雲貴風正宗雲南米線

营业中

休息中

今日行到屯門附近，想試吓特色米線舖頭，搵到呢間都有人排隊，所以覺得應該都幾好食，嗌咗一碗腩肉米線同豬膶米線，我淨係嗌咗小辣，但係覺得有啲辣囉，應該嗌少少辣，建議食唔到辣嘅但又唔想食清湯既朋友可以嗌少少辣

今日入開屯門就過埋嚟朝聖呢間米線關注組都榜上有名嘅米線 復活節假期夜晚6點半左右到 唔洗等位就入得！朋友介紹嗌咗少見嘅豬頭肉 另外自己揀咗雞腎同肥牛 湯底揀咗酸辣微辣 order後大約等左3分鐘就上菜了一上枱第一印象係 好足料 豬頭肉同雞腎2款都超過十件 而肥牛都有5 6塊👍🏻少見豬頭肉睇落有啲似腩肉 不過食落就似豬耳 比較爽脆 雞腎就係口感爽脆 唔係粉個種腎 肥牛就煮得入味唔錯👍🏻而湯底嘅辣度係比起平時食嘅米線辣 我嗌嘅微辣應該有其他舖頭嘅小辣 辣度足夠 酸菜份量都唔少 不過個人覺得酸味可以再多啲 整體黎講都算惹味嘅 總括嚟講 個人覺得呢間都係幾好食嘅 值得一讚係佢嘅餸真係俾得好足料 就算我嗌三餸都唔會因為嗌嘅種類多而每一款餸比少咗 食到尾我食晒啲米線 但雞腎同豬頭肉食極都仲有🤣🤣如果再經開屯門都會encore！

今日去完長洲，搭村巴返屯門，男人話想食米線，咁第一時間就諗起虹橋間雲貴風，上次去到無開門，今次應該唔會咁黑仔掛😛一去到門口勁多人，多數等外賣，生意真係好鬼好。我同丫姐講兩位，佢叫我等陣，本身唔覺餓既我係門口淨係等左一陣聞到陣麻香味，個人即刻好有食慾😫等左5分鐘有位喇，一早諗左吃咩，一個叫麻辣小辣雞肉炸豬排米線，另一個叫豬耳腩肉酸辣米線🍜兩碗都有鮮肉碎，麻香酸辣味十足，食落辣辣地，唔太咸，米線煮得岩岩好，順滑。豬耳同腩肉好出色，依兩個餸男人話必點，睇落都流晒口水豬排我覺得炸得乾左d，但個麻辣真係一流。本身好少食米線既我都食清晒，真心正。建議d野食黎左先叫野飲，因為一罐可樂真係唔夠飲😏簡單幸福的一餐，價錢實惠，係間鋪細左少少要等位咁。下次試其他口味，期待與他的一期一會，繼續食好西。

雲貴風既大名 好多人都識係屯門屹立不倒咁多年 靠既係足料又好味次次黎親都要排隊 就知佢正店舖位置不算大 略嫌有啲迫大家都係快快脆脆嘆完個米線就走turnover rate 好高睇吓餐牌先酸辣米線 小辣 配雞翼 豬腸 豆卜湯底好濃郁 惹味 叫人忍不住食完一啖又接住一啖雞翼同豬大腸都好入味豆卜略為硬咗啲 酸辣米線 小辣 配 腩肉 韭菜餃腩肉有小小辣 好惹味韭菜勁足料 一咬開 d 韭菜味非常香濃睇吓你受唔受到 哈哈老公就大愛呢個韭菜味本人就有啲接受唔到整體來講 喜歡米線既朋友 未食過 一定要試吓

晚上10時，眼見此舖小人光顧，再重臨一次！小弟坐在4人位置上，老闆娘好好招呼我點了酸中辣，腩肉，豬腸 及蘿蔔！味道上同次前係冇分別！都係咁好味！一路食，老闆娘就係咁煩，係咁同我傾！傾多兩句，我就同老闆娘講：不如你比我專心食野啦，好嗎？食到中途，人就越來越多！我都識做將背囊收起！點知老闆娘好似明玩野，有5個人等候枱！我話不如我掉去2人吉枱坐啦，點知老闆娘堅持叫我唔洗郁！最後比5個人圍住我食野，不停講講講又咳，d口水飛黎飛去，又嘈有頭腦既都應該叫單獨食客掉去適當座位，仲有什麼叫食不言寢不語...老闆娘似乎係未學懂做人道理！結果1分鐘後頂唔順，食左一半 比左57蚊離開！老闆娘仲好意思叫我拎外賣走睇黎請唔到人，元朗結業並唔係冇原因以後都唔會再黎，完全感受唔到對食客既尊重

呢間係屯門比較出名嘅米線店突登搭車入黎試下我試左腩肉清湯米線湯底酸味剛好，米線軟硬適中腩肉調味唔錯但overcooked所以好鞋另外散叫左炸豬扒調味正正常常但一樣都係好鞋跟餐凍菜蜜正常冇特別30-40蚊一碗米線價錢係平而且份量唔算少但質素係一般唔知係咪我唔好彩咁岩廚師煮到overcooked因為我見店舖都座無虛席同有唔少人買外賣overall黎講如果下次黎開附近可以再試下嘅但突登搭車入黎真係冇必要

很喜歡很喜歡吃的屯門虹橋米線！！呢間食咗好多年～～超鍾意食佢嘅小窩米線😋麻辣湯底濃郁，濃得見不到底，湯底有很多肉碎粒粒，湯頭口感濃稠，辣味縈繞口腔，麻辣味後來湧出！今次叫咗響鈴、雞腎、麻辣豬耳同埋麻辣雞肉～～每一款都好好味呀

食開米線，想搵啲刺激！就要去屯門井財街的雲貴風！叫咗碗特辣麻辣雞肉米線！外賣番家食！辣！真是辣！食開三哥、譚仔麻辣的自己，真係頂唔住佢的特辣！不過麻的情況唔夠，食完10分鐘後麻的情況會退得好快，不過辣是十足！雞肉又夠多，配料都幾夠，所以我用來撈麵一流！

雲貴風正宗雲南米線 (屯門)屯門井財街15號金銘大廈地下 (青杏徑天橋出口)價錢💰:30-80好味程度😋⭐️⭐️⭐️⭐️ 環境⭐️⭐️⭐️服務⭐️⭐️⭐️ 回頭率⭐️⭐️⭐️好多年冇食過雲貴風，咁啱今日黎景峰探朋友路過門口😎未見長長人龍 我就拿拿聲入座，期間客人不斷。店面狹小，枱櫈密麻，行過都會用patpat掃到張枱嘅程度，冷氣唔係好夠，宜架大熱春時，點都要流住汗食 多湯底分小鍋、酸辣、麻辣；配米線或加錢轉烏冬/拉麵，＄30起，米線跟酸菜、芽菜、韭菜、新鮮肉碎；辣度分小/中/大/勁，加餸每款＄6-13，比較貴嘅有例如雞翼豬扒、肥牛等；另跟餐飲＄6😚好耐以前第一次食已經愛上咗呢到嘅米線，無論湯底同配料都好出色😍韭菜餃子亦係店主每日即包👍🏻保證粒粒新鮮好食今日點既係是肉醬大腸米線($45)，紅卜卜的中辣湯底配料都所有都好足料。最正就係湯定好香口，炒香既肉碎有好濃香料味，好香唔係不死辣個種，夾雜細碎肥肉 真係一流✌🏻

屯門米線鋪眾多，虹橋附近亦都有好多唔同選擇，鍾意食麵類嘅小編當日決定喺屯門雲貴風買晚餐。無得堂食唯有自己一個買外賣🥲（但就因為獨食所以唔使好似上個post咁打千字文🤪）豬肚酸辣米線 $42小編叫咗小辣 ，辣度同譚仔重慶三小差唔多，所以都食得好過癮，夠哂辣！但略嫌湯底唔夠酸。米線就唔會太淋或者太硬 ，口感都唔錯🤩配菜方面有肉碎、韭菜、芽菜同埋酸菜，值得一提嘅係酸菜唔係譚仔嗰隻得鹹味，而係真係夠酸，彌補到湯底嘅不足😋豬肚份量都好多，幾乎一啖米線一舊豬肚都得~豆漿（支） $12小編仲買咗支豆漿用嚟解辣，但唔係自家製所以就唔特別介紹好多喇🤭睇menu見有分杯裝同支裝，唔知兩者有無分別🪖

久唔久就會好想食米線🍜屯門呢間真係平靚正，有時想食平少少就會走去食😂✨炸豬排米線個豬扒就炸得有少少乾左啲，不過都ok嘅，放入個湯到浸一浸佢會好啲✨韮菜雲吞米線雲吞係冧咗少少，一般般😂不過係幾大粒嘅。其實最主要係食個米線個次叫左小辣都已經辣死咗😂利申肥米係食唔到太辣！所以之後再食就揀返BB辣，係食到個湯底酸酸甜甜幾好食👍🏻佢啲滷水雞翼同大腸係讚嘅~只係肥米之後食就冇影到🫠雲貴風正宗雲南米線 (屯門)📍屯門井財街15號金銘大廈地下 (青杏徑天橋出口)

🤰🏻老公仲未返香港，今晚又要獨自去偷食。突然想食米線🍜，於是上網搵吓有無新嘢，唔想食嚟食去到喺嗰幾間。最終搵到雲貴風，地方有啲隔涉，不過食好嘢一定要有啲付出嘅，專登搭巴士🚌去，好彩落車行一兩分鐘就到。5:45去到，好彩仲未好多人，即刻有位。一碗米線好唔好食，個人覺得最重要係湯底，第二就係腩肉，一試就知龍與鳳，所以我揀咗中酸辣腩肉小鍋米線 $41，飲品另計$6。份量剛剛好，湯底好濃郁，不過唔太食到酸味，辣味亦唔夠香，不過有好多肉碎同辣椒碎，真材實料。腩肉厚身，最初擔心會嚡熠熠，不過好彩無，都幾爽口彈牙，但味道麻麻，無乜調味，只食到豬肉嘅原汁原味。米線有啲令人失望，煮得耐咗，真係入口即溶，唔需要任何咀嚼。整體來講，不過不失。

這裏雖然位置隔涉，但都不乏捧場客。米線同坊間嘅大集團有很的大不同，湯底加入大量嘅肉碎、酸菜、鹹酸菜、芽菜、 韭菜、 絕不欺場。 配料本人首推 麻辣腩肉， 腩肉雖偏瘦但食落 香辣惹味， 坊間很少米線店能夠食到。略嫌不足的是麻辣的麻味不夠突出，同時湯底雖然濃味，但卻偏咸。湯底裡面有辣椒碎片， 食嘅時候比較容易濁親。飲品如檸檬茶奶茶亦都符合水平， 跟餐叫都好抵。

本來就想去雲川燒食米線，但真係太多人排隊了相比之下 ....呢間舖 大把空枱 又好耐冇幫襯最主要係見唔到果兩個冇禮貌既女侍應就決定入去食多次中酸辣米線。羅白 腩肉 豬腸！凍豆漿！其實全部食物質素同以前一樣都冇變，幾好食唯獨有3樣敗筆之處.....先講 豆漿 細支左 又低糖，好淡，3啖就冇哂！第2 就係 碗湯，好淡味，又唔辣，又冇酸味！以前濃味好多....第3 係 太細碗，食完都唔飽肚，以前大碗好多！總括黎講，價錢同食物質素唔成正比要食既係回憶，久唔久食一次就可以....但同雲川燒比，真係差十條街.....見佢生意大不如前，希望老闆娘可以頂得住...始終幫襯左呢間舖大大話話都十幾年...唉

自己都係一個米線 L, 好鬼鍾意食米線, 呢間久聞大名, 難得過黎食返次門面舖面如 expected，坐位都唔會十分好，你要預左 squeeze 入去同人搭枱，不過好多好食米線都係咁😇叫咗一個小辣麻辣魚片腩肉米線，通常第一次食一間舖都會食腩肉，一試便知有沒有，若果最多5星我比3-4星，略略厚同可以再入味少少就更好。若果在屯門黎講可能係 one of the best, 但比荃灣石蔭我會選後兩者🤤但 overall 都唔錯，可以再食