雲桂川風味米線

营业中

休息中

其實我好小上open rice 寫食評，但係今次真係搞唔掂，真心建議唔好再去食，呢間米線舖我本來都食開一段時間。 其實都唔係貪佢好食，只係至在佢開得夠夜，對上幾次去食其實都留意到佢出面啲紅色覽🧺有曱甴🪳，我只係覺得呢啲米線舖有都好正常，佢個門面咁舊，我expect 啲乜野？但係我點都無諗過，食食下會有手指咁大嘅隻曱甴🪳從天降，跌喺我哋面前😱，連埋佢啲仔🫠，之後個染頭髮個啊姐用食客用嘅餐具🥄將啲曱甴🪳撥走當無事發生，之後我同我朋友要求免餐錢直接比人無視，之後都冇人理我哋😡，好似叫我哋繼續食咁嘅意思😕如果咁都可以當無事發生，你煮緊陣有幾多碗入面就將隻曱甴🪳入去，撩走佢當冇事發生🤢？事後去食環署投訴，都唔見得佢哋有改善，佢哋都只係攞塊紙皮去塞住個窿，大家去食嘅時候可以留意吓上面有塊紙皮，入門口右手邊第二張枱上面個燈位最後我同個fd 都係要出post 警世，唔好再中伏入去食

《雲桂川風味米線 (灣仔)》呢間米線係公司附近，返放工都會成日經過但食就真係第一次🤣今日因為要準備開會得好短時間食飯，就買呢間外賣試下。🍜小鍋酸辣米線今次我叫左三餸小鍋米線，豬頸肉彈牙爽口唔肥，醬爆鯊魚丸爆汁肉味濃，羊肉唔係成日都有得叫唔騷👍🏻 米線底份量夠，而且酸辣湯底唔會死鹹，外賣仲送汽水👍🏻五十拎蚊有呢個水準已很不錯食物質素 ⭐️⭐️⭐️⭐️/5用餐體驗 ⭐️⭐️⭐️/5性價比 ⭐️⭐️⭐️⭐️⭐️/5如果你都想試下性價比高嘅雲南小鍋米線，記得bookmark定呢間餐廳，約埋三五知己一齊嚟試下👨‍👨‍👧‍👦 地址: 灣仔軒尼詩道107號地下#yunnan #mixian #noodle #lamb #asianfood #hkfoodie #hkfoodblogger #hkfood #foodblogger #hk #hkig #hkigers #hkfoodblog #hkfoodstagram

今日午餐食左呢間野見无人排隊貪快入去試吓, 叫左碗羊肉豬大腸米線, 先講食材羊肉好酥連我一向鐘意食羊都頂吾住,湯底无味. 酸菜淡晒好似煲到无晒味咁, 老实講$40碗吾係好貴但同類米線店佢算係难食中數一數二; 況且環境及服務而論, 我特登揀有風扇底既地方坐, 奌知店裡有位侍應呀姐熄左我枱上的風扇, 我叫佢開番話好熱, 佢超負氣西晒面話個風扇吹親佢, 佢係侍應走來走去都吾係定奌坐係度話吹親佢?  佢啲負氣回答態度我吾會再想去食第二次

難食來講都係數一數二完全唔知自己食緊啲乜個湯淨係咸 個湯底係超差未食過諗住叫嚟試吓完全冇香味 叫咗外賣先睇到OpenRice啲評語其實呢間鋪佢仲未有人幫襯？咁我寧願食雲貴香👎🏼👎🏼👎🏼👎🏼👎🏼👎🏼差爆

見到個名”雲桂x”以為差極有個譜，但無諗過可以難食成咁！本身個賣相已經嚇人一跳，令人唔會有任何期望。當時第一啖之後，完全同佢賣相符合期望，一樣咁差…叫雲南酸辣湯小窩米線，但湯無味，應該講係有少少鹹味嘅。個米線唔知點形容，因為個湯冇味，所以個米線都冇味。d酸菜又難食，一啲酸嘅味道都冇，一味得個鹹，應該係鹹菜唔係酸菜！連雞翼都可以咁難食，真係唔係咁易做到…真係真係永遠無下次！真係唔想折墮，但真係頂唔順，食咗兩啖就放棄…

📍灣仔 《雲桂川風味米線》  #灣仔抵食米線作為打工仔都一定知道灣仔食飯物價都好貴，今日竟然發現到呢間米線，埋單都係40蚊，係灣仔區黎講超抵食✨四川麻辣湯米線 $40叫左2個送，分別係豬頸肉同菜肉雲吞，很特別，呢到豬頸肉用了吉列豬扒做法，外面鬆脆香口。菜肉雲吞都有屋企既味道，湯底都唔馬虎，有蔥粒，酸菜粒，芽菜，腐皮，全部味道都幾夾，平平凡凡又一餐，作為區內午餐之選係唔錯味道：7/𝟏𝟎   性價比： 8/𝟏𝟎   地址：觀塘觀塘道418號創紀之城五期apm大堂C2號舖

星期六早上，選擇冇平日咁多，落左巴士趕返公司，經過這店，試吓個外賣早餐B,沙爹牛公仔麵，個餐仲有午餐肉同煎蛋，加個冇內涵嘅三文治，送熱飲，只雖$30。3分鐘路程返到公司。一試個早餐….伏到呢…沙爹醬冇沙爹味，得個咸字。第一啖食落口仲有陣強烈嘅簡水味😑😑😑😑最差勁嘅係個公仔麵！完全係淋到…唔想食入口！真係未食過咁差嘅沙爹牛公仔麵。。冇下次。超唔掂。為咗滿足系統要求滿200字方能評分。。。真係唔合理。

附近餐廳無位，唯有去呢間雲桂川食米線。叫左酸辣湯底加雲吞魚腐米線要唔辣，黎到無酸味變左清湯，問伙記係咪落錯左清湯，佢話唔係已經加左醋…….食過三哥都知淨酸唔辣，都好明顯會有酸味，但呢間完全一啲酸味都無！失敗！仲有菜肉雲吞啲肉又乾又鞋又細粒。失敗！魚腐一般般。張枱仲要黐立立，要講好處就係有冷氣/有着燈/有消毒搓手液係枱面……就咁樣加埋涷飲一共五十蚊，我覺得唔值，除非唔記得，記得本人一定唔會再幫襯。完！

來到灣仔拿智能身分證，尋找一下附近的美食但遇上放飯時間，周圍都很多人，便隨便找了一間茶餐廳填飽肚子便可以，太陽很猛，炎炎夏日不想等太久。路經了這間川菜米線餐廳，入到去冷氣夠充足，舒服多了，本人喜歡辣，所以點了這款麻辣豬頸肉魷魚鬚米線😂$40。很特別，這裡的豬頸肉用了吉列豬扒的製法，出奇地好食，十分喜出望外，外面鬆脆香口，而且將豬油逼了出來又鎖住左你炸衣內，一啖咬下爆出精華，很香豬油味，魷魚鬚都很新鮮，彈牙又有咬口的🤣。麻辣湯底也很不錯。簡單又一餐了

同男朋友食到而家已經係老公，今日仲一家三日回味下當年拍拖的味道。間米線店並沒有華麗的裝修。只是是一間老店的感覺，主打是湯底是鯊魚骨煲的湯底。我每次都會叫雲南上湯米線，因為自己食唔到辣，今次叫左鮮豬潤，韮菜餃，滷水雞翼，再加杯凍豆漿。碗米線望落沒有特別，但是飲第一啖湯就非常正🥹，仲有新鮮蔥，酸菜粒，芽菜，腐皮，全部味道也很夾。我一邊食，一邊話好正，老公都覺得我煩了。我仔仔都好中意食。值得一推介是韮菜餃，十分好味😋皮簿餡多。Yummy!

經過灣仔見佢地既早餐餐牌比同一條街抵好多沙爹牛肉麵+腿蛋連熱飲都係唔過$30最後我試左...果然幾伏沙爹牛肉通粉份量雖然好多通粉同牛都好多但完全無沙爹味 係一陣古怪既味道腿蛋同多士尚算正常熱飲叫左熱奶茶...但居然係一個洗碗姐姐拎出黎比我 真心嚇親 而且餐具感覺都唔乾淨真係無辦法有下次了

成世食過最難食嘅米線⋯第一次灣仔返工，有日放lunch食晏，諗住唔洗等位快快搞掂，可以清靜啲咁食個lunch，點知奶野⋯啲米線口感就好似超級市場買最平嗰啲咁嘅質素，啲墨魚丸同春卷都係超級市場級數我係選擇酸辣，諗住開胃，點知越食越唔開胃，成餐最好嘅係杯豆漿，唔係好飲，而係相對地比較正常嗰日仲聽到同檯兩位食客都細細聲咁批評碗米線！上網一查原來係連鎖店，希望只係依區嘅係咁嘅問題。如果想帶frd試伏，首選推介

今晚試了灣仔這一家的米線，有三款湯底選擇，分別是麻辣、酸辣與及清湯，因為本身不吃辣，所以只有一個選擇，就是清湯。餸的款式有很多選擇，最後點了三個餸，分別是韮菜餸、豬耳和菜肉雲吞。三款餸之中以韮菜餸最出色，韮菜很新鮮所以份外美味，似乎應該是自家製。豬耳的滷水汁似乎淡了一點，不過相比很鹹很濃的味道，我寧願淡一點。菜肉雲吞亦很好吃，餡料亦新鮮。

兩老行完山筋疲力盡諗住快快手食完個dinner就番屋企坐低每人嗌左個粉就算————————————-四川麻辣湯米線 中辣 配蘿蔔木耳絲（$35+$6）有啲芽菜 腐皮 切碎粒既酸菜米線本身質地比較硬 但唔係煮唔透個隻硬係硬得黎一咬就斷無彈性同唔滑湯底 真係無味 除左有鹹味就無任何味道辣就辣既 但都係齋辣而唔香蘿蔔還好 冧而無渣木耳絲食落無味 ————————————其實哩間野路過見過 都叫做屹立係度幾耐下我地個晚都枕住有人幫襯但食完個感覺真係可一不可再姐姐既服務其實可以既但野食真係唔得最後係無食哂碗野借埋個廁所用見到地下有小強既斷腳同翼好彩唔見活體 實在係不幸中既大幸

曾經喺灣仔返工經常要通宵而呢間米線係開廿四小時當時我當左呢度係飯堂今次專登同舊同事一齊黎搵返當年嘅味道😂·一次叫左好多送同朋友回味下牛腩/牛肚/豬頸肉/魚肉春卷/大腸/炸醬另上每次必點麻辣小辣一定要叫多麻先夠麻夠辣但呢間既酸辣真係好一般炸豬頸肉係必食外脆內軟·酥脆帶油脂感牛腩切到四四方方好似牛柳粒咁唔會太肥·軟腍得黎又食到牛肉口感牛肚係切到一條條滷得好入味大腸乾淨稍稍彈牙但唔會咬唔開米線湯底本身冇肉碎所以慣左會加炸醬然後另上覺得炸醬加落場會溝淡晒食唔到原本嘅味咁就嘥咗啲炸醬炸醬好香·個味有少少辣豆瓣醬同平時譚仔既完全唔同個人認為呢度既炸醬比葵涌小窩好食總括而言呢間米線係我港島區最愛之一同埋如果你咁岩宵夜黎買外賣餸既份量會多好多🤫