雞米米

11月8日下午2:00去到，要排队20分钟后先有得入，真系多人食。我叫咗一个花胶竹笙鸡汤米线$72 ，加$6转油鸡，套餐加$12叫咗一杯手打柠檬茶。油鸡系去骨，个汤有金华火腿，味道浓郁，真系好好味，我差不多饮晒成碗汤。我个女叫咗椰子花胶竹笙鸡汤米线$72 ，套餐加$6 要咗一杯冻绿茶，佢话椰子味好重，相对鸡味淡啲，虽然一样好饮，但系佢话钟意我𠮶碗鸡汤多啲。另外再叫咗一份两只桂花醉鲍鱼$38 ，有虫草花及芽菜伴碟，鲍鱼好入味，美中不足系鲍鱼原只上，如果切开相会食得比较方便😁总括嚟讲，元朗呢间小店系值得支持！…查看更多

除咗好食之外，冇咩好讲建议食椰子鸡汤底，好正！辣汤底会抢咗汤嘅鲜甜。醉花甲屈机，好快卖晒元朗我最喜爱店舖！小店连个碗都好有心，个碗好内热，所以成碗面都会保持到好热。OpenRice要200字先评分超好食，但我打唔到咁详细。。。…查看更多

唔想解释咁多，自己大家去食下！汤浓、料多、好味！就系咁简单～唯一concern: 要排下队，排咗20-30mins 左右～好味小店，咁嘅环境仲有d咁用心、咁高质小店，大家支持下啦～三哥一碗米线闲闲哋都6、70啦，食丸食肉碎，不如俾多少少食靓鸡～…查看更多

又系食过唔知几多次，返转头再返转头！💕有好多唔同种类嘅款拣🐥🐣🐤而我呢个云吞专员绝对系会拣❗️砂锅云吞鸡❗️先讲鸡，全部都系无骨，啱晒d懒人。味道，都系鸡味，重点系佢个汤底！！！！超正！仲要砂锅滚住上(冬天一流)。😍到云吞，又系有诚意之作。仲要有4粒。🥰加埋其他配菜。你以为睇到呢度就满足？实不相瞒，我已经好耐冇食普通鸡，因为我系会加$6食豉油鸡。超入味。呢个餐我试过跟饭，粉丝，再加钱转稻庭乌冬。都系唔错既选择。我自己钟意粉丝索晒啲汤，食完冇左大半碗汤！真既冇呃你，隔离枱都系！😋😋唔讲你唔知，你以为头先个鼓油鸡系满分？其实只系90分！点解，叫埋秘制无骨葱油鸡饭你就知，呢个肚饿去食，8分钟左右Ko！鸡嫩口唔讲啦，系佢个秘制酱汁加鸡上面既炸蒜京葱！！完美！💯砂锅椰子竹笙花胶鸡🐥个汤底会偏甜！都系唔错既选择！小食炸云吞，可以点缀下！！！总括而然，文字已经答到你应该拣咩？当然介绍得，我对鸡米米既其他出品都有保证！都系果句，唔使加一，又赢💯…查看更多

成日行过都无留意佢系乜因为通常行过佢都收咗舖有次行过见有开闸就睇下个menu先知系食无骨鸡花胶汤第一次食系平日夜晚8点到舖头之后有次差唔多8点到已经卖晒所以要食都真系要衬早每次来都系拣A1同A4即系 花胶竹笙鸡（$76）和 椰子花甲鸡（$74）前者系招牌鸡汤，味道较香浓后者就有椰水的清甜味鸡真系完全无骨干净俐落肉质系滑嘅，所以好易咬开砂锅上份量唔惹少就算拣米线（可以拣白饭）一般男士都会较够饱另外试过两款小食脆炸墨鱼酿豆卜（$38）够香脆桂花醉鲍鱼（$36）酒香味浓，鲍鱼够淋豉油鸡应该都几好食但而家仲系好欣赏原味鸡可能食厌咗先试豉油鸡总结：食完饮咗好多汤都唔会口渴应该就冇咩味精啦～…查看更多