銘興山西刀削麵 (民泰街)

营业中

休息中

依間刀削麵每日都好多人排隊好受街坊歡迎！今次同朋友試完，覺得質素好高，價錢又抵食得好飽，一定會再嚟食😍😍😍🍜花雕醉雞熱拌刀削麵招牌必點！嫩滑雞肉經過長時間的浸泡，入口醇厚綿軟，帶有濃郁的花雕酒香。熱拌刀削麵條Q彈有勁，入口爽滑😚🍜熱拌豬軟骨刀削麵刀削麵搭配上鮮嫩可口的豬軟骨，好正😍 豬軟骨經過慢熬，非常軟嫩，口感有驚喜！🐙香炸墨魚餅墨魚餅熱辣辣🔥 鮮嫩彈牙，搭配甜酸醬更好味😋🥖流心紅糖糍粑經典的川式甜點，外層香脆 糍粑Q彈有嚼勁，流心紅糖內餡流心十分香甜，口感豐富層次，好適合作飯後甜點😋😋🥬郊外油菜：菜芯健康之選～食飯😚一定要叫碟菜，清新爽口

✔️麻辣豬頸肉拼牛腱冷刀削麵 $62想講呢間刀削面真係好好食‼️ 好厚身同煙靭 又唔會粉 我哋嗌咗小辣🌶️ 感覺上麻醬味會比麻辣味出 一啲都唔膩~ 同埋因為佢係凍食仲要有好多青瓜絲🥒食落更加清新 豬頸肉同牛腱就正常發揮 👍🏻✔️香炸Q彈墨魚餅＄45炸得香脆可口 又唔會好油 墨魚餅中間都有幾多墨魚粒🐙 口感十分好豐富🥰✔️花雕醉雞 $55雖然佢擺盤好似比較簡陋 但係佢好好食 花雕味超重🥹 雞十分之滑又入味 十分推薦🤤✔️包漿小豆腐 $45豆腐都係即叫即炸 所以都係好脆身 味道就以孜然粉為主~✔️麻辣金沙骨 $65呢個講唔停就覺得麻麻哋 炸皮偏厚🥹🥲 麻辣味道都唔太出🥺

好耐之前喺大角咀食過呢間刀削麵印象麻麻哋。但近幾年見佢越開越多分店，再去紅磡試吓又好食喎。🔺花雕醉雞刀削麵 $75🔺口水雞刀削麵 $75天氣熱所以冇揀到湯麵。加咗$10轉熱拌刀削麵✨味道比起湯麵豐富好多。有麻醬辣醬青瓜絲一齊撈～面底彈牙又掛汁勁飽肚！花雕醉雞酒味清香濃郁，口水雞唔算好辣但好開胃，雞肉嫩滑。🔺麻辣豬頸肉併牛腱 $80麻辣味唔算太出，但豬頸肉同牛腱都非常高質！本身肉已經醃到好入味就咁食已經好食。特別係豬頸肉仲做到脆邊效果。肉片又厚身，價錢唔算平但值得！

走親民路線嘅銘興山西刀削麵，推出咗新嘅菜品，一定要試下！🆕荔枝啵啵蝦球 $45｜藤椒魚皮 $58｜脆脆香小酥肉 $583款同屬新品推介，荔枝啵啵嘅顏色同埋造型真係超吸引，引到隔籬幾張枱嘅小朋友都話要食！荔枝蝦球嘅口感係外脆內軟！藤椒魚皮鮮麻爽辣，魚皮厚身有彈性，十分開胃！小酥肉帶麻香，唔錯！🔪麻辣牛筋腩上湯刀削麵 $56上湯刀削麵湯底帶甜，加埋牛筋腩嘅麻辣，係會令人食上癮！牛腩大大件兼軟腍，牛筋軟糯入晒味，good！🌶️口水雞 $55雞件浸到勁滑嫩，配搭香口惹味嘅麻辣醬，真係欲罷不能！🍹阿華田脆脆｜凍菜蜜每款麵均奉送熱飲，凍飲＋$4，特飲＋$8！

又是準備上韓文課的日子亦慣性不停發掘旺角太子以外地區的美食；而這天就沿著屯馬線來到有超多美食選擇的紅磡區，就在地鐵站附近就找到一家很受街坊及大學生歡迎的平民美食店吃刀削麵花雕醉雞刀削麵 $65（轉冷/熱拌 +$10） 阿華田脆脆 $8（套餐加購價） $26（單價）聽說這是店家的signature food，本來這款是配熱湯刀削麵，天氣太炎熱就把它改為冷拌做法，加入大量青瓜絲、烤鹽花生、蔥跟芫茜，再配上酸甜的麻醬跟微辛的擔擔醬，拌勻以後即可食用！是非常適合夏天吃的拼配，刀削麵的麵質更煙韌彈牙口感很好，加上醬汁就已經夠好吃了～ 配角已經夠出色，但作為主角的花雕醉雞就更令人鼓掌，部份更是雞髀肉，而且份量比我想像中多！入口雞肉仍保持嫩滑，附上的溏心蛋做到半流心狀態，入味和帶有淡淡花雕酒香，卻不會太濃太嗆喉太苦澀，酒味拿捏得很不錯！成為人氣食品實在不無道理～ 套餐加配幾塊錢就有一杯「阿華田脆脆」特飲，味道濃郁也有粒粒阿華田脆脆增加口感，冰凍之餘又可以解辣包漿小豆腐 $45個人推薦這個小食啊！下單即炸，看起來是很普通的炸豆腐，金黃微脆的外皮，裡頭嫩滑程度有如豆腐花的感覺，有意想不到的口感，豆腐味跟

最近同朋友兩個人去紅館附近睇演唱會，就係睇演唱會之前喺附近食個晚飯醫醫肚。經過門口見到呢間 「銘興山西刀削麵」店舖裏便坐滿人，感覺應該唔錯，於是就入去試一試。兩個人都好鍾意食辣嘢重口味，見到好多辣味嘅嘢一點就點咗好多。當晚點左熱拌豬大腸刀削麵、麻辣刀削麵酸辣湯配豬扒、包漿小豆腐、花雕醉雞、泰式檸檬無骨鳳爪、涼拌海蜇小食、飲品方面揀咗豆漿，加凍檸茶。最鍾意佢哋嘅花雕醉雞，呢個醬汁係點？加自家親自調配，有龍龍嘅花雕酒味，雞肉非常之滑，整體口感配合得好好，一開波就差唔多食晒全部，我同朋友兩個都大贊好食！另外佢嘅刀削麵可以配搭酸辣湯底有驚喜，酸辣湯底唔會太過油膩，但係酸味同辣味都足夠，而且面嘅份量好多，性價比高。

黃埔美食很多，但這家刀削麵真的很不錯！平日晚上都好多人吃～有時候都要排隊一會兒才有位置！口水雞湯刀削麵💰65雙拼-麻辣肥牛&金沙骨湯刀削麵💰75這家店刀削麵有上湯的，熱拌的，我最喜歡就是上湯～湯底很清澈，配上筋道的刀削麵，這裡的刀削麵都是廚師新鮮做的，嚼勁很夠，而且每條麵都不是厚厚的，很入味！配料特別足！口水雞我懷疑是整半隻雞，份量好多，而且雞肉也很滑嫩，口水汁調料也剛剛好，好吃😋我就點了雙拼小食，最愛的麻辣肥牛，份量也好多～還金沙骨，煎炸得很酥軟，三塊大大的排骨👍小食：泡椒爽脆藕帶💰40涼拌青瓜💰35麻辣豬耳💰45我們還點了些小吃！泡椒藕帶不常見！這裡竟然有呀，果然很爽脆😊脆卜卜的很開胃～青瓜和豬耳等味道也很好，我是選了小辣，辣度剛剛好👍

想食刀削麵首先諗起嘅一定係銘興😍刀削麵係即整，煙靭彈牙有咬口！湯底味道濃郁～湯麵係我嘅最愛！招牌花雕醉雞食咗好多次，今次試吓其他選擇～麻辣牛筋腩 湯刀削麵 $56蒜泥牛腱拼豬軟骨 湯刀削麵 $66見到有新品推介，揀咗兩款試吓～包漿小豆腐 $45外皮微脆，內層嫩滑，豆腐味道都算幾濃郁～即叫即炸 正！手工韭菜豬肉餃子湯上 $48韭菜同豬肉嘅比例不錯，韭菜味道濃郁👍🏻銘興山西刀削麵 (民泰街) (紅磡)紅磡民泰街2-32號地舖

游完水想食下刀削麵。於是走左過來食，之前都試過係到食，但服務水準非常之一般，所以都無乜期望，不過野食係正常嘅。叫左個鮮牛肉木耳溏心蛋刀削麵，但係好奇怪，佢係麵，滑牛肉同埋木耳，分3次上，勁畸呢...就咁放低又無提食客話啲餸遲啲送到，開頭我仲以為係碗麵漏曬啲料刀削麵就正常發揮，唔會太淋，鮮牛肉少少筋但又唔算滑，木耳份量唔算多，2碟都係少量薑絲青瓜絲墊底，少少醋味，味道不過不失。但係呢間野嘅服務質素真係要改善下，唔怪得知咁多人北上消費體驗更好嘅服務...

花雕醉雞(55hkd) 招牌必吃，秘製花雕酒調味醬汁，店舖自家製，這個價錢cp值高，酒味拿捏得剛剛好，不會太濃酒味或浸太久，雞肉保持到嫩滑，淡淡花雕酒香👍🏻手撕雞熱拌刀削麵(55hkd) 手撕雞足料，落咗秘製蒜醬，勁香濃，撈埋自家製辣醬麻醬食，creamy而不失辣勁，下次要挑戰試大辣🤩刀削麵有咬口，又不是超厚麵團，份量真心多，好飽好飽～包漿小豆腐(45hkd) 即叫即炸，同平時的豆腐不同，入面非常嫩滑，好流質，熱辣辣是爆漿效果，外邊焦脆，烤得有外賣串燒店的水準！麻辣大腸(45hkd) 處理得好乾淨亦保留少少油脂，夠辣，份量幾多凍華田脆脆(+8hkd) 濃華田，足料，上面鋪滿脆脆，甜度正常#foodiblum中式

埋單有學生證有折 比錢時已經拎出嚟比佢睇 佢㩒完電腦 我見到冇平到 就問佢係咪有折 佢話你要比我睇 我心諗我咪拎咗出嚟舉住比佢睇 佢一直話我唔會留意咖 我唔會留意咖 唔知佢做乜 但好食有鬼用 態度差 又要坐到勁迫 以後都唔食 比錢重要比你話返 順便受下你氣

大大碗 多多餸都係55蚊到65蚊😋😋第一次食去配口水雞，見到比成一碟雞只係60幾蚊呢個價錢真係嚇親另外豬肚麻辣刀削麵食到尾都仲有好多餸個人覺得麻辣撈麵好食過湯，夠晒惹味酸蘿蔔任裝，食到一半有啲理口又食一粒蘿蔔好解滯。

今次到以刀削麵主打的店，銘興山西刀削麵 (民泰街)，位於紅磡民泰街2-32號地舖。店內環境比較迫，勝在種類多，價錢親民。晚餐🥢 ～ 花雕醉雞刀削麵$65、麻辣牛展刀削麵$56、 豆漿$8。 ▫️花雕醉雞刀削麵🍜 ～ 花雕醉雞每份都用膠盒裝起， 配上一隻蛋， 雞件入味， 肉質嫩滑。 刀削麵的湯底熱辣辣， 麵條彈牙。 ▫️麻辣牛展刀削麵🍜 ～ 麻辣味唔算出，牛展口感偏硬， 這一款失色了。 喜歡吃刀削麵的朋友，可以一試。🏷️溫馨提示～ 整個用餐體驗均屬個人分享意見， 只作參考😊。 銘興山西刀削麵 (民泰街)地址: 紅磡民泰街2-32號地舖

呢間餐廳夜晚好旺，成日都幾乎坐滿人，而且有好多人買外賣。我平時如果自已一個食飯都中意去呢間，最中意點呢個花雕醉雞刀削麵，貪佢有蛋有雞多蛋白質而且唔算太肥膩。🌟 花雕醉雞刀削麵｜$66＋凍飲$3餸方面見佢鋪面已經有一盒盒預先浸定嘅花雕雞放咗喺度，雞肉份量唔少，有一部份係雞脾肉好嫩滑，仲有隻糖心蛋，好入味有重重既花雕酒既香味❤。刀削麵粗粗地厚厚地咁好煙韌同埋有咬口，食哂成個麵會食好飽肚。💰人均消費：$69 晚餐😋推薦指數：8.5/10

刀削麵，好像人人都愛，至少我身邊冇咩人抗拒。暫時最鍾意係銅鑼灣登龍街「麵館皇」，其他店就一試無妨，但求就腳。以前一直食開民裕街「刕舙馫」，不過質素每況愈下，尤其衞生狀況。我老公話比我知，過多幾條街，民泰街都有一間刀削麵，仲客似雲來，勁好生意。原來佢講「銘興山西刀削麵」，我去旺角食天星米線個陣，都見到間分店喺隔離。以後天星太多人排隊時，可以考慮轉食佢。講番銘興，雖然座無虛席，但唔洗等好耐，預咗要搭枱。衞生比民裕街嗰間好，可以再來。麵質唔錯，湯底夠味，仲有熱拌選擇。墨丸應該好難食，老公5粒食剩2粒，寧願食零食。手撕雞唔夠滑嫩，勝在份量多。店內供應自助酸蘿蔔，開胃小食，幾有heart。食完之後我同老公都不約而同地，有啲腸胃不適。唔係食物中毒，亦唔係味精反應，但同自己煮嘅比起來，腸胃有啲負擔。不如搵次試下自己煮刀削麵PS 比個叻自己👍🏻 食麻辣忍到唔飲凍飲