餃掂手工餃子雲吞專門店

营业中

休息中

晚市禁堂食後，晚晚喺屋企煮餸好煩惱，呢晚決定放自己一個假－買外賣！餃掂係其中一間我好鍾意嘅餃子店，一段時間無去，呢日經過先發現多咗D新口味，就索性來一個餃子夜！餃子有中份跟大份選擇，可以選擇煎或者灼熟跟湯。壽喜燒牛肉餃($57/中）第一次見壽喜燒味道，太有趣，忍唔住點一客試試！餃子肉汁好多，咬下去立即爆汁！味道係又香又濃嘅壽喜燒牛肉味，仲有洋蔥喺入面，好特別！龍鳳松茸雙灼餃($94)每次來都一定會點，雖然已經食過幾次，但依然百吃不厭。龍鳳嘅意思係因為餃子內有齊矜貴嘅黑白松露！餃皮薄身帶有一點嚼勁，包住飽滿豐富嘅餡料，每隻餃子都飽滿圓渾。餡料松茸味香濃，黑松露與白松露令到香味更有層次，好食！隨餃子附送嘅狀元九鼎湯材料有粉葛、鰂魚等，色澤清澈，明顯無添加味精，味道比較清淡，但清甜順喉，有住家湯飲係幸福嘅！香煎軟心芝士餃（$63/10隻）店員好細心咁喺盒面剪角，令到我哋外賣返到屋企都仲係脆卜卜，呢個細節位真係大大加分！芝士餃煎得金黃，外脆內軟，入面仍然好juicy，食落芝士味濃，裡面仲不少粟米粒，更添口感。黃金皮蛋($25)金色皮蛋好少見，因為係用咗四川醃法，蛋白的質感似啫喱，蛋黃部分皮蛋味

一直都覺得呢間餃子店唔錯，分店都幾多無論係煎餃定灼餃都好有水準，所以不時經過都會心思思想去食款式口味亦好多元化，單係素餃都有兩款選擇～亦有提供小雲吞、麵食同小食~~~~飲品除了豆漿汽水外，也有自家飲品提供可選！！檯面有齊調味同泡蘿蔔今次除咗食平日都會食既龍鳳灼餃同芝士煎餃之外，今次仲試左呢度既涼麵同小雲吞呢度既餃子真係次次食親都好足料啲煎餃即叫即煎，外層煎到脆卜卜，裏面就有軟心芝士，正到不得了～龍鳳灼餃既熱湯都依舊夠火喉呢度既涼麵辣度可選，更可走辣，彈性好大～走辣版係配上麻醬，都好好食加上呢間分店店員既服務態度超好，抵讚！！！

Lunch唔想食咁飽，同同事揀左食餃子🤤。作為一個餃子控都無留意灣仔呢個位有間餃子店！等左15分鐘左右，又唔算好耐，雖然坐得有少少逼，但樓底高又唔算好有壓逼感。同同事2個都唔太肚餓，所以一人叫左中碗湯餃(7隻)互相share 😚。🔅雲耳椰菜豬肉餃(中碗湯餃) ($43)餃子唔算好巨型，不過都有隻匙羹咁大😎。餃子皮厚薄適中，好足料，又無一咬就散開晒。有菜同木耳口感比較爽口，唔錯👍🏻。🔅粟米豬肉餃(中碗湯餃) ($43)粟米係新鮮粟米，都幾鮮甜。另外值得一提湯幾濃粉葛同魚湯味😍，同埋強調無味精，飲落真係無味精味，又唔會好口渴👍🏻。不過覺得湯同餃子又好似唔係好夾🤣。💬因為怕太熱氣所以呢次叫晒湯餃，煎餃都係貴$4，7隻$50有找都ok。湯餃都幾滿意，應該久唔久都會黎幫襯🤤。

本身覺得呢間餐廳都好好食嘅，特別係佢嘅松露餃子，好耐之前喺佢分店好食過，係好特別而且湯底好好飲！本身諗住今次再嚟可以試吓再回味一次，可惜晏晝嚟嘅時候，不單止人很多，雖然等位不算太耐，等等嘢食就等到非常耐啦！不只係我一個人，坐在我身邊的女士，點了碗餃子麵，由下午12:30，等到1:00，都仍然未有餃子麵，嗰位女士燥底就走了。至於我就等得咁耐，由下午12:35落單，等到1:05，仍然沒有餃子麵，店員解釋是因為要即場包餃子，試想想怎可能職場包餃子都包了半小時仍未有餃子麵吃呢？在多番催促之下，韭菜餃子麵就來了。首先餃子麵底已經不是以往的好香好味的餃子湯底，而是一個很清淡, 但有很多麻油的湯底。韭菜餃子嘅而且很厚，味道亦不是很突出，麵條不算太硬，尚算可以！但這碗餃子麵已經不是以往的香口好味的餃子麵了。雖然我明白繁忙時間店員亦非常忙，但其他枱的餃子麵已經上齊，唯獨我這些漏單的少數，店員亦應該謹慎處理，不要讓客人等太久！餃子麵該加多點豬骨湯或雞湯，讓整體吃起來有點味道，亦不至於好像現在的那麼清淡。

天氣乾燥 最好就係食餃子 暖笠笠又飽肚🥰朋友帶咗我去位於灣仔莊士敦道嘅餃掂餃子真材實料又好食😋暖笠笠嘅湯餃 皮薄餡靚 啲肉仲要好鮮甜店員話啲湯仲要係粉葛鯪魚湯完全冇味精 食完餃子記得飲埋啲湯啊！再試埋黑松露煎餃 煎餃就比較濃味 黑松露味超重！而且仲有好多肉汁 抵讚！再試埋四川涼皮 少少辣 好惹味！涼皮又滑又爽 好食！😝再食多碟菜 飽飽🤪🤪最後飲埋山楂雪梨水 蜂蜜檸檬薏米水 夠晒滋潤😋😋總括而言，雖然呢間比起其他餃子店 可能會貴少少 但係佢真材實料 我覺得都係值得嘅～

妹子我覺得餃掂既煎餃，係煎法上係較其他餐廳與別不同，有香脆厚皮既外身，唔係薄薄地似鍋貼般既樣子，真係煎餃吸引！元貝豬肉煎餃，唔太食到或見到元貝，但就有聞到好強烈元貝浸過水既味道。推介揀煎餃食，脆脆既餃子外皮好食!食左香口既餃子🥟當然要叫湯餃再試埋個湯啦～雲耳椰菜豬肉湯餃配狀元九鼎湯，湯餃有雲耳椰菜配搭，食落爽口，皮滑。而湯味道好淡，但好勁魚味，因飲完後，魚味仲停留係口一段時間

𝔻𝕦𝕞𝕡𝕝𝕚𝕟𝕘𝕤 𝕔𝕙𝕠𝕚𝕔𝕖🥟🥟偶爾都會唔想食飯所以餃子🥟會係一個好好嘅選擇👍🏻呢間長期要排隊 所以難得食到 一口氣點左4款口味😋🥟香煎軟心芝士餃🥟至尊松茸豬肉餃🥟香煎韮菜豬肉餃🥟香煎壽喜燒牛肉餃唔太好韮菜嘅我都覺得煎咗嘅韮菜餃幾好食🥺😋招牌豬肉餃個湯底真係唔錯🥰值得一試清得嚟又幾襯個豬肉餃🤤最重要係‼️入面啲餡真係勁足料😍😍名副其實皮薄餡靚😌

囡囡係餃掂既忠粉，所以每隔一排就話掛住，要我帶佢去食。😍琴日放學後， 帶佢去灣仔分店食個tea。呢度幾多位，多數吾洗等就可以入座。💕Menu很多餃子口味選擇， 平時女女鍾意食粟米豬肉餃，今次就試下其他。🥢元貝豬肉餃（大）$ 62豬肉餃大大隻，好足料，餡料juicy，元貝甘香。湯底系狀元九鼎湯，用上粉葛煲，每次都飲得一滴不漏。🥢 至尊松茸豬肉餃（中） $80松茸一向係矜貴食材，做餃子材料都好match。松茸散發住濃郁獨特香氣，好滋味。🍯蜜餞雞翼 (5隻) $32雞翼嘅蜜糖醬汁甜甜地，女女鍾意到可以一個人食曬。💗惹味酸辣雲耳$25 小食好開胃，酸酸辣辣， 令人食指大動。 🥤自家製山楂雪梨水$28清甜潤喉，十分健康，適合宜家天氣。🥤蜂蜜檸檬薏米水$28清新解渴， 有去濕功效。

呢間餃子店都算係一間好成功嘅連鎖餃子，係好多地方都有佢嘅踪影。而依家亦都係我常想食快點但係又唔想質素太差嘅時候，就會揀呢間餃子嚟食。佢有兩款搞都係我每一次都基本上都會掂，第一個就係龍鳳鴛鴦餃，佢有四隻係白松露，四隻係黑松露，所以先叫鴛鴦餃。佢嘅松露味係非常突出，而且真係食到兩款松露係唔同味道另一款我好鍾意嘅就係佢嗰個牛肉餃子，因為佢個牛係好有牛味，所以係令到成個餃子更加吸引。通常我都會加個小食嘅，今日我加咗個留心蛋。今日仲有個湯送，所以整體講呢間野都好好

吃餃子過上好日子-倘若生活這麼簡單那該多好。.這間餃子店的魅力，除了餃子🥟的本身，牆身的正面字句，亦係吸引我一再返dep的原因。.龍鳳松茸餃：這款餃子與狀元九鼎湯的關係，就像是珍珠和奶茶一般，兩者缺一，都總會令人感覺“爭咁啲嘢咁”，兩者相輔相成下，才會使美味的本身更加美味。.四川涼皮& 麻辣豬肉餃：晶瑩剔透嘅片片涼皮，滑溜非常，加上大量花生粒和麻辣汁，辣得過癮，再加埋有異曲同工之妙嘅麻辣豬肉餃一齊食，就算有少少頂唔到咁辣，都完全停唔到落嚟，爽。.蜜餞雞翼：是日嘅雞翼超水準發揮，香甜鹹香並存，而且肉質恰到好處的熟度，啖啖都嫩口甜蜜蜜。.雙拼餃子：一次過滿足晒兩個願望嘅雙拼餃子，👶🏻B仔就揀選左大白菜豬肉餃配粟米豬肉餃，前者相對清淡，後者味道就會更加鮮明，粟米飽滿香甜，若要我二選一，個人則偏愛後者。

係灣仔約咗朋友又未夠鐘，等等下又有啲肚餓，不如搵嘢食，邊食邊等啦，自己一個食餃子都好喎，快脆又輕鬆。好，坐低睇下有咩好食先。至尊松茸豬肉餃，叫咗煎餃子，表面煎都金黃色，聞到好香，餃子皮夠薄，裡面餡料填滿滿，咬落去好香松茸味，個松茸味唔搶，食落好舒服。四川涼麵，麵底有辣油，上面有香脆花生，拌埋個麻醬，好開胃，天氣熱冇胃口食呢個啱晒。蜂蜜檸檬薏米水，食完煎餃子，飲個薏米水去濕下降火先。裡面有好多薏米，足料！

餃掂手工餃子雲吞專門店 (灣仔).▪️香煎軟心粟米芝士餃▪️.咬開好多粟米粒加軟心芝士，肉嘅份量唔會太多，十隻輕鬆！.▪️壽喜燒牛肉餃▪️.呢個又係特別推介，壽喜燒牛肉餃唔係到到有得食，呢個餃特別之處係我覺得沾醬油就變左曰式煎餃咁，沾番陳醋就相對解膩.▪️四川涼皮▪️.叫左最少辣，涼皮夠晒冰凍，呢排天氣熱返少少就最啱食！.▪️回味手拍青瓜▪️.青瓜好新鮮，爽脆，醬汁酸得來開胃，今次仲要醃得勁酸！.▪️麻辣松花皮蛋▪️.皮蛋晶凝通透，黏口，喜歡食皮蛋嘅人真係不容錯過！.▪️蜂蜜檸檬薏米水▪️.佢可以叫一杯或者一支，個人建議帶一支因為佢份量大啲之餘飲唔晒仲可以帶走，佢嗰樽仲要好靚可以重用！.📌 餃掂手工餃子雲吞專門店 (銅鑼灣)銅鑼灣景隆街19號地舖環境：⭐️⭐️⭐️⭐️⭐️味道：⭐️⭐️⭐️⭐️⭐️服務：⭐️⭐️⭐️⭐️⭐️價錢：⭐️⭐️⭐️⭐️⭐️

無諗過食一餐餃子俾人轉咗2次枱，轉完一次又一次。明白小店想做多啲生意，但係明明有其他吉枱，但佢地唔想俾1個人坐4人枱，就情願要人不停轉枱，兼三唔識七要搭枱坐。無疫情都算，但係自疫情開始大家都怕同陌生人一齊除口罩食飯，連塊隔板都無，係係我堅持下先肯加塊板。員工好勢利眼，叫嘢食一定先去多人個張枱落單，一個人就唔該等下先。轉枱都係一樣。雖然餃子係唔錯，之前都去過銅鑼灣同太子分店，但係依間服務真係差到無下次。

My friend highly recommended this dumpling place and she brought me there for dinner.  It was my first time dining there. It was full house at around 7pm when we got there. We were lucky to get a table without queuing.My friend suggested to have a bowl of ten coriander pork dumplings and a bowl of ten black fungus, cabbage pork dumplings in soup.  The fillings filled up each dumpling. Each was nicely cooked and flavourful. I love the coriander ones the most because of the rich flavour of coriand

放工經過灣仔，又唔想日日都食飯咁悶，見到呢間餃子店主打手工餃子，於是又試下。同朋友一共叫左3碟餃子：元貝豬肉湯餃，龍鳳松茸煎餃，壽喜燒牛肉煎餃 等上菜期間，我朋友留意到佢D調味料有2款辣醬係菜單上仲有得賣，姐係店舖嘅特製醬料，用嚟點餃子應該好惹味🤩元貝豬肉湯餃：值得一提湯餃嘅湯底係佢哋主打嘅狀元九鼎湯，好香鮮魚味，餃子皮浸係湯到吸埋D鮮味，令湯餃子都冇咁清淡，餃子入面肉餡好飽滿。龍鳳松茸煎餃：👍🏻👍🏻呢個必食呀！一碟有齊黑白松茸2款味道，加上煎脆的外層，同肉汁嘅鮮味，我同朋友都食到點曬頭😂壽喜燒牛肉煎餃：呢個都好正，牛肉味好濃，仲有壽喜燒汁嘅甜味同餃子皮嘅香脆👍🏻基本上全部餃子都已經有香濃肉汁，所以都只係點左好少，甚至唔需要點醬。但試過點佢個辣菜脯醬，的確又辣又惹味👍🏻值得一試