雲桂香米線專門店

营业中

休息中

今晚星期六，誒去到夜晚十一點後有啲肚餓嚟咗誒希爾頓沙田。商場隔離一間雲桂香食米線。叫咗個勁辣四隻辣椒嘅米線。另外再加5份豬大腸，在一杯凍檸漆。試下哩度嘅，辣味夠唔夠同埋，個米線好唔好食。誒收銀員同服務員嘅態度都好好，好有禮貌。個賣相就一般般，我覺得好似紅色，嘅辣椒油好似好多。但係未食落去一陣間再試下。成個餐我用咗88蚊仲有一份外賣。就係鮮竹龍蝦卷，廿二蚊。應該個米線都唔錯嘅一陣間再話，俾大家聽好唔好食。

午餐時間來到位於沙田既呢間雲桂香食米線，12點幾黎到都好滿客人，不過都唔洗等位就可以入座。位置稍為迫夾，安排位置和其他食落背對背只剩少少位通道讓人過路，會撞到背脊不太理想。睇好餐牌，點左三個餸，包括：金菇菜、豬大腸同埋蟹籽丸，配上酸辣（小辣）湯底既米線，黎多杯凍檸茶，食物質素都不錯，米線軟硬度亦適中，因我不太喜歡吃太硬既米線，而金菇菜亦煮得好夠淋，湯底好入味，酸酸辣辣既口感，倍覺開胃，下次再來食過

近年愛上食辣，尤其麻辣更是必試項目呢間雲桂香開左咁耐都無衝動行入去，早幾日行過，竟然比我發現佢有口水雞，於是今晚決定一試入到去，迫埋同另外兩位小姐撘枱，坐得有啲迫，空間比較峽窄。我地叫左一碗酸辣米線，一碗麻辣米線，再加左個特意嚟試既「口水雞」點知，雞無雞味，麻辣無麻辣味失望兩碗米線都叫左少辣，酸辣嗰碗男朋友食到辣傻左，而我嗰碗麻辣，就只辣但不麻，食得飽，講完不過個豬大腸就好入味，又好咬口，唔會太un男朋友叫左個燕麥皮餃子，味道也不錯

People in Hong Kong love to eat rice noodle . There are a lot of difference rice noodle chain in Hong Kong . They usually sell it in a reasonable price . You can’t have much expectation to the environment , it is crowded and noisy . But the food actually taste quite good , I ordered a spicy beef biscuit with rice noddle . I am satisfied after finishing the rice noodle .Highly recommend others to go and try it .

最近幾年都中意食雲桂香既米線多過譚字頭～不過雲桂香既分店真係唔係好夠多，做唔到每區都有，所以要食個陣都係要特登去或者去開個區先可以食～～～～呢日黎到沙田咁就梗係要食小鍋米線小辣啦～最中意佢個湯底有好多肉碎，你會食得出佢個湯唔係用粉開出黎！同埋肉碎芽菜令到個湯好豐富，唔係淨係得米線～蘿蔔都好入味，夠哂淋身，索哂d汁，紫菜同雞絲都係！唔中意既配料都可以叫佢走左佢，例如蔥啦莞茜等等～ 仲一定要叫辣，辣辣地先好食！

都已經係下晝三點鐘左右，一般嘅食店照道理都比較少人，但呢間雲桂香一樣係坐滿人咁滯，猴子心諗，咁都好，咁多人幫襯，中伏機會肯定好微。叫咗碗港式米線，配豬軟骨、豬紅同埋豬膶，實行嚟個「全豬宴」。雖然話近排非洲豬瘟肆虐，不過各國政府都係嚴謹把關，所以其實都唔使擔心。先講講個港式米線，份量十足，大大碗保證夠飽，米線依然彈牙，而且十分滑，配菜嘅芽菜勁爽口，另一配菜係腐竹，不過有啲偏淡，味道唔太凸出。再講講三款食材，豬軟骨幾夠味，但如果可以有多啲膠質同滑溜感就更好。豬紅結實，亦夠嫩滑。至於豬膶就有啲失望，因為煮得太耐，食起上嚟好「鞋」。不過總括嚟講都係滿意嘅。

今日自己番沙田食，去雲桂香食米線，食完之後去做gym. 之前食開都係嗌清湯，although個湯底係好酸係好好味，但食得多，就想加下辣。夜晚8點15分到，吾洗等就即刻有位，之後就膽粗粗叫左微辣，嗌左雞絲，蟹子丸，通菜，當然叫埋杯凍檸茶少甜，用黎看門口。一黎到，都有少少驚，成碗係橙色，好驚好辣，好彩，一食，吾太辣，不過個湯底就無清湯甘酸，兩種食法，兩個都正。食到最後，覺得可以辣dd，吾知下次再嗌辣d得吾得......

好耐都無食雲桂香了！好鍾意食佢個重慶酸辣粉同埋夏天熱辣辣最適合食既涼拌米線😋我平時叫佢煮都會叫佢煮「淋」啲因爲薯粉要嚼好耐😂煮淋啲又唔洗咬咁耐因為下午茶叫野飲會平啲 我就叫咗凍檸茶 呢間既凍檸茶怪怪地 有啲似夏枯草

一向係沙田友嘅我個個禮拜都會食米線，咁耐冇去過雲桂香諗住再去回味一下，點知大不如前，首先係啲態度嘅問題，唔鹹唔淡嘅阿姐嘅服務態度已經唔再講，我哋兩個大人同一個小朋友，佢開一張摺既table 俾我哋坐係好開其實真係好危險，應該想像得到佢間鋪頭幾迫！嘢食先係主角，其他嘢都算數，點知一嚟到嗰碗紅薯粉又細碗又少餸，味道都差左，真係好失望，希望佢可以改善返啦

細個學校附近有雲桂香，經常會特登行過黎食午餐，當年價錢較宜家平好多，算係平民美食啦，最出名酸辣湯，可以揀辣度，係我最中意食既湯底，但如果麻辣既話都係推薦譚仔，因為佢既麻辣比較油。我次次必點腩肉，因為鹵得入味。另外一樣值得試既係蒜泥白肉，因為佢地會包住青瓜，食落無咁油膩

態度勁差以前每次出開沙田，必食雲桂香。今日去食，舉手叫餐，個呀姐已經西面，覺得我阻住佢，年初四咁ge樣。我每叫一樣野都報價比我知，叫杯凍檸蜜，話：呢個加10蚊架喎，食個雲耳又話：小食係另計架下！大佬！有冇病呀，價錢牌我唔係唔識睇如果佢係好心提我，我覺得佢係友善就會多謝佢提醒，但係，佢一副覺得我冇錢比，賴蛤蟆想食天鵝肉咁款，令我覺得好反感。服務態度好差，咁唔情願打工，就係屋企抖抖，唔好獻世啦唔該食物資素太差食物黎到，我真係覺得上面一撻撻野，唔知係咪幫我加料，大家幫下手睇睇，我叫個蟹子丸金菇小窩米線，全走，小辣，我食左超過7年呢款，未見過咁ge湯底，不論顏色同箭咀指個啲一塊塊野，好似地下撈ge湯咁，我真係唔敢食，都唔會再去食沙田呢一間。擺出黎係希望大家可以唔好中招

食物味道一般，但服務態度極差。期間想借廁所，阿姨話要上廣場二樓。上到二樓才知道廁所要鎖鑰也能進。於是落樓回到舖頭，阿姐話頭先無問拎鎖鑰，所以無比。點茶時阿姐都好無禮貌，問多一句豬耳既辣度就不耐煩。下次應該不會再去。

今日同老公係沙田睇戲，入場前快手食個晚餐，近近地就去左雲桂香。以前讀書成日去食，數下手指都有成10年無再食lu，見間鋪仲可以屹立不倒以為保持到質素，原來唔係囉！老公叫左豬大腸金菇小鍋酸辣米線，佢話普普通通，係唔夠辣，其他無彈無讚我就叫左淨菜肉雲吞配豬頸肉+魚肉春卷，完全唔掂，雲吞塊皮厚過毛巾，灣仔碼頭好食過佢多多聲，豬頸肉超鞋，好似食緊豬肉乾咁，魚肉春卷叫做正常，但得一條切成3舊，少得可憐晚飯時間間舖仲有咁多位唔係無原因，隔離譚仔就要等位，成班阿姐無野做圍埋吹水，吹到d客舉勁耐手叫野都唔知，冷氣機勁滴水又無人理，真係無下次。

沙田市中心附近的車仔麵和雲吞麵檔等並不多，粉麵類的選擇寥寥無幾，久而久之這裡變成了我的食堂，差不多一星期一次，香港人喜歡米線的程度可以用誇張來形容。數年前，譚仔米線曾於台灣西門町開業，但上年再去西門町已不見他的蹤形，台灣人是否不愛米線，還是不愛譚仔呢?那就不得而知了。今天我是夜晚收工後，外賣自取，每次來到，雖然很多食客在外守候，但外賣總是毋需多等，一般5分鐘就好。因為想吃得清淡一點，今天沒有點最愛的腩肉，而選擇了以雞絲取而代之，「鐵膽」仍是蘿蔔。湯底、米線和蘿蔔仍然保持一貫的水準，因為之前曾經試過偏酸的湯底，所以從此以後每次都會要求「少酸」。今次是第一次試雞絲，味道一般，不入味之餘，口感也偏韌。所以決定下次讓腩肉復任正選。

同朋友去沙田行完道風山吸收完天地靈氣，就落山填肚，記得好耐之前食過一間米線幾惹味，憑記憶搵左陣，終於俾我搵到！呢間湯底同三哥，譚仔既有d唔同，個人覺得更重口味，配菜亦好多，芽菜吖芫茜都唔小氣，為成碗米線增加色彩，好開胃🤤餐牌亦好多款式，有d望落好健康，例如冬蟲草湯底之類，我選左腩肉小鍋米線，少少辣，極惹味！啖啖芽菜連埋米線，爽脆！配左杯檸檬茶，超舒暢！佢個茶底好好飲，唔係個d罐裝檸檬茶好甜既口味！個人幾喜歡檸檬茶👍🏻👍🏻，好飲檸檬茶唔係間間都整到，外面太多合成料理😑相對譚仔，我更喜歡食這間，不過呢度服務質素就無譚仔姐姐nice!! 🤨