日式料理鮨樂，金黃裝潢，乾淨公整。 至開張，已經食過兩遍。午市套餐勝價比高。櫻花魚生丼套餐連沙律和味增湯。味增湯有海帶，味濃扎實；而沙律則新鮮爽口。主食的櫻花丼切粒魚生件件豐厚，其中三文魚和吞拿魚軟腍鮮香。魚生和丼飯比例各佔一半， 份量剛好。 整個丼都好食。另一套餐，松壽司盛合8件壽司配烏冬。Bar台上看著師傅熟練的一件又一件手握著，期待十分。 壽司包括三文魚、吞拿魚、魷魚、蝦和卷物等等。另外也散點了件燒鰻魚，同樣有水準。

平日夜晚見到呢間新店，又近屋企，就試下好大驚喜，超水準，服務態度好，連湯蓋都幫你開推介鰻魚壽司，十分厚肉肥美荃灣終於出左d有水準既壽司店👍🏻呢間野入黎就feel到佢好用心，一定會再黎.價錢親民， 希望之後洗唔洗排隊😂😂😂😂正！!!!!!!!!!!!!!!!!!!!!!!!!!!!!!!！!!!!!!!!!!!!!!!!!!!!!!!!

位於荃灣如心廣場新開張的鮨樂壽司店，開張以來都一直都見有人排隊，今日就即管去試一試得唔得！入座嘅時候侍應已經問我貴姓，用姓氏來稱呼，絕對係高級餐廳先會有嘅服務被安排坐喺bar枱，對住這一位女師傅，我哋所點嘅壽司，全部由這位女師傅製作給我們，除咗有得食之外仲可以有得睇中拖羅 - 吞拿魚醬油漬 - 大拖羅大拖羅叫咗兩件，都切得厚厚的，入口有香濃魚油味，雖未能即溶，但總算慢慢溶化在口中。美中不足的是兩件食落都有筋海膽三文魚籽卷海膽新鮮鮮甜，每粒既魚籽皮就比較厚，但整體總算新鮮，分量絕不孤寒令我最深刻的，一定係佢哋嘅服務，由入坐到離開，所有服務都值得一讚入坐同畀錢埋單都會用我嘅姓氏去稱呼，收碟加茶都好有禮貌。以呢個價錢，但提供到一般要每位千元以上的餐廳既服務，就憑呢個服務態度，我會再黎！

今日同老公第一次幫襯，叫咗兩款定食，一個係壽司配稻庭烏冬，另一個係三文魚親子飯，首先啲麵豉湯無味，好似飲緊滾水咁，啲沙律好濕，食到一半見到碗底好多水……跟著啲主菜就細到極，尤其個三文魚親子飯，明明餐牌張相係影住一盒咁上，最後得個小朋友碗仔咁細，最重要係啲魚生唔新鮮，好重雪味，啲飯仲要係屎色咁，睇到都唔開胃……稻庭烏冬好似就咁用清水熟嘅上海麵……好難食最後唔知係因為沙律定魚生唔新鮮，最後食完肚痾!!

讚1.環境企理乾淨，檯，地板、員工都有種清爽感覺，啲制服好整齊，的確係有信心係度點壽司刺身2.點左丼飯同10貫壽司，丼飯既刺身切得好，厚薄均勻，帶子、赤身既溫度係手溫，唔會太凍太熱，亦有切斷筋位，丼飯係赤醋，味道係重身既，呢樣好睇個人口味，我就幾鍾意；壽司既魚種都揀得幾好，白身魚、蝦、吞拿都有好既比例，值得一個午餐要兩三舊水既價錢3.服務員幾爽手彈1.壽司飯係有少少亂左，所以咬落去係有啲散左2.坐壽司吧位係想睇到師傅包壽司，唔係想睇到師傅抦徒弟然後徒弟駁嘴既畫面🤣，師傅想鬧人，不如入後場先鬧

$298壽司set 性價比還可以我們二人行叫一個套餐，店員送多一個湯和沙律給我們，good!清酒煮大蜆有點兒太熟，差點兒吞不下!新店開張，服務態度幾好，希望維持到！

天氣熱，最岩食返d凍野，見新開，就諗住去試新野。門口等位，無飛拎，留底貴姓及電話企門口等叫。等左10-15分鐘度。一坐底侍應就即刻斟左兩杯出晒煙既茶出黎👍餐牌圖文並茂自己填紙落完order 後，跟左兩碗麵鼓湯，好欣賞佢湯同茶都夠晒熱，都係出晒煙食物分批黎，唔會一窩蜂到晒，可以慢慢嘆魚生飯ok，壽司/手卷唔係難食。1.叫左大拖羅，味道比想象中差。2.三文魚腩賣相比相象中差，就甘睇以為係三文魚3.最愛食玉子，但呢個玉子無乜蛋味，同埋以為是熱食，點知係唔凍唔熱。4.軟殼蟹手卷，軟殼蟹係脆既5.吉列蝦卷👍，一咬是鬆脆，而且48蚊仲有6舊整體服務係ok,帶位下單出餐既侍應都好有禮貌，又勤加茶收碟。食物質數就普通，係炸物較出色。試一次就夠