鐵板世家

营业中

休息中

「鐵板世家」呢間店好有特色,仲有啲復古懷舊擺設嘅氣息,令人有種身處時光隧道嘅感覺。睇個名就顧名思義知道係食咩喇, 我地點左兩份鐵板餐, 一份係西冷牛扒, 啱啱由鐵板滾滾而出嘅西冷牛, 淋上個人覺得最夾嘅黑椒汁, 切開之後,外表金黃色澤,肉質粉嫩, 真係好出「色」。五成熟咁煮正好,保持住牛肉鮮美嘅原味,仲配搭上清新爽口嘅醬汁,實在太正。緊接就係另一個餐, 鐵板肉眼牛扒配意粉。呢個組合真係絕佳,肉質軟嫩鮮美,仲鎖住牛肉原汁, 個嘅意粉更加濃郁嘅醬汁,整體味道層次十足,既有肉嘅鮮味,又有酱汁嘅醇厚, 正。飯後當然唔可以錯過個間特色甜品, 係花奶懷舊啫喱呀!! (心心眼) 呢d甜品已經唔係食個味道咁簡單啦, 就有種以前小朋友屋企人買比自己食嘅溫馨感覺。仲有紅豆冰呀, 清甜不膩,令人回味無窮, 我地飲完一杯又一杯呀。雖然呢間餐廳未算太大眾,但佢嘅特色確實令我難忘。無論係鐵板牛扒呢啲主菜,定係懷舊造型嘅甜品, 每一個小細節都花盡心思, 性價比亦好高, 兩個人咁食法都唔使$280, 絕對值回票價。

🍴龍脷柳 煎得好香 而且夠厚身🐟 薯條 點茄汁同淋落黎既燒汁都唔錯 🍴鐵板牛扒配豬扒 🐂🐖底下有薯菜 牛扒係肉眼 整得幾彈牙 豬扒薄身黎俾想像中滑 配埋黑椒汁正🍴海鮮天使麵 88 蚊🍜有墨魚仔 蝦肉 青口等等 天使麵夠爽口 蕃茄汁好入味 好正既鐵板餐 每個麵。或飯飯都會有羅宋湯 忌廉湯 同餐包 夾住牛油浸落湯度好味 最後有啫喱同餐飲 大滿足Score 平均分< 7.8/10>Taste 味道：👍🏻👍🏻👍🏻👍🏻Present 外觀：👍🏻👍🏻👍🏻Decor&Hygiene 環境衞生：👍🏻👍🏻👍🏻👍🏻Value for $ 性價比：👍🏻👍🏻👍🏻👍🏻Service 服務：👍🏻👍🏻👍🏻👍🏻~~~~~~~~~~~~~#鐵板世家旺角通菜街188 號地鋪

平時好少寫食評，但今次真係完全唔掂。只此一次，下不為例！星期日下午經過，見到紅茶排哂隊，呢間野有位就入去食，點知中哂伏。。。叫餐時個男人勁串 態度又唔好，叫3個餐 寫都唔寫，又無反應 一句聲都無出，都唔知佢有無聽到，淨係講完一個餐 佢就大叫後面叫人落單。餐枱嗰張膠枱布 好油 好似抽油煙機嗰種痴笠笠，掂到都唔開胃。食物好快就上，叫咗個瑞士雞翼公仔麵，瑞士雞翼無味，慘過去超市買枝瑞士汁自己煮，似係個汁加水已經加到無味，只係上到色。屋企人叫咗午餐 肉硬 難咬，話有餐湯 無俾我地，叫咗凍鴛鴦 漏咗（懶叻唔寫低 靠大嗌既後果），上餐專係放係個幼兒前面，幼兒枱前清空唔係俾位放食物 係唔想佢手快打爛野 倒瀉野（不過呢啲都只係有經驗既侍應 餐廳先識），價錢唔平，連鎖餐廳價錢，呢個價錢不如加多少少食花園餐廳。拿拿林食完走人，兩個小朋友跟住屋企人去俾錢先，我執埋啲野跟住走，俾個男職員夾係我同小朋友中間，個職員要放餐具係門口，佢叫兩個小朋友出門口先，大嗰個10歲 叫佢出去先無問題，但點解會叫個2歲既出去先？金魚街咁多人，突然衝咗出去追唔切咁點？本身佢乖乖地企係屋企人身邊等緊。放餐具點解唔可以等一等先 或者讓

放工去左金魚街買魚糧，順便食埋晚飯。呢度都有好幾間港式茶餐廳，門口見到呢間茶餐廳食鐵板扒，都好耐無食過，咁就食番餐先。餐廳光猛，走懷舊港式風格，環境乾淨整齊。餐牌有港式鐵板餐同焗飯，而鐵板餐包左餐包、餐湯跟薯菜，百令蚊抵食又豐富，咁我哋就叫左兩份。餐包：翻熱左暖笠笠，好軟，搽牛油溶左食就OK。餐湯：羅送湯好足料，好多蔬菜，甜甜酸酸，夠開胃。忌廉湯濃結適中，又唔會太淡，夠晒味道。鐵板西冷牛扒：賣相唔錯，跟餐牌相一樣。叫左五成熟，切開仲紅紅地，唔會過熟，剛剛好。牛扒質感軟熟，唔韌無筋，配左黑椒料幾好食。意粉：食薯菜唔夠飽唔緊要，另加$10就有大大碟飯或意粉。鐵板肉眼牛扒：肉眼扒大大塊，同樣叫左五成熟。肉眼同西冷質感差不多，肉眼就比較瘦D。薯條份量都幾多架，仲要係粗身薯條，我就覺得牛扒跟薯菜已經好飽好飽。甜品：啫喱係免費贈送，裡面仲加左雜果，無咁單調，唔太甜，剛剛好。飲品：叫左凍檸茶同凍朱古力，兩杯都夠味正常。

鐵板世家來金魚街一帶行下 準備要幫金魚缸換石換草而朋友就睇兔仔飼料 就喺附近有間食鐵板餐廳裏面唔算好大 一眼睇晒 最意識別嘅就係每張枱都係紅白格仔布馬來咖喱系列 焗飯系列 全日常餐系列一係食鐵板，一係食lunch套餐麵包 紅湯，白湯揀其一 飲品大大杯鐵板西冷牛扒 配燒汁 $95食鐵板鋸扒最享受就係倒醬汁上去嗰下 打開智能保護返自己醬汁四射 熱力無限 鐵板烹飪方式令外層形成一層微焦烤制痕跡內裏卻依然保持了粉嫩肉質薯條墊底更脆口鐵板龍脷魚柳 配黑椒汁 $90長長龍脷柳 蛋汁浸過再煎更脆口黑椒汁少少微辣風味

⭐️今日去通菜街睇完貓貓狗狗之後，就喺附近醫肚，見到一間門面不錯既「鐵板世家」，就決定入去食lunch。食物款式有鐵板餐、焗飯/意粉、馬來咖喱🍛⋯⋯嚟到鐵板世家梗係要食鐵板餐，我哋order鐵板西冷牛扒同埋鐵板肉眼牛扒拼雞扒，兩個都係七成熟😋，另外再加飯和意粉各一份。⭐️餐湯叫咗蘑菇湯、羅宋湯，有水準👍🏻，餐包微熱鬆軟。🤩🤩嘩！兩個扒餐既份量都好多，啱晒喜歡食肉嘅朋友。當侍應淋黑椒汁嗰時”咋咋聲”，真係滿足😍，而且侍應毫不吝嗇，整個鐵板都覆蓋住滿滿的黑椒汁，鋪喺牛扒下面既薯條都沾到美味嘅黑椒汁😋😋牛肉味濃，味道突出，肉質鮮嫩，而且鐵板夠熱。西冷肉質軟腍適中，口感嫩滑無渣。肉眼扒肉味濃郁，冇筋位。⭐️⭐️除咗鐵板餐性價比高之外，我見隔籬枱啲焗飯都份量十足👍🏻，怪不得座無虛席。

餐廳採用懷舊裝修格局，紅色格仔枱布，有梳化和藤椅，坐得舒適。港式懷舊鐵板餐，每份有齊餐湯、餐包、主菜、薯菜、餐茶及甜品，加$10可加配白飯或意粉，相當抵食。餐湯：羅宋湯裡面有好多唔同種類既蔬菜，味道濃郁；粟米忌廉湯濃稠道適中；配上軟綿綿既牛油餐包，無敵既組合。鐵板肉眼牛扒：牛扒叫左五成熟，感覺啱啱好，肉質夠晒鮮嫩，牛肉味更加出，配黑椒汁香辣惹味。鐵板蒜香雞扒：雞扒醃得入味，充滿蒜蓉香氣，雞肉嫩滑，口感柔軟多汁，配燒汁香味四溢。特別一提，侍應話唔夠汁，可以再問佢加，我覺得幾滿意。甜品係啫喱，好多雜果，加埋花奶味道簡直一流。菠蘿冰：粒粒菠蘿， 消暑必飲。紅豆冰：紅豆煮得軟腍， 兒時味道。總結，鐵板夠燙熱，份量十足，鐵板餐既魅力，實在是無法抵擋。

作为香港经典记忆之一的著名餐厅种类-「扒房」，承载了一代香港人的记忆，也见证了香港最辉煌的那一段时光，位于市中心旺角的这一家【铁板世家】，便把记忆拉回到了香港的那个「荣光时代」。 进门以后便能感觉到浓浓的经典扒房的感觉，真的超级入戏！ 🐮铁板肉眼牛扒 牛肉特别特别的嫩！吃起来非常爽滑，而且火候也控制的特别好，这个绝对值得一试！ 🐷铁板牛扒拼猪扒 没想到猪扒也能做的这么好吃，完全没有腥味，而且肉质很好，最关键的是酱汁配的简直无敌！！！ 🍔铁板美味杂扒 鸡扒和香肠也超级nice！他们家的分量给的特别足，不是薄薄的一层，超级厚切！ 🐔炸鸡腿 味道极其入味，炸的非常脆香，比街边小吃好很多，有机会一定要试试！ 超经典的一家港式扒房，绝对值得一试！

鐵板世家…位於旺角金魚街..之前成日經過都見到好多人.. 但今日看到不用等位，所以今日lunch '就決定鋸扒😜店舖裝修簡單，帶點懷舊式因為是用紅色格仔枱布😜午市套餐價格$60起.. 鐵板就$95⋯⋯餐湯和餐包好夠熱👍 鐵板肉眼牛扒🥩5成熟….鐵板好夠熱.. 肉眼牛扒也ok ！朋友點的鐵板雜扒…份量好足有半條司華力腸，煙肉，牛扒雞扒豬扒等…牛扒口感不錯！而且都幾大塊！雞扒煎得表皮夠脆，豬扒也不鞋口！$95 不用加一….絕對抵食！

第一次去但以後都唔會再去🥲見人少少有下午茶就入去試下！佢哋已經冇咩客、我地落單指住張圖再講埋最後都要落錯單，都算好小事！最離譜系人地食緊野佢哋拎d消毒酒精、毛巾企系張枱上面抹吊燈！隔離枱個女人望一望都已經吾出聲！人地系張枱食緊野你喺高處抹燈仲要咁近隔離又有人仲有消毒藥水味擺明趕客走😡啲塵仲要飛落嚟!之後佢哋仲要求個女人轉枱就係為咗方便佢抹個女人正在食緊嘢張枱既燈！個女人忍唔住出聲話佢哋，我哋都睇吾過眼出聲，之後仲諗住抹埋我隔離枱！我即刻出聲你吾好抹過泥丫，我從未見過一間餐廳甘差，完全系趕客走😡😡😡😡😡😡😡奉勸各位千祈唔好去！

入到餐廳即刻問紅定白！當時未有準備比佢考起！全程用餐感受到壓迫（坐位及吃嘢）經常吹吹貢！最後連啫喱都冇比（聲稱賣曬）又唔講！（咁是否扣返錢先）冇下次！唔怪得D人走曬去深圳吃飯！起碼唔駛受氣！

未試過特登寫衰邊間餐廳，呢間嘢真係無得頂，簡直串到無人可及😅我心諗，做得餐廳服務員就要回答客嘅問題係好正常，句句窒到唔想同佢多講一句，想最後講聲…嗰位先生，唔想做就不如返屋企唞啦，影衰嗮成個行業😅唔該…

服務態度極差，全程受氣，侍應大聲呼喝客人，千萬唔好幫襯。垃圾餐廳，做臭香港名聲，飲食界之恥！食物質素差劣，座位擠逼，員工態度極奇惡劣，寧願餓死都唔好幫襯呢間垃圾！

雖然話人比人，比死人，但係無比較又點知呢間真係最差。唔同高檔比，你話同1千幾百蚊一塊扒比，一定無得好講，就講平民鐵板餐，附近連埋佢一共有3間。（其他2間在始創對面，萬寧樓上）價錢佢最貴，鐵板肉眼扒9x元，碟上肉眼扒6x元，其他2間鐵板7x-8x元，碟上不用60元。份量佢最少，size三間差唔多，鐵板世家就最薄，厚度同大家樂早餐有得比。味道講真牛排味道就3間差不多，幾十元唔求太多。但講頭盤個湯同餐包，呢間又輸。個忌廉湯又稀又無味，餐包係室温嘅。服務呢間真係無得頂，頂心頂肺個“頂”。入座坐低食咗唔夠30分鐘，食完個扒，杯餐茶重未飲完，已經催你埋單比佢返枱。要做生意都唔使咁，其他餐廳都會比你45分鐘-1小時，佢一來無寫二來態度唔好。中年男經理全場呼呼喝喝啲待應，見到聽到都影響心情。加上待應全程企隔離睇住你食，等你一食完放低刀叉就立即收盤。你可以話佢做係爽手，不過等佢收咗盤之後催我埋單，我覺得咁樣係趕客。總結三個字：無下次PS 個個香港人放假返內地食嘢唔係無原因，香港消費者都唔係儍嘅，邊個想來回坐2個鐘車，過關人迫人？只係講飲食業，已經無得好比一來價格二來味道三來服務就已經比下去我明白香港租貴

難得在金魚街找到位置泊車，便在附近找吃的。我們叫了一個什扒餐（$128），一個蕃茄海鮮天使麵餐（忘記多少錢）。每個餐包一個湯，餐包，主菜，飲品同甜品，非常實惠。味道方面都常可，好似花園餐廳，好味過金鳳。如果鐵板餐配飯，份量十足，一個男人可能吃不完。最久違的是繞汁的時候，汁碰到熱熊熊的鐵板發出的「滋滋」聲同煙霧彌漫的情境，因為很現在很多餐廳的鐵板餐都沒有這種氣勢。。。繞汁的侍應叔叔穿著短褲和圍裙招呼，令我回想起星爺的電影😆海鮮天使麵沒有腥味，麵質不錯和彈牙。希望品質可維持。