鐵板世家

营业中

休息中

老婆想鋸扒，原本諗住食花園，不過comment又麻麻地，行過咪試下。位比較窄，枱與枱之間條行都窄，尚可接受嘅，一坐低即問飲咩湯，正常，嗌左西冷同豬拼牛，正常係要等客飲哂湯先上扒，我老婆飲完，上扒ok，我未飲完，上扒，但其實張枱係冇多餘位放湯，咁即係要收走，差！味道尚可，起碼啲汁唔咸，餐包可以，牛油溶哂變流質，差！我諗花園點差呢啲基本嘢應該都keep到，所以冇下次。

有時行開金魚街個邊都留意到哩間鐵板, 價錢同一般港式扒餐差唔多, 質素都唔錯。牛油餐包同羅宋湯係我心目中就係鋸扒前既儀式, 必須要有。都幾多菜係入面👍🏻一份西冷, 一份肉眼, 兩份都大大件, 加埋好香有少少辣既黑椒汁, "咋"一聲個下真係正。薯菜份量都好足, 唔夠喉都可以加$10 要飯/意粉。唔知點解係D帶有少少懷舊色彩既地方食鐵板就好想飲番杯紅豆冰, 仲有凍檸茶, 就係香港味道。最後原來仲會送雜果啫喱, 重好有心地加埋花奶, 兒時回憶番哂黎!!

鐵板世家位於旺角通菜街188號地舖，是一家以精緻早餐聞名的餐廳。這些裝修已很難找到。經典懷舊，非常有感覺。他們的沙嗲牛肉公仔麵搭配午餐肉、香腸、奶醬和豬仔包，每一口都散發著濃濃的香氣，肉質鮮嫩多汁，讓人回味無窮。而他們的雙拼早餐包括香煎雞扒和可選擇，經典「福」字麵，口感絕佳，讓您一口接一口欲罷不能。好像返返去細個嘅時候嘅味道。🥢🍜🍖🍳🥪☕🍹🥤除了美味的主食外，鐵板世家還提供精選的凍咖啡和凍奶茶，清涼爽口，絕對是您開啟美好一天的最佳選擇。整個用餐體驗充滿了時尚和舒適感，享受一場美食。🍽️🥞🍳🥓🍜🥪☕🍹無論是單獨享用美味早餐還是和摯友共聚一堂，鐵板世家都能滿足您的味蕾需求。食物新鮮美味，服務親切周到，絕對是您品嘗美食的理想去處。快來鐵板世家，感受美食與時尚的完美結合！🎉🌟👌

我們去旺角食午飯，這間餐廳每日的午餐都不相同，我倆叫豬扒拼鴨胸配薯條及肉眼牛扒意粉，套餐包括例湯及飲品。豬扒肉質嫩滑，咬口不錯。最特別的是菊花薏米水，因很少餐廳會有的，這杯飲品有很多薏米，又不太甜，很適合這個炎熱天氣飲用。

位於太子附近，位置很好人流很暢旺，地方不是太大但座位坐得舒服唔擠迫，最重要是午市套餐價錢唔貴，經濟實惠，隨餐都附送餐湯,餐包及餐飲，好抵食。除了鐵板還有意粉,焗飯,咖哩和常餐供選擇。我們選了兩份懷舊鐵板餐1：鐵板龍利魚柳🐟$90加配意粉🍝+10份2：鐵板珍寶雜扒🥓🥩🍟$95餐湯選了忌廉蘑菇湯和羅宋湯各一碗羅宋湯很足料有很多蔬菜🥕🧅🥦，味道帶微辣很開胃。👍😋忌廉蘑菇湯有幾片蘑菇片質感唔稀，飲落很滑。🫶💯每份鐵板餐都配有薯菜🍟🥦可選黑椒汁或燒汁，而加汁是免費的。👍💯💯💯💯💯💯鐵板龍脷魚柳🐟用懷舊鐵板上枱熱辣辣，魚柳🐟很大條表面煎得金黃，魚肉雪白嫩滑厚身啖啖肉，配上兩片檸檬🍋增添鮮味。🫶😋鐵板珍寶雜扒上枱就很吸引眼球，份量大大份，有豬扒🐷一塊,雞扒🐔一塊,牛扒🐮🥩兩小塊,珍寶腸一條和煙肉🥓一塊，非常豐富，而且牛扒🐮🥩不是薄切是厚切的，口感很好，十分抵食。👍💯餐飲選了紅豆冰+$8和菠蘿冰+$8紅豆煮得軟淋唔硬，味道正常。👌菠蘿冰配了梳打水少甜，跟杯還有五六粒菠蘿粒🍍，抵飲。👍🫶

鐵板世家今次要介紹喺旺角嘅一間「鐵板世家」餐廳，呢間餐廳門口有一級，我又自備咗一塊斜板，餐廳入面比較逼，好彩我部輪椅都入到，店員好好人幫我搵方便位置比我坐！1.西冷牛扒配飯+羅宋湯$66+紅豆冰$8（9/10）呢個西冷牛扒配飯揀咗黑椒汁，黑椒味算強烈，西冷牛扒有一塊細同一塊大，牛扒生熟程度啱啱好，估計都有六成熟，好好食！羅宋湯：入面有大量洋蔥、蔬菜同紅蘿蔔，仲有少少牛肉碎，羅宋湯酸酸地辣辣地，唔錯！紅豆冰：最後嚟一杯紅豆冰，紅豆煮得好淋，唔會有硬紅豆出現，成杯紅豆冰會好甜，跟餐價只係需要加$8，非常抵飲！2.香煎豬扒拼牛脷配意粉+忌廉湯$63+菠蘿冰$8（9/10）呢個香煎豬扒拼牛脷意粉揀咗黑椒汁，果塊香煎豬扒肉質唔會好鞋，煎得啱啱好，牛脷一大條，牛脷肉質好軟淋，加埋黑椒汁配意粉已經好耐無食過，意粉彈牙好掛汁，好好食！忌廉湯：呢個忌廉湯好濃稠，唔會好稀，入面仲有打碎咗嘅粟米粒，好好飲！菠蘿冰：呢杯菠蘿冰好鬼甜，仲加咗大量梳打水，妹仔仲有大量菠蘿果肉，飲落好清爽，跟餐價只係需要加$8，非常抵飲！3.法式厚切吐司$40+凍檸茶$3（9/10）呢個係下午茶套餐，我叫咗法式厚切吐司，一遞上枱見

大家好今晚到左位於太子既鐵板世家食扒這間店係在金魚街裏面都係一間港式既扒房果日叫左兩個餐首先上左紅白餐湯各一羅宋湯都係好正宗既港式羅宋湯比較多番茄味同蔬菜忌廉湯就比較滑用麵撈果種配幾鬆軟既餐包跟住上埋飲料加8蚊既紅豆冰同菠蘿冰紅豆冰都幾多紅豆而菠蘿冰都一樣幾多菠蘿溝埋雪碧甘樣既都幾好味主菜方面叫左五成熟鐵板西冷牛扒這個牛扒都係在客人面前淋汁比較有儀式感牛扒五成熟中間係紅色控制得幾好牛扒應該係有少少醃過但都完全食到牛肉既質感比較嫩滑配黑椒汁比較惹味仲有粗薯條放碟底可以吸收牛扒汁同黑椒汁另一個主菜係芝士焗流心蛋肉醬意粉這個肉醬意粉用左流心蛋蛋汁比較多多左D蛋味而且芝士都好多肉醬既牛肉粒比較粗比較食到有肉既感覺而個醬汁都有蔬果好似番茄紅蘿蔔同西芹最正係最後仲有什菓啫喱送總括這間店好有港式扒房既風味

旺角新開平價鐵板世家，鐵板餐多達十款選擇，另外仲有意粉、焗飯、咖哩，全部晚餐都奉送餐湯及餐茶，好抵食。餐湯：我哋叫左一紅一白，羅宋湯好足料，有很多牛肉碎同埋大量既蔬菜，味道濃郁；忌廉湯綿滑可口；配上鬆軟既餐包，最佳組合。每份鐵板餐都配薯菜，只須另加$10就可配埋白飯或意粉，醬汁可選黑椒汁或燒汁，仲可以免費加汁。鐵板龍利魚柳：魚肉雪白細膩，厚身啖啖肉，配上兩片檸檬，美味無窮。鐵板珍寶什扒：上枱好吸引眼球，疊至幾寸高，每份有齊牛扒、豬扒、雞扒、珍寶腸和煙肉，非常豐富，肉質軟嫩，煎得香口。菠蘿冰：菠蘿甘甜解膩。紅豆冰：紅豆煮得香甜好飲。食飽後，店員隨即送上雜果啫喱，食埋甜品真係大滿足。總結，鐵板餐定價親民，份量十足，服務殷勤，值得推介。

呢晚朋友約喺太子食飯見到呢間鐵板世家諗落好耐都冇食過港式鐵板同埋好耐冇聽過啲汁倒落鐵板吱吱嘅聲音2個肉食獸諗都冇諗即刻入去食入面環境光猛乾淨 裝飾有啲懷舊雖然成間都係食鐵板但又唔會好油煙 餐牌設計都好港式一百蚊左右就已經有鐵板薯菜+餐湯+餐飲加$10 仲有飯/意粉 幾抵食餐湯紅白都好好飲羅宋湯好足料白湯好creamy好rich跟牛油餐包食一流珍寶什扒$128 份量唔惹小 有牛扒、豬扒、雞扒、煙肉、腸仔下面仲有大量薯條上枱時店員會問想要燒汁定黑椒汁再咋一聲淋落去吱吱聲加埋勁吸引嘅賣相 好開胃幾款肉都好香好好食 軟嫩juicy 好啱送飯朋友要咗西冷牛扒$128要咗3成熟 上枱時再吱一下 熟度剛剛好入面呈嫩紅色 食落去好滑粗薯條勁正 好脆 食到停唔到口食完鐵板仲有甜品😛花奶啫喱好好食 入面真材實料 真係有果肉食完真係好滿足飲品加$8就有紅豆冰或菠蘿冰兩款都係勁多料 勁解膩 食到捧住個肚走🤣

餐廳裝修好別緻😍濃濃嘅香港情懷feel🤩🤩唔單只係裝修😆係食物帶俾你嘅感覺都一樣😌😌回到兒時咁😍食物款式選擇多，咁就叫左鐵板西冷同肉眼扒，仲叫埋咖喱雞飯😝非常豐富😋😋 我哋叫咗一個紅湯，一個白湯餐湯羅宋湯超足料😏🥕味道酸香，好味😋忌廉湯就係以前細個飲嘅味道😌😌甜甜地既餐包🍞熱辣辣😊配上牛油，鬆軟好味😉 鐵板牛西冷配薯條跟洋蔥汁🐮份量超大碟！肉厚勁嫩又多汁，叫左5成熟🤪佢真係做到🤩🤩🤩靠鐵板嘅熱力，啱啱好👍🏽薯條炸得好脆😌嚟到嘅時候職員會拎住大大桶汁淋上去😝 滋滋既聲音，即時香氣滿溢😍😍😍牛肉眼扒跟薯菜黑椒汁🐮肉眼扒超淋，冇咩肉味，但係呢個就係以前香港情懷嘅鐵板餐，超級懷念，黑椒汁味道香而不辣👍🏽香濃咖喱雞扒飯🐔果然係香濃咖喱就係有濃濃嘅咖喱味加少少辣😋好好送飯👍🏽甜品就係雜果啫喱🤩🤩所以選擇加花奶或者唔加😊😊呢個絕對係懷舊之選總括嚟講餐廳性價比高😌😌絕對可以滿足到香港情懷☺️☺️

而家好似已經唔多地方食到呢種價錢親民嘅傳統港式鐵板扒餐，性價比幾高鐵板珍寶雜扒、鐵板肉眼牛扒(各$95) - 汁可以揀黑椒汁同燒汁，雜扒餐有齊雞、牛同豬，仲有司華力腸同煙肉，薯菜又多，大大份勁抵食；肉眼牛味都幾香，肉質軟腍，質素唔錯餐包夠熱，軟綿綿少少甜，搽牛油勁好食；個人幾欣賞個紅沙，辣辣地又足料；白湯夠濃稠，口感唔錯凍奶茶(+$3)、紅豆冰(+$8) - 茶底夠濃，幾亞神；紅豆冰椰香夠，甜度啱啱好，啖啖都飲到紅豆，好滿足lunch嚟講選擇都唔少，除咗鐵板仲有焗飯、意大利等，常餐都有店面乾淨闊落，冷氣又夠，坐得幾舒服，有機會會encore

今日收工同朋友去左太子聯合廣場行街，然後朋友話想食牛扒🥩，於是便決定去這間餐廳吃晚餐。羅宋湯：酸酸地又幾好食，好開胃，不錯，好飲。忌廉湯：幾香滑，忌廉味幾香，不錯。餐包幾軟熟，加埋牛油仲更加正。鐵板西冷牛扒併雞扒（$128）：西冷牛扒幾好食，選了3成熟，肉質鮮嫩，又不會太韌，幾好食。而雞扒都煎得幾香，不會韌，幾好食。薯條🍟都幾香脆，不錯，幾正。鐵板肉眼牛扒🥩（$128）：牛扒選了5成熟，唔會太生又唔會太韌，幾好食，牛扒肉質不錯，又幾好食，幾正。肉眼牛扒肉質鮮嫩多汁，每一口都感到肉汁的滋味。經過鐵板燒後，肉眼牛扒呈現金黃色的焦糖色，發出香氣。食完飯後仲有啫喱作甜品，加埋花奶更香滑，將好食，不錯。

思念是一種味道，很窩心，很懷舊還記得以前是要在重要節日爸爸才會帶大家去食扒扒那種滋滋作響的味道與氣氛特別懷念這次朋友帶我去太子吃扒又重溫了這種感謝很感動餐廳很易找，就在女人街附近扒餐CP值很高而且款式多我和朋友試了鐵板西冷及雜扒餐湯很是足料的羅宋湯味道酸香，是經典的滋味難得的是餐包超熱辣配上牛油，就是鬆軟香口的味道朋友要了牛西冷配燒汁份量超大碟！肉厚勁嫩又多汁肉的香氣配鐵板的熱氣飄出來真的很讚！雜扒之於我有一份特別的感覺因為小時候什麼都想要試吃的又不多總會點這個餐這餐廳的雜扒真的很豐富有煙肉、大肉腸、牛肉眼扒、豬扒、雞扒肉汁多，味道好，調味很出色我選了黑椒汁，大大桶淋上去滋滋聲音很親切味道是香而不辣，非常好食正宗的凍檸茶，好香檸檬味！甜品就是兒時最愛的啫喱好懷舊，好好feel今時今日，鐵板餐可以免加一份量又大又好食，很是少有加上店員親切的態度，好吸引人再次幫襯鐵板世家旺角通菜街188號地舖

放工落太子買野，經過間港式鐵板餐廳「鐵板世家 」，雜扒餐愛好者嘅我梗係要試一試啦😋套餐包括餐湯、餐包、餐飲同鐵板扒類，只係百零蚊非常抵食👍🏻餐廳裝修富有懷舊風格，格仔台布、地下嘅瓷磚、牆身裝飾嘅舊式窗框，恍如置身八九十年代😆羅宋湯忌廉湯餐包我同朋友仔嗌咗紅、白湯各一，紅湯加入蕃茄、椰菜、西芹等，味道酸酸甜甜夠晒足料，粟米忌廉湯味道濃郁creamy，配搭鬆軟嘅餐包點上忌廉湯，最佳嘅配搭😋鐵板肉眼牛扒拼豬扒朋友仔嗌嘅五成熟牛扒拼豬扒，兩件都非常大件，牛扒中間仍然粉嫩嘅顏色，生熟程度啱啱好，亦都唔會乾身，肉質入口軟腍，豬扒肉質鬆化，亦都唔會有太多嘅脂肪，配上辣辣地嘅黑椒汁零舍惹味香口鐵板珍寶雜扒樣樣都想試吓嘅推介嗌雜扒餐👍🏻有煙肉、珍寶腸、牛扒、豬扒、雞扒、薯條、西蘭花、車厘茄，底下有脆卜卜嘅粗薯條，雞扒外皮煎香後再上鐵板，完全唔會覺得肥膩，牛扒豬扒肉質軟腍入味，珍寶腸皮脆內軟，入口全部啖啖肉，正👍🏻📍鐵板世家 (旺角)旺角通菜街188號地舖人均消費：$100-150食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️

位於太子金魚街入邊嘅一間港式鐵板扒餐餐廳，雖然裏面有唔同類型嘅茶餐廳美食，但既然個名叫做鐵板世家，自自然然需要嘗試佢哋嘅鐵板扒餐，感受吓淋醬汁喺鐵板上面反彈到成身成面成枱都係醬嗰種快感一入到室內就一大浸塑膠餐枱嘅酸酸霉霉味，雖然室內相當光鮮人驟眼睇都好整潔，但係就有嗰種酸酸咪咪嘅味，令人第一個感覺不良好。星期日雖然金魚街佈滿咗內地朋友仔，但呢度依然得一兩台客，坐低準備嗌餐，隻手掂到張枱都有一種痴痴立立嘅感覺，明明店內冇乜客，店員都可以隔兩丈遠大叫幫你落單，唔知點解唔可以行埋兩步細細聲講，總真充滿舊式香港茶餐廳嘅風味。叫左個鐵板西冷配雞扒薯菜套餐，本身叫白湯，嚟到就上紅湯，個年青嘅店員仲好似掉垃圾咁，掉個碗落張檯，五分之一碗湯倒晒落張枱度，同佢講我order既係白沙，佢枱都唔抹就咁攞返個碗走，期後俾返碗白湯比我就算，當然依然唔抹番張檯扒可以選擇熟嘅程度，我選擇medium Rare轉頭返牛扒就上枱，如果單論食物味道嘅話，佢可以話非常之好👍因為塊西冷真係做到medium rare咬開入邊鮮紅而且軟熟程度無懈可擊，雖然塊西冷薄少少得兩cm厚都冇，但某程度上入口即化根本咬嘅力都唔需要相當滿意！