雲川 米線．紅薯粉 (富麗大廈)

我同屋企人系呢间云川嘅常客，堂食多年，米线水准真系冇乜好弹。但最近两次叫外卖，真系失望到想喊，感觉好似俾人整蛊咁，忍唔住要出嚟讲两句，顺便希望云川睇到可以点改进吓。😅第一次外卖：分汤唔讲，餐具仲要漏咗😫前排屋企人入咗院，佢口痕话想食云川嘅米线，我二话不说就拣返呢间去嗌，点知落单𠮶阵，接单嘅阿姐全程好似「静音模式」，一句都无问我要唔要分汤。我食咗咁多年云川，点会谂到有咩问题？仲以为你哋咁专业，应该会预设帮我搞掂晒！结果我临尾先同阿姐确认，佢话「哦，可以加$1分汤㗎」，我即刻话好，谂住咁应该万无一失啦。点知去到医院，摊开袋一睇，哗！无餐具！😑一支叉、一个匙羹都无！搞到我同屋企人喺病房面面相觑，仲要厚面皮同护士借餐具，尴尬到想揾个窿入。我当时仲同自己讲：「可能只系漏咗，当我黑仔啦，唔怪佢哋。」第二次外卖：又系同一个套路😶‍🌫️今日再俾机会云川，叫咗两份外卖，谂住今次应该无问题啦。点知历史又重演！落单嘅阿姐又系零沟通，无问我要唔要分汤，无讲餐具要唔要加钱。而且厨房执餐嘅伙计都完全无放餐具，即系你地要见到有加钱先俾餐具啦！咁你地又唔出声？讲真，加$1分汤或者收餐具钱，我完全接受，做生意嘛，成本要cover我明白。但你哋落单𠮶阵一句都唔讲，无提醒、无问我，搞到我以为餐具同分汤系预设包喺外卖度。点知一打开袋，先知俾你哋「阴」咗！😅 呢啲细节真系好影响顾客体验，尤其我哋呢啲长期支持你哋嘅老客，期望系你哋会主动沟通清楚，唔系等我哋自己发现问题。咁岩我今次又唔系拎返屋企食，喺街外打开个袋一睇，差啲想掟咗𠮶两碗米线！无餐具点食啊？结果又要周围揾地方借叉借匙，搞到我同朋友饿住肚等，仲要四处奔波，真系俾你哋玩到火滚…查看更多

呢间米线店果然冇介绍错，实在系屯门一大名物。首先讲味道，酸麻金汤底够惹味，酸劲同麻辣感平衡得宜，饮落去又刺激又开胃，令人一口接一口。配料方面相当足料，猪颈肉份量多，肉质爽口带点焦香，完全唔马虎；虾卷有三条，确实加分。价钱方面，虽然唔算特别平，基本$50已包一𩠌，但以质素同份量嚟讲都算抵食。食完唔单止满足味蕾，仲真系够饱肚。唯一比较可惜嘅地方，就系木薯粉嘅口感过于韧实，咬落有啲难度，未必人人接受到。如果能够改善粉嘅质感，相信整体体验会更加完美。总括而言，呢间米线店绝对值得一试，特别推介比钟意重口味同足料配菜嘅食客。无论系平日午餐定假日聚餐，都系一个唔错嘅选择，难怪成为屯门人心目中嘅必食之选！…查看更多

作为米线控，入大西北必冲「云川 米线．红薯粉」！😍由屯门起家，依家分店开到元朗、天水围，实力超强！🏆食饭时段都要排一阵队，但好快就有位！酸麻金汤米线每次必点！金黄汤底酸得开胃，微微麻辣超惹味，独特风味试一次就上瘾！😋米线爽滑弹牙，吸晒汤汁！秘制猪颈肉必食招牌！外皮焦脆，内里嫩滑，份量多到夸张，食极仲有！😍香辣牛展麻辣酱汁同牛展完美配搭，香浓惹味酸辣猪耳爽脆弹牙，酸辣酱汁提味！😚冻奶茶+$3超抵，茶味浓郁，解腻一流！😋云川嘅酸麻金汤同猪颈肉真系米线界天花板！💜屯门揾食必试…查看更多

呢间云川食过不下十次见证住佢由好出色变到水准极唔稳定食十次可能有4、5次都觉得唔满足𩠌方面就依旧出色叫左必点既猪颈肉同腐皮虾卷猪颈肉入味、量多、唔柴至于今次既汤底真系大倒退众所周知米线好唔好食既关键在于个汤底以前既猪骨汤咸香味重 仲有一浸辣油加强味蕾冲击加埋肉碎同酸菜真系冇得顶但今次呢碗望落汤底颜色明显比之前淡味道亦都无之前咁浓同好食不过好彩系啲𩠌救番希望煲汤既姐姐可以保持番一贯水准🙏🏻…查看更多

-云川喺屯元天开咗好多间分店，听过好多人推介，所以经过虹桥去试下，猪扒同埋猪颈肉系招牌菜，所以我哋都有叫，猪扒同猪颈肉切到好幼身，咬落完全唔韧，好食、几特别，猪大肠都煮得好入味，两个汤入面我比较钟意酸辣汤多啲，金汤有啲油，整体嚟讲米线两个汤都系几好食嘅🫶🏻不过饮品方面，冻柠茶完全冇茶味😅饮紧糖水咁-。《米线-酸麻金汤辣》 | $48香茅猪扒、猪大肠($10)、多葱冻奶茶少冰少甜+$3。《米线-酸辣小辣》 | $48猪颈肉($1)、米线爽D、多葱-👅【云川 米线．红薯粉】📍屯门青菱径6号富丽大厦地下F号舖📍屯门震寰路6号贝尔特酒店地下2D号舖📍屯门良德街9号盈丰商场地下A27号舖📍屯门欣宝路8号NOVO WALK地下11号舖📍屯门湖翠路2号美乐花园商场地下46及61号舖📍屯门石排头径1号卓尔广场3楼316号舖📍天水围湿地公园路9号Wetland Seasons Park地下5号舖📍元朗元朗泰祥街14号盛发大厦地下9号舖🕑星期一至日 11:00 - 22:30…查看更多