魚鱻魚湯專門店

今次嚟到荃灣 試下喱間主打鮮魚靚湯嘅小店 不過感覺實在太差 六點零坐低唔算多人 雖然店員講咗背包可以掛頭頂 但眼見全場勁多吉位 咪諗住拉張吉椅放低 有人嚟我自然識趣拎返啦 但店員好似好唔滿意 堅持背包不能放椅子 這是小店的執著 仲見到原來温馨提示咗大家 貼好咗標貼在牆身 其實無問題嘅 你有你執著 但有好多吉位時 你嘅執著咪令人覺得你唔識做 好老套囉 相信小店主打街坊生意 你識做我識做 有人入嚟唔通我仲死霸張椅嚟放嘢咩 無必要咁樣要求客人堅持你嘅執著呀 講緊嘅係客人觀感我哋將抹手後啲濕紙巾放喺枱面 店員好無禮貌又好不屑問 你哋架? 然後收起 個樣勁不滿咁 嗌完嘢食 用力劈低張單喺枱面 都唔知發生咩事 感覺極差 聽到佢對其他客人都係粗魯拋低食咩呀 好似前世欠你咁嘅態度 講完服務 講食物質素 我滿心期待佢哋嘅湯底係濃郁魚味 但一食已經覺得啲湯好似係魚湯溝咗大量清水溝淡咁 好聽係清清淡淡 難聽係溝稀咗嘅湯底 米線尚可 軟硬適中 我哋揀咗炸魚餅同枇杷豆腐米線各一碗 炸魚餅唔錯嘅 有魚肉味 將魚肉剁碎壓餅炸 比較薄身 但口感唔錯 少少彈牙 枇杷豆腐就差啲 肉質好散又唔嫩滑 魚肉味豆腐味欠奉 唔知食緊咩咁我哋另外再加咗個炸魚片 以為係平時食開嘅魚片 點知佢係好似炸蝦餅質地嘅炸魚片 估佢唔到 但佢質地又未做到好似蝦片咁脆 佢中間咬落去係好似受潮咗嘅薯片質感咁 至於味道係有啲魚味嘅 但唔叫好味仲有加多碟全走菜 揀咗菜心 係勁粗壯嘅 煮淋到完全唔想食落去 我個人口味鍾意食較生較硬嘅菜 但佢完全係唔駛用牙咬都得嘅淋度凍飲或可樂要另外加9蚊 如果佢魚湯係真材實料又香濃都叫值喱個價 但咁嘅質素收50蚊就真係不值 整體而言 喱間小店質素低下 主打魚湯無味 魚肉製品亦未見出色 環境唔算狹窄 一張大圓枱 相信係容納唔同搭枱客嘅設計嚟 舒服唔稱得上 但喺小店嚟講算闊落 不過間鋪咁嘅趕客服務態度真係唔知點吸回頭客或令人想幫襯 不過我理解 有機會啲人係食情懷 可能係街坊生意 但喱種情懷係咪應該加多幾分禮貌會令人更加珍惜呢 公道地說 係其中一個唔知係咪老闆娘嘅態度最差 亦有有禮嘅店員在場嘅 講真 香港服務質素低下係眾所周知 如果今時今日仲有街坊幫襯捱得住 唔係要珍惜有禮一點對待客人嗎 食物已經無質素 加埋咁嘅待客之道 真係無語 …查看更多

好耐冇食過，有D唔舒服就念住去食下清清地一踏入門口，想講1位，成班呀姐合唱團咁band埋黎出去排隊。(我都知好心你搵返個人出黎派飛啦。) 落單我問有冇多菜少米線，班呀姐又合唱團咁圍你，邊個話有呀，傻左呀你，邊個呀姐落單話有傻左呀？(我點知你邊個傻左呀？冇咪答冇囉，加錢咪答加幾錢囉，洗嘜話人地傻左呢？) 跟住碗野咸到呢，塊豬排柴到呢，張台同椅痴粒粒到呢，間野冇冷氣到呢。(其間格離台問佢有冇凍豆漿，又一句得人，E度冇豆漿ga!）完。(真係明左點解間野愈做愈縮) …查看更多

今日去咗間小店食lunch，個名字好特別，叫《魚鱻魚湯專門店》，「鱻」字唔常見嘅字，店內有張貼解釋個意思，粵語讀音係同「鮮」同音。佢個名有咁多個魚，顧名思義佢最出色嘅係魚嘅菜式，特別係以魚湯做主打嘅米線。我一向都好鍾意飲魚湯，佢個魚湯好清新魚香味，湯底唔覺有腥味，亦冇一般好濃嘅味精味。佢個餃子，唔同一般嘅餃子用豬肉，而係用魚肉，皮亦夠薄，感覺好新鮮。另外叫左個炸魚餅，夠脆同夠香口，有香濃嘅魚味而唔係得粉味，呢個亦係值得一讚。呢間對我嚟講係一間唔錯嘅小店，地方唔使好堂皇，但滿足到我把口。…查看更多

起碼4、5年冇食，今日忽然想食下短髮阿姐落落下單走咗去我已經呆咗，我話兩杯凍檸茶走甜，佢大聲講：我地呢度全部走甜！，我當佢豪邁啦隔離位小姐問佢攞杯水，佢又黑臉語氣唔耐煩講：自己斟！上黎睇評論先知原來個個都話佢有問題！真係想講有病去睇醫生啦，咁唔想做執咗佢囉枱menu又痴立立，垃圾舖垃圾員工，希望佢願望成真早日執粒👎如果service可以揀負分，我一定揀負10分…查看更多

2025年8月15晚由大帽山楂架林寶落荃灣 老細想再食魚飯 咁我又想起一年前去過路德圍呢間魚飯 果陣算合格⋯⋯但果陣等位都要半小時 但今日竟然5洗等？奇怪⋯⋯於是我2人叫了圖片的食物 但今次竟然冇莞茜 而四眼女職員態度又差 唉 5怪得小咁多人 廁所依然污糟 逼夾⋯⋯⋯5會再來⋯⋯⋯…查看更多

最近睇新聞見到荃灣路德圍多了很多吉舖有點擔心魚鱻魚會不會結業所以專程來食，魚鱻魚都算荃灣名物，開業都有一段長時間（好似有十幾年），最出名係燉湯和魚湯米線等。其實我以前都經常幫襯，係最近少來咗。燉湯要晚上18:00至供應（ok好飲嘅）而我主要食佢嘅鮮魚泡飯，佢哋每日有唔同鮮魚供應，無話邊種特別好食嘅！本來我今日想叫班球泡飯但班球賣曬了最後點了花膠鮑魚鮮雞（可選田雞）泡飯（99＄）小弟選了田雞外亦加了魚標（16＄）湯底統一係鮮魚湯底，所以味道上分別不大，我本身鍾意食魚所以唔覺得腥，價錢方面好似輕微調升，服務麻麻環境都一般，但還是想這種小店能夠繼續經營落去…查看更多

差，講完。（環境髒亂不衛生，設施如廁所老舊，非常不方便。幾乎沒有座位可言，就是一張張小桌子，塞到幾多人塞幾多人，很逼，很不舒服。除了湯，其他任何食物味道都不好。雖然叫做鮮豬肉片，但豬肉好明顯是蘇打粉泡軟，口感如同香口膠。雞翼味道不好，感覺是雪藏很久的肌肉，感覺似雪櫃異味而不是醃製的味道。態度差自然不必多說，會鬧客。不過似乎是自己鋪面，點都做得住。所以態度用差其實都形容不來，應該是惡劣。不過香港人都習慣了。）…查看更多

荃灣名物魚魚魚魚魚湯米線。 所有嘢都係圍繞住魚呢個主題。魚皮幾爽脆，冇腥味，加埋薑、蔥同花生，落少少調味，幾好嘅開胃小食。炸魚餅份量還可以，都尚算香口。 雖然印象中以前再大份啲，同香脆啲。魚咀魚鰾魚湯米線，魚湯底鮮甜冇腥味。 魚咀同魚標份量都好豐富有魚味。 算係保持到水準。魚湯餃子嘅餡，貫徹間鋪抱嘅主旨，都係用咗鯪魚肉。 質地同味道同一般餃子好唔同，幾有趣嘅組合。燉湯十分鮮甜，比米線用嘅魚湯底，鮮甜程度高上幾個層次。魚湯浸菜材料亦都豐富。見留言好多人話水準差咗，服務態度亦都 …… 感覺而家真係唔係佢最好嘅狀態，但係都未至於好差咁啦…查看更多

望住佢1間變3間再執剩1間😮‍💨荃灣真係有好多米線選擇呢間係回憶嚟 啲staff無變 唔係sell服務湯底鹹咗 豬扒少肉咗 米線彈得嚟唔似膠本身想食魚腩 7點就無晒轉咗魚骨要等一陣 好重魚味…查看更多

呢間嘢幫襯咗佢好多年，起碼有十幾年，近幾年差咗好多，對上果次食，個湯咸到死，同佢反映完都無動於衷，好失望，都諗住罷吃。但因為我仔好鐘意食，於是又俾次機會佢，點知今次食完之後，我老公同我細仔出咗去，突然我細仔又要搵我，跑咗入去，白頭佬店員開始鬧，叫我老公抱佢出去唔好再入嚟，個女人店員仲態度好差，話講咗好多次都係咁。我明佢哋唔想啲湯整到我仔，但態度唔可以好啲？ 仲要講埋粗口鬧我老公，真係好惡劣！😡嘢食已經差咗好多，而家態度又咁衰，真係唔怪得風光不再！…查看更多

魚要食出鮮味，除咗蒸，煎外，仲有既係”滾” .呢間多年小店以新鮮魚為食材，做出各種美味既湯飯or 米線🤩🤩今次我地叫咗佢地既<<今日推介>> + 必吃小食：-1. 原條馬友湯米線 💰$89馬友鮮味，魚肉鮮香，另加皮蛋+ 鮮腐竹 @$10, 成碗米線更加昇華，我地除咗d 魚骨，連湯都飲晒，一滴不留。2. 椒鹽鷹倉魚 💰$49呢款椒鹽外面脆卜卜，肉裡魚肉仍然鮮嫩，不過就略為細條，魚肉不算多3. 招牌魚餅 💰$25呢個小食差不多每枱必點， 魚肉彈牙，幾好食👍🏻👍🏻店內環境偏狹窄，不過還算淨潔，另外炸豬扒都好多人叫既，下次可以一試😬…查看更多

假期去食lunch，地方迫，枱排得密，要搭枱，唔緊要。叫了$50生炸豬扒魚湯泡湯，無野飲，好快上咗碗湯飯，上面幾塊豆卜，話炸野陣間比。望一望，有異物係豆卜上面嘅，近啲睇，有腳嘅，原來小昆蟲，衛生真係麻麻。最差係服務態度，事原隔離枱坐低一行幾男女，男士把中等size背包放了在佢地張枱嘅空櫈上，此時鋪頭仲有4-5個吉位係唔同枱，店員叫佢掛係牆上掛勾，男士話：仲有位唔洗啦。店員：一個人放櫈，個個都放櫈㗎喇。氣氛即刻僵咗，無人讓步。生炸豬扒份量少，很薄片，又炸得油膩，湯飯不夠熱，除了豆卜沒有其他配菜，總結不好吃。…查看更多

係附近做完野，朋友提議食依間4條魚，見朋友想食是是但但啦，但之前食過一次都已經無乜好感！去到門口，入面大把位係要你等齊人先比入，已經多過半數，係差一個行緊黎，但係都唔比入，唔可以坐住叫住等，巴乜閉😒仲話你地唔齊人，你地張枱比其他人啦仲叻到叫我地唔等得食其他😠你估成條街得你一間呀，又噏耷又污糟，唔係朋友話想食，我真係完全零興趣多得你依句，終於安落唔洗捨命陪君子今時今日咁臭串，抵你生意好可以放入”永不幫襯”清單🙂‍↔️🙂‍↔️🙂‍↔️**乜評分要被迫比一星，唔可以差到一粒星都唔值？？…查看更多

態度勁差，唔係多人時間去。佢叫我同嗰friend坐左右，我覺得冇問題但係態度非常惡劣，仲叫我哋唔好講咁多嘢，叫你坐入去就坐入去。服務態度勁勁勁勁勁極，唔會再幫襯，亦都唔會再叫我身邊啲朋友去幫襯！…查看更多

今天去到，諗住再一嘗美食，門口望到廚房，見到食物落咗廚房枱面也執返俾客人，非常不衛生。有其他食客問有冇位，門口餐廳員工非常晦氣地回答，又謂不要行入嚟出面等不要阻住他們工作。看到這種情況先覺得香港食肆執笠係有原因。怪不得好多人去晒深圳食飯。這間食肆不會再幫襯，會去其他食肆繼續支持香港消費…查看更多