金沙角美食小厨

早几日同朋友突然好想食大排档，就喺附近揾咗间大排档试吓我哋四个人叫咗五样𩠌沙拉猪扒好入味，而且肉质好好唔会硬，好开胃！椒盐鲜鱿，鲜鱿好鲜甜，粉同鱿鱼嘅比例啱啱好，唔会食到一口炸粉！啫啫豆苗系一个意外，餐牌系冇嘅，本身系想食啫啫通菜，但咁啱冇晒通菜就转咗豆苗，落完单冇几耐，老细就过嚟话原来豆苗无得整啫啫，但最后厨房话唔紧要照整，先会意外有呢味𩠌！又估唔到几夹几好食！沙姜云英鸡我系觉得最好味，啲鸡好淋好香，鸡味好重，唔会比沙姜味盖过！赞！最失望反而系最贵嘅姜葱焗蟹饭煲，饭应该唔系一齐煲，因为完全冇痴底冇饭焦既，所以个饭完全冇蟹味，但个蟹味道就唔错！四个人除返开，每人百零蚊，抵食又好味…查看更多

地道大牌档风味，熟客满堂，人气爆灯！🍳 凉瓜肉碎菜脯煎蛋角：够镬气，边位香脆，蛋香同菜脯香气完美融合，苦瓜唔会太抢戏，反而增添层次，好啱送饭。🐔 葱油鸡：黄皮滑鸡，鸡味浓郁，皮下脂肪刚刚好，葱油香喷喷，配埋盐香酱油底，非常惹味。🦑 椒盐鲜鱿：鱿鱼炸得干身，外脆内嫩，唔油腻，蒜蓉同椒盐落得适中，唔会过咸。🐟 豉汁蒸鳝：鳝件够厚肉，冇泥味，豉汁咸香开胃，略带微辣，配白饭一流。整体水准稳定，价钱合理，啱晒打冷小酌。正宗地道风味，推荐比钟意大排档风味嘅朋友～…查看更多

金沙角美食小厨是位于香港沙田博康邨熟食中心地舖的一间港式大排档风格餐厅。餐厅环境宽敞，气氛热闹，主打各式港式熟食。菠萝咕噜肉味道酸甜、香脆，非常开胃且多层次。它的外皮酥脆，肉质多汁，并且有明显的菠萝香味以及酸甜酱汁的鲜明味道。姜葱鱼云煲：姜葱的辛香搭配鱼云的鲜甜，使整个煲汤汁鲜味十足，带有浓郁的姜香和葱香，同时有蒜蓉、干葱等配料的香气辅助，更增添层次感。豉油王鹅肠：鹅肠既爽又脆口，不会过肥腻，带有少许嚼劲，质地丰富，用爽口的芽菜垫底，吸收了酱汁，无论味道和口感都提升不少。红烧乳鸽外皮金黄酥脆，色泽诱人，香气扑鼻。内里的鸽肉嫩滑多汁，味道渗透到每一丝肉质，入味十足。芝士焗生中虾伊面：海虾的鲜甜、芝士的浓香以及伊面的柔软相互融合，香滑顺口，层次丰富且带有温润奶香，非常适合喜欢芝士与鲜虾结合的食客享用。…查看更多

几位好朋友约埋出黎食饭，聚旧吹水，梗系要拣一间好味又抵食的大排档啦！**小炒皇**呢道菜用料丰富，有韭菜花、虾干、鱿鱼同腰果。调味啱啱好，唔会太咸，仲有阵阵镬气，令每一啖都惹味得难以抗拒。**黄金鲜鱿**新鲜嘅鲜鱿裹上一层薄薄嘅炸浆，炸得香脆唔油腻。蛋黄味道好出，咸咸香香，再配埋酸酸嘅酱汁，真系一食就停唔到口。**粟米鱼块**金黄酥脆嘅鱼块，一咬即散，里面鱼肉厚实滑溜，鲜嫩多汁。再夹埋甜美嘅粟米，一齐送饭，真系斋讲都流口水！**炸蚝饼**嚟大排档当然要试试炸蚝饼啦。即炸出来嘅蚝饼真系邪恶咁好食，外皮酥脆，而且蚝仔好多。每口都好满足，令你食住食住就停唔到。**海味杂菜煲**呢个杂菜煲料多味美，里面有鱿鱼、虾干同其他海味。汤底鲜甜无比，甚至可以当汤饮，暖住个胃。价钱亲民，食物质素一流，CP值高到爆，真系值得推介俾大家，下次攞嚟做聚会地点一定无死错人！#香港味道 #同学聚会 #香港人味道#大排档 #镬气小炒 #镬气十足 #香港地道美食 #沙田美食 #沙田好去处 #香港美食指南…查看更多

如果你住系沙田围附近，呢间大排档一定唔会陌生，想食镬气小炒，第一时间谂起金沙角美味小厨。时菜肉片汤 里面有白菜仔，肉片，汤底清清的，饮得出没有味精。😋黄金鲜鱿🦑 黄金鲜鱿嘅金黄色外层，带有酥脆口感，与咸蛋黄完美结合，而且，鲜鱿嘅肉质滑嫩，唔会过于韧，又不会咸。蒜香藕片炒花枝片藕片口感脆脆的，超爽口，花枝片又新鲜，冇腥味。当藕片同花枝片融合，味道层次感丰富！😋京都猪扒 🐷猪扒表面焦香，肉质厚实，咬落去好Juicy。另外，猪扒腌制技术一流，猪肉吸收咗酱汁嘅精华，配合上面嘅蜜汁，味道香浓又唔油腻。🫢海味杂菜煲 🦐🦑🥬有各式各样嘅海味，色香味俱全。鱿鱼嘅鲜甜同虾米嘅咬口，脆口嘅青菜同香菇，煲嘅汤底浓郁，海鲜嘅鲜味，蔬菜嘅清甜，饮落去暖心又舒服。扬州炒饭 🤩炒饭嘅颜色金黄，米粒分明，唔油腻，唔会黏埋一齐。厨师掌握得好好，又有镬气，大推。地道嘅大排档少之有少，好食又地道嘅大排档就更少，想食传统风味嘅小炒就唔好错过金沙角美食小厨啦。😌🥳…查看更多