雲桂川風味米線

一碗熱騰騰的米線端上桌，香氣便撲鼻而來。雲貴川的米線，粗細適中，口感滑溜帶勁，湯頭是靈魂所在——酸辣鮮香，層次豐富。滇味的酸菜、黔地的辣椒、川式的花椒，在這碗中奇妙交融，配上肉末、香菜、花生碎，每一口都是對味蕾的挑逗。米線吸飽了湯汁，入口即化卻不失嚼勁，酸中帶辣，辣中回甘，鍾意食酸辣嘅人，教人忍不住一口接一口。食完之後要再去食多幾次。😆😆…查看更多

🔥米線：爽滑彈牙，掛湯力強米線係一碗好米線嘅靈魂，呢度嘅米線絕對合格有餘！煮得剛剛好，爽滑彈牙，唔會過淋或者有粉味。夾起一箸，米線能夠掛住湯汁，每一啖都充滿麻辣香，非常入味。份量亦十足！配料：鮮牛肉嫩滑、牛腩入味、呢碗米線嘅精髓在於佢嘅配料，今次揀咗鮮牛肉、牛腩、豬頸肉三款，每樣都各有特色🔥鮮牛肉：嫩滑無渣，肉味濃鮮牛肉切得薄身，上枱時仲帶少少粉紅色，靠湯底嘅熱力浸熟，所以肉質非常滑，完全唔會韌。牛肉本身醃得入味，帶少少薑汁同醬油香，同麻辣湯底出奇地夾。最正係佢嘅肉味濃郁，唔似某啲店用鬆肉粉醃到無哂牛味，證明用料新鮮！ 🔥牛腩：軟淋入味，筋膜膠質豐富牛腩係另一驚喜！炆得軟淋入味，筋膜部分帶膠質，咬落去有少少黏口，充滿牛香。最正係佢哋嘅牛腩唔會太肥，瘦肉同筋膜比例剛好，而且切得大件，食落好滿足。湯底嘅麻辣味完全滲入牛腩裏面，每一啖都係享受！ …查看更多

呢間店我lunch真係幫襯過唔少次，因為佢夠平，$50就搞掂一餐，都算幾抵嘅。味道就麻麻地啦，但都冇咩特別難食，純粹貪佢係夠飽同埋平。最頂唔順係個度個2個阿姐（佢地負責落單，做埋收銀），成日黑口黑面，只要你唔係俾現金，用八達通或者alipay hk畀錢就會西你臉，仲會出啲「吱吱」聲，好似你係度煩佢咁，第一次食已經問過佢收唔手八達通，佢話收，俾多2次叫我用alipay，咁我都無問題啦，然後今日又表現得好唔耐煩，咁不如收銀寫到明只收現金啦。唔知係咪因為電子支付要收佢佣金，所以就西你臉，我係客，又唔係我收佢地錢，但就西我臉，都唔使咁對客啩，真係頂唔順佢d態度。依家已經唔想再去，寧願畀多幾蚊去第二度，都唔想再俾錢買難受。…查看更多

餐廳位置灣仔修頓球場對面，地鐵站B出口對面即係，都幾容易見到！我今日大概22:00到，估唔到客人都幾多，餐廳開24小時，有多款不同既快餐，食物款式亦都多元化雲南酸辣米線，我叫左3個餸，$48，大部分既餸都係$7起，價錢方面我自己覺得都係合理。豬紅好入味，加上米線一齊食 都夾！而且都多，有7-8粒！豬頸肉本身就係炸既 有薄薄既炸粉 味道整體上都幾好 豬頸肉充滿油香 配埋酸辣湯更加美味！湯底酸辣亦開胃，唔會太咸！整體來講都值得推介！…查看更多

睇完波同朋友落咗去食宵夜 估唔到走間舖頭咁夜都唔收工 咁啱仲有我鍾意食嘅米線 就諗住去試吓究竟好唔好食 味道都幾好食嘅 價錢亦都好實惠牛腩俾好多 而且炆得好香 幾鍾意佢嘅口感唔會太肥 而且幾有咬口 鍾意食牛腩嘅朋友可以喫屎 豬頸肉係冇諗過佢係炸 本身以為係滷水嗰啲 炸咗之後都幾好食 幾鍾意 都有五至六件我就叫咗雲南小鍋 我覺得唔係好辣 鍾意食嘅朋友可以叫再辣少少 我本身都食開小辣 覺得味道上可以再加重少少 咁就成個湯底更加好食米線份量都多 啱晒大食嘅朋友…查看更多

之前都係外賣平台。有試過幫襯呢一間外賣嘅米線，以我嘅記憶呢一間米線係開廿四小時，所以都非常方便，呢一間米線喺地鐵站對面，修頓球場附近，所以位置上都非常方便🙈 今日就落咗去食宵夜，夜晚大概11點到！餐廳係小窩米線形式，$34，再另外加兩個餸，頭嗰兩個餸就係$7/兩個，之後再有$7或者$8嘅餸，可以選擇。我就揀咗豬紅豬頸肉豬大腸同埋辣豬肉！湯底嚟講，我覺得比較平淡，而且我揀咗小辣都唔係真係太辣，味道上可以有待改善，我覺得！但係佢啲餸我又覺得幾抵食，特別推介豬頸肉，佢嘅豬肉本身係炸，口感同埋味道上都幾好，唔會話太肥，另外豬大腸都非常入味，口感都唔錯！🙈…查看更多

我諗呢間舖除咗開到半夜，嘢食真係一啲都唔可取。因為10:30先放工，公司周圍剩係得呢間開，所以入咗去試。點知嗌碗酸辣米線，一啲酸味都冇，個湯又冇味。嗌咗三餸，鮮蝦雲吞、墨魚鬚、鯊魚丸，雲吞同改變鯊魚丸唔夠熱，墨魚鬚又冇味。拉麵冇面味，再配個冇味嘅湯，最後真係完成唔到。硬先食晒啲餸，冇咁浪費。但係冇下一次。…查看更多

今日外賣食咗呢一間喺灣仔嘅雲貴川米線，佢嘅位置喺修頓球場對面，不過今日咁啱就叫外賣，揀咗佢嘅紅薯粉再加豬頸肉再加辣肉，整體上湯底都做得唔錯，不過有少少太咸，豬頸肉係唔係普通燒嗰啲，係採用炸，口感非常香脆，亦都唔會做得太乾，幾鍾意佢餐廳豬頸肉嘅做法，幾特別下，另外紅薯粉非常彈牙，加埋啲湯食，都非常好食，整體上都覺得呢一間餐廳合格，加咗一個小食，$48，六隻雞翼，外賣都係呢啲價錢，整體上都OK，下次可以試吓佢堂食，平時見到都幾多人！…查看更多

呢間米線舖以前返學嘅時候成日嚟，最鍾意係佢嘅豆苗餃，不過已經冇咗呢一款餸好耐，今日經過又試下啦。因為唔想食酸辣，所以我就叫咗雲南上湯小鍋米線，令加兩款餸，分別係鹵水豬耳仔同埋韭菜餃，另外個湯底本身已經包咗芽菜腐皮韭菜同埋酸菜，$41黎講算係幾抵食。另一碗都係雲南上湯小鍋米線，兩款餸就揀咗豬紅同埋韭菜餃。之後再加多一碗淨菜雲吞，入面除咗菜肉雲吞之外仲有生菜墊底。整體嚟講味道都唔錯，特別係佢個湯底，咁多年以嚟都係用鯊魚骨淆嘅，不過佢個韭菜餃同菜肉雲吞真係冇以前咁好食，但係都收貨嘅。…查看更多

呢間酸辣米線雖然唔算得上大驚喜但間唔中都會掛住佢雲南酸辣湯底好好味，酸酸辣辣好開胃🤤特別係豬頸肉！呢到嘅豬頸肉係「吉列」豬頸肉脆卜卜嘅皮，包住夠味又爽滑嘅豬頸肉，真係好正蘿蔔都煮到好入味～…查看更多

我今天和同事去了雲貴川風味米線，但是我對他們的酸辣米線感到非常失望。首先，這碗米線的味道非常難吃。雖然它以酸辣聞名，但味道卻是極度平淡，完全沒有酸辣的風味。我嘗試添加一些調味料，但它們也無法改善這碗米線的平庸味道。除了味道之外，這碗米線的質量也令人失望。米線的質地非常軟爛，沒有一點彈性，讓人覺得像在吃一團糊狀物。總括來講，這碗酸辣米線給我的印象非常差。味道平淡無味，質量低劣。我真心不推薦這家餐廳給任何人，因為他們無法提供令人滿意的用餐體驗。這次的經歷讓我非常失望，我不會再去這家餐廳了。…查看更多

話說今日同同事二人到灣仔工作 食飯時間行過呢間 米線舖 見冇乜人唔使等 同同事兩個人入咗去 入到去已經聞到一陣酸酸叔叔嘅味道 我叫咗一個 大理過橋米線見佢咩都有，所以試吓 見到兩個廚房師傅口罩都冇帶喺度淥面 已經覺得有啲唔係太衛生 其中一個師傅仲捽完個鼻喺度整面 嗰刻真係想棄單走佬 點知話咁快碗米線 出咗嚟 賣相啲顏色已經麻麻 食落口 明明係叫酸辣 但係佢一啲酸味都冇 啲炸醬，反而係有啲似嘔吐物嘅味道 食完之後 成口都係嗰浸味 重點仲要$65 全部餸都好似係隔夜 擺咗勁耐質素 韭菜餃有雪藏味 個湯仲要係唔熱 食完真係冇下次 打呢篇食評嘅時候都有啲想反胃嘅感覺 極度難食…查看更多

雲桂川風味米線 Wan Gui Chun Flavor Rice Noodle📍灣仔軒尼詩道107號地舖平日放工，一心諗住同朋友去食灣仔嘅手工餃子，點知未夠七點就已經滿座，門口仲有人排緊隊，呢個情況下，我哋當然係立即轉plan啦。可能正值晚餐時段高峯期，間間餐廳都無位，附近嘅冰室早排先食完，所以揀無可揀，我建議去食粉食麵就算。醒起平時放工搭巴士見過有間叫雲桂川嘅米線舖，仲有一兩檯吉檯，我就同朋友轉場去食。[價錢 Price] 💰$34 (加$7有兩款配料)雲南酸辣湯小鍋米線 🍜店舖有提供配好料嘅飯麵套餐，亦有類似車仔麵叫餸嘅認識，自選不同配搭，自由度都幾大。我同朋友都想自己揀配料，所以就拎咗張紙嚟填。湯底口味方面，有三款供以選擇：雲南酸辣湯小鍋米線、雲南上湯小鍋米線同四川麻辣湯米線，跟湯附上嘅配料都係離不開腐皮、芽菜、韭菜同酸菜呢啲啦。食客可以自選辣度，叫唔辣食清湯都得，同一價錢都係$34，喺軒尼詩道大街嚟講，算係好貼地嘅價錢。佢哋提供接近50種配料，有啲要加錢，但大部份都係加$7就食到兩款，價錢方面真係贏咗好多人。好可惜嘅係，佢嘅味道同賣相都令我哋大失所望，一心以為雲XX嘅米線就係被人吹奏得好勁，話世一嗰種，點知會同想像中咁大出入。首先講下個湯底同附有嘅配料，每樣都失去咗原有嘅味道，腐皮無豆味，韭菜無香味，精髓酸菜酸都唔酸下，口感仲唔腍唔爽，有少少奇怪。雖然唔會好似食完連鎖米線店啲重味精米線咁口渴，但呢個湯底毫無層次，我哋叫咗BB辣，只係睇到少少辣油浮面，但完全食唔到辣味同酸味。其次係份量，我都出晒名係細胃王，但食完成碗我都仲想食返串燒賣充飢，可想而知米線量係有幾多。只想配搭方面，我揀咗滷豬耳仔同滷豬肚，而朋友就揀咗豬頸肉同鮮蝦雲吞。我會揀晒兩種滷水因為我一向認為呢類雲南米線舖頭，煮呢類食材會好食啲。問心個句，其實佢嘅滷水味唔差，兩款配料都好入味，但豬肚實在太腍，腍到無晒口感，不過豬耳就還好。朋友叫嘅鮮蝦雲吞都好大粒，蝦肉都叫彈牙，拖尾亦做得幾好，但就無咩味道，而且只有兩粒，有少少唔夠喉。全場唯一可以讚得落口嘅，應該只有豬頸肉。我未食過呢種味道、呢種口感嘅豬頸肉。佢望落有少少似切咗件嘅炸豬扒，而表皮的確係因為落鑊炸過所以有少少香脆。我哋都幾欣賞佢嘅口感半腍半爽，恰到好處，調味唔會過份重手，食到少許豬肉本身嘅鮮甜，有少少驚喜。總括嚟講，呢度食晚餐價錢真係平通街，不過整體食物質素有待提升。如果糧尾無錢開飯，嚟呢度食返碗米線都應該可以頂到餓一陣，不過可能要再食少少宵夜囉。…查看更多

OK喎，價錢平！$34包一個餸，加多兩個餸都係$14 total，喺灣仔仲要係大街，冇得輸啦！食物質素方面可以或係大食夾底粉，我未見過咁大個滷肉同埋豬頸肉，麵條都煮得爽口，不過我嫌佢個湯唔夠濃，所以啲麵食落去就比較單調。要解決呢個問題可能要叫佢多酸或者揀中辣以上味道就會濃啲。環境方面真係好老牌子嗰啲路店，所以坐位會比較迫，尤其是午餐時間都係快食快走。其他時間坐耐啲啲姐姐都唔會理你。因為佢係老店，所以只收現金呢個亦都係比較唔方便。雲南酸辣湯小窩米線其實個地方都有，但係灣仔大多都係知名品牌，食到厭晒。…查看更多

今日過來灣仔, 又食下依度, 自己圈要乜嘢, 我叫左酸辣薯粉唔辣只要酸, 叫左生菜木耳絲魚腐墨魚鬚, 等左一陣送上來, 飲左啖湯好清甜, 而且唔會湯底好油, 佢d薯粉偏粗, 墨魚鬚都幾爽脆, 木耳絲真係比木耳唔係雲耳, 讚下佢d魚腐, 好好食, 初初以為比扁身的羅定魚腐, 原來係炸鯪魚球, 不過係迷你版👍👍份量也足夠, 入面亦有其他配菜如腐竹同芽菜👍食左唔係太口渴, 唔錯❤️😚😘…查看更多