雲川 米線．紅薯粉 (富麗大廈)

我同屋企人係呢間雲川嘅常客，堂食多年，米線水準真係冇乜好彈。但最近兩次叫外賣，真係失望到想喊，感覺好似俾人整蠱咁，忍唔住要出嚟講兩句，順便希望雲川睇到可以點改進吓。😅第一次外賣：分湯唔講，餐具仲要漏咗😫前排屋企人入咗院，佢口痕話想食雲川嘅米線，我二話不說就揀返呢間去嗌，點知落單嗰陣，接單嘅阿姐全程好似「靜音模式」，一句都無問我要唔要分湯。我食咗咁多年雲川，點會諗到有咩問題？仲以為你哋咁專業，應該會預設幫我搞掂晒！結果我臨尾先同阿姐確認，佢話「哦，可以加$1分湯㗎」，我即刻話好，諗住咁應該萬無一失啦。點知去到醫院，攤開袋一睇，嘩！無餐具！😑一支叉、一個匙羹都無！搞到我同屋企人喺病房面面相覷，仲要厚面皮同護士借餐具，尷尬到想搵個窿入。我當時仲同自己講：「可能只係漏咗，當我黑仔啦，唔怪佢哋。」第二次外賣：又係同一個套路😶‍🌫️今日再俾機會雲川，叫咗兩份外賣，諗住今次應該無問題啦。點知歷史又重演！落單嘅阿姐又係零溝通，無問我要唔要分湯，無講餐具要唔要加錢。而且廚房執餐嘅伙計都完全無放餐具，即係你地要見到有加錢先俾餐具啦！咁你地又唔出聲？講真，加$1分湯或者收餐具錢，我完全接受，做生意嘛，成本要cover我明白。但你哋落單嗰陣一句都唔講，無提醒、無問我，搞到我以為餐具同分湯係預設包喺外賣度。點知一打開袋，先知俾你哋「陰」咗！😅 呢啲細節真係好影響顧客體驗，尤其我哋呢啲長期支持你哋嘅老客，期望係你哋會主動溝通清楚，唔係等我哋自己發現問題。咁岩我今次又唔係拎返屋企食，喺街外打開個袋一睇，差啲想掟咗嗰兩碗米線！無餐具點食啊？結果又要周圍搵地方借叉借匙，搞到我同朋友餓住肚等，仲要四處奔波，真係俾你哋玩到火滾…查看更多

呢間米線店果然冇介紹錯，實在係屯門一大名物。首先講味道，酸麻金湯底夠惹味，酸勁同麻辣感平衡得宜，飲落去又刺激又開胃，令人一口接一口。配料方面相當足料，豬頸肉份量多，肉質爽口帶點焦香，完全唔馬虎；蝦卷有三條，確實加分。價錢方面，雖然唔算特別平，基本$50已包一餸，但以質素同份量嚟講都算抵食。食完唔單止滿足味蕾，仲真係夠飽肚。唯一比較可惜嘅地方，就係木薯粉嘅口感過於韌實，咬落有啲難度，未必人人接受到。如果能夠改善粉嘅質感，相信整體體驗會更加完美。總括而言，呢間米線店絕對值得一試，特別推介比鍾意重口味同足料配菜嘅食客。無論係平日午餐定假日聚餐，都係一個唔錯嘅選擇，難怪成為屯門人心目中嘅必食之選！…查看更多

作為米線控，入大西北必衝「雲川 米線．紅薯粉」！😍由屯門起家，依家分店開到元朗、天水圍，實力超強！🏆食飯時段都要排一陣隊，但好快就有位！酸麻金湯米線每次必點！金黃湯底酸得開胃，微微麻辣超惹味，獨特風味試一次就上癮！😋米線爽滑彈牙，吸晒湯汁！秘製豬頸肉必食招牌！外皮焦脆，內裏嫩滑，份量多到誇張，食極仲有！😍香辣牛展麻辣醬汁同牛展完美配搭，香濃惹味酸辣豬耳爽脆彈牙，酸辣醬汁提味！😚凍奶茶+$3超抵，茶味濃郁，解膩一流！😋雲川嘅酸麻金湯同豬頸肉真係米線界天花板！💜屯門搵食必試…查看更多

呢間雲川食過不下十次見證住佢由好出色變到水準極唔穩定食十次可能有4、5次都覺得唔滿足餸方面就依舊出色叫左必點既豬頸肉同腐皮蝦卷豬頸肉入味、量多、唔柴至於今次既湯底真係大倒退眾所週知米線好唔好食既關鍵在於個湯底以前既豬骨湯鹹香味重 仲有一浸辣油加強味蕾衝擊加埋肉碎同酸菜真係冇得頂但今次呢碗望落湯底顏色明顯比之前淡味道亦都無之前咁濃同好食不過好彩係啲餸救番希望煲湯既姐姐可以保持番一貫水準🙏🏻…查看更多

-雲川喺屯元天開咗好多間分店，聽過好多人推介，所以經過虹橋去試下，豬扒同埋豬頸肉係招牌菜，所以我哋都有叫，豬扒同豬頸肉切到好幼身，咬落完全唔韌，好食、幾特別，豬大腸都煮得好入味，兩個湯入面我比較鍾意酸辣湯多啲，金湯有啲油，整體嚟講米線兩個湯都係幾好食嘅🫶🏻不過飲品方面，凍檸茶完全冇茶味😅飲緊糖水咁-。《米線-酸麻金湯辣》 | $48香茅豬扒、豬大腸($10)、多蔥凍奶茶少冰少甜+$3。《米線-酸辣小辣》 | $48豬頸肉($1)、米線爽D、多蔥-👅【雲川 米線．紅薯粉】📍屯門青菱徑6號富麗大廈地下F號舖📍屯門震寰路6號貝爾特酒店地下2D號舖📍屯門良德街9號盈豐商場地下A27號舖📍屯門欣寶路8號NOVO WALK地下11號舖📍屯門湖翠路2號美樂花園商場地下46及61號舖📍屯門石排頭徑1號卓爾廣場3樓316號舖📍天水圍濕地公園路9號Wetland Seasons Park地下5號舖📍元朗元朗泰祥街14號盛發大廈地下9號舖🕑星期一至日 11:00 - 22:30…查看更多

Went to Tuen Mun and had lunch at this Chinese noodle resto, which I had been wanting to try for a while. .I ordered Pork Jowl with Sweet Potato Noodles in Sesame Soup, selecting medium spiciness. The dish was accompanied by scallion, bean sprouts and chives. The pork jowl, though on a thinner side, was served in a generous portion. The dish was slightly greasy..The resto has 8 branches across Tuen Mun, Yuen Long and Tin Shui Wai. We needed to scan the QR code by ourselves to order the food. …查看更多

隔左2個月冇食，今晚凍凍地特登開車去買外賣，叫左平時成日食開的金湯米線加豬頸肉（小辣）。點知芽菜同韭菜只有兩三條，米線碎濕濕，豬頸肉又幼左好多杯熱檸水更加係苦澀到入五到口。 …查看更多

山長水遠入屯門就係為咗食碗屯門獨有的米線，自從食完一次📍雲川之後，經常都會心思思想食🥺趁放假就騎牛入去止吓癮，今次去咗虹橋分店，晏就時間去到等咗5分鐘左右‼️豬頸肉 酸麻金湯米線🍜基本上每次都一定叫酸麻金湯，呢個湯底係其他地方食唔到嘅獨特味道，金黄色嘅湯底，酸酸地加小小辣，絕對會令人上癮～秘製豬頸肉真係必必必食，外皮焦脆，爽爽哋～而且份量非常足，食極都仲有😋凍檸茶🥤+$3真係好低，熱飲跟餐免費豬頸肉 熱拌紅薯粉🍜紅薯粉好入味，有咬口又唔會太硬～個汁都唔錯～呢間真係個人心目中世一米線💯每次入屯門就係專登為咗食佢～米線控一定不能錯過…查看更多

今日過來虹橋, 記得依度有分店, 見唔係好多人, 就等一陣, 唔知佢要係外面QR code拿位敢先進🤣 地方感覺好似無貝爾特分店敢迫, 但一張枱分四張單, 其實都迫😆 QR code 落單又係一樣唔成功😅, 唯有叫店員落單, 要左鮮魚湯香茅豬扒🐷豬潤🐽螺旋藻薯粉, 本身要熱菜蜜, 點知店員落左熱檸蜜☺️要加左2蚊添, 不過見佢打左單就無謂更改了, 費時別人難做😘 再等一陣薯粉到, 份量十足, 見好耐無食過香茅豬扒🐽便試一下, 都比得幾多, 食落勁香香茅味, 食落唔會好油👍 肉質鬆軟, 唔會食到勁重的雪藏味😂👍, 豬潤🐷都ok, 雖然唔係食落勁爽脆, 但食到都爽爽地唔係粉😋, 但切得太細舊, 感覺碎濕濕, 螺旋藻好滑, 比得過份多🤣都食唔晒, 下次可以唔叫, 薯粉正正常常, 唔會煮得過淋, 當然也是米線比較易入口, 入面另外有芽菜同葱粉, 依個魚湯第一啖飲落比貝爾特濃, 不過黑胡椒重手左d, 或者因為有魚, 我都飲到魚的腥味😆但可以接受😂…查看更多

屯門出名米線小店😍😍😍😍一餸米線加杯飲品$48都幾抵食‼️‼️‼️‼️凍飲加$3，天氣熱辣辣凍飲是必須的😂😂😂😂D枱就坐得逼d，但冷氣好足嘅豬骨湯底本身有辣肉碎所以會有少少辣🌶️🌶️🌶️🌶️唔食得辣既朋友仔可以走肉醉或者叫魚湯🐟🐟🐟🐟分別叫左豬扒同腩肉🐷🐷🐷🐷豬扒有好香茅味好入味勁大塊仲好juicy😋😋😋😋腩肉一層肥一層瘦邪惡得來唔會膩😌😌😌😌…查看更多

屯門名物-雲川🍜聽聞係好多屯門人既No.1 米線，係屯門已經有好幾間分店，早幾年其實我去盈豐食過一次🙃今次試下虹橋呢間，裝修都新新地，🤪都好乾淨企理下午時間唔需要等位，上菜速度都好快，叫佐碗米線少辣，味道香濃，豬頸肉係呢間鋪既招牌，份量多，外層焦脆肉爽，一試難忘，配埋凍檸茶，簡直好爽呀，如果試到少辣，下次真係要再升級試下中辣~我仲叫佐個小食拼盤，有魚腐，蝦餅，青瓜同雞翼，魚腐，蝦餅脆口又香，仲包埋一杯熱飲，下午茶幾抵食~埋單都係100內有找~😱😂👍…查看更多

幸運嘅地方就係我平時屋企附近有呢一間屯門名物米線所以都放假食早餐嘅時候-遇着佢唔多人排隊簡直就係超級幸運-必試酸辣湯底米線如果叫海藻嘅話都要另加會最抵食最大碟同埋就係必食嘅豬頸肉-不過佢嘅飲品就真係有待改善好似每一次叫乜都唔好對路-好似飲豆漿好啲…查看更多

今次去了虹橋的分店酸麻金湯米線～（中辣）湯底比較特別，外面較少。麻但唔會感到油膩感餸叫左 豬頸肉 跟蘿蔔豬頸肉是必點 切成幼條 較香口。 可惜最當初係分碟上 現在改成跟米線放左一起 少了香脆感 但味道仍很不錯！蘿蔔甜 沒渣～ 但其他分店好像淋d酸辣湯米線 （中辣）少了麻 相對沒太大辣度。這款湯底有肉碎。餸菜要左 牛展和墨魚咀牛展入味 是較厚身的那種 牛味偏重墨魚咀 無乜調味 淡 但脆炸韭菜餃味道正常 配泰式辣醬 👍👍兩杯凍檸茶少甜 都正常…查看更多

平時去開屯門都中意去食呢個米線雲川米線簡直係屯門名物，識好多人都會專登揸車入去食。佢最出名既餸係豬扒同埋豬頸肉豬頸肉份量多，切到一條條幼幼地既形狀，好易入口。香脆，有油脂既香味，豬頸肉好食過豬扒！！豬扒唔會好油同埋好多肥膏，啖啖係肉，有好香既香茅味，不過會有小小乾乾地鞋鞋地。貢丸貢丸我又係好中意食，大大粒好juicy，而且有香菇味…查看更多

叫咗豬頸肉撈薯粉，係我愛嘅攣攣薯粉😍❤️ 份量ok，唔會食完肚餓，冇得揀辣，但佢個汁約幾好食，唔會好淡👍🏻 個個係雲川都鐘意食豬頸肉，我承認佢個口感係正嘅，厚度適中，個皮燒得香，但屯門兩間豬頸肉嘅肉味都怪怪地，唔知係鬆肉粉定豬臭味☹️ 但啲朋友又話食唔出，有冇人都食到？可以話比我知😮‍💨 豬耳勁正😍 重蒜重辣，勁惹味❤️❤️整體嚟講，撈薯正👍🏻 豬頸肉唔鐘意❌ 但可能係個人口味問題，豬耳勁正👍🏻👍🏻…查看更多