雲貴風正宗雲南米線

营业中

休息中

呢間兩餸42，米線太軟又脹唔掛湯，叫中辣多酸 都唔辣又唔酸，食到 一口辣椒子同辣椒片。米線量同質感 差餸量都算多 餸無味道，調味時間完全唔夠 湯 極差 （食中辣多酸，湯面係紅同好油，但一點辣同酸都無）

久仰大名左呢一間米線舖好耐，但係由於佢喺屯門，所以一直都未有機會食。今次去朋友屯門屋企，決定去之前到呢一間米線舖試一試佢嘅小窩米線。記得當日天氣可以話係最凍嗰一日，我哋喺呢間舖頭嘅門口位度食，別有一番風味。今次主要都係嗌小窩米線嘅小辣同埋中立，呢度嘅小蘭對於唔食得辣嘅人來講都係可以接受。如果平時譚仔食開唔少辣嘅話，可以嘗試吓食呢度中辣😋我覺得嚟呢度食嘅主要係佢嘅米線同埋湯底，佢啲餸就其實唔係太特別，反而係佢個湯底真係有好多肉碎好多料另外我都叫咗一個炸雞翼，我覺得佢炸到好似炸魚皮嘅味道😂 大家如果冇乜機會去屯門食嘅話可以試吓，但係就冇乜特別🤓但都係果句，如果好介意舖頭唔係太乾淨嘅話，就唔好去食。因為呢間舖頭都真係比較舊同埋啲枱枱等等都幾污糟😂

這間舖頭已經幫襯了八年，由細食到大，食過咁多餸覺得最好食係腩肉豬腸同麻辣雞肉，建議大家可以堂食，質素會再好啲。-腩肉豬腸米線加凍檸茶$44首先我自己覺得米線嘅份量都好多，腩肉片大概有六片左右，而且都好厚肉，都幾嫩，而且腩肉都好入味，而且豬腸醃得好入味，完全冇嗰d腥味，而且清理得好乾淨，米線彈牙。湯底就好香濃，適合鍾意食鹹而且重口味嘅朋友，我自己覺得小辣都已經好夠味。-腩肉雞肉米線加凍檸水 $42首先啱啱提及嘅腩肉，可以同個侍應講要腩肉要辣，會比平時嘅更加入味，如果驚辣嘅朋友可以淨係叫腩肉辣同唔辣，雞肉我自己就覺得好滑，而且都好有咬口，配合鹹鹹的洋蔥，加落碗米線就更加入味。-如果大家經開呢度不妨一試，而且呢個價錢已經物超所值，實惠之選。

太好味，清湯，酸辣，麻辣，小鍋米線一樣好味道。超多配料任君選擇，食左返吾到轉頭，行過都會堂食/外賣，生意日日都甘旺。📌雲貴風正宗雲南米線☎️2430 2918📍屯門井財街15號金銘大廈地下 (青杏徑天橋出口)#food #foodie #手機食先 #相機食先 #美食 #好味 #吃貨 #cook #delicious #tasty #oichiii #iger #youtuber #health #心心物語

睇完大J 既YouTube 推介之後比佢燒到好想食，同埋一直都知呢間米線好出名，所以都想黎食🙌🏻就決定左一日既行程尋味啦😁😆個米線一黎到就已經好香花生醬味🥜🥜個湯底好與別不同😲配料又好夾個味，唔怪得Mai san 食到落碗底啦🤣🤣最衰冇哂豬扒🥲好想試😛😛提提大家因為舖面比較少座位，可能要早少少黎排隊啦💕☺️📍 雲貴風正宗雲南米線 (屯門)屯門井財街15號金銘大廈地下 (青杏徑天橋出口)

在元朗區也試過幾次食雲貴風，味道確實不錯，今次在屯門活動，也很想吃米線，便醒起來這間屯門分店，點了魚皮餃加魚腐；另外朋友點了白菜水餃加麻辣雞肉，大家也點了小辣。大家也覺得只吃到辣味，湯味及其他也是一般，沒有傳說中的神，但當然不是難食，只係不過不失。

懷念在大學時期在屯門經常四處覓食的日子🤭其中一處就是虹橋的米線：對於作為米線控的我來說，當晚餐不想煮，抑或是想快速解決一餐的時候，這裡就成為我的好伙伴👫時隔幾年後，再次機緣巧合之下來到該米線舖。然而，米線的味道和之前大相逕庭，吃不到先前的感覺😔🏞環境位處屯門虹橋的餐廳，內裡提供的座位數目不多，大嘅員有4-5張枱，不多於10個位左右。🪑基本上客人需流水式用餐，匆匆吃完就要離開，讓坐予等候的客人🧍🏼‍♂️🍝食物這裡提供不同款式的米線🍜款式多，而且都是一些很常見的配料；湯底方面則較少款式，只有不同程度的辣味和不辣可供選擇🌶不過貴精不貴多，多選擇亦不一定是好事，反而有機會做湯底的質素變得參差🙂. 腩肉米線（$34）雖然只是點了小辣，但呈橙紅色的湯底，令人感受到湯底的辣度🥵米線的配料份量多，特別是豬腩肉🍖和酸菜，配以適量芽菜和韭菜，不用擔心不夠飽😋更重要的是米線，彈牙與否是吃米線的精髓。餐廳的米線非常彈牙，非常有口感，令人滿意😋不過正如上面所述，貴精不貴多：腩肉雖然多，但肉質偏瘦，得一至兩塊肥肉🐷；而且湯底失去幾年前麻而香辣、層次豐富的味道，只是一味辣🌶吃不到原來的味道，頗為可惜😔如果覺得米辣很辣

要數屯元天米線點會少得”雲貴風”，我同朋友都叫佢”紅橋米線”😀成日都會有人係門口排隊傢，有次試過12點前早過佢開門到已經有人等緊😋今日叫咗個小鍋米線(麻辣小辣+ 豬脷）米線底未算係最岀色但都好味既，個人鐘意食麻辣多啲，佢小鍋湯底唔係太麻有小小酸嘅都可以接受，同埋鐘意食嘅原因係因為個湯底有好小好小藥膳味❤️本身想食麻辣豬耳🥲但口誤叫咗豬脷，好彩我都食但係就覺得有啲腥😭下次要食番豬耳補數記得上幾次食佢轉咗用紙兜裝，份量會細咗同埋無咁好味，好彩今次去係用碗裝👍🏻屯門紅橋店既環境比較逼小小，有時可能要坐岀去岀面食，夏天真係有啲難頂🥵之前同朋友都有去過元朗分店，果到鋪位大啲坐得舒服啲😂但唔知點解個人覺得無紅橋店咁好味😝但朋友話一樣味。

人人都話好食，門口永遠有好多人等上次叫外賣已經覺得難食，諗住無下次點知今日叫外賣揀錯左，唔小心又叫返呢間🤷‍♂️食食下望下個碗先知，頂只怪自己唔小心米線煮唔透，已經再倒出黎叮一叮湯底得個油字佢𥚃面好多酸菜，但係一啲酸味都無酸菜食入口無味既食到咁已經唔想再食，忍唔住打個食評真係真係無下次🥴

之前想食雲貴風都要突登換衫岀街買，有時食飯時間去仲要等位等好耐！最近既香港好似火爐咁🔥🔥熱到超鍾意躝街既我，最近都罕有地成日係屋企做宅女🛋🛋.前幾日放假去咗男友屋企，但真係太熱完全唔想岀街，男友話想食雲貴風🥰聰明的我就即刻拎電話嚟訂。（一直想試好耐😅😅）7點20左右落order,7點40就已經到咗😱😱快到我驚訝😦.雲貴風既麵就唔洗講勁好食👍🏻👍🏻雖然貴過自己買，但慳左好多時間真係好正👏🏻👏🏻

呢間係小編由細食到大嘅「雲貴風」正宗雲南米線！🤤食左咁多年都唔會嫌，並且會越食越上癮！我懷疑啲姐姐係咪落左啲大麻落碗米線度🤣（講笑）最近不約而同地有朋友 同 同事都問我屯門 元朗有咩好食嘅米線介紹，身為屯門人嘅我當然首選介紹我呢間由細食到大嘅米線「老字號」比佢哋啦！佢地食完都係有讚無彈！👍呢間屯門店嘅「老字號」無論咩時間都係排滿人，雖然舖頭麻雀雖小但五臟俱全！食客由3-80歲都有捧場客，真係適合一家大細男女老幼😂

平時一向都好鐘意食呢間米線都未試過出事，今日 23:45 去買宵夜，都知道佢地應該就收工，所以都問清楚究竟仲接唔接外賣。一如以往叫小鍋米線，結果滿心歡喜番屋企開餐個時，一開黎睇，成碗油「抑」味，平時個湯係紅色有肉碎香料，今晚呢碗係黃色，請問有乜野湯係黃色？？ 本來係忠實擁躉，我由今日開始唔會再食呢間野。

明明我只係想食佢地嘅33蚊 魚片米線，再加麻辣，下面寫加麻辣係1蚊 應該係34蚊 個職員落單時問我加唔加肉碎， 一答左加埋咁就出事喇， 因為佢地本身嘅麻辣米線係34蚊 有肉碎， 變相寫我嘅單係34嘅麻辣米線 另外6蚊嘅魚片。另外佢地話因為”疫情” ，檯唯一可以用嘅木筷子要另加1蚊。 所以最後我呢餐41蚊。 手法相當之取巧! 要佢解釋只係一輪咀。 啲米線又少， 個麻辣湯底又唔好味。 我都係第一次食， 就俾嘅咁差嘅印象俾我， 尤其啲職員。

上網見到人吹噓到好好食今晚就試下佢試完發覺唔係個個講到咁好食囉普通一碗米線腩肉硬到一個點🤷🏼‍♀️湯底除左辣冇其他味呢個野一次就算提提未試既唔好抱咁大期望因為會失望😑

由中學到宜家出黎做野都好鍾意雲貴風，亦係我最鍾意既米線，好似有種媽媽的味道！相信唔少屯門牛都識呢間小店，因為都成日要排晒隊，唔係呃人有相為証今日下就一點幾去諗住買外賣返屋企食，等左都差不多成半個鐘先有得拎，每次食雲貴風都會叫腩肉，豬腸中辣，今日加多左個白菜雲吞Tim。溫馨提示，如果唔鍾意食肥肉既朋友就唔好叫豬腸喇，因為都比較偏肥。另外，媽咪叫埋麻辣雞肉同豬手，豬手炆得好淋好入味，而麻辣雞都好食，好適合想食辣但又唔太食得辣既朋友仔食。雖然用紙兜但份量十足，雲貴風既味道好獨特唔會似啲大集團既味道，每次食完都好滿足😋😋😋