雲桂香米線專門店

营业中

休息中

其實而家係香港，想食米線既話一d都唔難，基本上一行出街，食米線既餐廳比便利店仲多，平時同女朋友食開某間基本上已經壟斷米線行業既餐廳，但今日放工，大家都不約而同咁想試下其他口味既米線鋪。以選擇多樣化嚟講，呢間餐廳可以話係做得唔錯，一般我地認識既雲南米線，多數都係識雲南過橋米線，但係除此之外，仲有好多特色而值得一試既菜式。湯米線平時就食唔少，拌米線的確係香港少見。熱拌米線一上菜就已經香氣撲鼻，胃口大增，加配雞翼更增風味。而女朋友就點左個小鍋米線，湯底濃郁，分量都偏多，平時胃口細既女朋友都食左好多，即刻諗返起以前去雲南交流既時候，我地都係最鐘意食呢個，幾乎係必點之一。