雲桂香米線專門店

营业中

休息中

今日夜晚要喺沙田UA睇戲，要又近又唔洗咁多人同捉又平啲，就最好行過對面馬路了，都有幾間食肆可供選擇。平時都成日食譚仔，今晚都係轉下口味。黎到雲貴香門口都唔洗等，好耶。不過價錢都唔算平架，平均都$45~50一碗麵，但我覺得啲味道都幾有特色，同埋係好味嘅。佢嘅小辣都幾辣下，雖然我都鍾意食辣，但食完到最後都要飲少少水。始終生菜都係好吸辣味，而且我叫左嘅豬耳本身都係辣嘅。蟲草花雞肉米線其實係第一次食，個湯望落好清，食落都清清地，不過我朋友覺得9成都應該係有落味精/雞精。啲雞都算幾滑，係健康之選。

今日突然好想食辣野，就去左雲桂香試下。第一次叫涼拌米線試下，叫左碗炸醬麻辣涼拌米線+豬扒豬脷份量算好多！炸醬，米線超多，而我又好鐘意食花生，整體個麻辣醬唔錯，塊豬扒都炸得幾香，不過豬脷就一般左d, 無乜味。

其實而家係香港，想食米線既話一d都唔難，基本上一行出街，食米線既餐廳比便利店仲多，平時同女朋友食開某間基本上已經壟斷米線行業既餐廳，但今日放工，大家都不約而同咁想試下其他口味既米線鋪。以選擇多樣化嚟講，呢間餐廳可以話係做得唔錯，一般我地認識既雲南米線，多數都係識雲南過橋米線，但係除此之外，仲有好多特色而值得一試既菜式。湯米線平時就食唔少，拌米線的確係香港少見。熱拌米線一上菜就已經香氣撲鼻，胃口大增，加配雞翼更增風味。而女朋友就點左個小鍋米線，湯底濃郁，分量都偏多，平時胃口細既女朋友都食左好多，即刻諗返起以前去雲南交流既時候，我地都係最鐘意食呢個，幾乎係必點之一。

哈哈, 又到了開心星期五了, 肥妹仔依家喺沙田度番工, 大家都知新城市廣場最底層果度既食肆有幾貴啦!!!!肥妹仔我呢D窮鬼真係無可能餐餐去食, 所以今次同同事揀咗一間平平地既黎食!!!佢係要先揀一種湯底同麵既種類, 然後係餸!腩肉酸辣小鍋米線  $34佢既腩肉係有厚度果隻, 唔多肥肉, 而且本身已經調咗味, 幾好食!!!至於個小鍋米線本身有幾款配菜,有芽菜,酸菜,韮菜同蔥, 肥妹仔我覺得淨係食一個小鍋米線其實都幾好食了~~

本身都唔想特登講 但係每次打電話叫外賣自取都比錯餸 今次仲離譜叫左三樣餸比得一樣我 所以配菜又走晒 咁樣做生意點可以接受大家以後外賣記得睇清楚入面 因為一定錯餸番到去一打開個刻就太遲了 打去同佢講又話下次補番比你 大佬都番到屋企 仲話下次咁我今次點？次次都下次老實講而家一街都係賣米線 唔一定係食你個間希望個老闆正視下個問題簡單一個外賣都做唔好已經拎番屋企食 想簡簡單單食一餐唔得既真係嬲到爆 講真食埋今次冇下次為左其他人著想 要講出黎比大家知

講到雲南米線，淨係食過譚仔第一次試食沙田嘅雲桂香其實就喺譚仔隔離 又唔算話好遠鋪頭啲位比譚仔闊落得多 坐得舒服啲佢啲嘢食亦比譚仔多好多似車仔麵mix雲南米線咁 有幾多港式嘅餸例如豬頸肉 豬中腸咁 選擇多 好適合香港人嘅口味喺湯底上亦有比譚仔更多嘅選擇 有港式同小鍋之分今次就叫咗小鍋 麻辣小小辣講真味道好味過譚仔好多但就唔係太感受到個麻味啦而且可能係因為我全走走咗啲酸菜 碗湯就冇咁酸同行嘅朋友就叫咗一樣嘅嘢但覺得好酸如果怕酸嘅朋友就可以走酸菜試下啦餸嘅味道個人認為都相當好（至少對比起譚仔）總括嚟講係唔錯嘅米線選擇！

今日同同事如常為午餐食乜而煩惱，經過一輪抽籤，終於再次抽到我心愛既雲桂香！依舊叫返我既例牌心頭好！小鍋米線，麻酸辣，中辣，肥牛，魚唔係我地想像中的發音腐，魚肉春卷，蘿蔔！一個小小的女孩子竟然可以食到咁多個送，真係仲大食過d男仔呢哈哈！

拜完年喺沙田冇乜嘢好食～見到有雲南米線所以就盲中中行咗入去！ 本來諗住衰極都有個譜點知就係地獄嘅開端首先米線嘅性價比唔高～少貴！ 但都明白香港地食咩都貴所以算數但係我唔明白點解會未食過嘅米線～ 啲配料點解會放到好似畀人撈過咁亂過打風～～～～ 之後果碗就正常好多！ 所以我有理由懷疑～ 佢上錯枱 之後再攞番畀我！ 因為佢都將隔離枱嗰個碗擺錯咗喺我張枱~兩碗米線，菜肉雲吞個人認為餡料太少皮太厚， 餡料咬落口就好似一堆乾咗嘅豬肉！ 豬腩肉太薄冇口感～ 但都入味 不過如果咁薄都唔入味都幾難做到！！！ 成個米線嘅敗筆就係個湯底！ 稀得嚟過酸～ 令到我好似食緊酸粉咁！！ 本人妻平時抱住食得唔好嘥 的宗旨做人 ～ 一向好少食剩嘢～ 今次都只係食咗三分之一碗 完全係嘥曬啲錢之旅！！！！！！！！

落單時我男朋友已經好清楚指住要呢個米線 個阿姐態好差咁話要講清楚邊個米線 小鍋米線定咩米線 刻意誤導人叫貴啲嘅米線！ 我即刻問佢：我地話要呢個呀 點解要我地轉小鍋米線？貴$3佢即刻黑面話湯底唔同！ 我話咩湯底我地冇所謂架！佢要西面啤住哂！ 之後到我落單 我好清楚咁講哂要邊幾款餸啦。佢用啲大陸口音咁唔知問乜。我吓？ 左聲。佢又黑口黑面咁話冇啦嘛？ 想點呀？請問俾錢幫襯要受你地氣嗎？ 侍應屈人食貴野 講唔正 聽唔明仲要黑面！ 食食下野叫人調位！ 味道一般 魚春卷又細粒收$7 叫少少少辣但味道等於中辣。永遠唔會再幫襯沙田雲桂香！

早知睇咗啲食評至去啦！呢間嘢裝修前我都食過，覺得幾好食。今次裝修後再去食啦，嘩—真係差到冇朋友！1） 份量少咗，夾咗幾轉，碗裏面啲面已經所剩無幾！2）服務態度差！叫姐姐寫嘢，應咗就算，等咗一陣至肯過嚟落單！3）食物質素差！其實碗面啲味道都算👌🏻，但啲豬潤就⋯😱鞋過張沙紙😑隔利譚生嗰啲好食過佢好多！最敗筆嘅係嗰杯凍檸茶！一入口，又唔酸又唔甜，都唔知想點！叫姐姐加啲糖水啦，佢又用一貫嘅態度，應咗你但等一陣至過嚟睬你，幫你去加啲糖水，但之後杯嘢都係難飲非常🤮🤮🤮🤮總結，冇得㨂下次都唔㨂呢間，又唔係平，又唔好食！最慘係服務態度吖嘛！

朋友介紹呢間話好好味，我就同朋友特登去食，當時我要小鍋米線，仲指住張餐牌話要豬軟骨，雲吞，我朋友要全走，點之我朋友個碗冇全走，我個碗變左豬頸肉，我即話豬頸肉個價錢貴好多架，個位阿姐勁冇禮貌話我唔會錯架，明明你話豬頸肉架，我要上單俾寫字樓架，我點會聽錯架，豬頸肉貴d麻我知呀.....我即O咀囉，你話冇聽錯，我仲指住個牌俾你睇喎，唔係幾句交差就算囉，我朋友再叫佢全走，佢用不好眼神仲望一望我朋友。我地唔想同佢嘈喇，算喇，但仲等左半小時先有得食呀，d野食勁麻麻地，我下次一定唔再黎呢間食喇，too bad ！

單論味道而言其實唔算話差，魚湯都幾清甜，但係份量實在太少，性價比略低，要論酸辣米線而言，配料上其實可謂調味相當充足，但係蒜嘅鮮味不足，味道死板，鹹味重咗啲，令到酸味比較唔突出。而米線上口感比較軟綿唔冇乜韌度，分量上亦都偏少一碗唔夠飽肚。侍應都係帶有口音嘅阿姐,聽耐咗都幾有親切感，但係連水都要自己斟，又覺得過份咗少少， 你收我30幾40一碗米線我覺得自己斟水都合理，去到四五十蚊一碗米線仲要唔飽肚，蒜泥白肉成三十六蚊得嗰小貓三四隻，收費一流，都仲要我自助式咁去斟水，服務9流。同樣嘅價錢，隔離就有間譚仔，可以食到差唔多一倍咁多嘅食物，味道仲好咁多，我諗唔到任何一個再去食嘅理由，喺正隔離咁大競爭都冇進步，又貴又唔好食，冇下次。

拎左飛等位 一位 等左都一段時間 明明見到有幾個單丁位都無入人同叫飛位無顯示 之後見到有個女人自己入去貿貿然坐低都無人理 但我係拎左飛等緊 我就同收銀講 佢答：大把位啦 我就話大把位你都要叫人入先得架 完全任由人隨便出入 等位顯示屏=垃圾？？用你既大陸口音同我講大把位 所以就吸引埋一堆大陸人黎差到一個點..............................連自己都唔識咩叫守規矩

本身好鍾意食四川雲南米線 都食左有10年特別鍾情於 炸醬腩肉米線 酸辣..本身抱著一個期待心情入去食... 點知惡夢就開始...我同女友2個人見到有幾個卡位想坐 之後D 服務員阿姐就衝過黎阻止我地話 要留比4位客人先可以坐  之後安排左我地去2 人位 好啦當叫野食既時候D 阿姐比張菜單我地睇 我地睇左一陣就話 個阿姐就話: 簡咁耐我地總有好多客人架 咁慢架 睇完未!!!好  我想食米線姐..而且都坐低左 呢一下我忍你... 之後等左10分鐘野食到啦一用快指一撈   嘩: hi!  米線底咁少既 總要d 餸既份量比我出面食開既小左差不多少左 30-40%有多....我真係火都黎 不過無計諗住食完就算.. 之後見到有好多客人都走左多左好多卡位 我問可唔可以坐得好小小 就算食得無咁爽都 可以坐得舒服點 點知D 阿姐又黎啦 黑住面 無架 而家比你坐一陣有人黎 你都要坐返2人位你都係唔好坐卡位啦  我地總有好多客人會入黎食野架! 我真係即時想放低曬所有野走人 唔hi食..最後都拿拿林食完 閃人..

重慶酸辣，唔辣，油就超級多。 但酸度岩岩好， 雲吞好大粒，但d肉好難食，總結，貴得來又唔好食但豬頸肉反而唔錯，d油香真係幾正。 相比三哥，多好多選擇。但就算係唔辣都好，d湯都係有好多油