雲桂香米線專門店

营业中

休息中

好耐都冇去沙田啦! 星期五既夜晚好多人周圍都等位, 突然好想食辣野, 就諗起呢間雲桂香米線專門店, 於是捉個朋友黎一齊食。門口有好多人等位呀, 不過我地兩個人, 搭檯, 好快就有位。一入到去, 諗左一陣, 好快就決定左叫重慶酸辣粉, 口水雞, 再加多杯凍檸檬茶。好快重慶酸辣粉就黎左, 我要左中辣, 不過對我黎講都唔夠辣。成碗紅卜卜的油睇見都興奮! 我仲加左炸醬同腩肉, 兩樣餸都係有少少辣既。腩肉炆得好入味, 又唔算好肥, 炸醬個汁好惹味, 帶少少肥肉, 同個湯好夾。重慶酸辣粉正在紅薯粉好彈牙, 唔同其他麵質例如米線, 而且中意佢夠多材料, 花生、炸菜, 多都食唔哂。口水雞係必點既小食, 雞肉好滑, 又唔會太咸, 就甘樣食都得, 仲有好多花生添。凍檸檬茶少冰, 檸檬夠酸, 茶味濃, 甜度岩岩好, 好飲過譚X果杯。甘既價錢又好食, 算係甘啦。

時值9月，學生們開學日忙夜忙，自己會掛住d好味既野食朋友一直心思思想食麻辣米線，終於今日忍唔住拉埋我去呢間食XD下午茶時段舖頭唔算多人，一入去就有得坐低，仲要係卡位添! 傾計一流👍由於太肚餓既關係，都係叫左野食先，我揀左熱拌米線，朋友就食麻辣米線。熱拌米線👍米線睇落無咩汁，但係味道唔錯，我叫左走辣都唔會太淡口，加埋酸菜一齊食好惹味，比個like!如果d豆卜再濃味少少就perfect啦~不過我好鐘意佢無湯都好夠熱，平時食撈撈好快就凍晒，呢碗食到最後一啖都係熱既!!朋友既麻辣米線湯底夠濃，料亦好足，完全滿足晒佢既願望，心滿意足☺️一致同意，下次再黎過。

一向好鍾意食雲桂香既米線，酸辣湯底好好味。於是今日心血來潮就黎到沙田分店食嘢。可能今日假期，所以等咗大概5分鐘就有位。蒜泥白肉，比另一家連鎖米線餐廳好食，有大量好香既蒜泥，加上厚身一點既白肉，唔係太多肥肉，而且冇咁多辣油，感覺冇咁肥膩。叫咗小鍋米線+豬肚+豬大腸+墨魚丸，小辣，湯底好濃郁，帶有少許肉碎，酸菜同芽菜，好爽口，好開胃！！

今日去到沙田轉車去港島，發覺還有時間，所以想在沙田吃個午餐先離開，今日選擇了這間，因為見裡面不太多人，所以想安靜的食過午餐，我當然是吃紅薯粉，因為其他面線店，吃紅薯粉是要加錢的，但最令覺得搞笑就是，竟然有豬軟骨選擇，在我心中豬軟骨是屬於日本的，雲南米線都可配，我當然要試試啦！就是這個啦，那些豬軟骨大大件，都幾抵食，紅薯粉都有水準，不過其實都幾煩，因為佢的質感很「扇」，有機會吃得衣物都污穢不堪，我這個是酸辣的，我叫佢唔好太辣，佢話幫我盡量做，最後我都覺得可以。其實我對這間餐廳印象不太好，因為佢的雞絲很老，像吃魷魚絲，又好明顯是兩隻色，即是後加上面的，味精超重，飲兩杯飲品都唔夠，不過都係第二間分店的。這間本人覺得還可以。

除左譚仔, 呢間米線亦係我首選之一, 而且一定要食酸辣!!今日就嗌左酸辣小辣+豬頸肉&豬大腸, 配菜當然唔走得啦, 有蔥同莞茜先最香! 湯底肉味濃郁, 酸酸地加少少辣, 精華係半肥瘦既肉碎, 米線煮到岩岩好, 吸哂湯既味道好好食!豬頸肉就有少少硬, 豬大腸就幾好唔軔亦唔會有臭味。蒜泥白肉-第一次食賣相同譚仔好唔同@@白肉好似肥牛咁半肥瘦幾好食, 蒜泥係好似燒烤嗰啲蒜蓉咁一粒粒, 夾埋一齊都唔錯啊, 不過如果係凍既應該會好食啲? 炸雞亦-好普通既炸雞亦配泰式辣醬, 炸到有啲乾無咩特別, 但朋友說好好食@@

一向都係雲桂香嘅俸場客，感覺味精不算重，吃碼我食完唔會口乾幾粒鐘。今次食咗「豬潤鮮枝竹米粉-小辣」。枝竹夠多豆味夠; 豬潤細切煮得較熟嗰種，係會鞋少少，但不算好鞋，好處是較熟不怕有問題，都醃得好夠味；另有清清哋嘅九菜芽菜，好搭配。湯底我幾喜歡，麻辣當然是要夠麻，食小辣的我，不想太辣但希望夠麻，所以呢個湯底啱我口味，最重要是要夠熱，真係熱到出晒煙，夠熱夠麻夠味，而且價錢合理夠大碗，真的不錯。 

極度鍾意食米線既我一個禮拜總要食幾次米線，今日就嚟到沙田做野，原來諗住去食譚X，不過見隔離原來都有間米線鋪叫"雲桂香"，又幾乎全場滿座喎，就決定入去試下啦~入面是咁的，如圖所見超級多人同坐得好迫，我一個人黎食就梗係要搭枱啦~佢有d幾傳統幾雲川既菜式，好似都幾啱我口味~餐牌是咁的，唔算話好多野食，不過我覺得佢既米線、餸料選擇唔係坊間米線鋪常見果啲，幾特別。諗左一陣我決定叫個雲桂米線(因為見到menu上既過橋米線圖片好似有d自己落d餸落去滾，嘈我以為雲桂米線都一樣，點知原來唔係，有啲失望添呢碗就係我叫既雲桂米線啦~我叫左唔辣同走芫茜，一上枱見到個樣好似唔係好掂咁喎其實唔算多餸，得兩舊魚腐、一小堆雞絲、兩舊細蟹柳、兩舊仔冬菇同一堆配菜，咁就收我$46，係咪玩野？冇乜餸食又貴，條氣真係唔多順。好啦我諗住俾個機會佢先，雖然其貌不揚但可能好好食呢，who knows？識食一定喺試左個湯底先，um....酸既？有冇人可以話俾我聽點解個清湯會係酸架？早知叫辣好過D餸就普通貨色啦冇乜特別，唔難食但又未至於好好食咁囉，米線既腍度適中，岩岩好既，但浸左落個湯底到咩食慾都冇哂，最後我只係食左半碗，條氣谷住谷住

係沙田幫人補完習成日到去譚仔食酸辣米線 但食到我有d悶所以就試下佢隨離個間既雲佳香 都係酸辣米線入到去 覺得個光線比譚仔暗 唔太光猛 我嗌左碗酸辣米線大辣加雞絲一黎到 叫到碗野紅到好似顏料甘 有d頹底食落去得個辣字 一d都唔酸 飲得出d湯好味精 好咸感覺好似食緊辣油米線－－d雞絲un到好似擦紙膠 咬極都未咬碎 最後放棄左 lur左佢湯底唔夠譚仔香 配料分量都好少下次都係去番譚仔度食算

同譚仔比，雲桂香裝修同衛生程度都係差D，譚仔比較光猛，所以望落去舒服乾淨D，雲桂香就暗D。 食物個方面，雲桂香有譚仔無既肥牛，所以即刻叫左肥牛加雞翼，同埋聽聞雲桂香既辣係比譚仔同三哥優勝，所以叫左小辣黎挑戰下，再轉埋紅薯粉。我個人覺得呢碗野5分大概值3分，不過不失，肥牛淥得過左龍，好難咬，同埋碗湯我嫌太油，比較之下都係譚仔三哥好食D。價錢方面都係普通雙餸大約三十零蚊，唔係特別比其他米線店平。

以前好鍾意食呢間，呢間沙田分店大大話話都開咗五年，加價都算，但就越黎越偷工減料 我本身都算食得辣，叫親都中辣起跳。近幾次食大辣，竟然都係加辣油就算！今次食麻辣上湯米線，上次食小窩米線都係咁。用辣油黎加辣搞到碗米線一啲都唔香，得個辣字。以前用嘅辣汁同個湯底夾好多，而家連個湯底都偷工減料，好失望。希望其他分店唔係咁啦

話說每次跳完舞都會好餓，但又獨獨食，所以成日都會唔知食咩好。平時小編都會買外賣M記，但係今次真心想食好啲就出左沙田食雲桂香米線。一個人去到間食店其實根本唔洗等位已經有位，可能因為跳完舞嘅關係啦，真係想食多啲，就嗌左個腩肉豬耳豬軟骨生菜米線，一定一定要係小鍋米線湯底！而小編係麻煩個批就一定要走芫茜同酸菜嘅，再加杯凍檸茶，正！當然呢間唔會係普通車仔面或者快餐店，都等左15分鐘先有得食，不過都輕鬆嘅。真心嘅，食物唔算少，但係真係食得晒！湯底係真心好味嘅！夠濃味！ 米線軟硬其實係適中嘅，都fit!下次小編係絕對再食！

自己好鍾意食雲桂香，今日去沙田發現有一間，梗係要入去食啦。入到去無人理，同太子旺角嘅服務態度差好遠，我叫咗小鍋米線，中辣，點知係唔辣嘅，走配菜，只要芽菜，但係出到嚟碗米線啲芽菜竟然多過啲米線，夾出嚟有一大碗，仲未計食咗落肚嗰啲，頂！好失望！！

是晚想吃辣粉麵類，但又不想吃譚仔，於是選了這間雲桂香，男友說數年前曾吃過幾次，味道OK，多年後不知品質如何，本人則第一次光顧~我點了個酸辣湯雞絲細薯粉，大、中、小辣，選了中辣；整碗份量夠大，面層紅油滿佈，上桌時有點嚇人  嚐了一口，比預期中的更辣，幸好本人愛吃辣，仍可接受，只是需要多一點時間KO它~ 原來細薯粉即其他米線舖吃到的扭紋粉，這兒的同樣滑溜少韌，沒有啥特別，湯夠辣，但吃不到酸，我要的明明是酸辣，但卻沒有了酸，湯中只有三數條酸菜，明顯不足；配料方面有芽菜、肉碎等，芽菜不多，肉碎份量正常，點的雞絲份量足，吃罷整碗，絕對飽肚，但無任何驚喜，而且敗畢在酸辣沒有了酸 男友點了麻辣湯牛丸墨丸紅薯粉，同樣選了中辣；面層紅油偏橙啡，同樣辣度十足，因男友吃辣能力比我稍遜，故吃得有點辛苦  需要一杯凍飲解辣~ 而紅薯粉與細薯粉的分別是，前者是平滑直條形的薯粉，比後者略為煙韌，較難夾起；芽菜、肉碎等與我那碗不遑多讓，牛丸、墨丸則是街邊凍肉舖買到的普通貨色，沒有質素可言 因為要解辣，男友要了一杯凍柑桔蜜，這個反而不錯，原來是鹹柑桔，不是一般茶餐廳的沖調品

昨天試過小鍋米線好好食,今天再試下涼拌米線(因為天氣熱)。在沙田行街,見到了原來譚仔米線就在雲桂香旁邊,估唔到原來雲桂香多人幫襯過譚仔,長期滿座。今日叫了涼拌米線配豬軟骨,腩肉及通菜,腩肉豬軟骨好入味及淋,米線用涼拌方式去煮夠辣夠味夠彈牙^^

約朋友仔食下午茶,原本諗住近近地去譚仔,點知好多人等位,就去隔離雲桂香,記得以前食過荃灣果間幾好的~唔使等位,但個場都幾full坐低睇下menu...好似加左價,不過咁耐都食,加價都唔出奇~去相先,朋友仔既~朋友唔食辣,但點知唔辣既湯底都係有小小辣...佢話豬紅幾好味,其他野就一般~野飲無飲哂~呢個我既~碗野來到嚇左一嚇,一個送好似五蚊定六蚊,唔通我用五六蚊只可以買到一小片火腿?之後撈下,好彩,仲有幾片...共4片,比佢嚇左一嚇,多過一片我都知足個餃..好難食。米線質感我又ok~至於+$7餐飲凍檸水,好重糖漿味,吉幾下個檸檬先有返d檸檬味~最後兩個人埋單共$85...加多五蚊可以食兩個譚仔套餐超多送...唔會有下次。