雲桂香米線專門店

营业中

休息中

常行過門口都很多人，今日見人少少，快手叫個外賣，十分鐘拎得走人過橋薯粉（比米線貴$2）$34+豬耳（$9）+腩肉（$9）+跟餐凍檸茶（$7）+外賣盒$3=$62過橋薯粉內含豬肉碎（份量也不少，食到最後，隔去湯汁，碗底仍有五至六湯匙的碎肉）芽菜、酸菜和芫茜，湯底有不同辣度選擇，我叫了微辣，一點辣味也沒有😅下次可挑戰小辣豬耳和腩肉份量足，腩肉有十多片，不辣；豬耳略嫌煮很過腍，連耳骨的爽脆咬口都消失了，有點失望總括而言，是值得常吃的街坊小店P.S要小心計數，今日店員心算一收收了我$75，幸好我即時發現，才退回$13

天氣潮熱，今天不想吃飯，於是就來一個米線吧！雲貴香米線店往往見人龍，疫情下也大受影響，所以現在下單後，只等了一會兒，便可踏上歸途。今天我選了三種配料：豬紅、竹笙和腐竹；全部都是較清淡，易入口的食材；配紅薯粉來吃是最好不過。外賣湯底是和食材分開盛載，所以不會有過度浸泡的情況。紅薯粉爽口糯軟，好有口感，我選配了一個微辣的胡麻湯底，非常惹味醒胃，正適合炎熱天氣下吃。豬紅入味、竹笙爽口、腐竹滑溜，材料吸收了湯底的精華，味道討人。不消一會兒我便將整碗紅薯粉吃掉了，非常滿足。

雲桂香係我鍾意食嘅米線之一，荃灣、旺角等等唔同地方都有開設分店，今次係沙田新城市廣場行完街之後，朋友帶左等黎食米線，價錢合宜之外，仲有唔同麵款可以選擇，包括有酸辣粉、撈米線等等。而我最常食嘅就係小鍋米線。日常叫開嘅一定係小鍋米線，呢次叫左豬紅、蘿蔔做配菜，湯底就揀左微辣。雲桂香仲可以比客人走芫荽，多芽菜，鍾意食芽菜嘅朋友唔驚要收多一份配菜錢了，又食得滿足。湯底少少辣而且酸酸味味咁，好開胃，豬紅唔會太淋太散，蘿蔔清甜，味道都算夾嘅。食完要飲番杯凍奶茶解渴。

相信係香港好多人都有食過雲桂香雲南米線雲桂香比起某間有得叫勿丸米線既店舖味道更好味，而且每碗米線中入面的配料也是滿滿的而我每次都會選擇食小窩米線轉紅薯粉，再必揀雲吞做食材之一，湯底雖然很油，但的確好食，而雲吞好大粒嫁😹😹😹都係我鍾意食嘅韭菜餡。不過唔知係咪疫情下少左人外出，所以店內比起平時都很少人，而最近兩次食，一次外賣，一次堂食，都不像以前好吃🥲味道好像不同，而我選擇的雲吞和肥牛味道也是很淡，與湯底好像分開上一樣似的。千層豬耳味道也是不像以往的好吃，味道也不一樣，不知道是否轉了師傳還是怎麼樣，希望下次再吃會正常返😹😹雖然食物品質下降有點失望，但店舖職員姐姐們也是很好，會說會笑，也有禮貌

一直都係嗌腩肉豬紅小辣米線嘅我，覺得佢啲質素越嚟越差，腩肉都係好好食嘅。但係豬紅就太碎，好似舊舊都唔成形咁🥲 同埋都冇以前咁好味，食落冇咩味同埋叫多咗個皮蛋，啲辣汁唔夠辣，食落好似兩樣嘢完全分開咁，同譚仔有好大分別，有啲失望

我最鐘意既米線，莫過於係雲桂香啦呢個大家一定有食過。沙田分店既門面以前成日都食小鍋米線， 但最近發現佢既雞湯米線原來都好好食雖然係清湯口味，但超級重雞湯味，飲起佢d湯時，好似飲緊雞湯咁， 而且過橋雞湯米線係份量超大，岩晒遇着好肚餓嘅人士😂。 因為太大碗啦，店員會幫你整埋，圆請唔使落手去整。

如果好鍾意食米線既朋友揀雲貴香就一定冇錯。小窩米線湯底真係無得輸，而且可以揀小辣，味道真係超級，真係超級正😋小窩米線配腩肉真心推介，重點味道更加野味。令你會不斷想食，哈哈哈，連湯都想飲埋🤣🤣另外覺得重慶酸辣粉都好好味加埋杯凍檸茶簡直就係平靚正嘅選擇。小食方面鍾意食涼拌既可以叫皮蛋，果個味都係超級正，雖然份量有d少，不過偶爾食下cp值都幾好。但係姐姐的服務就真係見人見智喇。心情好就對你好d咯😂個人比較鍾意沙田呢間。

次次黎呢間嘢外賣，叫重慶酸辣粉都無配料同餸，第一次就話廚師唔記得，次次都係咁，係咪無食飯，要偷客啲嘢食呀得呢間係咁，其他分店都無試過唔會再去呢間奉勸下次外賣打開睇睇

老公叫咗個酸辣小窩米線 腩肉豬大腸我都係比較鍾意好淋好淋嘅豬大腸雲桂香 豬大腸係偏硬身佢嘅腩肉 夠大塊有肉食個酸辣湯底還好啦～我就叫咗單餸豬軟骨普通胡椒湯底幾個月前食過大埔分店飲咗一啖湯之後 覺得勁好飲 胡椒味好重但沙田間 我好失望 因為有太大對比個湯底好普通 吸引唔到我 食落去可能因為咁 我俾咗三份二米線我老公我老公都覺得我個碗米線特別多三份一米線我都食唔晒我只係食晒啲配菜豬軟骨夠淋 但比較起佢哋嘅腩肉我下次都係會叫腩肉佢腐皮都好多夫妻肺片 唔知係咪浸住啲汁 過咗一晚好入味 但食完之後我同老公都要上百佳買嘢飲 好口渴沙田分店我唔會再食因為基本個湯底都吸引唔到我我都係去返大埔🙃🙂

雲桂香係食酸辣米線嘅最佳選擇😂 但唔同舖頭嘅質量同埋湯底都好大分別，同埋我都承認佢越做越差，以前食係會上咗癮，但現加無呢種感覺！我係葵芳食過就真係扣咗50分😅 但呢間就OK👍🏻 愛吃豬紅嘅我好多食米線地方都無得食，我其中一個愛佢嘅原是個就係因為嗰豬紅，仲有佢嘅腩肉！如果你有食開譚仔嘅腩肉，呢到嘅係兩回事，有入味又林😛 不過今次叫杯凍檸茶就扣哂分了🥲 個叫少甜小冰，仲甜過平時，冰仲多過個朋友嗰杯凍華田😩

我們一直是米線超級愛好者，而雲桂香是我們一直挺喜歡的米線品牌。之前，我們曾在銅鑼灣分店吃過，覺得質素保持高水準，所以來到沙田還是選擇吃雲桂香。我們點了三碗主食和三個小食，一碗中辣小鍋紅薯粉、一碗小辣小鍋米線，一碗撈米線，小食有炸蝦卷、炸魚卷、豬頸肉。中辣小鍋紅薯粉和小辣小鍋米線的湯底十分咸但不辣，豬軟骨和通菜不過不失，就是正常。湯底實在咸到快吃不下去。而撈米線，我們點的是撈米線走花生，結果給了我們撈紅薯粉加花生，他們重做後，給我們再上菜的時候，所有料都是亂堆上去，然後完全沒有汁。。。炸蝦卷和炸魚卷，有一陣油yik味，主要是因為油用太久而不換...所以有點臭，豬頸肉十分柴和硬，沒有肉汁，所有小食都不建議點。整體來說，十分災難，除了食物本身外，服務和環境都很不好，我們坐在卡位，天花漏水，我們舉頭看一下，發現店家只是用兩個膠袋包住管道，完全沒用。吃到一半就要換位子。唉，好失望。。。

沙田呢間愈食愈難食。亞姐態度又差。都明白你地為生意額。但唔駛做到趕客錦。吹吹吹執執執。落單叫左個酸辣超微辣。諗住小小味吊下。點知黎到變左大辣。辣到呢。叫左佢兩次加清湯唔理。之後都費是再叫驚佢加野。成餐飯總之辣到一個點。一定唔會再食！簡直係貼錢買難受！最慘又唔係俾唔起錢。諗住食個風味都收到錦😑😔 所以一定唔會再食 唔想受害食第間

今日同朋友嚟到沙田食雲桂香，成日都聽到人哋講話依間餐廳嘅米線非常好食😚，而且米線關注組亦都有提及過依間餐廳，於是今次就嚟試吓依間餐廳🤤。-🍴小鍋米線🍜(雞絲、鮮竹龍蝦卷)($29+$9+$9) - 米線已配有芽菜、酸菜、韮菜、蔥同埋芫茜。另外配搭咗2️⃣個配料。湯底真係幾好食，調味唔會得鹹味👍🏻，加上米線煮得啱啱好😋，唔會過淋，如果屋企附近有間就好lu🤤。而配料方面，雞絲🐥唔太推薦，雖然會吸咗啲湯底精華，但係只可以每次少少咁食，如果唔係會好難咬🤭。而龍蝦卷幾鮮甜，有啲彈牙，幾好食。-🍴熱奶茶☕️(+$5) - 不過不失，算係中上嘅港式奶茶🇭🇰。

尋日做完運動，忽然之間好想食米線，想食嘅程度係即刻就要食到果一種😂😂😂所以就出咗沙田市中心，食呢一間雲貴香啦！雖然好耐之前都食過幾次，但老實講我唔係雲貴香嘅常客，因為我都係捧開譚仔三哥米線場嘅😌雲貴香個湯底，雖然重味，但係佢加埋芫荽肉碎同其他配料，酸酸地真係好惹味😆我今日就嗌咗呢一個「魚肉春卷配黑木耳配冬菇小窩米線」，不過因為太耐冇食就只係嗌咗小辣啦，下次我覺得應該嗌辣少少🤔因為今次其實唔係好食到辣味。真心值得一題嘅，就係口水雞，雖然40幾蚊呀一款小食可能唔算平，但係佢嘅份量係十足嘅，兩個人食啱啱好。而且，佢個味道香香辣辣非常惹味，下次我一定會再嗌嚟食！埋單兩個人都係$145 ，以一個街坊平民餐廳嚟講，我覺得非常OK👍🏻👍🏻👍🏻

間中黎呢度止下米線引今日出開黎買野就黎醫肚呀點左~通菜豬紅麻酸辣小辣好似未0係呢度食過豬紅今日心血來潮試下(本人都鍾意食豬紅)有驚喜豬紅幾入味無怪味呀(有D店可能處理得唔好會有怪味呀)米線依然好味鍾意佢幼身又軟硬適中索晒D湯好好味