陳儀興牛什粉麵 (鴻祥大廈)

营业中

休息中

陳儀興除咗潮州菜出名，估唔到都有粉麵舖，見佢哋嘅牛腩及牛肚分得好細緻，有好多罕有而且好特別嘅部位；另外嚟呢度當然要試下佢哋嘅潮州名物蝦棗魚蛋喇。🥢牛坑腩淨食$145 牛坑腩煮到好入味，質地軟腍得嚟亦不失爽彈口感，牛味香濃，底層有生菜，索哂啲腩汁食好正👍。🥢陳記八寶丸湯米 $60可以樣樣試齊哂，有7款丸及雲吞👇雲吞內有肉汁，豬肉與蝦嘅比例剛好，七款丸有豬肉丸、魚蛋、牛丸、魚棗、蝦棗、墨魚棗及章魚丸，基本上所有丸都好爽彈及鮮味，而個人最喜歡嘅就係墨魚棗夠哂爽彈，另外蝦棗蝦味亦濃郁😋。加$26可轉餐，有油菜或炸魚皮 + 紫菜湯或茶飲我哋跟咗兩個餐，平時比較少食菜，所以叫咗一碟菜心及一碟通菜，覺得都幾好，唔會太多油。檸茶

久唔久都會想食吓牛腩麵，呢間位於旺角，主打多款牛什粉麵，連罕有部位都有提供，例如沙瓜、牛坑腩、崩沙腩，限量供應，想食嘅要趁早去，因為都幾多人幫襯。牛三寶淨食份量唔少，牛腩牛筋牛肚各有差唔多10件，煮至軟身，超級入味，個人最鍾意牛腩，一咬即化，牛筋少膩，牛肚帶點咬口，下面仲有生菜，新鮮又鮮甜，性價比高。湯麵要咗崩沙腩，表面有一層橫膈膜連住腩肉，肥瘦適中，軟腍味香，係牛腩中嘅極品。麵條吸滿湯汁，不過要趁早食，如果唔係會發脹，一碗都幾多，細食嘅可以兩個女仔Share。小食有菜有炸物，健康少少嘅可以要菜，好綠好鮮，生菜比起菜心更甜，見旁邊嘅炸魚皮都好吸引，值得試試。飲品方面有驚喜，自家製，清涼解渴，試試無妨。

旺角人美食攻略 #旺角美食 #香港美食 #港生活 #香港旅遊 #美食點評今日遇到人生既一個轉折點但仍要吃飯,吃飽飯,滿足人先有力量走落去講返餐廳,今日呢次係食潮式牛腩粉麵店佢同平時食既有少少分別,佢既湯同味底層次係更濃更突出招牌牛三寶 牛肚爽口,唔會太軟身無口感,個汁係偏濃,但呢種湯汁反而係令人對佢特別有印像牛筋軟淋入味,牛腩帶少少筋有咬口味但無渣,一份淨食夠2個人分可以叫多份淨河粉或牛什粉配埋岩岩好,或者配油菜,腩汁撈菜食都一絕牛腩選用帶筋位,食起味道口感更佳,最重要煮得入味唔會又唔肥排隊約5分鐘#陳儀興牛什粉麵地址 旺角煙廠街1-3號鴻祥大廈地下E號舖Shop E, G/F, Hung Cheung Building, 1-3 Yin Chong Street, Mong Kok港鐵旺角站 E2 出口, 步行約6分鐘

放假出去西洋菜街睇電器，睇到咁上下就等埋喺附近返工嘅朋友一齊食晚飯，朋友提議食陳儀興牛什粉麵，陳儀興自己都有食過佢嘅潮州菜館同打邊爐，不過佢嘅牛什粉麵就真係未試過。餐廳雖然唔係好大，不過都唔算太逼，而且服務員非常有禮貌，餐牌除咗有粉麵仲有飯及小食提供。招牌牛丸河 ($38) : 河粉份量好大碗，要同朋友share食先搞得掂，因為牛丸係手打關係，口感清爽又彈牙，牛味濃郁又多汁。牛三寶 ($173) : 呢個應該都算係鎮店之寶，三寶分別有牛腩、牛筋、牛肚，淨食每款份量都好多，三寶裏面自己最鍾意就係牛腩，自己一向對牛都有要求，呢個牛腩無得頂肥瘦適中，入口一啲都唔韌，而且煮得夠淋夠入味 ; 牛筋同牛肚洗得好乾淨少少腥味都無，牛筋經過長時間烹煮之後軟化變成膠質，口感淡嫩不膩，質地猶如海參。同朋友都各自加咗 $26 蚊轉套餐。

我今日去旺角辦事，順道和同事去位於旺角煙廠街1-3號鴻祥大廈地下E號舖的陳儀興牛什粉麵食牛什，環境舒適，坐得舒服。我點左個 牛三寶（Beef Tendon 牛筋、Beef Tripe 牛肚及 Beef Brisket 牛腩）Main Dish 淨食 $173，add $26 for set ( include Blanched vegetables 油菜 and hot milk tea 熱奶茶），好友點左個 Beef Pit Brisket 牛坑腩河粉 $55，add $26 for set ( include Fried Fish Skin 炸魚皮 and cold lemon tea 凍檸檬茶）。招牌牛三寶炆得軟腍入味，牛味濃郁又有咬口，最欣賞牛筋，大大塊，一咬即開，好好味👍；炸魚皮好香脆又鬆化；油菜係菜心，鮮嫩又爽甜；熱奶茶和凍檸檬茶都好飲。

「陳儀興」經常聽，今日終於一試！粉麵店位於旺角煙廠街，地方不大但裝潢充滿舊式香港地道情懷，食品選擇算多。必試當然是多款牛類稀有部位，牛三寶、沙瓜、牛坑腩、崩沙腩、牛肚邊、牛雜等都是招牌。崩沙腩淨食 $145可選湯麵($55)、客飯($65)或淨食($145)，崩沙腩是牛的橫隔膜，眾多牛腩中最有嚼勁、入口最煙韌彈牙，一隻牛頂盡能做6份，很矜貴，每日限量供應，想吃趁早！陳記八寶丸粗麵 $60湯麵($60)、客飯($65)或淨食($62)，配8款不同特色潮汕丸類，每日或有不同。這天有雲吞、魚棗、蝦棗、墨魚棗、魚蛋、牛丸、豬肉丸及章魚丸，人手包雲吞新鮮足料，丸類新鮮彈牙，最適合甚麼都想試少少的foodies！另加 $26 轉做餐，送油菜/炸魚皮+紫菜湯/飲品。雖然淨食偏多肉，但亦有不少菜擺底，跟餐又有腐乳通菜，不會感覺太油膩。飲品方面可選一系列事頭婆涼茶包括圓肉紅棗薏米水/羅漢果茶/金銀花茶/五花茶，近來有點熱氣，決定飲五花茶清清熱，自家製有媽媽的味道！

平民價粉麵必食陳儀興牛什粉麵我經常係度食覺得唔錯最重要係好大碗呀夠哂飽肚，唔會好快就肚子餓，餐廳又坐得舒服，店員都好快手做事效率好高，咁熱既天氣下入到黎食麵都唔怕熱，冷氣好足夠我地點左一碗淨食陳記八寶丸裏面有好多隻丸，包括豬肉丸墨魚丸魚丸同蝦丸等等都有，八寶丸都好出色，同埋雲吞係自家製，師父每日新鮮包，當日都見到師父包雲吞，食得出有好新鮮嘅蝦肉味，仲要係足料嘅蝦肉推介這一碗，大大碗保證你食到飽另外一個粉麵套餐，招牌頂河魚蛋河，又係大大碗保證你食到飽，材料好多，好多粒魚蛋同魚片，入口嘅口感都好嫩滑，味道好新鮮套餐另外有一碟油菜同一杯飲品飲品我選擇咗金銀花茶另外仲有羅漢果茶同五花茶等等可以揀，熱氣嘅話都可以選擇這一類飲品真係好好，涼茶係自己煲嘅亦都好好飲，出開嚟旺角嘅可以不妨試下呢一間陳儀興牛什粉麵見到黎幫襯嘅人其實都唔少啊。

🔸牛三寶 （牛腩、牛筋、牛肚）    $173呢間牛雜粉麵專家嘅牛雜炆煮得超入味又軟糯，最啱重口味嘅食家，佢嘅牛筋係好冧好軟嘅，而且入口仲係黏黏地口，滿滿骨膠原，好正👍 綳沙腩有8大舊，亦都係滷味濃郁，而牛肚係畀咗最靚嘅金錢肚， 好靚又爽口，咁樣嘅牛三寶淨食一大碟，中意食牛嘅朋友真係可以大快朵頤。加 $26可轉餐， 餐飲凍檸茶、仲有個小食係炸魚皮，脆卜卜😚好大碟夠惹味。味道：8/10性價比：7/10🔸牛丸河   $38潮州手打牛丸有5粒， 粒粒彈牙爽口，而且牛丸嘅牛肉係好鮮甜，可以睇到牛丸裏面有好多個小氣孔，證明佢手打功夫好到家。河粉算大碗，粉細爽滑，在鬧市中嘅性價比相當高→抵食夾大件。味道：7/10性價比：8/10▪️

👧🏻Wodafoodie in Mong Kok✨🐮崩沙腩 （淨食） $145鍾意食牛腩既一定要揀崩沙腩！呢個係牛既稀有部位，橫隔膜連住腩肉，筋膜爽彈，肉腍味濃，富有油脂香氣，好好食🥰！✨🍜牛三寶拼粗麵 $65 牛三寶包括牛腩、牛筋、牛肚～三樣都好入味，最鍾意牛筋，大大件又好有嚼勁🥰 湯頭好清甜，粗麵有鹼水味掛曬湯好正，係好高質既港式牛什粉麵😚✨🥬腐乳通菜 $26✨🥬蠔油菜心 $26✨🍹凍檸茶✨🥤凍檸樂叫粉麵或淨食都可以加$26轉套餐 ，包油菜+飲品，兩個菜都好鮮甜，又無額外加油，健康之選🥬☺️📍 陳儀興牛什粉麵 (鴻祥大廈) (旺角)旺角煙廠街1-3號鴻祥大廈地下E號舖

偶然路過這家粉麵小店，看起來挺樸素的，但牛腩味道好香於是就吸引了我們入去～一入去工作人員的服務非常周到熱情❤️‍🔥首先是點了淨崩沙腩，肉塊很肥嫩，入口即化，配上店家特製的腩汁，既不會過於鹹，又能突出肉的鮮甜味，這道菜的分量很足，一個人完全能吃個飽！另外點了雲吞幼麵，肉餡餡料豐富，口感飽滿，還額外加$28添購了通菜及飲品的套餐，腐乳通菜，蠔油生菜，很適合解膩。飲品方面，羅漢果菜汁清涼順口，奶茶香濃醇厚👍🏻

天氣熱最適合食粉麵，去左旺角食牛什粉麵。餐廳位於旺角、歷史悠久，以優質牛雜粉麵聞名，一時興起就去食!另一道被稱作牛腩極品的「崩沙腩」，吃的是靠近橫膈膜部位的腩肉，表面會連著一層爽彈筋膜，中間包藏薄薄膠質，肉質緊實細緻，嘗起來軟腍味濃，並有淡雅牛脂油香，搭配充滿牛香鮮味的湯底與爽口粉麵!淨食牛三寶，「三寶」之稱，是因為它包含了牛肚、牛腩和牛筋，雖然簡單但不失精緻，牛肚夠香濃入味，牛筋腩炆得夠淋金錢肚煮得入味軟滑，牛筋燉得恰到好處，牛腩肥瘦適中，搭配香濃而清甜的湯底，讓人吃了還想再來一碗。龍鳳檸樂，其實就是把新鮮檸檬切片，然後加入一粒小小的醃漬鹹金吉，再加入冰凍的可樂。 一杯攻陷您味蕾的龍鳳檸樂便誕生了。 可口可樂的甜美混合了檸檬的清香，產生恰到好處咸酸感!

講到香港嘅潮州菜，我覺得陳宜興呢個品牌都算係香港頭三甲，之前試過佢喺鰂魚涌嘅高級食檔，估唔到今日經過旺角，佢都有做粉面，今次就試一試佢😋到訪餐廳係平日夜晚7:00，全場都爆滿，但係等咗一陣就有位，餐廳除咗牛肉類之外，仲有賣魚蛋等等，亦都有唔同嘅套餐可以配小食👌🏻👌🏻牛雜河粉有濃郁鮮美的湯底,非常有大地魚香，牛雜份量都非常多有牛蒡，牛肺，牛腸同埋金錢肚，整個口感層次豐富,令人難忘。而且全部都非常入味。😋😋😋牛三寶(牛腩，牛筋，金錢肚)牛腩、牛筋和金錢肚三種牛肉類食材一起滷煮,汁香肉嫩,入口即化。不同牛肉的纖維質地各有特點,在滷製過程中完美融合,形成獨特的口感。份量非常之多，有時出去買外賣加料嘅精牛雜都未必有呢度咁多黃金炸魚皮金黃酥脆。外層酥脆,最啱梗係浸落湯度一齊食啦，超正。😋😋😋

今日同朋友去咗旺角花園街嘅陳儀興牛腩麵食食飯，簡單食左佢哋嘅招牌崩沙腩套餐同牛雜河套餐，好正！招牌崩沙腩套餐招牌崩沙腩果然名不虛傳,牛腩中的極品橫膈膜連著腩肉，筋膜連少少肉，軟腍味香，肥瘦剛好崩沙腩腍而不鞋，入口即化，而且牛味好濃郁。湯底清甜得來又好有牛味。通菜新鮮爽脆，配埋牛腩同湯底食，真係一流！-牛雜河套餐牛雜河嘅牛雜份量十足，牛肺、牛肚、牛膀、牛腸, 而且處理得好乾淨，冇臊味。牛肚爽爽，牛腸腍而不肥，牛肺牛膀都好食。河粉口感滑溜，滋味！薏米紅棗水薏米紅棗水好清甜，而且有陣陣嘅薏米香同紅棗香。食完熱辣辣嘅牛腩麵食，飲杯薏米紅棗水，真係好消暑。總括嚟講，係旺角食牛腩麵，我一定會推介呢間！-#陳儀興牛腩麵食 #旺角花園街 #崩沙腩 #牛雜河 #薏米紅棗水 #香港美食

多年前叫過食陳儀興潮州菜做OT飯,記得佢哋嘅滷水鵝做得唔錯，估唔到佢哋宜家仲有牛雜河粉麵店👀😱同屋企人三人行叫左兩個套餐,一個單點:🐂 淨牛雜套餐($145)✔️幾欣賞佢牛膀3大片,入口偏乾爽,腥味唔大~唔似有d車仔麵店咁濕粒粒.✔️牛腸洗得乾淨,連肥膏都唔太多👍✔️包一份油菜🐂牛坑腩粗麵餐(HK$55)牛坑腩同崩沙腩爸爸選擇咗牛坑腩~爸爸話粗麵底唔錯, 冇鹼水味,牛坑腩大概有6-7舊,爸爸話可以再好d~📍陳儀興牛什粉麵 (鴻祥大廈) (旺角)旺角煙廠街1-3號鴻祥大廈地下E號舖

今日又係我出街做野搵飯食既時候啦，兩個男士就梗係去食番男士比較鐘意食既牛什麵店啦，快靚正就得😎崩沙腩河（$55）黎牛什麵專門店，食個崩沙腩河就岩我口味，佢個肉好嫩口，肥瘦岩岩好，d筋膜滑滑地咁，係高質既崩沙腩呀😋牛三寶（$173）同事話佢喎食澱粉，一野叫左個淨食牛三寶，佢份量十足，三寶分別就係牛腩，牛筋，牛肚，個牛腩係爽腩黎，都有層膠質係度，牛肚我覺得係最正既，佢吸曬d腩汁，最重要就係腩汁好正，覺得放湯麵未必有咁入味，牛筋滑嘟嘟既口感都好食🐮轉餐（+$26）餐就包飲品同油菜一碟，我地揀左腐乳通菜同蠔油生菜，菜唔係煮到黃，就合格架啦🥬圓肉紅棗薏米水（+$2）咸檸七（+$2）我地揀左兩杯凍飲就要加$2，個薏米水自己沖既又幾足料🥤呢間牛什麵店既牛腩做得唔錯，淨食牛三寶個腩汁夠入味，得閒食碗牛腩河都幾好😆