魚鱻魚湯專門店

营业中

休息中

I’ve lived in Tsuen Wan till the end of primary school before moving to Taikoo 10+ years ago. But I remember this restaurant specialised in fish soup was already open when I was still a resident in Tsuen Wan!-So recently, I hiked in Tai Mo Shan, and after coming back to town, I went to this restaurant. The fish soup is still so rich and delicious! You can feel that the soup is really cooked with fresh fish!-My favourite deep fried Bombay duck! It’s so crispy on the outside, soft and jelly-like o

老友兄弟專承走嚟荃灣搵我食Lunch，仲話帶我去食魚湯米線。12:15行到去，仲未正式開舖，不過已經有5、6人排緊隊等入舖內，大概5分鐘開始入得，都有先量體溫，然後再揀咗張細檯兩人坐啱啱好。食物主要係魚湯米線同泡飯，餸方面鮮魚類佔8成。仲有燉湯類，不過晚市6:00後先開始供應。每日餐牌都會因應當日有咩新鮮魚而定，眼見魚類品種都繁多，有選擇困難症嘅我又想食魚，又想食生炸豬扒(因為聽到好幾檯食客都叫，所以想試試)，經老友兄弟提議，就叫一碗原條細鱗魚湯米線，生炸豬扒魚湯米線再加個椒鹽九肚魚。第一樣嚟嘅係原條細鱗魚湯米線，成條魚開邊放喺魚湯米線上，魚肉口感嫩滑，豐富魚肉鮮甜味道，真係食得出嘅鱻。熬煮出來嘅呈奶白色魚湯全無腥味，清甜鮮美。跟住椒鹽九肚魚上場，一件件又肥又粗碌嘅九肚魚啖啖肉，表皮酥脆不軟塌，肉質滑嫩，調料調味得宜，火喉十足不遜大排檔。最後都到生炸豬扒魚湯米線出場，淨魚湯米線先到，生炸豬扒分開後上。所有魚湯米線有大量黃芽白同豆卜，索晒啲湯汁精華，米線一般。新鮮即炸豬排兩面金黃色，食落少少香脆同醃味好，真心好食。米線份量對我嚟講都算大碗，不過真係太鮮甜，當日我連湯都一飲而盡。不得不提一

D呀姐垃圾既服務態度，完！質素又一般，問佢門口張吉枱坐唔坐得佢話阻礙佢做野，咁你放三張枱響度托呀！野食唔見得有咩特別，以前都知佢地串，依加更加唔駛講，總之唔食唔會可惜

魚魚魚魚 (鱻: 唔識讀) 喺荃灣路德圍係好多年，喜歡食魚湯米線的人都會聽過或者食過。今日我就同個其實唔係好食魚湯的朋友過黎試下，睇下佢會點評價，哈哈。所以我點左原條黃花魚湯米線 ($65)，佢點左古法豬扒魚湯米線 ($41) ，希望食到啲肉味隔一隔無咁腥，加埋黑色可樂 ($9) 。首先，我見店員啲態度又其係咁差，係唔算好欣勤嗰啲囉，落單嗰陣無講過蔥的部份，佢又主動問丫🤔 仲提我地袋可以用牆上的鈎鈎住添。而朋友食的豬扒，調味幾好，肉質無醃到爛哂，調味不錯亦食到返豬肉本身的味道同口感，亦可以間一間魚湯的腥味。而我係飲湯控，基本上乜湯都唔會放過，所以魚湯本身都係我的菜，原條黃花魚湯米線上到黎，條黃花肉質白雪雪，滑溜溜，一夾肉就甩出黎，幼的魚骨多喺腩嗰個位，食的時候小心啲，而魚湯的顏色亦好自然，我自己反而欣賞呢種透色的魚湯，比較似自己喺屋企煲嗰種。即使配埋米線亦唔會令成碗米線變淡味。

我們本次吃了2份套餐，分別是雞翼配貢丸及潮州札肉，生炸豬扒配墨丸及魚滑。由店鋪到家味道仍然沒有流失味道。如果在現場用饍，味道一流。豬扒、雞翼等味道保留鮮味，尤其是湯底。

之前同fd約親係荃灣行街都會成日去呢到食算係荃灣既必選米線 本來魚既香味同番茄味都係好濃味但係近呢一年個湯越黎越淡 淡到依家冇乜魚味員工態度都差左好多 並唔係要d咩5星級服務態度至少唔會企係你前面趕你走 未食完就企係後邊望住你 但明明有排都未收工 7:00幾8:00 門口又冇人排 仲有好多吉位 我就完全唔明佢既動機係邊 不停俾壓力趕客走佢做到咁 依家唔再係首選既米線希望佢哋會改善下 由兩間變一間 都唔想佢真係執比返之前既質素

兩間變一間 其實有原因。當客人面前講其他客人是非 而且還常常責罵客人。粗聲粗氣 什麼事情都要話一餐（例如食得慢，借廁所）。唔知係食飯還是受氣。而且雞件 很咸 已經失去無味精的名譽。實在令多年幫襯熟客太失望

鱻 係魚湯米線餐廳既界別無人唔識🥺前幾年食真係超超超好食🥺起碼個湯底係極濃奶白色先啦⋯今次黎食真係發現退步左好多⋯-叫左琵琶豆腐（魚槳MIX豆腐）同魚餅魚湯米線～兩樣餸都係炸既～但唔明點解個豆腐一黎到就已經浸左落湯度😭淋哂唔好食，加上無咩味⋯大扣分-炸魚餅就保持到一貫水準！大大件👍🏻炸得岩岩好～食落好juicy～仲食到好香既鯪魚肉味🤩如果經開荃灣想食清清地清下腸胃～鱻都會係一個好選擇黎既😂不過唔會成日幫襯了

荃灣區運動完後，去路德圍逛逛，有不少食店，魚鱻魚湯專門店，差不多坐滿客人，見到某角落，有張小小檯，我馬上入去坐低了點了 生炸雞翼魚湯米線 $41有兩隻 炸到金黃色，已斬件 方便吃，配合一點點鹽，香口 滋味無窮 米線 份量多，但似乎一般，嫌不夠滑，正如店名，出名魚湯底，新鮮 真的有魚味、淡淡 、濃郁鮮甜，奶白色，沒有腥味，可飲多幾啖，仍一些配料 ... 豆卜及黃牙白菜除了 不同部位魚，仍有其它美食，例如：豬扒、雞件，牛肉、時令油菜、丸類 等等 ....👌 下次再來 😊

🐷🐷天氣開始轉涼！大家著多件衫！小心身體！唔好好似我爸爸媽媽咁病鬼晒啊！好在！病左都仲有好東西食！😛今晚就食左荃灣出名嘅魚魚魚(鱻)(唔識讀)魚湯米線🍜！又健康又好味！😋🐷🐷原條青班魚湯米線 $69魚湯好鮮！條魚一個人食岩岩好夠！好少骨又好好味！😋唔多骨既原條魚仲可以揀倉魚同馬友呀！反而見隔離枱魚片米線就有好多碎骨架！😮🐷🐷招牌魚滑魚湯泡飯 $41魚湯一樣咁鮮甜！魚滑就係鯪魚肉！完全唔洗驚會食到骨啊哈哈哈！😝🐷🐷招牌炸魚餅 $18香口野大大舊！岩哂我地啲小朋友食啊！🤤

一路都好鐘意來依間度食，由幾年前佢的兩間鋪食到今時今日得返一個鋪位，其實當日見佢日日都爆座，點解會由2個鋪位做到變一個鋪位，已經好疑惑，不過唔唸啦，繼續去幫襯，但真心，魚湯係淡左，無以前咁濃，但都仲有繼續幫襯，最令我以後唔會再去的原因係佢d員工態度實在令人無法忍受，我唸生意差係有原因，營業時間係至晚上11:00，但次次10點，仲有好多桌有客，佢就喺你腳下邊左掃又掃，更可份的係10:30竟然同人講要搬野入來，叫人快d食，我差不多10點入去，唔係得一張近門口枱，佢安排我坐門口依張，跟住10:30同我講食快d，要搬野收工，今時今日，雖無加一，亦唔係咩高級餐廳，但如要求10:30要離開就唔好講營業時間去到11:00，如果果張枱係會阻到你搬野，10點後唔應該入客

今晚吃了招牌炸魚餅魚湯飯，這裡最出名魚湯底，白雪雪湯不會有腥味，很多男士不吃魚都接受到。而且款式不是只有魚，除了新鮮魚不同部位或原條也有，當然價錢比較時價，還有生炸豬朳，吉列豬朳，炸雞翼，丸類，雞件，鮮牛肉，田雞，木瓜，南瓜，芫荽，蕃茄……其他食材配搭。總有一款適合，個人很喜歡加點胡椒粉，有點辣香味，現在天氣涼最適合食湯飯，胃也暖暖的，而且味道方面沒有味精，不會口乾。炸魚餅大大件又沒有碎骨，全是自家製魚肉餅，味道很彈牙又香。可以小食另外選$18 2件

大家去過路德圍都知有幾多美食架，每次都要排晒隊今次都唔例外，因為我早左到要等埋個朋友😂等左幾個字就有位，入去去得幾張枱咁但係都唔太迫我地每人都叫左唔同款既，有而個魚餅好好食，又唔會太濕，而每碗都仲可以加兩個餸，好香好濃既魚湯味，睇佢個湯咁白應該落左好多魚去煲😍豬扒好鬆脆，啲肉汁仲係入面唔會死實實咁，魚球都唔會好淋又有蕃茄既香味炸雞翼仲有兩隻好底食👍🏼👍🏼好香口做小食一流☺️不過小心魚片好多細骨要小朋友啲食，加埋杯凍飲每人都係五十幾蚊一個lunch都算好平👏🏼👏🏼

幾年前食過覺得好味， 鮮甜。所以昨天介紹朋友去幫襯，但湯及材料已經大不如前，味道淡，價錢貴咗好多， 招牌煎魚餅味道差，好腥，不新鮮。湯底亦不濃郁，嘗一大匙羹，亦一點也飲不出是魚湯底。朋友食嘅鯇魚魚尾飯，多尾但少魚肉，魚肉份量亦不足，部分魚肉部分亦未能熟透，以後唔會再想去幫襯。

放工去到荃灣，男朋友仔帶我食魚湯飯。我們點了一碗魚較湯飯，一碗魚滑米線，一份小食炸魚片。魚湯飯好清甜，好好味，食唔晒飯飲湯都正，推介 魚滑都OK，但相比下魚湯飯正啲。炸魚片小食有點似淋左既薯片，都幾好食