金子半之助 (東薈城名店倉)

营业中

休息中

今日嚟到東涌行街，諗住就嚟聖誕節買d聖誕禮物，估唔到今日咁多人，都好耐冇黎呢度，原來呢度變咗好多，食嘢嘅舖頭比以前更加豐富，更加多選擇，已經唔係以前單單一個大food court ，依家仲要有好多有名出名嘅店舖喺度開食肆，無意之間俾我發現咗呢一間轉食天婦羅飯嘅店舖，我印象中喺灣仔見過，不過我當時冇幫襯，所以就決定今晚喺度開餐，我大約6:00去到餐廳，唔需要等位就可以入去食，我選擇左一個佢話係期間限定嘅丼，叫做車海老赤金鯛天丼，我返嚟到嘅時候我見到開心因為感覺上嗰啲天婦羅擺到好滿，後尾先發現原來個碗有少少乾坤，就係個碗原來唔係你所見嘅份量咁深，佢只有一半內膽，不過整體個份量係足夠食嘅，首先去你度好香好香，但係因為佢擺得太多天婦羅嘅關係你會有少少無從入手，我先食過車海老，即係大蝦，佢嘅天婦係屬於偏向脆，唔算薄，我就覺得一般般，其他餸菜都冇乜特別，反而我覺得最好食嘅係個豉油，佢個豉油應該係屬於整碗飯嘅精髓，令到無論個餸或者飯都好好食，不過如果你諗住去食一間好食嘅天婦羅，就會有啲失望，但又諗深一層百零蚊食到一大碗天婦羅飯，又好似幾抵食，我呢碗飯$158再加一，都成差唔多接近$180，所以又好似

.過江龍天丼🍤🍚餐牌選擇不多，天婦羅炸得酥脆即叫即炸😋，份量多！天婦羅份量比飯多，海苔口感酥脆😆最愛佢自家製的醬汁，份量剛剛好唔會太咸😍屋企樓下有間成日都心思思走去食我覺得食完唔會有好肥利嘅感覺😯，因為飯唔會過量地多，但相反天婦羅分量唔小😍😍☺️食完好滿足😍🥰………味道：🍤🍤🍤🍤🍤/5飽肚感：🍤🍤🍤🍤🍤/5選擇種類：🍤🍤/5性價比：🍤🍤🍤🍤/5……….

☕️ 食物：👍🏻👍🏻👍🏻 👍🏻 /5💰CP值：👍🏻👍🏻👍🏻  /5🤵🏻 服務：👍🏻👍🏻👍🏻/5🛋 環境： 👍🏻👍🏻👍🏻 /5今次係同同事食午餐黎左半之助食，未試之前，同事已經係咁推薦呢間出色既天婦羅 天丼主角炸蝦及魷魚，香脆而不太過油膩，而炸菇菌亦非常香甜，香口，仍然保留菇菌既新鮮及Juicy。配上篤穿既流心蛋，呢個午餐令人非常滿足 ！ 最後就要再讚一下佢個黑豆茶﹐解左炸物既油膩，細心配搭，不能忘記 

今日放假去左大澳玩，經過東涌發現多左好多野食，揀左呢間比較少見來自日本的金子半之助。食物選擇唔多，不過樣樣都好好食咁。江戶前天丼 $138穴子、海老、小柱魷魚天婦羅餅、海苔、莢豌豆炸玉子呢個set勁豐富，天婦羅都有幾種。- 招牌穴子即係星鰻，比平時的鰻魚厚肉同嫩滑，長30cm，仲長過個碗。- 炸海老食落好新鮮，蝦肉偏實，仲有2條咁多。- 炸魷魚餅，呢個係我最愛，魷魚係一粒粒，好有咬口得黎又爽滑，一d都唔似炸過，非常好味😋- 炸玉子都超正，隻蛋炸過仲好流心，一戳蛋黃就流晒出嚟，撈飯一流。- 味噌湯：鹹咗少少- 漬物：甜薑同醃蘿蔔，如果食完可以再添。天丼 $98菇菌、海老、小柱魷魚天婦羅餅、海苔、莢豌豆，味噌湯 同漬物呢個丼唯一同江戶前唔用的係穴子換左炸菇，其他食材都一樣。炸菇都好好食，炸得黎唔油，而且隻菇仲吸收左醬油味，好入味。另外講下呢度有黑豆茶飲係幾好味😋。

只在台灣食過，喺香港開分店後而家先試。叫咗江戶前天丼（$138），有穴子、蝦、魷魚同溫泉蛋。感覺上喺台灣食好食啲，呢間嘅餸ok，炸得唔錯，蝦略細隻，但主要嫌啲醬油唔夠，做唔到每一粒飯上面都撈到醬汁，令人感到有點可惜。#hkrestaurant #hkfoodie #hkfoodblogger #hkfoodlover #hkfoodblog #foodie #foodiehk #香港美食 #美食 #foodphotography #foodstagram #foodreview #鐵食評 #金子半之助 #天丼 #東涌美食 #tendon #Citygate #東薈城名店倉 #japanesecuisine #日本料理　#天ぷら #天婦羅

平日午餐時間，等位時間大約10至15分鐘。小麥 黑豆茶，好夾，好飲。即叫即做關係，落單之後大約要等15分鐘，等待期間，望住其他人進食的確難耐。期間限定， 軟殼蟹天丼， 已進入秋季， 別無他選， 一定係試呢個期間限定嘅天丼， 炸物嘅熱度，脆度都非常正， 不過我隻炸蛋係爆咗，好傷心， 除咗軟殼蟹，其他炸物都吸收了太多 醬汁， 口感欠缺少少脆口。餐廳座位舒適，坐bar table都無問題， 只可惜冇位置放袋。 有加一服務，侍應服務正常。

閒日冇嘢做，同老公去咗東涌東薈城行街睇戲。其實食咗好幾次，不過今次係第一次同佢寫食評。講真我本身好怕食油炸嘅嘢，所以如果令到我肯食同覺得佢好好食的話，佢一定唔錯😋（自己覺得）如果平時食飯時間去到一定要排隊，我哋因為睇戲所以12:00便到。雖然唔使排隊但店內都坐滿人。店舖不大，地方算是整潔。點叫食物都很快送到。我們同樣點「上天丼套餐」，天婦羅飯有白身魚、蝦x2、墨魚粒幾粒、野菜、海苔⋯⋯（唔知有冇漏，大約有以上），另外一碗麵豉湯和一碟醃漬物，份量好足⋯⋯飯內加入些少醬汁，令成件事嘅節奏變快咗🤣因為太好味😋所以食得快咗😄講返天婦羅炸物每件都好鬆化，而且唔覺得油膩，呢個就係重點😋每次食完走，都會諗住下次幾時再食😜

係東涌既金子半之助被譽為日本第一天丼🇯🇵主要係食天婦羅丼飯🍤🍚天婦羅丼飯主要有3款，天丼、上天丼，仲有江戶前天丼🤩今次朋友揀左上天丼～🔸上天丼 ($118)材料豐富 有白身魚、海老、小柱魷魚天婦羅餅、溫泉蛋、海苔同埋莢碗豆☺️跟餐仲配埋味噌湯同漬物～🍤佢炸到金黃色 好吸睛～食落口感都好好唔會成口粉既感覺👍🏻而且佢唔需要點醬汁都好夠味 撈埋溫泉蛋一齊食🥚🍚 好惹味😋😋不過個人覺得隻蛋可以唔洗煎一煎🤣🔸熱稻庭烏冬 ($78)睇餐牌普通一個熱湯烏冬都有好多配料 見唔係好肚餓就叫左個熱湯烏冬🍲一上枱真係得個烏冬 呆一呆 餐牌上面既配料呢😳😣原來佢係分開上 店員好快就拎左個木盒泥😂入面有蔥花 海澡 鰹魚花 天婦羅碎 同一隻溫泉蛋☺️好貼心 驚客人唔食 就分開上等客人自己揀😊👍🏻

🙋🏻‍♂️餓底探員今日去咗東涌調查呢間天丼🍤🍚江戶前天丼便當 $138📸表示個飯俾金黃色嘅天婦羅鋪到成座山咁滿，有穴子，海老，小柱魷魚天婦羅餅，温泉蛋，海苔，莢豌荳，睇見都流晒口水🙋🏻‍♂️表示天婦羅炸槳唔厚，炸得好酥脆，個鰻魚天婦羅係用星鰻做，食落雖然無日本鰻咁厚肉同入口即溶嘅軟綿感覺，但都唔差嘅，炸蝦天婦羅肉質有啲乾，溫泉蛋天婦羅未做到流心效果，紫菜天婦羅食落厚身有口感，天婦羅餅嘅小柱同魷魚食落好有鮮味，口感煙韌彈牙，整體都可以嘅，但唔會走到東涌咁遠食，不過佢喺灣仔同葵芳都有分店，經開可以去食吓嘅📈吃貨指數😋好味度 6.5/10🔙返啅度 6.5/10

每款其實味道都差唔多，都係咁油。佢一上碟果陣我心諗唔喺呀嗎，因為係肉眼可見嘅啲油多到可以滴出來，一食落去直情全部都係油味，咩肉已經食唔出味噌湯都係沖劑所以就中規中矩。最好食就係個黑豆茶，不過如果要堅持要食曬成個飯就起碼要飲10杯茶到去解滯。服務就唔多掂，唔係樓面問題，落單埋單無乜嘢。但係廚房後場因為懶係半開放式，所以同啲食客位好緊同埋無一場之格。問題係個廚房連續20分鐘都傳黎刀煲盎撐碰撞既碗碟聲，我個臺唔係最近廚房但係都就黎失聰咁滯，同朋友講嘢都要好大聲先聽到。食道依度先唸：唔怪使得平日dinner無咩人，即刻walk in都得，因為真係唔計啲嘢難食，比錢買個位坐都唔值！

要係東涌搵美食好似無咩選擇，睇到有人推介呢間天丼，就去咗一試，估唔到唔錯喎，大家去開東涌可以食(☝ ՞ਊ ՞)☝◔◕ 迷你天丼 & 稻庭烏冬 (溫)◔◕ 迷你天丼 & 稻庭烏冬 (冷)呢一個套餐可以試佢嘅天丼同埋稻庭烏冬，好抵食𓀠天丼係佢地既主打menu，食材新鮮，炸粉夠薄身，但不算十分脆口醬油嘅鹹甜到適中，唔會太咸抵讚(๑❛ꆚ❛๑)有趣既係稻庭烏冬（溫）會先送上一個大木盒，入面有海帶，蔥，木魚，一隻溫泉蛋，。俾你加入熱湯烏冬中稻庭烏冬 (冷)就無溫泉蛋，泠湯醬汁可以根據自己嘅個人喜好加入Wasabi整體來講，稻庭烏冬質感不錯喔

每次去東薈城，金子半之助餐廳一定係我一家人其中一間去嘅餐廳👍🏻今次一家三口都食「天丼」，原因係大家都好想食天婦羅蝦🍤魷魚🦑和草菇😋所有食物即叫即炸，烏冬又係，新鮮熱辣，好脆、好新鮮，勁好食👍🏻飯後飲杯黑豆茶，好解膩，好香，好飲，我次次都飲起碼3杯😋

今日去左大嶼山玩，出發前就約左大班人係度食飯醫肚先。坐底左店員都幾nice既，提我地佢地做緊推廣，要做份問卷同like fb page就可以平２０蚊。咁計落都幾開心，冇啦啦又平左少少，積少成多嘛。同行人都叫左迷你天丼 & 稻庭烏冬，不過有人就叫冷有人就叫暖。暖既會有一大個盒比晒配料你自行加，個盒好大，上台個陣都嚇左下。好似化妝盒咁大。入面有隻蛋，木耳等。冷就冇呢個服務喇，一開始已經落晒去，冇等咁樣比你玩個盒。味道上個人覺得都唔錯，我幾中意個冷烏冬，配汁好fresh。不過朋友話有食過更好食既烏冬，期待佢推介。

最近一直都好鍾意冷蕎麥麵～ 知道東涌一直都有一間天婦羅～ 食日本野 提意男朋友不如去試吓～雖然價錢比起日本貴起碼2-3倍😒但真系好想食～ 就決定試下 坐底之後等左差不多半個鐘先有野食 都痴線既！系好味 😋但吾應該將啲天婦羅整咁耐！

係東涌行完街 就去搵嘢食 見到間日本好出名嘅天婦羅入面都幾多人就入去試下啦～🧐坐低就嗌咗兩個天婦羅 「上天丼」同「天丼」等咗一陣就食得見到個碗好大碗 點知原來得好少飯🤭天婦羅嘅顏色偏深色 食落有啲油味增湯就普通 黑豆茶就唔錯可以解油膩基本上兩碗啲嘢食一樣除咗「上天丼」$118 有白身魚「天丼」$98 有菇菌其他都一樣 每款天婦羅食落都差唔多咬落都有啲油漬物無食到 望落去有啲乾$一百蚊一碗呢個質素 應該冇下次