鐵板世家

地道港式扒房發掘到太子有另一間地道港式嘅冰室扒房裝修好復古又有格調，坐得又舒服中意膠格仔枱布，好耐無見啦餐湯有紅湯或者白湯，跟餐包牛油除咗塗滿餐包之外記得要加小小入白湯忌廉味會更濃郁~所有扒都跟薯菜，唔係普通薯氣而係波浪粗薯條﹗因為夠粗身所以索晒啲汁都唔會淋鐵板果面好焦香脆口但仲中間係軟身，勁正本來以為轉意粉或者飯加$10，原來係額外加碟上，勁足量嘅份量鐵板上枱之後職員叫你拎起紙巾再淋汁令人開心嘅咋咋聲同埋香氣一齊湧上意粉都會有額外嘅汁有黑椒或燒汁兩種黑椒夠香口但唔會好辣，怕辣嘅男朋友都食到~鐵板牛舌拼肉眼 $158好吸引嘅組合，一睇menu就比佢吸引好大份對得住價錢牛扒叫咗7成熟中間粉嫩嘅顏色睇見都流晒口水因為有薯條鋪底所以唔會被鐵板熱到變更熟係真‧七成熟﹗兩樣都好香嘅牛味而且好軟好入口鐵板珍寶什扒 $138有豬扒、雞扒、珍寶腸、煎蛋勁豐富嘅配搭MVP居然係煎蛋﹗流心蛋黃而燶邊好出色最後仲有啫喱叔叔會抱住一大盤啫喱同花奶出嚟問你要唔要花奶花奶超厚一層，勁開心係雜果啫喱~仲跟餐飲，凍飲加$4茶走同凍華田…查看更多

📍港式鋸扒餐廳越來越少，經過旺角見到呢間餐廳格局懷舊，7點左右已經坐滿，即刻入去試下! 📍晚餐套餐大約一百蚊左右，已經包埋餐包、餐湯，仲送啫喱甜品，份量十足，性價比高!🔺餐湯配牛油餐包餐湯揀左羅宋湯，蔬菜煮得好入味，口感酸中帶辣，夠曬開胃，再配埋微溫鬆軟嘅牛油餐包，好滿足! 🤩🔺鐵板西冷牛扒配薯菜 $148西冷牛扒揀咗7成熟，肉質岩岩好，有層次有口感，唔會太熟同太韌! 🥩🔺鐵板雞扒配薯菜 $128雞扒完全無雪藏味 ，雞肉鮮嫩，雞皮煎到焦香，配埋黑椒汁夠曬惹味! 🤤➡ 整體Lamlam脷指數 😋😋😋😋(4/5)➡ 整體評價: 店員服務有善，野食份量好足，性價比高。➡ Encore指數 ⭐⭐⭐⭐（4/5)📍鐵板世家。旺角通菜街188號地舖…查看更多

@鐵板世家今日同朋友去咗太子行街，行下行下見到呢間餐廳,綠白格仔枱布，播放住90年代嘅歌曲，氛圍相當懷舊，朋友好鍾意锯扒，最後我哋揀咗兩個牛扒餐！餐包🥐和餐湯🍲餐包微熱，好鬆軟羅宋湯非常足料，有椰菜🥬，甘筍🥕和西芹，酸甜適中，非常開胃鐵板牛舌拼肉眼🥩五成熟，燒汁牛舌有兩塊，厚切，爽口，外層焦脆，内層軟嫩肉眼，有牛味, juicy,生熟度適中,無筋鐵板T骨牛扒🥩七成熟，黑椒汁上枱真係十分驚喜，畀鐵板還要大份呵，有牛味，同樣生熟度處理得剛剛好意外驚喜❤️：食到近尾聲，侍應送上兩杯啫喱🍮，內有什果，感覺到兒時的喜悦和滿足😋總結：呢間鐵板餐廳好有懷舊風感覺，聽住懷舊歌曲，食住童年回憶嘅啫哩杯，好像時光倒流，價錢方面非常貼地，係一間平民嘅扒房，服務亦非常貼心，走嘅時候已見餐廳座無虛席，証明呢間餐廳受歡迎程度…查看更多

同朋友嚟到旺角呢間「鐵板世家」，一入門口就俾佢嘅格仔桌布同舊式卡座吸引住！餐廳前身係香港冰室，保留咗嗰份懷舊情調，仲未坐低已經feel到濃厚老香港味道。▪️鐵板西冷牛扒（黑椒汁）：戲肉嚟啦！職員即場淋上熱辣辣黑椒汁，滋滋聲伴隨香氣撲鼻，儀式感十足！牛扒叫咗七成熟，切開仲保持粉嫩，肉質鮮嫩有嚼勁，份量大到朋友都嚇親。▪️跟餐羅宋湯＆牛油餐包：羅宋湯料多濃郁，餐包烘熱夾凍牛油，經典配搭永不失望。▪️練奶啫喱：簡單卻令人感動！甜而不膩，一啖食返細個去扒房嘅回憶。▪️職員熱情好客，成日主動加茶水，人情味滿分！▪️鐵板原條龍脷柳（檸檬汁）：魚肉算滑溜，但檸檬汁略為清淡咗少少，如果可以濃味啲更好。上菜極快夠效率，食物份量絕對對得住價錢，由淋汁儀式到懷舊環境都充滿心思，絕對係同朋友緬懷老香港滋味嘅好選擇！…查看更多

今時今日呢個價錢，冇+1又大大塊扒，冇嘢投訴，仲想誠意推介✨鐵板牛舌拼肉眼牛扒跟薯菜牛舌加肉眼呢個配搭真係食肉獸必叫！份量超巨，最期待當然係店員喺鐵板上淋上醬汁嗰一下，吱吱聲聽到胃口大開！！牛舌有兩塊，都幾爽口，肉眼嘅邊邊位油脂幾香，唔夠食，仲可以加$10要多碗飯或者意粉。✨鐵板西冷牛扒跟薯菜同老公share食，另一款就叫咗西冷牛扒，肉味比較香濃，由於懷孕期間就只能夠嗌全熟但都無阻我對呢份鐵板嘅喜愛。好厚肉好有水準，重點係底部嘅薯條🍟跟餐有白湯紅湯、餐湯、熱飲同啫喱杯。啫喱杯都唔Hea，裏面放咗啲雜果沙律，又淋上花奶，聽住四大天王嘅旋律食呢餐飯，都好夠懷舊。…查看更多

既然招牌叫得自己做「鐵板世家」，入得去梗係食鐵板餐。加上為慶祝朋友生日，食鐵板都幾適合。我地叫左個西冷 $148 肉眼拼牛舌 $108 。一上枱，佢份量真係嚇親你——大件夾抵食😬 西冷就一大塊、係厚切嘅。牛舌有兩塊都正常、但肉眼竟然都有兩塊！ 薯條份量就正常嘅，如果要再加白飯或者意粉就要再加$10牛舌好腍食得鐵板餐，當然唔少得經典嘅呢一幕：sizzling plate. 店員會拎醬汁，幫你倒喺鐵板上面。要少汁定多汁就到時同店員講，如果唔想啲薯條腍晒，可以預先夾走先。🍟切開都幾欣賞，餐廳真係做到五成七成熟嘅程度、當然有幾準成就無需太執着，…查看更多

今次我嚟到間餐廳，叫咗幾樣肉類菜式，真係食得好開心！以下係我對幾道菜嘅評價：鐵板牛舌拼肉眼一上枱就聞到陣陣香味。牛舌煮得剛好，五成熟，肉質嫩滑，咬落去有種滿足感，仲有啲肉汁流出嚟！肉眼部分就更加唔使講，油花分佈得好均勻，肉味濃郁，每一口都好香。我鍾意佢哋嘅調味，唔會太重，正好衬托出牛肉本身嘅鮮味。鐵板原條龍利魚柳魚柳新鮮得黎，煮得恰到好處，外脆內嫩。上面再加咗啲蒜蓉同埋香菜，食嘅時候帶有一陣淡淡嘅香氣，真係好開胃！魚肉質感好滑，唔會有腥味，配埋啲蒸飯一齊食，真係好搭！…查看更多

最近男朋友迷上咗食港式鐵板扒，除咗花園之外，周圍搵邊度有鐵板扒食終於搵到呢一間- 「鐵板世家」🇭🇰🥩鐵板西冷牛排牛肉鮮嫩多汁,加上師傅現場熟練操作,牛肉被完美地煎至金黃酥脆，但係裏面仲保持到粉紅色。🥩🔥鐵板肉眼牛排肉眼既肉質更加鮮嫩肥嫩,係高溫鐵板上迅速封住肉汁,外層小小脆，真係一絕!🥩🍖我哋亦都有加一份意粉同白飯，可以吸收牛排嘅香濃醬汁,意粉就比較清新解膩,可以好好平衡返成個感覺。🍚🍝價錢相宜，大大份牛扒只係百幾蚊，超級抵食。…查看更多

最近我去咗旺角嘅「鐵板世家」，一入去，就覺得環境幾舒服，新淨得來又懷舊，適合同朋友或者家人聚餐。首先，我試咗「羅宋湯」，湯底濃郁，有好多料，味道好夠，唔會太鹹，啖啖都有啲酸甜味，幾開胃。「忌廉湯」好滑，奶香味十足，飲落去好溫暖，有粟米粒。然後就係「甜餐包 配牛油」，包好軟熟，抹上牛油，味道真係一流，簡單又好食。再嚟就係招牌：「鐵板牛舌拼肉眼」，牛舌煮得啱啱好，口感滑，肉味濃郁，係港式風味 唔係日式風味。肉眼則鮮嫩多汁，我嗌咗五成熟，要燒汁，上檯淋汁"咋喳"聲，好出色，超有港式風味。牛扒本身夠味，但中意再加埋啲醬汁，味道更加出色。朋友仲試咗「鐵板T骨牛扒」，一樣係五成熟，肉質非常好，今次試黑椒汁，另上，就唔洗整淋薯條。外面有啲焦香味，裡面則保持住肉汁，食落去真係好滿足。飲品方面，我叫咗「凍檸檬水」，清新又解渴，啱啱好適合搭配重口味嘅燒肉。而「熱檸檬水」亦都幾好。仲有甜品「啫哩 配花奶」，好好食，唔會過甜，係細個搞party 食到嘅味，好懷念，必食。整體嚟講，「鐵板世家」嘅食物質素高，服務態度都幾好，店員超有禮貌，上餐又超快。價錢合理，非常適合聚餐。…查看更多

同朋友行開金魚街，見到有間餐廳排曬長龍，甘當然好奇係咩事。依間餐廳賣鐵板燒扒餐，一於試下佢。 每個餐附送羅宋湯或忌廉湯，配牛油餐包，非常地道港式配置。個人中意羅宋湯多啲，味道剛好唔會太辣。 鐵板煎牛舌拼肉眼牛扒配薯菜，叫左黑椒汁。肉眼牛扒超大塊，非常厚身！我地叫左7成熟，切開粉嫩剛剛好。估唔到甘厚身，肉質都可以做到甘淋。牛舌有兩塊，相對薄切，肉質都唔錯。 朋友叫左鐵板什扒，有豬扒，雞扒，珍寶腸，煎蛋配薯菜，一份入面有曬甘多樣扒。扒既厚度就無肉眼扒甘厚身，屬於正常厚度。最中意雞扒，真係皮脆肉嫩。 店員會係你面前淋上汁，會見到聽到鐵板滋滋作響，非常療瘉。總結黎講佢係依個價位黎講係完全比到你滿意既質素我，唔錯會再黎。…查看更多

琴晚去左旺角行街，嚟左呢間鐵板世家食晚飯鋪頭細細，但都幾多人好多扒餐選擇我就叫左個羅宋湯，唔會太酸，仲好濃👍🏻白湯就淡啲，不過配埋舊包都唔錯～凍飲要加$4，叫左兩杯凍檸茶，超大杯🤣我叫左個鐵板牛舌拼肉眼牛扒，我叫左5成熟，之後揀左黑椒汁。睇相都見到份量好多！大大塊扒同兩塊牛舌！牛舌幾軟熟，肉眼生熟度都剛剛好，好香牛味朋友叫左個鐵板T骨，都係5成熟，揀左燒汁。都係大大塊，食完超飽🤣朋友比較大食，所以+$10加左個白飯，最後都係食唔哂😂食完突然送左兩個芒果啫喱🤣睇返出面餐牌先知原來宜家做緊免加一同送甜品👍🏻最後埋單$324兩個人，食得超飽，大份夾抵食👍🏻…查看更多

## 食評：旺角鐵板世家今日同老婆去咗旺角嘅鐵板世家用餐。雖然店舖唔大，但裝修充滿港式風味，令人感到親切，呢類型嘅鐵板餐總帶來唔少回憶。### 餐點#### 餐湯- **羅宋湯**： - 我哋兩個都選擇咗羅宋湯，味道濃郁，酸酸辣辣，裡面仲有肉碎，整體味道唔錯。餐包搭配湯食，啱啱好。#### 主菜1. **牛舌配肉眼鐵板餐**： - 上到嚟時，覺得份量十足！塊扒好大，牛舌都有兩片，搭配薯條同蔬菜，份量真係唔少。雖然我哋嗌咗五成熟，但係肉質做得幾好，整體味道唔錯。2. **西冷鐵板牛扒**： - 份量一樣超大，肉質雖然不過不失，但有港式風味，味道適中。#### 飲品- **凍檸茶**同**凍奶茶**： - 味道都唔錯，配合熱辣辣的鐵板餐，十分合適。#### 甜品- **啫喱配花奶**： - 贈送嘅甜品，帶來好多兒時回憶，啫喱口感柔滑，花奶味道香甜，真係好開心！### 總結整體而言，鐵板世家的Combo性價比高，份量大，絕對夠飽。無論是環境、服務，還是食物質素，都令人滿意。下次一定會再來幫襯！…查看更多

最近去咗間專食鐵板餐嘅餐廳首先講吓五成熟鐵板肉眼牛扒，簡直係完美！外面脆脆然後淋上啲黑椒汁增加風味，裡面又嫩又多汁，咬下去肉味爆棚。牛舌也好有口感，軟滑又帶點嚼勁，牛扒搭配真係一流。七成熟的牛扒也不錯，味道更濃，喜歡重口味的朋友一定會愛。然後講吓法式西多士，外面香脆，裡面鬆軟，配上楓糖漿，甜得啱啱好大家可以根據自己鍾意嘅甜度攞返適量嘅糖漿！份量也不小，適合和朋友一起分享，邊食邊傾偈，真的很開心。最後是檸檬茶，我每次必點！酸酸甜甜，特別解膩，飲一啖瞬間感覺清新無比，呢個天氣飲超爽。呢餐飯嘅性價比真係超級之高呀！無論是牛扒質素定甜品搭配，又令我滿載而歸，食得好飽肚。…查看更多

經過一間食扒的餐廳諗住入去試一試一坐低就即刻問你要紅湯定白湯即刻俾個餐包你坐低慢慢揀扒食結果揀咗一個焗海鮮意粉同埋一個雜扒點知上到嚟意粉就變咗飯問我哋要唔要我哋梗係唔要啦要返個意粉跟住餐包OK嘅都有啲暖湯雜扒個豬扒非常之鹹海鮮飯都可以接受另外最尾點嘢飲嘅時候要熱杏霜同埋凍檸茶最終都係嚟坐杯凍杏霜結果成餐飯就錯咗幾多次落單最後有個啫喱做甜品不過都係下次唔會再幫襯…查看更多

懷舊feel紅白格仔枱布打卡一流不過少少迫藤椅不太好坐72元午市套餐食物質素都高羅宋湯微微辣:)足料好好味意粉有口感肉眼扒很嫩牛味很香無用鬆肉粉讚客人比較多服務員好急好快食物上枱都好快搞到食飽都即走…查看更多