雲貴風正宗雲南米線

营业中

休息中

由於係平民小店嘅關係對店舖入面嘅裝修期望唔高不過不失 如果你肯去大排檔食飯嘅話相信你都接受到入面嘅裝修（我接受到架😁）今次叫咗腩肉豬腸娃娃菜酸辣小辣米線腩肉豬腸娃娃菜呢幾樣配料都非常之入味米線亦都夠林身（本人唔鍾意太爽口/硬身既米線） 但又唔會好容易折斷😋湯底辣得黎唔會麻痹咗你嘅味覺神經所以仍然可以食到配料本身嘅味道加上湯底裏面有少量白芝麻同大量嘅酸菜所以令到湯底嘅味道更加香濃店舖亦都非常之貼心因疫情關係 店舖將食用嘅餐具轉做即棄紙碗同埋木筷子 食得安心雖然要另加一蚊費用 但喺疫情期間 我都覺得值得嘅！埋單都係$46

事隔兩個多月再食多次呢間人氣米線鋪，人氣依然不減，好彩唔駛等太耐就可以入座。今次只係將配料微調，最後落單為：腩肉、韭菜雲吞、豬肚米線，淨係湯底辣，配料唔辣，但出黎既效果亦相當辣。好大可能係轉用呢種紙兜裝，令到清湯冇咁多吧！？印有店名既專屬外賣碗！？腩肉：無多餘油脂，口感帶嚼勁豬肚：處理方法係將豬肚切薄片，口感爽脆韭菜雲吞：皮薄，今次夾兩舊都穿開呢次微辣比上次小辣更勁，食完之後個嘴好似赤赤地

最近經常去景峰吃飯，上次試了一間「平靘正」的酸辣米線，今次就到朋友推介的米線專門店，這次只有我一個人吃飯。雖然現在香港的疫情稍為緩和，但也不需要完全不做防疫措施，或是做了等於沒有做。服務員不但沒有為我探熱，竟然安排單獨的人士一起搭桌吃飯，以前是沒所謂，但現在還不改變，遲早出事。另外，店內環境非常狹窄，桌與桌之間只限一人通過，非常接近，空調不給力，好像在露天地方吃飯，有空調等於沒有，我見到員工都自備一個掛頸風扇。我認為環境比大排檔更差，令人難以忍受。如果在這樣的環境，米線的價錢是相對低，我也沒有那麼氣憤，問題是價錢是跟雲川燒差不多，不但份量比它小，環境更惡劣，我實在不明白食物是如何吸引到顧客已經不理會感染的安全。就算食物有多好，我也不會再入店內吃飯。我只是叫了一酸辣米線$33和一樽凍豆漿$7，沒有任何主菜，只有配菜。米線的湯底有一層紅彤彤的油，味道比雲川燒淡一些，更油膩，只喝了一兩口就算了。麵質極普通，份量剛好，配菜跟雲川燒是差不多的：芽菜、酸菜、肉碎和蔥花等。由於我不吃內臟或眼耳口鼻，所以吃不了招牌菜，亦感受不到這間店有多大的魅力令我再回頭。

份量適中但有少少失望😑米線偏粗身 冇乜口感完全唔煙韌唔彈牙豬扒細塊又薄味道過得去啦 但同樣價錢嚟講雲貴香個豬扒抵食同好味得多肥牛又少肉 差唔多成塊都係肥膏🥱個湯睇落好重口但唔知係咪因為走咗酸菜個湯其實冇乜味 小小辣但唔香只係有一層好厚嘅辣油環境方面間鋪好細好迫坐得唔太舒服又冇乜冷氣 完全唔掂呢個環境加換米線完全對唔住個價錢🙄不過我會俾多次機會佢下次試下佢個麻辣雞😗大家都可以試下嘅我試咗我個frd嗰碗係ok嘅但就係我嗰碗冇味囉😗

呢間由細食到大既米線，只係搬咗屋後都好少返黎食。湯底有好多種類，我就揀無肉碎個款，而餸方面就揀腩肉同韭菜雲吞。要注意一點，就係如果湯底揀辣，而腩肉又選辣，會有額外加成，辣到嗌兩支嘢飲先食到落去……但太耐無黎，唔記得以上規矩，我嗌完小小辣+腩肉，直到上菜先知出事。正確嗌法係：微辣！腩肉：有咬口，唔係某連鎖米線鋪個隻有層脂肪，啖啖肉，正！韭菜雲吞：如果鐘意食韭菜的話，唔會失望，因為入面超多韭菜，皮薄，小心夾落去好易穿。PS: 好彩近排食辣練習到有抗體，所以仲頂得順。

店裡有很多人在排隊。等位的時候，點定先，入去即食所以我去吃食先😀😀😀湯底叫小辣因為我餓了，所以我叫小食，它是由豬頭肉，豬肚肉和豬腸製成的！樣樣都想食，有選擇障礙，豬頭肉的皮膚清爽，切得薄，口感吾錯，食物種類選擇多，下次再試吓其他先！

聽聞雲貴風係屯門霸氣米線無論是味道 還是 員工素質都十分霸氣！！最近佢D味道真係参差不齊真係唔寫評語都對唔住自己我下定決心唔會再關顧即使幾好食都好 都係咸豐年前嘅事一係就辣到死一係就係成叨油次次食完翻去都係 屙💀唔知有冇同路人呢？員工……日頭 果D都幾好…天堂好快手 阿姐同D客有講有笑夜晚 果D真係…地獄尤其果個好似係所謂嘅【大家姐】次次撞親佢 唔芳好嘢打電話去叫目的就係為左快D點知佢收完我D錢之後 真係等左半個鐘 都未有~其他人即刻去買嘅都有真係火都黎！！！跟住我去問佢 仲要唔理人 吊頭走宜家咩態度？咁嘅價錢 我都唔望距有咩態度連基本嘅尊重都冇咯！到最後 我再去問另一位同事距好快幫我處理左 後生嘅果然做嘢唔同D仲有一次仲離譜我又係打電話叫電話嘅另一邊廂嘅人:［畏，你等等……］我等左足足5分鐘 都冇人應機於是 我咳左線~影真無奈接左人電話 叫個客永無止境係度等究竟係唔係做生意嘠？之前堂食都係咁碗嘢食嗮 杯飲品都未到哩D就係雲貴風嘅質素天堂與地獄分別有時唸唸下 究竟係唔係出自同一老闆我係想食鍋氣米線唔係黎食出氣米線

經過屯門，朋友話呢間米線一定要試，食過就會番唔到轉頭而家個個出街都帶口罩，間間食肆都冷清清，偏偏呢間米線舖竟然仲大排長龍要等位。午膳時間，好多人堂食之餘都好多人叫外賣，等左10分鐘到入左去，小店當然就唔太好坐，有d迫至於落單到上菜，足足等左30分鐘到。明嘅，個個樓面都冇停過手。終於等到碗麻辣豬頭肉肥牛米線同麻辣豬耳豬腸米線雖然紙碗裝，但都好大碗下。芽菜，韮菜當然有，湯底都幾惹味。今次㨂左微辣，冇食到流鼻水至於米線真係煮得唔錯，好爽口好彈牙，好完整一條加上配料份量好大份，樣樣都好足料，絕對唔係三四嚿敷衍客人個隻，抵讚至於價錢，市價啦。一碗一餸米線$32-38，加配料每款$6-$13，視乎配料而定

呢間開左好都有啲時間， 住附近架朋友細細個就食緊。 有辣有唔辣， 小鍋，麻辣，酸辣都有。 傳統嘅送， 腩肉， 豬耳， 豬腸， 雞肉之類。 不過小弟最愛麻辣雞肉同腩肉， 加多兩個菜仲送即刻健康曬。 如果怕太肥膩， 可以食清湯， 一樣好味道。 仲有炸豬扒， 炸雞翼。可能由於做開街坊生意， 竟然仲有學生餐呢樣嘢。 （真係幾窩心）飲品就奶茶咖啡檸茶檸水咩都有， 仲有黑白豆漿添.可能我都係比較愛食小店， 係啲迫迫地架地方食米線好似比較有味道啲。 （可能都係妹仔命， 坐好啲都唔習慣。）總括而言， 味道keep得住， 都多選擇， 老鋪小店， 窩心街坊feel。 😁

住屯門既朋友話雲貴風係區內既數一數二好食既米線，聞名不如見面今日決定黎屯門試一試。依間野平時食晏時間聽講都要等位，所以我地12點鐘就準時企係佢門口等佢開，最後緊係唔洗等位就有得入去坐啦。我叫左碗唔辣既炸豬扒魚腐小鍋米線。個豬扒有d薄同乾身，米線都算唔錯。朋友就叫左碗小辣既豬肚豬潤小鍋米線，果然小辣既湯底係好食d。另外我地幾鍾意佢小鍋米線d肉碎，令到每啖米線食落幾有口感。住係區內間中黎食都算okay，但如果要特登入黎食就可能要考慮下。

今日揀左米線做午餐。大食既我驚唔係好夠飽，所以叫左兩個餸:麻辣豬耳加麻辣腩肉米線，湯底要左清湯，呢兩款係必食既餸，唔食得太辣都可以咁叫，有少少辣既餸現配清湯，加埋岩岩好，唔會太辣食唔到，又有得過下辣癮。另外，見到隔離位有好多人叫咗炸雞翼下次一定要試吓！

今次要給雲貴風寫出人生第一篇劣評！這家雲貴風，在屯門紅橋很有名氣，元朗分店也有光顧過。我也算是屯門店的老顧客，間中光顧，每次都要攞籌排隊是預計中的事。寫過食評讚賞這裡的辣味夠正宗，湯夠濃，即使要等位也來光顧。多人堂食，也做外賣，所以要攞籌排隊，理應不會出現混亂或不公平情況。但，今次光顧，職員安排入座不當，令我極氣憤！我來到攞籌後，職員叫我坐在側邊膠櫈等候，但竟然完全無視我在排隊，而先讓另兩位剛來到的人落單入座，我已等候了20分鐘，期間無職員說過替我落單，請問貴店，客人已拿著籌號，坐膠櫈等候的不是在排隊是什麼？剛來到的人，不用攞籌，可以立刻落單入座？我生氣得立刻過去出示籌號，職員看看自己手上登記取籌的手寫板，原來根本無記下我的籌號！怪不得我在無止境等位！職員說：咁你落單先囉！道歉也沒說一聲，然後安排我入座。由於我已等候太久，十分肚餓，還是進去吃我最愛的米線。不過，今次是最後一次，絕不再光顧了。只能說，我認同這裡收費便宜，沒有服務是正常。但即使食物味道不錯，有一班長期顧客，入座安排卻如此混亂，我相信長期顧客如我，也會慢慢流失。點了一碗豬脷米線中辣，味道依舊，由於入座安排令我十分不滿，任你是

放工冇咩野想去玩想去郁，就過嚟呢間小店都食下我最喜歡嘅米線！今次個米線比平日做得特別好，事關我同Cheng Paul Paul都有幾句傾下，我叫佢今次整得好啲，我食得開心啲，佢真係將啲面好細心咁樣去煮，而塊豬頸肉佢亦都煎得好香脆，而且剪落去一條條真係好似豬肉條一樣咁好看！另外佢呢一個湯底係用咗香辣而大有馬勒嘅味道，的確係一個好完美嘅配搭！我比較喜歡一啖湯一啖面再加一舊餸今晚去食，三樣嘢嘅配合令到成滿面完全配合到麻辣米線呢幾樣野！

本身對間野好大期望有個住中西嘅朋友一直話要入嚟屯門再食再加上一到埗見到成班人喺度排隊諗住今次個米線一定好食啦等左10分鐘左右有位要先落單點知個阿姐落錯單我同另一半諗住淨係叫一碗麵加一個雞脾同豆漿 佢幫我落左2碗麵再加雞脾 同佢講番 佢話有我着數🤷🏽‍♀️ 問題係我要俾多碗麵錢🤷🏽‍♀️啲嘢食開始黎 麻辣湯底淡 叫小辣完全唔辣 啲雞肉又少又乾炸雞翼同炸雞脾炸到感覺好唔新鮮好乾 真係好乾米線較粗坐果個位仲要咁啱滴水唔知係咪太忙所以冇水準但係對於我地黎講 呢間一次好了

星期日喺虹橋附近，覺得肚餓，呢帶有好多間米線餐廳，雲貴風係我最喜歡嘅餐廳之一。雖然永遠都好多人，要等一陣，我叫左個韮菜雲吞扁烏冬，韮菜係無肉，啱哂女士食，然後湯底一貫好濃味，配埋酸菜微辣好入味，黎到虹橋一定要食。