雲桂香米線專門店

营业中

休息中

話說好耐冇同媽媽撐枱腳，去開沙田經過雲桂香，門口都有人等位，於是人群心理都想入去幫襯一下裝修後第一次黎，食物ok沒有改變，服務員態度友善，流水式既客人。除咗主食，仲有好夠多小食選擇

快食晚餐 長期多人既雲桂香主要原因 都係平靚正加方便吧兩個人懶得煮 於是就過黎我地叫左兩個重慶酸辣紅薯粉一個要豬腸+蘿白一個要日本鱈魚豆腐眼見油既份量就知麻辣味夠 而且啲湯酸味都好夠紅薯粉煮既時間啱啱好 唔會過淋 份量足夠蘿白好食 唔會好多根鱈魚腐有5粒 分碟上 所以唔會浸淋除左粉外 碗內仲有其他配菜花生芫茜木耳飲品當然係凍檸茶依家到11月23號醫護人員仲有八五折總括嚟講 快靚正 都係一個好選擇利申:其實我已經食過好幾次見有折 所以話比大家知

👧🏻 in Sha Tin因為疫情關係太耐無出街食米線！今次黎到決定要叫「雲桂香放題」！😆🥘熱拌紅薯粉 (微辣) + 牛肉 $34 + $15撈紅薯粉入面有微辣肉醬、花生、榨菜、鹹菜、醋、秘製撈汁紅薯粉煮得岩岩好 唔會過淋 撈埋d配料同秘製醬汁真心好惹味 牛肉好嫩唔韌 配埋d辣汁好夠味好好食！🍜港式米線 + 豬扒 $27 + $15唔好以為佢湯底白雪雪係普通清湯 其實呢到既港式米線係配胡椒湯底 微微既胡椒味 好香口 💁🏻‍♀️ 豬扒係成個碟咁大塊！醃得好夠味👍🏻🐥口水雞 $43雞好嫩滑🥰d口水汁勁多 唔會好辣 超惹味！🥚醬拌皮蛋 $20個醬其實即係口水汁 比平時出面食既多好多汁 撈埋皮蛋好正😋🥬郊外油菜 $18腐乳通菜 勁多腐乳醬汁 唔知點解食到甜甜地 好特別 幾好食😆以前去沙田補習最鍾意就係食雲桂香估唔到過左咁多年水準都keep到 一樣咁好食👍🏻2個人叫左兩碗麵3個小食都唔會過多 份量岩岩好😝😆好滿意今次個「雲桂香放題」👍🏻👍🏻 📍 雲桂香米線專門店 (沙田)沙田正街偉華中心地下4號

睇完套兩個幾鐘的電影， 過曬午飯時間肚都打鼓， 過條馬路見有《雲桂香》米線專門店， 隔離嗰間譚仔同樣都係米線。 因為平日少啲見到雲桂香 ，就入去醫肚！雲南酸辣小窩米線（＋ 腩肉）都係基本最人氣嘅選擇， 點了最微辣， 湯底酸度適中， 酸菜好香，味道都算係有層次～惹味開胃米線少少煙韌唔會太腍也是我喜歡的原因。腩肉ok呀，夠入味不過帶肥的肉也相當嚡囉～屋企人点了清湯米線配（雪魚豆腐）， 星型賣相冇咁單調， 質感比較似硬啲魚腐， 魚尾豆腐味都唔算突出～支裝豆漿是自家品牌？ 唔錯有豆香，唔會太甜。

一向都好鍾意食呢啲酸酸辣辣嘅嘢雲貴香喺香港都有好多分店平時放Lunch就最鍾意嚟沙田呢間食每次食都唔會令我失望-沙田呢間平日嘅lunch hour都比較多人等位要等大約15分鐘左右先入到坐-今次就照舊嗌我最鍾意嘅小窩中辣酸辣紅薯粉配菜加咗豬耳同炸豬扒湯底香 辣度好夠 配芽菜同紅薯粉麵好夾吸晒湯底嘅酸辣味最推介係每次必嗌嘅豬扒熱辣辣新鮮炸起好香好夠脆食落好惹味可惜今次紅薯粉嘅份量好似比之前少咗下次叫返米線可能會再飽啲-整體評分：4/5

💖 滋味雲南小鍋米線繼續喺沙田搵食，今日去咗雲桂香食佢嘅雲南小鍋米線，入面材料豐富，有冬菇，蝦卷，雞絲，腐皮卷 ，豬大腸😋😋😋 呢個配搭令人滿足，充滿唔同味道之餘，仲有唔同口感嘅享受，食完都真係好飽好滿足！另外叫咗一份口水雞，雞肉香滑，再加上惹味嘅辣椒汁，又香口又開胃！每次嚟必嗌！唯一要注意嘅係，午市時間極之受歡迎，可能要預留時間等位，但係好味嘅嘢等吓又有咩所謂呢🙂雲桂香米線專門店📍沙田正街偉華中心地下4號

學生年代LUNCH一定係米線行先始終價錢平，又好食今日就專登返黎懷緬一下黎到「雲桂香」，雞翼、豬皮、腩肉、豬紅...通通都係我喜愛。腩肉豬皮小鍋米線(小辣)曾經因為叫過中小辣，但辣過中辣。一問呀姐之下，竟然同我講中小辣係中辣加小辣，所以辣過中辣。長大後，先發現，我應該係比呀姐呃咗。同之前相比之下，豬皮唔夠入味有少少遜色醬拌皮蛋皮蛋係流心，調味岩岩好，唔會過辣好適合大眾口味千層豬耳（大推介！！！）唔係度度有得食雖然份量唔多，但係一層一層個種味道同一條一條慢慢食係無得比真係超出色！！

酸辣米線係香港人好難抵擋嘅魅力自己一個喺沙田行街搵食就想食辣米線好彩有食開個人好鐘意既跟住就雲貴香啦雲貴香比起好多食辣米線既有更多多選擇唔同嘅湯底唔同嘅面都有可以比客食返自己鍾意嘅口味我就嗌咗一個小辣酸辣小窩米線餸就加咗嘅豬大腸同埋豬扒另外仲嗌多個口水雞小窩米線當然已經本身有韭菜同笌菜米線軟硬適中個人都幾鐘意佢地既酸辣有獨有既酸但又唔會係死酸辣帶有微香滷水豬大腸都鹵得好入味份量合理特別好鍾意佢嗰個炸豬扒佢哋嘅豬扒冇落粉漿外炸得脆卜卜大豬扒食落去一啲都唔會硬身本身豬扒都好入味又唔會一口粉漿口水雞就係用左嘅酸甜小辣汁因為只有少少辣絕對令到人好易接受因為加咗陳醋酸酸地加上甜甜保留雞味加上雞肉滑又有惹味味加上炸花生幾開胃好食總括嚟講自己得閒都行吓街食個米線真係幾唔錯

放咗工, 近近地喺附近同朋友d 野先番屋企.  1, 小鍋米線 - ( 豬腩肉, 魚肉春卷, 豬潤, 小辣) - 朋友嘅 ($56)湯 - 湯因為係少辣變得好野味.  雖然係少辣, 我食唔到辣嘅都OK.米線 - 都係正常水平偏淋.豬腩肉 - 平時食開三哥, 佢地d 豬腩肉會連埋皮+皮下d 肥膏, 一啖食會食到唔同口感.  而呢度就我就食到豬腩肉嗰d 肉, 無乜肥膏, 都好食嘅, 會啱怕食肥同減緊肥嗰d 人多d.   但食得豬腩肉, 就想食埋佢d 爽嘅肥層囉.  又或者咁啱夾到全肉吧.魚肉春卷 - 因為用腐皮包住, 腐皮個味好出, 魚肉就食唔到味豬潤 – 薄切, 所以口感差少少同好易柴, 食唔到豬潤嘅爽口. 2, 小鍋紅薯粉 (豬腩肉, 墨魚丸, 鴨腎, 清湯) ($65)湯 – 清湯, 正常有味精味. 紅薯粉 – 煙煙韌韌幾好食. 唔會太淋. 豬腩肉 – 同上.魚丸 – 都食到有少少墨魚味道, 但唔夠彈牙鴨腎 – 薄切, 所以口感差少少唔爽而且淋晒. 3, 千層豬耳 ($43)$43 得5塊.  汁係酸酸辣辣都幾好食.  雲桂香都食過好幾次, 面嘅份量覺得比之前少1/4, 料嘅份量都O

呢間米線真係由細食到大。鍾意佢嘅米線湯底特別香，有肉碎、芽菜、韭菜等等。每次嚟我都會食小窩米線，酸辣湯底個味好香。鍾意佢可以揀小辣，辣得來惹味又夠香。同埋呢度嘅米線軟硬度適中，真係又平又好食。配料揀咗魚肉春卷及豬紅。魚肉春卷幾好食我通常鍾意叫豬紅，有益補血；而且同米線好夾。另外一碗就叫咗腩肉、大腸，呢兩個餸都係絕配。鍾意佢啲腩肉夠入味，但係又唔會太肥。豬大腸亦都洗得乾淨。食米線又夠風味。加配埋個凍檸茶，正呀！

呢幾年米線店真係開到周圍都有就好似緊有一間在左近米線來講個人就比較鍾意雲桂香覺得佢個酸辣湯頭最啱自己口味,夠晒開胃湯底、配菜同小食選擇夠多所以今日放工約咗個同我一樣都係米線控ge朋友食個快飯我地點左🍜酸辣小窩米線（小辣）$47豬皮、豬大腸🍜酸辣小窩米線（中辣）$47豬皮、腩肉另外叫咗兩個小食🍽醬拌皮蛋$20🍽千層豬耳$43之前未食過但朋友特別推介所以就叫左食落又唔錯 好爽口同入味🥤兩杯凍奶茶少甜少冰$7 💬好彩我哋今日夠早唔使等位🤭裝修完個環境都算乾淨 幾企理

今日同朋友去左沙田食午餐去左呢間雲桂香食米線, 朋友話佢住附近一直都食開呢間, 話叫我試下餐廳入面都有卡位, 好彩兩個人都可以坐到卡位, 可以坐得鬆動D佢呢度都有幾種唔同口味既湯底,米線之外, 仲可以揀紅薯粉，水晶粉之後揀辣度, 最後就揀餸我叫左個腩肉豬腸小麻辣小鍋米線, 佢個湯底好濃! 入面有肉碎, 芽菜，酸菜，葱同芫茜, 辣得幾過引! 辣得黎仲有酸味我同朋友仲叫左個蒜泥白肉SHARE食, 呢個都好惹味, 上面鋪滿左蒜泥, 入面有青瓜絲, 食落感覺唔會太膩呢間米線應該岩晒鍾意食濃味湯底既朋友

疫情底下選擇比較方便嘅快餐。今日嚟食米線！見到啲枱都闊落左，而且有圍板隔開，令食客更加安心。見到少人左，平時好多人排隊🙈 但多咗好多人嗌外賣，都好方便～不過今日趕住返工，所以都係堂食。麵底方面有好多種，除咗米線之外，仲有紅薯粉，水晶粉，而且仲有涼拌米線！湯底方面我最鍾意係酸辣湯底，次次都食呢個！今日唔係太餓，所以就冇叫到小食啦。小鍋米線 （微辣）+魚肉春卷食米線最緊要湯底！湯底方面揀咗酸辣微辣，最鍾意食呢個湯底，啱晒我呢啲唔係好食得辣嘅人，但係又想過下癮，重口味啲🤤呢個湯底入面仲有芽菜，芫荽，酸菜同埋肉碎 (肉碎辣先有)，口感更加豐富，而且好鍾意芫荽同埋酸菜香，又開胃，推介！米線方面亦都有口感，份量多，唔會過腍過硬。菜料方面我揀咗魚肉春卷。都唔少有四件，而且幾彈牙！小鍋米線（麻辣微辣）+腩肉墨魚頭麻辣就會比較辣少少，但係麻香都好正。菜料好多！腩肉切得簿易入口，入味，偏瘦比較健康！墨魚頭新鮮，而且彈牙！配埋凍檸茶，正👍🏻米線來講我都真係比較鍾意食呢間🤣因為好鍾意呢度嘅湯底酸酸辣辣，但係又唔係太辣。食材方面選擇都多，而且喺沙田市中心來講性價比高👍🏻👍🏻

HK越來越多米線鋪, 但雲桂香係我食過咁多間, 最好既連鎖米線鋪。 同朋友分別叫左 1)小鍋米線配雞絲+生菜; 2) 涼拌米線配豬軟骨+墨魚頭。 個小鍋米線係酸辣小辣, 個湯底食左咁多次都覺得好正, 酸辣既balance做得幾好, 至少好過另外2間著名連鎖米線鋪。 個雞絲就正正常常la。 另外, 第一次試涼拌米線, 配小辣, 好開胃。夏天食真係一流, 墨魚頭有好多塊, 抵食。不過豬軟骨唔浸湯, 冇咁好食。下次叫應該要叫其他"食送" 會好d。 如果雲桂香係其他區開多d分店就好la。

偉華中心雲桂香出名米線？我就覺得非也。應該最出色嘅係湯頭同辣度。兩個字：過癮！本人最最鍾意嘅食材係豬大腸，唔知佢點整可以又煙韌又入味，絕對係皇牌首選！今次又再點小鍋米線中辣，其實中辣吾算好辣，不足以冒汗。除咗皇牌大腸之外，蘿蔔亦都好正，淋、甜、入味。朋友大食，點了一碗加底嘅紅薯粉，紅薯粉的確好煙韌，如果愛速食嘅你就要考慮吓先，因為要花多一點時間咬咬。朋友加配鮮竹龍蝦卷、雲吞、芝士腸，當然唔少得有我重點推介嘅大腸。份量一定超大，滿足。飲品大大杯，推介菜蜜、菊花蜜，甜甜的解渴！