金子半之助 (東薈城名店倉)

营业中

休息中

唔係住喺東涌，但偏偏山長水遠去到東涌，事出必有因。數數手指，已有超過一年半沒有離港同小女兒出外旅遊，決定入去迪士尼 staycation。入去前先到最近迪士尼、兼最多食肆選擇的東涌醫肚，揀了「金子半之助」。上一次光顧是利東街分店，小編一貫習慣，同一間餐廳即使是不同分店，除非情況特殊，基本上不會寫下第二篇食評。今次正因為試了同上一次不同的出品，才落筆記下來。東涌店位於商場內，感覺上只是一間普通餐廳，及不上利東街分店的特色 ⋯⋯ 後者更似一間日本街舖天丼小店。為了吸引客人，刻意安排廚房在靠近店舖門口位置，並設置透明大玻璃，客人可看見廚師炮製天丼的過程。東涌分店主力客源是附近居民，週一至週五更肯定缺少區外人生意；所以做蓋印卡優惠推廣，但只限於東涌分店。即使星期日中午午飯時段，也只有幾個客人。刻意挑選吧枱座位，以為好似日本的天丼店一樣，可以見到廚師炮製天丼的整個過程；但開放式廚房的設計較遜色，缺少了日本當地所見的佈局。炸鍋設在開放式廚房後端，並非面向吧枱座位，客人不能近距離欣賞廚師炮製天丼過程；只能見到廚師將炸好的食材鋪陳成一碗天丼的最後程序，有點失望。天婦羅講究食材新鮮、席前即炸。既有豪華版

太耐冇去過日本啦，真係好掛住日本啲美食😩😩今日經過東涌就試吓嚟至日本嘅天丼專門店金子半之助啦🍤 東涌分店唔算大，大概有六、七張枱左右，但環境乾淨明亮，坐得都幾舒服. 我哋叫咗江戶前天丼（$133）同埋 天丼便當（$93)江戶前天丼有一條長過我手板嘅炸穴子（野生星鰻），兩隻鳳尾蝦、半熟玉子、炸海苔片，碗豆，視覺上非常滿足啊😍 穴子好嫩滑，啖啖魚肉，個人覺得佢嘅天婦羅係偏油，但味道都唔錯，個醬汁同飯同半熟蛋撈埋，好快俾我ko晒成碗🤭 （江戶前天丼份量真係幾大，所以如果有兩個人，最好可以好似我哋咁叫一份江戶前天丼，另一個可以叫天丼便當，咁就可以share食，又冇咁飽😙）天丼便當其實份量都唔少，只係隻穴子變咗兩片炸菇，但個炸菇好味喎😃😃我鐘意鋪頭提供嘅黑豆茶，同個飯好襯，消滯一流👍👍 佢嘅腌白蘿蔔都好味，係份量少咗D🥲 食完都叫過到少少日本天丼癮嘅，不過味道始終唔及係日本食嘅正啦，唔知幾時先去到日本啊😭😭😭😭呢間分店東涌居民同機場員工有9折添😆

餐廳已開咗一段時間 本身唔太喜歡食天婦羅 就算平時去日本都唔會特別食天婦羅呢！😂😂早排見細佬食完之後就極力推介 仲要睇埋佢分享嘅相片之後 又覺得真係幾吸引 最後分別唔同時間食咗兩次添！加上餐廳仲俾咗張印仔優惠卡我！食咗兩次儲夠4個印仔！🤘🤘🤘下次仲可以享有一碗半價優惠 其實太鐘意食烏冬呢！所以兩次都係食咗烏冬唔好睇小呢個烏冬 就咁食烏冬加天婦羅囉 其實如果唔係大胃王 份量就係剛剛好嘅 另外最有驚喜係天婦羅仲加咗少少飯添 天婦羅已經加埋醬汁 所以喜歡重口味嘅我 就啱晒啦！ 外脆內juice 完全係非常fresh烏冬仲係爽口彈牙 個湯都係好濃味 😋如果烏冬就一定會配埋呢啲配料 仲有隻半熟雞蛋配埋烏冬 真係好豐富 飯同烏冬嘅分別就係飯嘅話會有多一舊魚 雖然唔知係咩魚 但魚嘅味道好鮮味㗎另外最特別之處 就係有天婦羅雞蛋下次就會試吓冷烏冬😛😛😛仲有餐廳免費提供新鮮嘅黑豆茶添🤘🤘🤘添茶嘅時候仲可以見到一粒粒啲黑豆喺茶入面如果住朋友嘅朋友仔 出示住戶證仲可享有9折優惠 等於免加1

第一次行開東涌，見到門口幾靚，幾有日本feel,就想住應該呢啲餐廳差極都有個譜喇！點知一入餐廳個姐姐見我未坐低，就問食乜，餐牌都未睇就問我食乜，我神仙呀！我知就買六合彩喇！！餐廳內環境都幾靚，但啲服務員呢就真係差喇！其中有一條四眼妹，服務態度差到爆，先上兩只炸蝦，問佢要筷子，佢當聽唔到，炸蝦都錜哂，等到個套餐嘢先比有筷子食，真係好差！！！份量又少，蝦質素唔得，師父炸蝦技術又差，炸到乾曬，未食過如此差的餐廳，最值得去依間餐廳食就係個環境冇其他.，

假期入東涌掃貨，最驚就係要等位食飯。已經兩點先食lunch，但見春水堂仲要排成30 人，立刻放棄。結果搵到呢度，完全唔洗等，直入。(因為佢個位置真係好奇怪，成層樓得佢一間嘢). 之前食過灣仔嗰間，記憶就係"個天婦羅飯好味，但個烏冬好咸，千其唔好叫烏冬". 點知見到佢新出冷烏冬！之前咸得滯就係因為個烏冬索得太多汁，家下自點汁真係啱曬！呢間同上次去灣仔唔同，灣仔嗰間好熱，呢間個冷氣好勁。呢個飯+烏冬雙拼真係無敵。佢個烏冬好正，彈牙好啱夏天食。天婦羅佢最正係舊舊都好食，唔係淨係蝦先好味。個汁連個日本飯食又真係一絕，香得黎唔會死咸。以後黎東涌知道去邊食！

呢間金子半之助據聞係日本係大有名氣既，而佢既分店亦開到過黎香港，而每次晚餐時間經過時都見到有好多人排隊等位，所以都一直想試吓到底味道如何😋咁岩今次得閒就入去試下啦～位於東薈城既呢間分店坐位都好多，但係即使平日夜晚都要排隊等位，大概等左20分鐘先有位坐～而一入到去裝修都充滿日式風格，感覺上都算華麗，而佢既餐牌上選擇唔多，而今次就揀左稻庭烏冬&迷你天丼，感覺上好似豐富啲～迷你天丼&稻庭烏冬（$118），呢個套餐係有飯同冷烏冬既，佢既冷烏冬應該係自家製既，食落都幾煙韌，配合冷麵汁食都幾消暑，但係份天丼就比較失望，因為佢既炸物並唔係炸得香脆果款，甚至係有小小淋，而呢樣係作為以炸物為主打既鋪頭，但係炸物以呢樣既水準就比較失望啦，而佢既用料亦比較普通，以蔬菜為主，而調味方面亦食唔出有太大既特別，只算普通～以呢個價錢嚟講，對比起外面既亦相對唔平，自然對食物既質素有一定既期待，但呢間鋪頭既食物只能說平平，如果價錢方面能夠平啲或者會吸引到下次再嚟～

每次去東京都一定會去日本橋食金子半之助, 佢有一間唔係用天丼既形式, 而係每炸起一件就會上個一件俾你, 等你食到最新鮮嘅天婦羅🤤之後係你面前佢有三個小菜係俾你任食既, 好正, 每次我都食唔停, 尤其是係佢自家製既魷魚....講返香港呢間先, 當我知道佢開既時候係超級開心, 因為唔係成日去到日本, 如果喺香港都可以食到既咁就真係好幸福🤗我叫左個最貴既江戶前天丼豪一豪佢 (其實係因為我有張第2碗半價既coupon), 佢有穴子, 蝦, 魷魚等等...味道唔錯, 粉漿夠薄, 無油溢味, 同埋好大份, 食到一大半已經覺得好飽好溜😅雖然同日本嗰間係冇得比, 但係冇得食嘅時候過嚟止下癮都唔錯😛

之前我已經食過葵芳店真係好多人東涌店就冇咩人吾洗等位但水準都保持到一樣當日叫左一個餐會有 幼既烏冬 同一個迷你天婦羅丼如果你食麵佢就會附上一個調味寶箱你可以因應自己喜好選擇自己既配料我個餐仲會包一隻溫泉蛋不過要自己剝嗀就真係吾方便------------------------------佢既天婦羅丼係香港黎講真係吾錯炸得岩岩好佢已經幫你調左味你吾洗再點任何既天婦羅汁味道又岩岩好個飯係用左珍珠米好軟熟 好中意------------------------------反而個幼版烏冬有少少失望我覺得太幼了冇左口感我覺得日本餐係岩平時正常既烏冬粗幼度------------------------------------------------------------佢既天婦羅係冇問題但份量對男士就會吾夠你睇佢個碗好似好大啦但其實三份之一1個碗係實心所以佢飯既份量吾好天婦羅丼價格都超過$100我覺得飯就吾應該甘慳美中不足係會食吾飽女士就岩岩好所以性價比一般

今天經過東涌去了東薈城新翼，試了一間天婦羅專門店- 半之助，我地叫左兩個set,整體上不錯，加上用OpenRice pay平了50，多謝OpenRice haha. 食物方面，炸物都唔錯，炸粉同肉無分開，咬落去都好脆口，味道唔錯。其實件件天婦羅味道差唔多，無咩俾我好深刻甘記得食過邊款好好好好食既感覺，不過呢個價錢算ok食到這個質素，中午時間都好多人，可能因為機場員工及東涌居民有折扣，所以眼見都有不少人排隊，幸好我十二點三十分到，也不用等好耐就有位，

🇭🇰#東涌🇯🇵第一天丼【#金子半之助 】🍤被譽為日本第一天丼🎎主打日式天婦羅丼飯🍚但餐牌得三款選擇：海鰻🐠、白身魚🐟、菇菌🍄有飯🍚同烏冬🍜今次揀左『天丼』$98入面有菇🍄紫菜🖤小柱魷魚天婦羅餅🦑海老、溫泉蛋🍳豌豆💚配味噌湯🥣同前菜蘿蔔同薑天婦羅炒得好香好脆👍🏻鼓油一啲都吾咸 撈飯即加無咁dry連個溫泉蛋外層都炒左 食到一半吉穿撈飯🤤口感更上一層樓性價比幾高✅⚠️加一服務費⚠️機場員工9折⚠️📍金子半之助 (東薈城) (東涌)東涌達東路20號東薈城名店倉1樓101A號舖#東涌美食

今子半之助係我最愛嘅日式天丼連鎖店。香港有三間分店，今日幫襯東涌東薈城分店。中午十二時入座，人不算很多。其實餐廳午餐可以選擇嘅食物種類唔多，只有三款：分別係天丼，上天丼及江戶前天丼。分別在於材料及價錢的分別。今日我揀咗上天丼屬於中價位。炸物分別有白身魚，海老，小柱魷魚天婦羅餅，溫泉蛋，海苔及夾豌豆；仲附送味噌湯及漬物。食物大約十分鐘上枱，剛炸起，熱辣辣，配上鹹甜適中的豉油非常好味，當中最欣賞的是溫泉蛋，薄薄的炸漿剛剛熟，蛋黃流出另白飯更加好食😋另外喜歡黑豆茶，飲完後喉嚨舒服，食完炸嘢都唔會覺得熱氣👍

上開飯搜尋吓東涌仲有冇邊間可以試，竟然發現左我在湾仔利東見過的這間金子半之助，之前沒有發現係因為佢同其他一眾的食店相隔好遠，座落的地点也不容易找到，差点搣士了！知道這店是從日本開過來的天婦羅丼專賣店，餐牌上好似只有三個選擇，貴，好貴，同超貴…… 孤寒的我只好点選了貴那款，98元再加一，成舊水食個丼真係幾貴㗎！如果係超貴嗰碗就會多條穴鰻，仲X貴！門口有標明這裡是日本米使用，給人感覺貴得嚟冇咁肉痛，坐落揀選好就可以按鐘仔向店員示意可以落單…… 等了大概十分鐘就將丼送到…… 眼見這天婦羅跟平時食開嗰種有頗大分别，色澤比較深，且不是那種金黃麵包康鋪面的，先飲了一口麵豉湯，湯是濃味的，但內裡沒有海鮮味，只是普通那種…… 丼飯上鋪了海老兩本，本菇兩本，一些八瓜魚粒，紫菜及温泉蛋各一本……等。先吃了些飯，香夾軟，不愧是日本米，軟飯通常都好吃点吧…… 😂 八爪鱼粒相當嫩滑彈牙👍，而本菇和海老我覺得只屬一般，不太脆口及有点油，温泉蛋則比較特别，蛋黃仍是流心味美！整體而言…… 試過就算了！ 😅😅

今晚19:30到餐廳食嘢，雖然係晚飯時間，但都唔多人。我地order佐上天丼同天丼，d天婦羅得魚係明顯新鮮炸好，其他完。全。唔。熱！ 同職員講：「d天婦羅唔熱，不過唔係唔熟」 職員話：「我幫妳睇吓」就完全冇follow up ⋯⋯配飯食的醬油汁又少得可憐，好失望，餐廳唔多人點解唔好好服務一檯客。唔會再幫襯，CP值好低！

🥢簡介金子半之助本店位於日本東京，現時事業務已拓展至亞洲各地及美國，以江戶時代傳統口味的天丼風摩全球。店內偏有三款天丼可供選擇，三款亦包括酸姜及醃蘿蔔前菜，並附上黑豆茶解膩。🌟特色- 日本江戶時期天丼👍🏻必試- 天丼：店內三款天丼配料大同小異，同樣包括蝦、海苔、小柱魷魚、莢碗豆及溏心蛋，唯一不同的是江戶前天丼配以穴子、上天丼配以鱚魚、天丼則配以菇菌。是次品嘗了江戶前天丼及上天丼，天婦羅即叫即炸，入口鬆脆，配上秘製醬油，令人回味；穴子天婦羅份量十足，鱚魚天婦羅肉質鮮嫩，兩者亦表現出色，值得一試。💰價錢- 約每人150港幣🎖評分- 4.5/5💫請follow Instagram ar_roan以獲得更多美食資訊

江户前天丼套餐，份量多，包括有江户前天丼、漬物、味噌湯；江户前天丼，6款天婦羅菜式連丼飯，30cm大尾穴子天婦羅，星鰻天婦羅，肉質鮮嫩、厚肉，原汁原味，味道鮮甜；海老肉質爽口，食落鮮味十足；小柱魷魚天婦羅餅內有魷魚、扇貝柱粒，魷魚肉質Q彈，扇貝柱粒口感彈牙；溫泉蛋流心；海苔口感酥脆，食落好香口；莢豌豆味道清甜；珍珠米丼飯配以秘製醬汁食用，味道咸香；漬物包括有柚子醃蘿蔔、醃牛蒡，味道酸中帶甜，食落好開胃；味噌湯味道正宗，內有豆腐、昆布。天丼套餐，包括有天丼、漬物、味噌湯；天丼，6款天婦羅菜式連丼飯，6款天婦羅包括有菇菌、海老、小柱魷魚天婦羅餅、溫泉蛋、海苔、莢豌豆；菇菌食落好Juicy。Suntory Beer The Premium MALT’s，麥芽味道濃厚，飲落好清爽。雀巢檸檬茶，茶香味濃，味道酸甜。黑豆茶，充滿豆香味道，茶味濃厚。