金鶴拉麵 (閩街)

营业中

休息中

金鶴拉麵 (閩街) (佐敦)今日去開佐敦，去食最愛既拉麵🍜仲有外賣自取，好抵食😘😘鯛魚雞白湯拉麵$138刺身級鯛魚用左火炙，油脂平均，好香口，口感一流🤩🤩配埋濃濃的雞白湯👍👍入面有叉燒、流心日本蛋再加埋拉麵，好正⭐️⭐️黑蒜醬油拉麵$98黑蒜香味❤️❤️有叉燒、慢煮雞肉同埋流心日本蛋，好岩而家夏天食😋😋紫菜仲好大塊😗😗唐楊炸雞赤雞三件$38炸雞🍗必食，炸到好脆口，仲好入味😆😆 肉質嫩滑😊😊日式餃子四件$38最愛餃子🥟，$38 有4件，好抵食☺️☺️入面的肉汁保留住，好juicy🥰🥰地址：佐敦閩街3號地舖整體評分：5/5味道：4/5抵食：4/5環境：5/5

喺香港食拉麵嘅地方多不勝數，好味嘅更加為數不少，「金鶴拉麵」都算係其中一間拉麵嘅選擇未算係好多，但每一碗都係用心製作▶️極濃雞白湯拉麵 - 號稱史上極濃雞白湯，超濃厚嘅雞湯，適合追求傳統日式味道嘅朋友。麵條煮得爽口彈牙，加上肥美叉燒、秘制慢煮雞肉同溏心蛋，不妨一試！▶️北海道極濃蟹湯拉麵 - 期間限定，滿滿嘅蟹肉鋪面，湯底望落好creamy，蟹味濃郁。另外仲有大大片豚肉加半隻溏心蛋，食完大滿足！▶️蒲燒活鰻魚串 - 鰻魚肥美又惹味，小食首選另外除了堂食外，店家亦提供了外賣自取！

呢間拉麵店我成日都食，不過之前食都係食開白雞湯拉麵，近排見佢出左新野，緊係要黎試下啦！佢出左北海道極濃蟹湯拉麵同極濃龍蝦湯拉麵，兩樣我都中意食，咁我同朋友岩岩好一人嗌一個，睇下佢係咪真係咁濃！蟹湯拉麵先上，d蟹肉多到我哇左出黎，同餐牌張相一樣咁多，湯底奶白色，緊係第一時間飲返啖湯先啦，真係啖啖都有蟹肉咁濟，差啲食到唔記得左塊叉燒哈哈之後就到龍蝦湯拉麵，佢可以加60蚊有隻龍蝦尾，但因為我地有嗌到炸雞，怕食唔晒所以冇加到，但食完碗麵之後就好後悔冇加到，下次一定要加返！！湯底都冇令我地失望，真係極濃，佢又唔似西式龍蝦湯啲味雖然兩碗都正，不過我就中意食龍蝦湯拉麵多過蟹湯拉麵，到最後我差唔多飲晒成碗湯咁濟！最後就係每次黎都嗌嘅炸雞，都係冇一次令我失望，炸到外脆內嫩，再配埋個沙律醬，真係好正！呢間鋪除左堂食，另外仲可以叫外賣！下次經過可以買一碗返屋企食！

雖然店子小小,但門面裝潢也絕不馬虎,但最重要是食物質素,必試它的撚手拉麵,今次order咗濃雞白湯沾麵,貪它的麵條較粗身經過冰鎮會更順滑彈牙,而且更能吸附更多濃雞湯,真的更惹味。我也喜歡先吃一口不沾湯的粗麵,又有令一番風味。另一款辛味拉麵配上微辣口味的薄切豚肉和嫩滑雞肉,兩款都令人一試難忙,拉麵師父的用心泡製和功架盡現,除了主打拉麵,它的小食也不可錯過,今次試煎餃子和串燒鱔,都絕不欺場,即煎及即燒,好味和味。其實早幾個月前禁堂食時,已光顧過此店的外賣,就是被它的外賣也有如此高質,才開始成為此店的忠實Fans。

Food: 8/10Vibes: very clean and Japanese 1. Chicken white soup tsukemen $138: not as creamy as zagin soba and the chicken taste actually dissipates quickly after the first taste, but ramen was bouncy with lots of other condiments (2xpork slices +2x chicken slices +1 egg)2. Hokkaido supreme creamy crab soup ramen $138: this soup was much better with full crab flavors and actual crab meat

本人是金鶴拉麵的忠粉，一直以來都間唔中光顧，一直都滿意，但想不到這店退步了。今次吃期間限定的蟹肉拉麵，$138, 不平，但一向對此店有信心，只要質素成比例，本人覺得是值得的，誰知樹大有枯枝，中伏了。所謂的蟹肉拉麵只是在白雞湯拉麵上，加上蟹肉絲，換言之湯底是雞湯，不是蟹味/海鮮味，而蟹肉是無味和“鞋口”的，即是罐頭蟹肉絲，我以這價錢吃罐頭！還要像吃擦紙膠碎！另外的黑蒜拉麵，正常味道，但偏油，還尚可接受本人是會員，今次經open rice 訂座，現在因此不可儲這店的積分（向來可以），其實不論open rice 或店內的積分都是小恩小惠，不要也無所謂，但讓人感覺店舖不大方。失望！暫時黃牌，短期內不光顧

一個人準備睇戲前覓食，心血來潮想食拉麵，見到呢間咁高人氣，即刻嚟試試。晏晝4點幾，諗住過咗午飯時間會人少啲，嚟到都要等第二張枱，不過好快有得入座，我打後都有零星人流，可見人氣極高🤭出面熱辣辣，即刻叫咗支西班牙青檸啤試吓，$28啤酒嚟講都算抵飲，重點係——店員比嘅杯係已經雪凍，真係有日本人嗰種細心比到我，啤酒飲到尾都仲係凍，抵讚。本來已經想叫濃湯類，所以決定叫其他拉麵店比較少見嘅雞濃湯拉麵試試。嚟到飲啖湯先～真係嘩出聲，係好似飲老火雞湯嘅味，無味精感覺，好出色。拉麵掛湯，略嫌口感唔夠咬口，不太啱我口味。兩片慢煮雞肉、一片豬。初頭見人食評相片以為好細塊，但原來實物好大片，夠大方。雞肉入口係有切雞味，無雪味，雖然係胸肉但非常嫩滑。面頭炸牛蒡都好特別，增添口感。整體來講，都係特別嘅，值得一試之選，一個人食到好飽啊。😋👍🏻PS. 最後去埋廁所先走，眼前一亮。全日本風，有哂牙線橡筋，智能廁所，好風呂感覺，成個體驗好和風

好耐冇食拉麵喇！聽聞呢間嘅雞白湯拉麵幾出名，就同朋友去試下！當日落雨都差唔多滿座，證明幾受歡迎！佢有拉麵吧台位同埋普通2人位～🍭金鶴雞白湯($98)一嚟見到濃濃嘅白湯已經心心眼😍 配埋炸牛蒡視覺效果好好！湯底好香濃順滑～ 有雞肉同叉燒，雞肉超級嫩滑，包你有驚喜！炸牛蒡就咁食就香脆，浸湯食亦得～ 仲有紫菜同塘心蛋😍🍭極濃龍蝦湯($138)佢仲有2款限定版拉麵！蟹肉賣晒，就叫咗龍蝦～ $198仲可以加配龍蝦尾！龍蝦湯底超濃郁，我個人覺得勁好食😋 配料有叉燒，糖心蛋同紫菜～ 大家不坊試下❤️🍭黑豚肉腸2條($28)除咗拉麵，佢仲有啲串燒類嘅嘢～ 我地就點咗個黑豚肉腸～ 燒得香口唔燶～ 甜甜地幾好食～

第一次食金鶴拉麵，好彩早左去唔使排隊，2個人去食，叫咗王牌金鶴雞白湯拉麵，湯底好香 好濃嘅雞味，食到最尾個湯都唔會好漏 同埋黑蒜湯底，口味重d但我鐘意🤣佢總共有3片肉 兩片係雞胸肉開頭以為雞胸會好韌 點知咬落口都好淋 同埋唔會煮到無晒肉味炸牛蒡又係一個大亮點 炸到好脆浸埋落個湯底度 吸晒啲味好好食！牛舌好多黑椒，野味雞皮好脆不過性價比唔夠高

經過#佐敦 #閩街 呢間#金鶴拉麵 ，見到6點後外賣自取有8折優惠，但朋友話拉麵即場吃才好味，於時進場吃番碗美味拉麵🍜先得。店舖裝修充滿日式風味，主要有拉麵、飯丼同小食…供應。 極濃龍蝦湯拉麵🍜，第一時間飲左啖湯先，龍蝦味濃湯都頗為濃稠，有一大片豚肉，肥瘦厚薄均勻，有紫菜&半熟蛋伴隨，拉麵粗幼度硬度剛好，而且很掛汁，覺得很美味😋。另一碗是黑蒜醬油拉麵🍜，食材好豐富，配料有木耳絲、香蔥同埋旬，豚肉肥瘦厚薄均勻，雞肉不會太鞋，試左佢嘅湯很香，同樣有半隻流心蛋，很不錯啊😌！另外喜歡嘗酒的我見有款西班牙檸檬啤酒🍻，咁特別一於要支試吓，又幾清新爽口啊☺️👍。

忽然想食拉麵所以上網搜尋有什麼拉麵推介，就見到金鶴拉麵，所以去試試一入店舖門口就能見到店舖裝修到好有日式風格，有如去左日本的感覺極濃龍蝦湯拉麵 配一隻龍蝦尾 $198今餐叫了一碗極濃龍蝦湯拉麵 配一隻龍蝦尾，龍蝦湯非常之濃味，拉麵麵質又夠彈牙，加上半熟糖心蛋，味道很不錯。至於龍蝦尾肉質都非常彈牙。值得一試另外都叫左一串鰻魚串，由於我係坐在bar枱，能夠望到師傅一路燒鰻魚的過程，當上到台，立即趁熱食，肉質非常彈牙，味道都很濃燒汁味道

之前講過必定再食～今日再去試試～去下其他分店試味道😃唔知觀眾們有冇去食過呢～小編決定試下其他味道先😎醬油拉麵湯底用上醬油～醬油味唔會好濃～令湯底唔會好咸～拉麵爽口彈牙～配上滑溜雞胸同豬肉片👍色濃味清～唔想食太濃味醬油湯底幾適合😋—————————————————☻非專業食評·純個人口味☻—————————————————📍總結:味道都唔錯～湯底屬清淡口味～同埋佐敦店裝修感覺上比較舒服👍佐敦區有咩好介紹俾小編😉多謝你地先👏👏

龍蝦控出沒注意❗❗平時都幾鐘意食拉麵🍜仲要俾fafafoodie 見到出左龍蝦湯底，終於出開街經過可以試下😜#極濃龍蝦湯拉麵 🍜 ❣️ 配一隻 #龍蝦尾拉麵一黎到見到冇溏心蛋即刻問職員係咪漏左，因為見餐牌有架，跟住補上返半隻溏心蛋🙈好彩好記性🙃 打左泡泡既龍蝦湯濃稠滑身重龍蝦味😍金鶴用開有啲啲粗既拉麵，有咬口👍🏻冇鹼水味，麵既份量都幾多，男仔一定夠飽，女仔應該食唔晒。龍蝦尾開邊，附上鉸剪🤔原來啲肉都幾痴殼😳唔怪之得要俾鉸剪🤣肉唔多，少少彈牙唔梅，炸過有啲乾，不過超級鹹😣落左好多鹽🤔唔知定係龍蝦尾來貨就係咁…因為有朋友仔係北角分店食都係太鹹🙈店家要留意下了… 呢個加埋一過200既拉麵有啲貴🧐咁我會推介想試既朋友仔淨食龍蝦湯拉麵唔加龍蝦尾就HKD138平啲😉個龍蝦湯我飲晒😋😋HKD198間中會有會員優惠就會抵啲😉同埋原來而家經第三方平台e.g. #OpenRice book位係冇得儲分架😩會員要留意喇有冇人食過佢既蟹湯拉麵🦀？值得一試嗎？最後附上雞白湯拉麵圖一張～加一服務費金鶴拉麵佐敦#fafafoodie_佐敦

今天父親節，囡囡揀選了話間拉麵店，我們第一次幫襯，雖然位置不是很就腳，地方不大，但全店已滿，而且拉麵真心好食，反而是串燒上的調味料就比較鹹，但是如果用來送酒，應該是一流的

終於試到金鶴拉麵, 聽聞都有幾間分店, 質素應該都唔錯, 甘岩經過就入去試下, 假日中午一去已經滿座, 不過等左陣都好快就入位.我地叫左2個拉麵: 雞白湯拉麵 ($98)湯底好濃郁, 雞味鮮甜. 雞白湯仲會配咗炸牛蒡, 第一次食炸牛蒡, 脆脆地幾特別.黑蒜醬油湯拉麵 ($98)黑蒜醬油湯好香的黑蒜味, 仲配咗塊大紫菜. 每碗拉麵都有2件好厚的慢煮雞肉同1件大叉燒, 肉量十足同埋肉都好嫩~ 仲有半隻半熟蛋. 拉麵韌度適中, 好掛湯.