魚你相聚

营业中

休息中

今日同friend一齊約食飯揀中咗呢間喺長沙灣開嘅酸菜魚舖頭，我地食夜晚7點半，當日雖然滿座，但都唔需要等太耐，鋪入面唔算好大，都算乾淨整潔，服務員效率都幾快。我地三個人，前菜揀左一份涼拌海蜇，主菜揀左一份2-4份既鱸魚酸菜魚，額外加配料黃喉同鴨血，另外再叫左份胡椒豬肚雞煲。涼拌海蜇28蚊，份量都差唔多，味道都正常，夠爽脆2-4人份既鱸魚酸菜魚，好大份，味道同大陸食既差唔多，不過魚片比較細片，容易碎，魚片都夠滑，無骨，黃喉份量比較少，食落都好脆口，鴨血正正常常，湯底酸酸辣辣，好開胃🤤，三個人食好滿足。胡椒豬肚雞煲，湯底胡椒味夠，又夠熱，飲落暖笠笠，以一人餐既份量黎講差唔多，豬肚處理得乾淨，雞有味，雖然唔算好滑，不過都推介凍凍地去試下。最後我地叫左兩份紅糖糍粑，一開始叫左一份，唔夠喉，再叫多份，當然好食先會叫多一份🤣

🍜街坊至愛·酸菜魚米線🍜-等出糧嘅日子 荷包要慳住慳住 呢啲時候 我通常食價錢親民嘅酸菜魚米線 - 🐟 鱸魚片/龍脷柳酸菜米線 $58-$76可以order一人份酸菜魚 實在太好 有多種魚類選擇😙再自由加餸 鱸魚片切得薄身 龍脷柳軟腍腍 嫩滑冇腥味 酸菜金湯有魚鮮亦唔會成層厚油浸喺面 酸菜又爽脆好食 難怪呢度晚晚都坐滿街坊 堂食/外賣 一樣咁旺-🥢涼拌海蜇 $28小食價錢抵份量足☺️ 海蜇爽脆有麻油香 咸花生🥜脆卜卜 如果底下嘅青菜絲🥬改為青瓜絲 咁就更好😬-🫔紅糖糍粑 $28糍粑軟糯黏牙 每條保持微温 紅糖漿香甜好味 食完第一條 真係好難停手😜-🍊凍柑桔蜜 加$10🫘紅豆冰 加$12-📍魚你相聚長沙灣長沙灣道759號

估唔到長沙灣有間咁好食嘅川菜，而且佢除咗辣嘅嘢食好食之外，佢嘅米線都超級好味我哋叫咗個酸菜魚拼米線，同埋叫咗個花膠雞煲。無論將米線放入雞煲定係酸菜魚裏面都係非常之好食。因為酸菜魚嘅話，就有淡淡嘅檸檬酸味食落去幾清爽，而花膠雞煲就有濃郁嘅雞湯味，非常滋潤。小食方面，我哋亦都叫咗好多嘢食，包括佢嘅牛肚，海蜇，口水雞同豬耳。由於佢嘅辣油係唔錯，食落甜甜辣辣，惹味又開胃，所以都好好食。而且口水雞嘅溫度唔會太冰太暖，食落都好嫩滑，幾好食。

難得放假，陪太子去長沙灣運動場伸展一下，久不久都會嚟打吓籃球。做完運動梗係肚餓啦！朋友仔提議去 魚你相聚，主打平民價錢的正宗四川風味菜式！餐廳裝修簡潔明亮，而且座位寬敞，啱晒傾偈，都坐得舒服。主打特色川菜，無論食物賣相同質素都幾高，我最鍾意食酸菜魚同埋水煮牛肉，真係唔錯。2-4人鯛魚片酸菜魚 $268 好似張枱咁大嘅一盤酸菜魚，真係十分超值！賣相好靚有特色，微辣老壇酸菜湯都好好飲，鯛魚片肉質比較爽脆，魚肉嫩滑。而且表面鋪滿左老壇酸菜，還有各式各樣的配料，大豆芽、豆腐皮、豆腐、娃娃菜、金針菇、海帶、薯仔，非常豐富，我鍾意呢個配搭，幾惹味。而且還有主食，米線和薯粉，男士們都說食得很滿足。涼拌海蜇海蜇幾乾身，口感唔錯，食完一大盤酸菜魚，我同朋友覺得口味正宗，所以忍唔住再添加小食，咬感十足同都算清新。酸辣萵筍土豆絲土豆絲配埋萵筍一齊食，酸辣味道保留得唔錯，幾清新，好開胃。裏面好多土豆絲，清清地素食都幾好食，仲可以中和油膩感。鹹脆花生花生炸得酥脆，大大粒好飽滿，鹹香滿滿的。豬膶蓮藕片今次同朋友點咗豬膶蓮藕片，配搭幾得意，本身好鍾意食豬潤，因為好有益。呢個辣辣豬膶加埋蓮藕片，辣得好入味也濃味，裏面

今日黎到長沙灣呢邊探frd，晚餐時份佢話帶我食附近一間川菜小店，價錢唔貴深受街坊歡迎。我地大概7點去到，都已經坐滿哂，好彩咁啱有人埋單我地就可以直入。餐廳有多款一人套餐，大概70幾蚊都有主菜加個飯或麵，同優惠價配野飲。我地就叫左幾款share黎食😁麻辣牛肚🐮($42) - 先黎一份冷盤前菜，牛肚幾爽口，加埋麻辣汁好開胃，份量都幾多👍🏻2人份酸菜魚🍲($268) - 毫不猶豫咁叫左2人份，估唔到黎到咁大盤😂 應該4人都夠食！上面超多酸菜同各款香料，非常惹味。我地揀左鱸魚片，煮到啱啱熟好嫩滑😋 湯入面仲有6，7款配菜例如薯仔，豆皮，金菇，薯粉等，真係超值之選！千尋臘味煲仔飯加咸蛋🥘($68) - 除左川菜之外呢度仲有煲仔飯食，天氣凍就最啱😊 叫左個臘味煲仔飯，臘味嘅油香滲哂入飯度，而且仲有好多飯焦，入口又香又脆口✌🏻

老壇酸菜湯龍利柳酸菜，228蚊份💰老壇道酸辣開胃湯，湯底用老壇酸菜熬製，配料相當多款，有萵筍，芽菜，金菇，薯粉，辣椒龍利柳切成薄片，入口即溶化，酸菜魚肉的搭配恰到好處，既能中和魚腥🤗胡椒豬肚雞煲，70蚊鍋滋補養生雞煲，用砂鍋燜製，豬肚雞肉都經處理，保留彈性，胡椒粒撒在表面，增加香氣，湯汁濃郁，入味十足，豬肚同雞肉口感非常嫩滑，食落唔油膩😃鳳爪排骨煲仔飯，68蚊鍋煲仔飯，飯粒鬆軟，帶有煲仔香氣，鳳爪排骨都經過醃製，鹹香可口，肉質酥爛，骨肉分離，食到底有一層金黃的食蕉，香脆可口，一啖飯一啖肉，滋味無窮😄😄

經過呢間長沙灣既酸菜魚幾次都見到幾多人食下，今次決定試一試揀左佢既招牌老壇酸菜魚要左生魚片，微辣呢個係2-4人份量，大大盤真係好抵食入邊有好多配料生魚片、金菇、芽菜、酸菜、薯粉等等無骨生魚片份量多，夠嫩滑真係啖啖肉👍🏻配菜份量一樣唔少係湯入面索晒味好正😚呢個套餐仲可以跟飯、薯粉、米線配酸菜魚既湯真係好夾我地另外仲試左佢地既小食涼拌海蜇夠晒爽口調味岩岩好，麻油好香鹽焗鳳瓜份量都唔少，好夠味不過佢幾特別係碎上🤣其實都幾好，方便食😆最後仲揀左個甜品小食 紅糖糍粑外脆內軟，加上紅糖漿同黃豆粉仲可以幫手解下辣😝大家可以一試價錢貼地 食到正宗四川風味👍🏻🍽 魚你相聚長沙灣道391號地下1號舖

藤花椒酸菜魚。這道菜以新鮮的魚為主料，搭配了藤椒和酸菜調味，味道鮮美獨特。藤椒的辣味和酸菜的酸爽相互輝映，讓人回味無窮。魚肉本身鮮嫩多汁，與調味料的結合更是完美。我尤其喜歡這道菜的口感和味道，每一口都能感受到豐富的層次。此外，魚你相聚的配菜也非常豐富。他們提供了薯仔、萵筍和鴨血黃喉等多種選擇，讓你可以按照個人喜好進行搭配。薯仔的香脆口感、萵筍的清爽口感以及鴨血黃喉的嫩滑口感都讓我留下了深刻的印象。這些配菜不僅增加了整體菜品的口感層次，還提供了更多的營養元素。

一出港鐵站就見到呢間餐廳經過門口已經聞到陣陣酸菜香味個肚餓到打鼓．口水都流埋見到有2-4人份量嘅酸菜魚當然試下招牌菜✨大盤酸菜魚有4種唔同魚肉選擇鯛魚口感非常爽彈嫩滑第一次見 湯底竟然有8款口味咁多仲要超大份量．好多配料呀揀咗檸檬酸菜湯帶點微辣好惹味除咗米飯．薯粉之外，仲可以揀米線✨涼拌海蜇$28超抵食，估唔到咁大碟爽口好彈牙✨鹽焗手撕雞鹹鹹地嘅手撕雞起哂骨啖啖肉．係必點嘅小食✨紅糖糍粑川菜一定要點呢款甜品外層金黃香脆．口感軟軟糯糯沾上紅糖好香甜✨紅豆冰奶茶紅豆加入奶茶之中比例恰好又唔會太甜

呢間舖頭係好出名，離地鐵站又勁近，間餐廳出咗名係主打四川正宗菜式🍲而且價錢比較平民，性價比比較高，真係好抵食。我哋試完之後真係覺得啲嘢食係全部都係超好食，份量有好多，職員嘅態度都係非常之好😄會同我哋介紹舖頭嘅菜式，會同我哋傾吓計，成個感覺都比較親民😍🌟微辣老壇酸菜魚 $268呢個酸菜魚嘅份量真係好多，一送到黎已經可以擺到成張枱，入邊有勁多嘅魚🐠薯粉，金針菇，芽菜，酸菜等😄個魚食落去係好嫩，好滑又帶點酸辣🌶️我地今次叫左小辣，又有酸菜配搭，正😄啲配菜份量都好多，入邊又煮到勁入味，可以兩個人都食唔晒🌟酸辣萵筍土豆絲 $28連埋萵筍一齊炒嘅真係第一次食😋食落去係好香辣，加咪萵筍嘅爽口，上面仲有勁香口嘅花生🥜呢個土豆絲🥔係會愈食愈惹味，真係好爽脆，又好香辣又好香口🌟紅糖糍粑 $28呢個糍粑係啱炸起，岀面食落去係好脆，入面食落去係好糯米，好有嚼勁，可以再點咪紅糖同黃豆粉，令到個有糍粑變得更好味😋更香口🌟凍鹹檸七 $5個職員推薦下就一定要試下，入面有成半粒咸檸檬🍋再撈咪個雪碧一齊飲真係又爽又解膩🍹🌟凍檸檬茶 $12

舊學生在外地回來，說要同我去食酸菜魚，佢請！於是我提議去長沙灣食，因為一人一鍋比較方便，而且價錢親民，不怕他破費。*這間酸菜魚餐廳有四川來的主廚，風味正宗，有多種湯底和辣度選擇。一人套餐假若不追加其它東西，價錢由$58-$78，包吃到飽飽。*今次我和學生都在一人套餐上追加多一份魚，非常豐富，又可以一次品嚐兩種魚的口感。🏅鯛魚片爽脆，🏅鱸魚片柔軟，🏅生魚片軟滑。*湯底方面，無論是🏅老壇酸菜湯還是🏅酸菜金湯都濃香夠熱，鹹中帶鮮，吃來不覺油膩。*套餐可自選兩款配菜，萵筍和白蘿蔔清甜，薯仔片有口感，豆腐吸收湯汁很好吃。*此外還贈送主食，薯粉、米線、白飯任揀。*🏅鹽焗鳳爪和🏅口水雞都入味好吃；🏅紅糖糍粑外皮香脆，內裏軟糯Q彈。這3款小食都大大碟，有水準。*酸菜魚在香港愈來愈普遍，有些走高檔路線的，都不及這間小店好吃呢。

喺長沙灣開咗間新嘅酸菜魚呢個舖位其實陸陸續續都換過幾間唔同嘅舖頭夜晚經過見到滿座😂 停低望吓個餐牌發覺都幾抵食～ 就試下啦！員工都非常之有禮貌，同埋貼心🥰 🪿麻辣豬肚凍食既小食🐱 份量超多… 仲有炒花生香脆可口🥰🪿麻辣濃湯肥牛原來有得揀辣度.. 姐姐見到同行友人好似食得好辛苦😂 主動問要唔要加清湯.. 又怕加得唔多..再俾咗一碗細碗嘅清湯😂😂 真係超級nice. 牛肉既份量都幾多..質素都好高..再配埋米線同2個配菜..性價比超高🥰 🪿藤花椒酸菜湯 鯛魚片藤花椒本來就較為適合入湯..清香得黎～亦夠麻🩷 厚厚的四川風味🥰 鯛魚片亦都好滑嫩..飲品方面… 只能說超級抵飲😂 加配凍奶茶只係$5… 見到果下真係好震驚😂 可以試下特飲🥰 鳯梨梳打都不錯💛

🐷2-4人鱸魚片酸菜 呢個鱸魚片酸菜真係非常唔錯，魚肉新鮮彈牙，配上酸菜嘅酸甜滋味，鍾意食酸菜魚嘅人一定要來試吓，食完仲要再飲一碗仔湯底，真係幾正.🐷鹽焗手撕雞 鹽焗手撕雞係呢度嘅招牌菜，雞肉鮮嫩多汁，唔會諧霎霎，配埋啲好香嘅雞皮，真係無法抗拒😂😂 .🐷紅糖糍粑 嚟呢度一定要試下佢哋嘅紅糖糍粑！糍粑本身香軟有咬勁，再加上香甜嘅紅糖漿，真係幾好味！食飽嘅時候唔錯🤣.🐷青椒皮蛋 如果你鍾意青椒同埋皮蛋，呢個菜一定要試！青椒爽脆，皮蛋香濃，兩者一碰撞，味道更加豐富！真係好開胃🤣🤣.魚你相聚📍長沙灣長沙灣道391號地下1號舖.

❓今日想食酸菜魚 Or 麻辣肥牛 Or 麻辣鴨血？ 🔥我全部都要❗❓唔想返內地要逼一小時過關先食到酸菜魚？坐地鐵嚟長沙灣「魚你相聚」都一樣嘆到好味既酸菜魚啦😜👀今日本身係麗閣商場友和購物，出商場後見到馬路對面（地鐵站出口)旁有間門面幾令既餐廳，係灰色門面白燈招牌同另一邊藍色招牌，超級搶眼，Logo有條魚，又寫住酸菜魚，當然吸引到我～ 依到晚市好多人食，滿座要等位，外賣亦做到無停手。通常客人都一人點一碗單人酸菜魚配粉/飯～而我地今日就食得特別D！🔥霸氣大盤鴛鴦至尊 (2-4位用) $348💕一邊係鮮嫩肥牛(可選香辣味/麻辣味)配料：黃喉、肥腸、毛肚、鴨血午餐肉------------------------------💞另一邊係鱸魚片🐟 (可選老壇/藤花椒/檸檬🍋酸菜味)配料：大豆芽、豆腐皮、娃娃菜、海帶、薯仔兩邊底部都會有寛粉。🍜每份主菜也包括了米線/香飯/紅薯粉一碗。老壇酸菜魚🐟鱸魚片一條骨都無，魚肉嫩滑，入口即溶。清淡既肉味，配上濃烈既老壇酸菜加酸汁，每一口都係好味，有幸福感。老壇酸菜湯頭係非常好味，酸酸地超開胃。雖然餐牌寫住依隻味有1.5隻辣椒(三隻味中最辣)，我個人認為都接受到

招牌菜花椒酸菜鱸魚。這道菜以新鮮的鱸魚為主角，搭配花椒和酸菜調味，味道鮮美而獨特。魚肉鮮嫩多汁，入口即化，搭配微辣的花椒和酸菜的酸爽，呈現出一種平衡的口感。菜品的調味適中，既不過重也不過淡，讓人回味無窮。配菜方面，我選擇了薯仔、金針菇、鴨血和午餐肉。薯仔，口感香脆可口，與魚鱸魚相得益彰。金針菇鮮嫩爽口，增添了菜品的層次感。鴨血和午餐肉則為菜品增添了豐富的口感和風味。另外，我還點了一道豬潤蓮藕片。這道菜以豬肉為主料，配上鮮嫩的蓮藕片，經過慢燉烹飪而成。蓮藕片保持了脆嫩的口感，搭配豬肉的鮮香，味道豐富而鮮美。整道菜色澤誘人，味道濃郁，是一道美味的下飯菜。