金鶴拉麵 (蜆殼街)

营业中

休息中

第一次黎食金鶴拉麵，呢間拉麵店有幾間分店，揀左係天后呢間。知道雞白湯拉麵最多人推介，有超濃同揀，叫左個濃雞白湯拉麵$98十分喜歡牛蒡，浸湯前就香脆，浸完吸收左湯既精華，兩食都可。拉面湯底係濃郁既雞白湯，用心機同時間熬製既湯底果然不同，伴上拉麵十分滋味。黑蒜醬油拉麵$98黑蒜醬油湯底比起普通醬油湯更加出色，蒜香味道吸引，最喜歡既係除左日本叉燒，仲有自製靚雞肉，一次過試晒唔同質感。煎餃子$38日式餃子煎得香脆，咬開餡料有肉汁。唐掦炸雞(三件)$38炸雞伴上檸檬鹽，夠晒特別。件件足料外皮炸得金香爽脆，炸粉調味岩岩好。裡面的雞肉係幼嫩的，口感十足。

好掛住日本呀！提到日本，當然不能少了拉麵啦，其實香港都有好多拉麵選擇，今日近近地係屋企附近，試吓呢間都有好幾間分店嘅金鶴，聽聞佢哋嘅雞白湯好出色。原來除了拉麵，這裡更提供燒物，鰻魚飯等日式料理不過今次係為著目標而來，雞白湯底以赤雞熬製六個小時而成， 上枱時已聞到濃濃嘅雞香味，渴一口湯很像忌廉湯的質感，好濃郁又滿足。麵條質感夠煙韌，和雞白湯很合拍，吃完都唔會覺得口喝而且拉麵賣相相當有特色，炸牛蒡造型好有氣勢，店員還溫馨提示不要浸湯吃，脆卜卜很可口！拉麵還配有慢煮雞肉、豚肉叉燒，半熟玉子，葱絲等材料，大滿足另一款係黑蒜醬油拉麵，香噴噴嘅蒜香味道，香濃而不滯，令胃口大開。最後追加咗明太子燒雞翼，大家一定唔陌生、脹卜卜嘅雞翼入面釀入辛辣明太子，外皮甜甜脆脆的，入面少少辛辣，啖啖肉，無論大人細路都鍾意！

天氣炎熱最好食番啲濕濕地，如粉，麵之類食物。今日午餐跟同事一起想去食拉麵，嚟間拉麵店剛好在公司附近。極濃雞白湯拉麵湯底比起老火燉雞還要濃稠，嚐了一口己漿住嘴唇，可想而知熬製時間與心機。一堆好似藝術品的是炸牛蒡，非常脆口，好食過薯片，仲有益處。白雞完全不嚡口，軟熟無比。麵條掛湯力強勁，正啊！炸雞件有三大件，咬開一口，可見肉汁鮮嫩，啖啖肉香，不油膩。菠蘿味嘅波子汽水坊間好少見，清清的菠蘿香味，幾特別。

一路都有聽到朋友講金鶴好味 所以終於今日黎左食😋😋今期主打有北海道極濃蟹湯拉面同極濃龍蝦湯拉面🤩🤩🤩望到張相好吸引 諗住同朋友一人叫一個 可惜蟹湯拉面無貨了😩 所以最後我地揀左試佢既龍蝦湯拉面🍜加左龍蝦尾🦞一黎就試左個湯底 好濃郁🤤🤤 然後荀片都好脆口😋😋 拉面食落口吾會太淋😚喜歡💕 然後佢叉燒都好大塊 建議大家一路食面飲湯一路食 慣左最後先食餸既我 去到尾見到叉燒勁大塊🤣差啲食吾哂 今日既重點！龍蝦肉好嫩吾柴🤤🤤有一邊因爲最後食浸左湯汁仲正 入味🤩🤩 鋪頭仲好細心咁配左較剪比大家方便食用🥰🥰🥰 相信如果店家可以上湯前起定肉就更好😂 朋友話呢個系吾可以系男友前食既菜因為要雙手並用🤪有機會會狼狽😂😂最後叫左個小甜點 抹茶🍵軟凍 質地有啲似大菜糕 面頭灑左抹茶粉 但我食龍蝦湯面既味太濃郁 所以食抹茶凍既時候吾太重抹茶味 雖然佢放左好多綠茶粉 可惜了提提大家可以下載金鶴app 第一次做會員即送一百分然後仲可以即時用 我用積分換左一粒溏沁蛋🤤🤤🤤超好口感 會員系可以一蚊儲一分 外賣都可以儲 正！

有朋友勁推呢間金鶴，話湯底可以飲哂都冇問題。對於姐黎講拉麵的湯底唔肥膩唔厚油最緊要，但又要濃郁😌😌(講落都覺得自己好picky). 金鶴的湯底真係滿足到！極濃雞白湯拉麵-奶白的雞湯飲落就好似飲緊成隻雞的精華同蛋白質落肚咁，好濃雞味-慢煮下雞肉好嫩滑，完全唔鞋口，癲覆左姐對雞肉的口感極濃龍蝦拉麵-龍蝦湯好飲到可以係西餐廳當湯賣，龍蝦味好出，完全冇澀味冇苦味- 龍蝦燒得好出色，肉質新鮮爽口-拉麵係偏有咬口的麵質，大愛！除左拉麵外仲有串燒同清酒，下次晚巿一定再幫襯！

今日放工之後自己去左食拉麵，哩間拉麵店有吧枱位、二人及四人座位，裝修走日式風格，而且哩到既拉麵除左堂食，仲可以外賣。除左單點之外，仲有套餐可以選擇，拉麵店而家新推出期間限定北海道極濃蟹湯拉麵同埋會員限定極濃龍蝦湯，不過我最後都係揀左經典款～🍜極濃·雞白湯拉麵 $138湯底由赤雞熬製6小時而成，入口濃稠醇厚，口感順滑，但一啲都唔會油膩，濃稠既湯能夠依附係拉麵上面，面質粗身彈牙，配埋木耳絲、筍、炸過既牛蒡絲一齊食，更添口感，最特別即係哩碗拉麵唔係得叉燒，仲有兩塊雞肉，糖心蛋亦有水準。🐟蒲燒活鰻魚 $68鰻魚非常厚肉，入口新鮮彈牙，肉質鮮嫩夠肥美，亦富油脂香，好食推介👍🏻🐂黑椒燒牛舌串 $68牛舌大大塊，質感爽彈，牛味香濃，灑上鹽同胡椒，充滿黑椒香，非常惹味。🥤可樂 $12整體黎講，餐廳既拉麵質素唔錯，串燒更有驚喜，鍾意食拉麵同串燒既都可以試下。

相信不少食客都喜歡日式拉麵吧！傳統的日式拉麵彈牙有口感！再加上各式喜歡的食材和湯汁！對食客來說簡直就是一大享受！朋友推薦位於蜆殼街的這間千鶴拉麵店！拉麵店的裝修頗具特色，坐下也感舒適！多款拉麵任食客選擇，而我就選了餐廳的極濃白雞湯拉麵，朋友就叫了極鮮蟹湯拉麵這款極濃雞湯拉麵，只看賣相已立即吸引了眼球！香味也隨之而來足料的拉麵彈牙有口感，炸得香脆可口的牛蒡絲也令拉麵加分😋😋😋😋極濃雞湯喝起來特美味叉燒的份量也很足，入味的叉燒吃起來特別香！雞肉特嫩滑，與極濃的麵湯相得益彰！超正😋😋😋😋這款極濃蟹湯拉麵也很出色，湯底美味！蟹肉鮮美！同樣有夠份量的叉燒！特別推介給喜歡吃拉麵的食客👍👍👍👍日式煎餃！煎得皮脆的餃子裡面還保留著肉汁！味鮮

最近同朋友喺附近傾野，就揀返附近一間下午茶，發現呢間拉麵店下午時間都有開，成三點都差不多裏面坐無虛席，果然無揀錯。見到佢特色又蟹湯，好吸引！可惜海鮮敏感，食得海鮮嘅人不妨試吓，見到隔離有人叫喺度讚不絕口同店員分享個湯底點樣正法，呢個位就喺度心諗點解自己唔食得蟹呢⋯⋯ （唔好意思放咗負能量）講返正題，我哋主要嗌咗一款招牌湯麵：雞白湯拉麵share，另外都叫咗啲唔同嘅串燒，一路飲下茶傾吓計，店員仲話個茶係冇咖啡因，下午飲都唔怕瞓唔着。雞白湯拉麵係人都知佢好出名，都的確係好香濃，差唔多成碗湯飲晒！上面仲有慢煮雞胸肉同埋一般拉麵都有嘅豚肉，我覺得慢煮雞胸係特別出色，因為個口感係真係幾滑，自己一定整唔到。但我同樣欣賞佢個豚肉因為唔會太鹹，有啲整到好鬼鹹，而佢就比較Basic小小嘅鹹香。拉麵質感都彈牙，所以呢個價錢都合理值得推薦當然唔少得嗌咗好多款式串燒，起碼有幾十款俾你揀，我哋就主要揀咗雞同埋豬，例如雞肝、雞軟骨、免治雞肉及豬頸肉。雞肝好鮮味，另外雞軟骨口感香脆鹹香，免治雞肉配搭醬汁鹹香爽口，豬頸肉就比想像中瘦啲，但係都好爽口。

༺ 金鶴拉麵 ༻☽‎⋆.•*¨¨¨¨¨¨¨¨¨基本資料¨¨¨¨¨¨¨¨¨*•.⋆☽‎➳ 金鶴拉麵 𖠚ᐝ極濃雞白湯拉麵 ($138)𖠚ᐝ 極濃龍蝦湯拉麵($138)⚑ 天后炮台山蜆殼街6-16號寶榮大廈地下E號舖☽‎⋆.•*¨¨¨¨¨¨¨¨¨食後感¨¨¨¨¨¨¨¨¨*•.⋆☽極濃雞白湯拉麵 ($138)一見到湯式有泡泡就知一定好勁🫧睇返原來係雞湯熬製6個鐘，再加入鰹魚魚介湯打到起泡🥰湯底好濃郁，而且飲落好厚身🥳估唔到日本拉麵都係有呢一種味！因為好厚身同味道濃郁，飲得多都有啲膩🤣配料有雞胸片，叉燒，溏心蛋，炸牛蒡，木耳同筍！雞胸片唔會好柴，炸牛蒡好特別，令到拉麵更加有層次感😆麵質啱啱好，都幾掛湯～極濃龍蝦湯拉麵($138)一黎到就已經聞到好香蝦味，湯底有好濃郁既蝦味🦞麵都好掛湯，就咁飲湯都唔會好油膩，好好味🥰叉燒係薄片，都幾嫩，溏心蛋煮得啱啱好～仲有啲木耳，蔥同筍！小店唔係好大，但keep住都有人入嚟食！如果唔想堂食，仲可以叫外賣添🥡

🥘🍲🍜🥟金鶴拉麵呢一間超出名，嗰日專程去試，果然冇令我失望🥰。極濃雞白湯拉麵 lunch set $138一攞上嚟我俾佢個size震撼到！超級大！最新奇嘅喺上面嗰啲好似藝術品咁嘅嘢，原來係炸茄子🍆一啲都唔油膩，反而好爽脆，超級鍾意呢樣嘢！個湯真係好濃郁，啱晒我呢啲重口味！面嘅口感亦都好彈牙，半熟蛋，叉燒都好好食。呢個餐仲包三件炸雞同埋一罐嘢飲，多到食唔晒呀！非常推薦價錢：$138地址：金鶴拉麵 (閩街) (佐敦)佐敦閩街3號地舖金鶴拉麵 (九龍城道) (土瓜灣)土瓜灣九龍城道10-16A號聯業大廈地下B舖金鶴拉麵 (蜆殼街) (天后)天后炮台山蜆殼街6-16號寶榮大廈地下E號舖金鶴拉麵 (荷李活道) (中環)中環荷李活道39號地舖#hkfoodie #foodiehk #foodie #foodinsta #foodinstagram #foodblogger #foodbloggerhk #foodhk #foodinhk #eatinhk #hkig #hkfood #hkfoodblogger #hkfoodinsta #whattoeatinhk #hkeat #eathk #

今天來了天后工作，同事帶路來了金鶴拉麵吃午餐，想不到是充滿驚喜這裡本身有午市套餐，價錢$78，但朋友推介食a la carte，不妨試試他們的皇牌拉麵，於是我們叫了北海道極濃蟹湯拉麵、史上極濃雞白湯拉麵，及每人加多隻醬漬日本糖芯蛋。北海道極濃蟹湯拉麵：這個拉麵一上枱，已令人有豐盛的感覺，蟹肉份量是滿滿的，慢煮叉燒肉味足，肉質嫩滑，麵條煙靭。史上極濃雞白湯拉麵：這個拉麵除了慢煮叉燒外，也有滑滑雞胸肉，而最驚喜的，就是卜卜脆的炸牛蒡、一上檯便先吃就最好味。湯底方面，真叫人一試難忘，濃郁得來不咸，很rich，一問之下，原來是赤雞熬製6小時而成，果然是用心之作醬漬日本溏芯蛋：賣相精美，浸在雞白湯一起吃更yummy

收工來到天后蜆殼街既金鶴拉麵試下，日式小店而係非常有傳統日式味道。極濃雞白湯拉麵（另加糖心蛋）必定要試既一款拉麵！同普通拉麵係咪非常唔同係湯底質地非常之濃厚，雞肉味亦都非常之濃郁，非常有特色！每款拉麵都配上兩份慢煮雞胸同一份慢煮叉燒，呢碗特別仲有炸牛蒡，口感、味道、健康喺同一碗拉麵齊晒。辛味拉麵（另加糖心蛋）碗拉麵一上枱就聞到非常香嘅麻香味，辣到適中，唔會蓋過拉麵同埋慢煮肉嘅味道。芥辣八爪魚設成細粒嘅八爪魚，配上芥末醬，開胃小食一流！日式餃子（4件）外皮會煎到非常香脆，入邊嘅肉餡依然嫩滑，師傅手勢唔錯。麥茶冇咖啡因嘅健康麥茶。

首先想讚下呢間嘢啲湯底完全唔咸唔油，食落似乎比好多拉麵店健康。另外佢有會員制儲積分，會送炸雞同牛舌等等，首次加入有100分，可以換溏心蛋同可樂，如果預咗會經常幫襯，其實都幾抵玩。1. 特濃白雞湯拉麵👍🏻👍🏻👍🏻好濃嘅湯，濃但唔咸，重雞味，濃到有啲似忌廉湯，但一入口嗰下真係狠狠被驚艷，食得出好有心機熬制。同埋好多料，有兩塊雞胸一塊叉燒，都係慢煮。我自己亦好鍾意有大量葱嘅拉麵。2. 黑蒜油拉麵👍🏻冇影到，都有雞胸同叉燒，味導Ok ，亦唔咸，但相比白雞湯就較為失色。

疫情之下成日叫外賣，通常都係叫兩餸飯、碟頭飯，已經好耐冇食過日本嘢。今日經過間餐廳見到佢做緊外賣自取嘅優惠，同埋問咗店員可以分湯外賣，就叫咗幾樣嘢試一試。炸餃子$38佢個餡係平時鍋貼最常見嘅餡，佢都炸得幾乾身，唔會話太硬，我媽咪好鍾意食。炸雞 $38份量有三件，可能我拎到返屋企擺得太耐之後先食，佢有少少淋左，不過入面都係好juicy雞白湯拉麵 $98個雞湯幾鮮甜，最欣賞佢嘅豬，無豬蘇味，雞肉好滑，個面都幾彈牙。蟹湯拉麵$138蟹湯拉麵比雞白湯拉麵勁㗎鮮甜，呢個有啲蟹肉喺入面，都幾抵食。上面個價錢係未包括佢哋而家做緊嘅優惠，最後自取埋單係八折呀！！！ 真係抵食之選

呢排食得飯多，悶悶地！轉下口味食拉麵先🍜經過金鶴見到門面充滿日本風，睇吓個餐牌，被個招牌雞白湯吸引咗，呢個湯以足料6小時熬製，非常吸引！唔駛諗～就叫個［金鶴雞白湯拉麵］外賣。［金鶴雞白湯拉麵］ $98麵底夠粗身有咬口，軟硬適中。湯底的確不得了，味道濃而不膩，飲完都唔口渴。兩塊雞肉又嫩又滑。半隻糖心蛋好味到唔夠喉，下次要加錢多一隻蛋更滿足。紫菜浸到淋晒，如能另上會更加好。