金子半之助 (東薈城名店倉)

東涌outlet行街行到攰，強推「金子半之助」！呢間天婦羅專門店真係名副其實嘅老字號首先要澄清大家對天丼嘅誤解呢度嘅天婦羅唔係追求脆口反而係靠「古早秘傳醬汁」收汁外層薄衣吸滿濃郁醬香，軟糯入味完全唔會乾柴！醬汁帶住淡淡甜香同鮮味係老師傅傳承落嚟嘅配方配飯食真係一口接一口停唔到！仲有個亮點係日本特製高級胡麻油！用呢種油炸出嚟嘅天婦羅，色澤會較深而且一上枱就聞到陣陣胡麻香，芳香撲鼻比普通天婦羅多咗一層醇厚香味，口感更有層次！重點推介幾款必點菜式• 海老天押壽司：新鮮大隻嘅海老，外層裹住薄脆天婦羅衣配埋醋飯同蛋黃醬，鮮甜彈牙• 半之助沙律：沙律菜新鮮爽脆，淋上特調胡麻醬，酸甜開胃，正好平衡天婦羅嘅油潤感，食完唔會覺得膩。• 半生熟烤牛肉&天婦羅御膳：御膳份量超足！半生熟烤牛肉嫩到出血水，肉香濃郁；裡面嘅迷你海老天婦羅，外層帶住胡麻油香，內裡海老鮮甜• 帆立貝魷魚天婦羅餅：呢個真係創意滿分！帆立貝大粒彈牙，魷魚爽脆裹住薄衣炸至金黃，外層吸咗古早醬汁，鹹香帶甜，一口有貝有魷魚，滋味超豐富！呢間店嘅天婦羅做法獨特，古早醬汁同高級胡麻油簡直係靈魂，每款菜式都好有特色！東涌outlet行街嘅朋友，千祈唔好錯過呢間高質專門店，打卡絕對冇甩拖！…查看更多

天氣漸漸轉涼，同友人去東薈城名店倉入下貨，Shopping之前，去醫個肚先，就揀左間食天丼嘅日本菜試下😋我地叫左個天丼加牛肉配海老天婦羅鮭魚子壽司，店員特別介紹佢地嘅丼碗係運用左源自江戶時代嘅陶瓷工藝，佐賀用田燒黎製作，碗底部份特意做成空心設計，為左更能保持碗中食物嘅溫度，由外觀賣相到實用性，都係江戶前嘅味道。有時就係贏在呢啲細節位，真係大開眼界😲壽司方面大大件，牛味好濃，加埋甜甜嘅鮭魚子，好夾😋再叫左個鮭魚子肉子燒+稻庭烏冬，肉子燒超厚肉身，肥美軟滑；加埋滑嘟嘟口感好好嘅稻庭烏冬，正👍🏻…查看更多

去東涌行街，順便喺嗰度搵嘢食，見到呢間日本餐廳，裝修好靚，入去試吓😋叫咗兩個set🍱江戶前天婦羅定食【$138】有一條超大條魚：天婦羅穴子天婦羅炸蝦，魷魚天婦羅餅，呢個好少見，好好食😋麵豉湯🍱二天丼·麵【$118】迷你軟殼蟹丼飯 +＄20軟殼蟹天婦羅好好食稻庭烏冬麵質口感好滑，幼幼嘅烏冬鮮果飲品放題【$13】呢個覺得好抵，三種味道任飲🍹芒果綠茶🍹巨峰提子烏龍茶🍹菠蘿特飲@foodie_forfood@hannosuke.hk#foodie_forfood#hkfoodie#東涌美食#東涌#天婦羅#東涌推介…查看更多

出東涌行街，行行下到午餐时间，就找野食，被这间日式餐廳的开放廚房吸引左。間店都好多人，冇停过入客。環境都舒適，好有日式感覺。我們叫左以下的野食迷你丼＆稻庭烏冬set个烏冬好滑，迷你丼我地選左軟殼蟹丼。好滿。炸物仲多过饭。但不只有軟殼蟹，仲有南瓜，菇同莢豌豆江户前天丼主力推介！！！好滿。條穴子好长好有特色，有墨鱼天婦羅13元任飲巨峰提子烏龍茶好重巨峰提子味，相反茶味不是好重，有小小甜波羅特飲好重菠蘿味，不太甜芒果綠茶…查看更多

今日去東涌去食嘢見下面有個廣告牌有得食炸蝦唸住去食 間餐廳都搵咗好耐先搵到入到去得返個風口位 想調入去坐我問嗰女店員再入仲有冇位座 （轉角位都有位）佢話入面未執枱 我話你執好我調入去座女店員話我冇時間執枱 叫我照坐嗰風口位見咁嘅態度 我立即走人唔幫襯呢間嘢今時今日嘅服務態度真係差到一個點唔會推薦任何人食呢間餐廳…查看更多

呢間主打天婦羅嘅店舖相信大家都唔會陌生啦，我都係因為呢一間舖頭先知咩叫做天丼，今日突然好掛住佢哋嘅烏冬就又過嚟搵食啦😍點知嚟到先知原來佢哋都出咗唔少嘅新品，咁我梗係要試吓啦。🐒半之助沙律💰$48🐒海老天押壽司💰$88🐒煮穴子迷你丼＆稻庭烏冬(溫)💰$118。佢哋而家除咗有唔同嘅天丼之外，原來仲有沙律同埋壽司，而丼飯都唔單止只係得天婦羅，好似我今日食呢一個就係穴子迷你丼，咁樣多咗唔同嘅選擇就可以迎合唔同人嘅口味啦，就好似沙律咁樣都幾特別，因為加咗啲天婦羅碎，增加左成個沙律嘅口感🥗。而最開心嘅係佢哋除咗有丼飯之外仲會搭配埋烏冬，變相一個價錢就可以食到丼飯之外，又可以食到烏冬🤣而溫烏冬嘅配料仲有個盒裝住，等大家可以自己揀想加既配料，配合自己嘅口味👅…查看更多

入東涌Outlet行街, 發現原來有間食天婦羅既金子半之助，平時係市區都要等位，難得今次可以直入，即刻去試試。餐廳裝修以木系為主，牆上仲畫左大大棵櫻花樹，猶如置身日本。一入左就比左兩杯黑豆茶~味道濃郁叫左個必食既江戶前天丼，份量十足! 入面既招牌穴子天婦羅長達30cm, 大大大大件好吸引，超厚肉身，肥美軟滑。兩隻海老彈牙爽口，小柱魷魚天婦羅餅入口煙韌，炸前輕輕係面𠝹左格仔花, 可以逐格食，好方便。流心蛋炸得啱啱好、香濃蛋汁同埋海苔及、莢豌豆一齊食，味道豐富。朋友叫左個迷你魷魚&海老天丼, 由於金子半之助採用日本特製高級胡麻油，胡麻油製成的天婦羅芳香撲鼻及色澤會較深，所以整體炸得均勻，唔會好油膩，內裏仲保留咗食物鮮味，值得一讚。仲配多個冷稻庭烏冬，扁身既稻庭烏冬，沾上淡淡昆布凍湯先食，入口特別清爽。另外仲叫碟日式炸雞，果然係天婦羅專門店，雞肉外皮香脆，內裡鮮嫩充滿肉汁，一D都唔會太乾身，有驚喜!仲有個飲品放題，可惜食得太飽，下次有機會再試。…查看更多

平日下午嚟食Lunch，第一次嚟食，叫咗我最鍾意食嘅蕎麥麵+天婦羅丼，蕎麥麵好大碟，同埋原來天婦羅下面仲有飯，超豐富～天婦羅炸得夠脆，蕎麥麵略嫌唔夠俾得多Wasabi。天婦羅味道同天丼比，個人鍾意天丼多啲，而呢間成個set就豐富啲。朋友配左烏冬，可以任加配料，都幾吸引。Lunch set係幾抵食，又有面又有飯，下次會再嚟試第二個餐…查看更多

店員惡到不行，自己漏單，害客人等了45分鐘，叫佢幫我check 下張單，淨係叫我地等，做錯野，還不承認錯誤，食物方面一般，最重要是樓面員工實左太差，太冇禮貌，建議樓面員工必須進行一系列培訓，方可接待客人，已去信日本總公司投訴。…查看更多

擁有數間分店的金子半之助，之前已經很想試，但每次都見到長長的人龍，放棄了排隊....今天是平日的中午，終於去吃了江戶前天丼滿滿的一碗! 包括了穴子、海老、魷魚、蛋及少許蔬菜，招牌穴子天婦羅長達30cm，超厚肉身，肥美軟滑海老也是很大隻，肉質鮮甜爽脆，相反魷魚是軟糯口感，整體層次感很豐富。傳統做法的天丼會把新鮮炸起的食材放上飯面，然後再均勻淋上天丼醬汁，目的是要每件天婦羅都能沾上醬汁。所以天丼的天婦羅並不像一般天婦羅脆口，而追求的是每件天婦羅都能適量沾有醬汁。而金子半之助使用古早秘傳醬汁，更能重現江戶時代風味。加上流心蛋，送飯一流，果然是白飯小偷迷你丼(魷魚+海老天丼)&稻庭烏冬我一度懷疑自己看錯了餐牌，一個價錢有一個迷你丼再加稻庭烏冬😮烏冬的份量很多，醬汁調較得剛好，不會過鹹; 加上wasabi 後醬汁更昇華。迷你丼的主角是魷魚及海老，海老不像江戶前天丼般原隻上，但也是非常新鮮彈牙;而且配角還有菇菌、海苔等等，全部也是以天婦羅的做法上炸漿再炸，能保持菇菌的甜味及水份。…查看更多

📍金子半之助 📍東涌達東路20號東薈城名店倉1樓101A號舖 🍤 迷你天丼＋冷稻庭烏冬 $118這次點了迷你天丼搭配冷稻庭烏冬，份量剛剛好，適合想試多款口味又不想太飽的人。 迷你天丼的天婦羅種類豐富，包括本菇、枝豆、溫泉蛋、南瓜和蝦，每件都裹上薄薄的炸漿，酥脆不油膩。醬汁滲透米飯，味道濃郁，溫泉蛋拌飯更添滑順口感。加了$30 換咗做車海路，好值得！超抵條炸蝦，食得好滿足！冷稻庭烏冬的麵條爽口彈牙，搭配清爽的鰹魚湯底，特別適合炎熱天氣。如果喜歡清爽又有嚼勁的烏冬，冷食版本是個不錯的選擇！🍣 辣味鮭魚他他拌蛋黃 $48鮭魚他他帶點微辣，味道濃郁，配上蛋黃更添滑順口感。還附上四片炸海苔，可以用來包著鮭魚他他一起吃，增添香脆口感。 辣味的部分恰到好處，但生洋蔥的辛辣感比較強烈，吃到後面有點刺激味蕾。最後我乾脆把它拌進白飯裡，意外變成一碗超豐富的鮭魚他他蓋飯～…查看更多

中伏，5點幾6點入座落單，但半個鐘都上唔到菜，仲要有其他人遲尼先上岸（相近菜式）。催單時個店員敷衍應對，仲話佢“比人（我）鬧爆”。毫無服務可言仲要收加一。啲軟殼蟹收咁貴但係腥，其他炸物亦唔脆，但不算難食。唔知其他分店點樣，但呢間千其唔好去，浪費時間金錢，一天心情都被毀了。特登開個open rice ac尼評價呢間野。男友以前食過認為可推介才帶我去，但結果變成咁。見到本月亦有類似comment，即不是個別事件，希望各位避雷！！…查看更多

行完山順便去醫肚 點知半個鐘先送餐 都算 啲天婦羅又凍又淋 勁難食 漢堡扒不過不失 不過都係凍 純粹因為肉味都有 所以凍左都未到話難食 天婦羅凍左 勁大陣油膱味 總結 千祈唔好試 一定伏 過隔離食麥當勞比較好 …查看更多

欺騙客戶！！！外賣是店員說好天婦羅是拼盤（盛盒），有蔬菜有蝦，還把圖片給我看，我也再次確認是有蔬菜有蝦，他說是。拿回家後一看什麼蔬菜都沒有，簡直是欺騙客人。 打電話去詢問，只說店員說錯了，就是這樣。客戶不是缺這個錢，只是被人欺騙的感覺很不好。就算是店員人為錯誤，店方也知道是店員弄錯了，就應該提供一個合理的解決方法⋯⋯什麼不做，這個無視客戶的態度真的很糟糕！現在經濟不好，大家生意都不好做，現在還有這樣的服務態度，真是害了香港的飲食業。…查看更多

今日去個friend東涌新屋House Warming，完咗之後就順便喺東涌啲商場食埋先走。呢邊嘅商場選擇都幾多，但竟然見到呢間天婦羅過江龍，記得喺日本食過都好食，就決定試吓睇係咪同日本一樣質素。-叫咗個江戶前天丼，有鰻魚、海老、魷魚天婦羅餅同溫泉蛋。上枱嘅時候賣相就麻麻地，覺得炸到有啲過火，顏色太深色。不過食落又OK，熟度啱啱好，唔會煮到硬晒。前菜配嘅牛蒡都好爽口。-整體嚟講都唔錯，如果炸皮顏色金黃啲就完美啦…查看更多