雲貴風正宗雲南米線

营业中

休息中

今日突然好想食米線，附近有幾間米線都唔錯，但好耐無食雲貴風，去買個外賣返屋企食。叫左腩肉麻辣豬耳米線，食左咁多間米線呎間啲米線本身就冧。所以揀雲貴風因為湯既口味好岩我，而米線又夠煙韌。一星期可能最少都食一次。

屋企附近有間米線小舖經營，但好好食，每個week我都有落去食。lee間舖不時都要排隊，所以好多人外賣拎返屋企食。間舖頭有好多款野揀好似車仔麵咁，有豬肚、豬大腸、豬腩肉、餃子、腐竹、丸、菜等等，所以咩人都啱食。我就揀咗我至愛豬肚腐竹米線，豬肚辣辣地再加上濃湯既配合，腐竹同米線入晒味。佢再加咗D配菜酸菜、芽菜落去真係好match,簡直perfect。雖然店舖坐落係屯門，但好多人都入嚟食，lee間舖大家大妨週未入嚟試下。

而家睇返相都好掛住啲辣豬肚😭🤤🤤豬肚、豬耳同腩肉都係我超鍾意食嘅米線配料😍😍呢度嘅腩肉係好瘦，一啲都唔肥，已經調好曬味，可以令你食唔停口😋😋豬肚就切成一條條絲，爽口彈牙，可以揀辣定唔辣，如果唔想食太辣，就建議餸揀唔辣，但湯底揀辣，咁樣會惹味啲😂😂🤤 今次我就無食豬耳，不過我朋友有食，辣豬耳辣得過癮，食食下你就會叫枝豆漿解渴😂😂 佢同豬肚一樣，會切成幼幼一條，但又不失口感👍🏻👍🏻

作為米線首選，若果又路經屯門，必定會選雲貴風！它們的米線煮得很煙韌（可是有時太多人在外面等位的時候，米線會失準，例如煮得太硬）秘訣：這時下單的時候要叫她們煮淋少少清清地的時候喜歡娃娃菜加金菇，這樣整碗米線也沒有油，減肥時吃一流。但它們家的炸醬和麻辣豬耳相當惹味！不能不試！炸醬是豬肉粒炒成，並非其他家米線是液體狀質感，故此咬下去能有一粒粒豬肉口感。麻辣豬耳也相當惹味，喜歡吃辣的朋友一定會喜歡。當然還有豬頭肉、豬腸等也不錯呢！若果不想炸醬飄到整碗湯都是油，或者不想湯底變辣，不妨可叫「另上」。湯底方面，我喜歡偏酸的湯底，它們會以酸菜帶出酸味，但不會喧賓奪主只得酸味，能更加帶出底的味道。喜歡吃酸一點點，不妨下單時會叫多酸。不過有時忙起來，侍應的態度便一般，而且屯門店比元朗店好吃一點，尤其湯底方面，沒有這麼油。

虹橋好出名既米線夜晚7點幾好多人排隊我嗌左蘿蔔金菇菜酸辣米線 多酸 中辣 ($46)超入味 湯底夠辣 好多辣椒 好好味 如果啲金菇菜可以碎上會更好 配料都好足好多酸菜蔥同芽菜男朋友嗌左肥牛清湯米線 ($37)勁多肥牛！100分！

主店係屯門 雲貴風係屯門好食米線係其中之一嘅店舖 近年佢喺元朗開多咗間分店我都係認為屯門嗰間係最好食雖然環境一定冇元朗嗰間咁好因為佢係小店環境細細都有少少迫 我地點左腩肉米線同埋豬腸米線腩肉嘅份量比較多而且味道幾入味肥嘅部份唔多比例啱啱好 但我覺得豬腸就林得滯啦 我哋選擇咗酸辣 要小辣多酸 如果食得辣嘅朋友小辣應該唔夠㗎啦 個人最鍾意多酸真係正好多炸雞比味道鹹鹹香香 但略嫌炸得乾得滯 如果冇咁乾味道應該幾好味 只係$16抵食過雞翼啦😂

香港就周街都雲貴香，都幾可以假亂真，但都無乜所謂，至緊要好食。呢間就真係無得頂，喺紅橋附近，唔算起眼，但門口等位的食客就睇得出呢問正。今日試左個豬腸麻辣米線，真係好平，先後3x蚊，好味，夠辣，正。見到其他食客一般都叫成三四個餸，啲餸夠足料，唔會叫多餸反而少左野食。極力推薦！ 

呢間都係朋友介紹我先識嚟！餐廳位置雖然唔算好起眼，但勝在都幾容易去搵！喺景峰輕鐵站落車，過馬路、穿過商場嘅樓梯，行三四分鐘就到，喺正天橋下面！第一次食已經愛上咗呢到嘅米線，無論湯底同配料都好出色！一星期已經食咗兩次了！配料今次揀咗麻辣腩肉、麻辣豬耳！麻辣腩肉係偏瘦帶少少肥嗰種，醃得好入味；麻辣豬耳夠夾口！豬耳係冇得揀唔辣嘅，不過真係唔算太辣！配料嘅分量都算多，務求令你食到最後都仲有啲料喺到，總之成碗真係好好味！溫馨提示：餐廳入面嘅裝修比較up dup ，絕對唔適合有潔癖嘅人去光顧！

N年冇食過雲貴風，以前無論任何天氣都排哂隊，最近來個懷緬，週六晚飯時間未見人龍，見咁好彩就拿拿聲入座，期間客人不斷。店面狹小，枱櫈密麻，行過都會用屎忽掃到張枱嘅程度，冷氣唔係好夠，而家呢個天氣，加上我地唔耐熱，點都要流住汗食湯底分小鍋、酸辣、麻辣；配米線或加錢轉烏冬/拉麵，定價$30起，米線跟酸菜、芽菜、韭菜、新鮮肉碎；辣度分小/中/大/勁，加餸每款$6-13，比較貴嘅有例如雞翼、豬扒、肥牛等；另跟餐飲$6。鹵水雞翼、蘿蔔麻辣米線 $49/中辣炸豬扒、豬腸、腐竹麻辣米線 $55/小辣啊…一見到碗麵，我就知原來我真係好耐冇食了，起碼有三至四年，因為我印象中啲肉碎係多到放喺面頭。湯底橙紅，厚身稍油，可以見到唔少辣椒碎、香料，味道獨有。少少鹹、可接受，中辣過癮，唔會好麻。配料不多不少，鹵水雞翼算唔錯，起碼唔會乾柴；蘿蔔大件帶甜豬腸份量算多，可惜唔夠軟腍入味；最慘烈當然係價值12蚊嗰塊好似營養不良嘅薄切切炸豬扒，老又柴又乾又油芽菜份量大方，米線較粗身，口感柔軟偏腍。今日同另一半一食，就知道…嗯，短期內、長期內都應該唔會再黎了。

之前返工經同事介紹下，認識左依間米線。雖然依家已經離開左舊公司，好少經過景峰，但都間吾中特登入尼食返佢，因為真係好好味。炸雞翼我真係次次都要點佢，生炸，冇裹粉，雞皮炸得好香跪，所有皮下脂肪炸晒出尼，所以吾會覺得油膩，不過好熱，食2隻夠了。跟米線，炸雞翼做送，有3隻的。另叫加送就要$12/2隻。雞肉米線，小辣湯底調味用料有別於其它米線店，食過就知道了。小辣個湯已經係橙色，所以係幾辣下的，吾食辣真係建議叫清湯。食到最後湯料係了到辣椒碎朋友叫左清湯加有辣味嘅送，佢吾太食辣，又吾想太清，咁樣叫就真係好方法了。辣豬耳：好多人都會叫，因為麻辣味處理得幾好，味道岩岩好。豬舌：我冇食，但睇樣應該係爽口的跟餐野飲加錢，下午茶2:00後平2蚊好似。 好味呀！😋😋😋😋😋😋

每次黎都好多人等位，每碗米線逐碗煮，放配菜米線再調味，夠晒熱辣辣。 所以每次都要等起碼15分鐘。呢度坐得好逼，唔太舒服，地方比較細，夏天黎食真係有啲熱，好在都有開大冷氣。湯底次次都食麻辣小辣！辣腩肉切得好薄，都夠味，肥瘦適中。啲蘿蔔唔夠甜唔夠入味，麻麻地！不過而家食好似冇以前咁正咁好食，啲料食落差過以前啲，又要排咁耐隊，食物質素又keep唔到就完全唔值得喇！同埋鋪面真係太細太逼，夏天真係唔係咁想再去食！

奉勸大家，米線黎到望清楚啲餸加雲呑水餃係有 2 粒啲呀姐就俾得 1 粒同佢講，佢要你攪起俾佢睇，我ok，清白呀嘛呀姐行入廚房，有第2 個呀姐行出黎，話要你揾清楚，佢自己落手攪，當然又係無啦第2個呀姐又行入廚房，到第3個呀姐行出黎，指住我唯一嗰粒雲呑話: 呢粒咪雲呑囉!我開始火啦，我話 : 我唔係唔知咩係雲呑，問題係加餸有2粒，你而家俾得1粒！佢又想攪我碗野我真係扯火啦: 你地攪幾多次碗野，係得1粒就係1粒，明明係係俾少，攪哂俾你睇，你啲呀姐都親自攪過，都仲要唔信，而家唔係我地呃你，貪你呢粒雲呑囉！最後個呀姐攞隻碗仔裝住呢粒傳說中嘅雲呑俾我，我同佢講我而家唔 L 要！間野已經迫，仲要受氣你話真係好好食就話je.....隔離雲川燒好食過佢，服務都好好多啦大家咪一樣賣米線！有人排隊就好巴閉？米線質地ok...韮菜雲吞有點咸....湯底偏油, 偏濃味...白菜水餃難食.....

今日收工去咗旺角做完facial都好晏喇，一個人都唔知食乜好，就打算揾間餐廳求其食碗麵就算！行下行下就嚟咗呢間都幾多人排隊full full哋嘅米線店，望緊menu諗緊食咩嘢嘅時候，米線店職員阿姨話一個人唔使等，所以我就入咗去食了！😀😀😀湯底叫咗小辣，由於我都幾肚餓，所以我叫咗三餸，分別係豬頭肉、豬腩肉同埋豬腸！係咪好麻甩呢？其實我係抄對面個阿叔嗌的，有選擇困難症嘅我揀極都揀唔到食咩好，決定抄人算！😂😂😅 豬頭肉個皮都幾爽口彈牙，腩肉就比較瘦，所以有啲嚡口，豬腸醃得幾入味！三樣餸嘅份量都幾多下！食到最後一啖米線都有啲餸淨，正😯😯

今日day off 同女友諗緊食咩好，之前睇過d報導話屯門有間食米線幾好食，同埋要搭枱，打的過到去搵到，好彩入面有位，不出所料系搭枱一早預左，周圍望，好多餐牌貼左系周圍，但系無餐牌比你，因為第一次黎問下店員有咩推介，佢哋話腩肉 豬頭肉 豬腸 ，我女朋友就點左 麻辣雞配腩肉，我點左豬頭肉 豬大腸，我轉左做刀削麵，都系小辣 再點兩杯飲品 ，先講飲品 因為天熱有點熱叫杯凍賓仔，點之中左伏，黎到有小小冰攪完就沒了，隻杯系用一d舊式茶餐廳用來跟杯水比你果d半透明藍色細膠杯，利賓納份量好少搞完無冰之餘唔凍再加極度少甜 好難飲 飲左兩啖，講女朋友果杯 水蜜桃茶 本來叫凍少d冰佢話唔得，我話份量你比返少d佢堅持唔得，咁算要熱，杯野飲左一啖甜到好似用左兩杯正常份量既蜜桃糖水去沖，我都飲得甜野，都覺得好甜，兩碗麵到了 我覺得好普通普通到系30蚊都覺得差不多果隻 今日訓醒未食過野應該正常好味一定食得哂結果食剩3份1，豬頭肉 得過韌字，刀削麵 唔似都削面 總之唔轉好過，豬大腸有小韌 湯底不夠惹味不辣不麻，但系成碗野是橙色感覺好似好正，食落反差有d大，女朋友話腩肉似煲湯瘦肉，南記 或其他 有水準的腩肉好佢多多聲

之前睇x假期介紹過呢間人氣米線小店，見佢成日都大排長龍就睇下佢咩料啦😁一行兩人中午12點半黎到，唔使等位，叫左兩碗，一碗係酸辣小鍋麻辣豬耳豬腩肉米線中辣（$43），另一碗係小窩肥牛龍蝦丸魚皮餃小辣（$55）再加豆漿一樽（$7）。等左大概十分鐘有得食，米線黎講上菜唔算快。味道方面，小鍋果碗既味道係好d既，因為無咁多辣粉，酸辣果碗就無咩特別，酸菜唔多，成個湯底都無酸味，可能叫左中辣，只係食到好多辣粉。配料方面，推薦食肥牛，麻辣豬耳同腩肉。