金沙角美食小厨

朋友移民後返港，當然要食大排檔先夠香港風味，去咗沙田圍「金沙角」，野食既有鑊氣，氣氛夠熱鬧，平日都好旺場，最啱一大班人傾偈吹水。《豉汁蒸鱔 》濃郁惹味豉汁蒸大鱔，鱔肉鮮味厚切口感，送飯絕配。《椒鹽鮮魷》酥脆香口，魷魚爽口彈牙，加上椒鹽炸蒜超惹味。《芝士焗琵琶豆腐》第一次食芝士焗琵琶豆腐，芝士味道濃而不膩，配搭豆腐又係幾正，不過內裡豆腐不算滑。《啫啫茄子牛仔骨煲》香噴噴啫啫茄子牛仔骨煲，茄子入哂味，牛仔骨份量多，超抵食。…查看更多

真係返風轉涼喇，秋意天濃更加想麻甩一下嚟博康邨熟食中心有間大排檔，超級有feel首先嚟個琵琶豆腐，坊間要食到好食嘅琵琶豆腐都唔易，仲要係芝士焗製，更加少有呢盤醬汁濃而不膩，豆腐質感好綿原來呢度都有招牌燒味，燒鵝係當中嘅表表者，有得揀上下庄，上庄冇咁肥皮燒得好脆，相當有鵝香，點梅醬食更醒胃同人食通常都唔俾嗌九肚魚，今次終於有同好，可能一齊嗌嚟食，呢碟嚿嚿魚都好大嚿，炸到金黃爽脆，魚香充足呢味襯返支啤酒，絕對好夾返風點可以唔食蠔仔粥呢？怕食唔晒就唔嗌一窩，改嗌一碗點知大碗到好似窩咁，粒粒蠔肉都好肥美大嚿，真係抵到痹食咗咁多蛋白質，都要嗌返碟菜食吓纖維嘅，金銀蛋浸菠菜都好有味道，啖啖菜都有蛋嘅鹹香，唔會淡茂茂…查看更多

金沙角美食小廚，位於沙田沙角邨附近，所以都係係「金沙角」✨大排檔風味，燒味、海鮮、鑊氣小炒都齊，款式多到爆，仲有啲特色小菜用書法字寫左上牆，幾有feel😀先黎個孖寶👼🏻脆皮燒鵝皇，相當夠份量，仲有鵝脾食😋燒鵝肉質好嫩，鵝味好重，多汁好味，真脆皮😮‍💨高質推介，配清蒸海上鮮，蒸大條倉魚，肉厚又夠肥美，都算幾鮮下，性價比相當高既孖寶👍🏻蒜蓉炒豆苗，勁香，鑊氣勁抵讚🤩蒜味夠好好味😎滑蛋炒牛肉，好大碟，蛋炒到充滿焦香，牛肉滑而有口感，好味道🤗芝士焗琵琶豆腐，好巨型，芝士味好濃，港式芝士風味，加豆腐就係正👍🏻整體風味相當唔錯，鑊氣保證🤞🏻燒味海鮮質素都高，掛住香港既大排檔就係時候黎依度！❤️‍🔥…查看更多