那個ㄋㄚˋ ㄍㄜ (東寶大廈)

营业中

休息中

短時間內再次幫襯呢間野，比上次多左客人，即係需求增加，但餐廳既供應符合到客人嘅要求嗎？首先，我哋一行五人落咗單之後，等咗15分鐘先至有嘢食，唔淨止我哋枱其他枱都係。眼見收銀機嗰個位企滿晒人，就知道呢間舖頭仍然只收現金。都已經試業完畢，理應該要解決呢樣嘢，無論出菜定係收銀都起碼要快手。講返食物質素，玖香啤酒豬軟骨便當 3/5無乜酒味，豬軟骨食到有啲鞋肉，唔係完全蚊到好淋，配料係好食，粉絲，泡菜，都係上次個水準。香酥魚菲力便當 4/5又係好大份，炸魚好大舊，炸得夠香脆，炸魚都夠味道，唔會太厚粉，落紫菜粉，辣粉定鹽酥粉都令到味道提升。地點:方便，附近好多野食。環境:今次安排了坐角落頭卡位，坐得舒服，一眼望曬成個餐廳，卡位位置疏落啲，同隔離枱無咁迫。價錢:一個便當加野飲，90蚊一個人，算偏貴。服務:慢，要等太耐真係唔得掂。

之前試過堂食，等候時間是正常的，但是如果外賣自取，要預起碼等半個鐘，而佢亦都唔俾你喺舖頭入邊等，要喺舖頭外邊等，但係整起咗又唔會話你知有得拎，即係你要成日望住入邊，睇有冇外賣做起左，再問佢嗰份係咪你嘅。我睇住我落外賣嘅時候，有一份整起咗嘅外賣，有個男仔等緊，佢應該就係無係咁望住，所以佢仲遲過我拎，因為冇人通知佢叫拎，佢一直喺門口等，完

之前佢試業期已食過一次今日再去，咁岩正式開張日，門口擺晒花籃-上次食左啤酒豬軟骨便當，幾好食不過豬軟骨偏甜，配菜偏咸同油所以未食晒就濟左-今次叫左滷排骨便當應該係香酥排骨再淋汁超大塊，但切唔斷，食得有少少麻煩唔知係咪試業之後有調整口味我覺得再好食左，就係無咁重口味無咁油有進步👍🏻👍🏻👍🏻$68包普通茶飲，性價比ok個便當有三種配菜，都幾有誠意佢哋既配菜係每星期轉，有5至6款然後應該隨機俾三款你唔知有無得專登要求要邊隻-整體來講，唔錯，普通lunch咁，唔好當咩fancy打卡野，值回票價

午餐.要遠征 唯一嘅好處係可以試吓新嘢食😂12點幾嚟到 門口排咗一堆人等堂食諗住入去買外賣 被店員截住 講咗一堆嘢重覆咗幾次 先知原來佢問我落咗單未 聽死人原來仲係要喺門口掃QR code落單但俾錢就要喺店內俾 而且只收現金外賣仲要加$1@但落單時唔覺有寫 俾錢時先知12:25落單 等到12:55先有得拎 都真係幾慢餐廳入面地下好跣 差啲pk...另外 餐廳嘅安排都幾混亂有幾個人原本已經排到 但未齊人 所以企另一邊等到齊人又有枱喇 店員竟然俾另一邊排後面嘅人入先客人同店員講 店員竟然叫佢哋再等下一張😂點知到下一張時又俾錯咗其他人入座🙃安排真係一片混亂🤬.- 那個滷排骨便當 + 無糖炭焙烏龍茶 $68+$1排骨佔咗盒面9成面積 好巨型而且黑忟忟 睇到都覺得濃味但食落又唔算好大塊 因為都幾厚皮 同有骨以為排骨下面全部都係飯 但原來下面分咗幾格 得一半係飯 飯面有一粒菇 另外有粉絲 粟米 菇菜 全部都係濃味嘢 要伴飯仲有幾片唔好食嘅酸菜杯茶幾濃味 但真係一啲甜都無 未必人人接受到

今日食晏，呢間平時Lunch時間都多人排隊，但2點後唔使排隊於是入去試下，叫咗一個set,台式嘢餐廳，但日本價格，叫咗個香酥排骨便當，白桃茶，小食三星䓤餡餅，價值$100，首先份量係ok的，塊排骨看似好大塊但個排骨好多都係肥肉，味道比較鹹，味道一般，白桃茶叫半甜但都係甜，個小食三星餅唔好食，成間台式嘢比較貴，但食物質素係一般，而鰂魚涌地區都有幾間台式嘢，所以呢間唔值呢個價錢，以為成$100都有小小期待，但最終都係失望了。

係大角咀享負盛名嘅那個終於有新店，但係居然開係港島，對於我呢個荃灣人嚟講可以話係負提升了@@。不過難得開咗新店都搵日抽時間去試下北角店。今次北角店多咗幾款麵食，我本身都ok鍾意食麵，但係又唔想試牛肉麵呢啲咁行嘅嘢，於是就叫咗個嘉義雞肉拌面。因為之前有食開舊店，所以對食物質素都有啲期待，但係試完之後依然係超出我預期啊！我有問過舖頭啲人，佢哋用嘅麵好似有特登同麵廠訂做，麵條口感比較彈牙，係出面好難搵到嘅款式。而且仲有其他唔同款嘅麵，但係因為我得一個胃只可以試到最普通嗰款，但係都已經好驚艷！（聽其他有食過北角店麵餐嘅人話蕎麥麵都好唔錯）。跟住到我最鍾意嘅拌面汁。個汁滿滿蔥香，味道鹹香得嚟有層次，唔會死鹹。撈埋啲麵度一起食真係非常之開胃，強烈要求好似調味粉咁樣畀顧客可以買返屋企撈麵食！雞肉算滑冇雪藏味，簡單嘅調味反而襯托出醬料嘅精彩之處。新店裝修比起舊店舒服咗唔少，同時又有姐妹店那杯係一齊，用餐體驗真係提升咗唔少。希望下次可以開係荃灣啦，咁我就可以成日幫襯啦！

做完Yoga, 見到新開的台食，一試已鍾意！試左豬軟骨湯麵，三條大豬軟骨，好入味，好地道，不錯。$76一碗，可能貴少少，但值得推薦！除此之外，叫多個鷄翼，則一般； 波霸奶茶，就大路味道，不太特別。

開到嚟啦，那個開到嚟北角啦！講緊嘅就係大角咀嘅超人氣台式餐廳—— 那個ㄋㄚˋ ㄍㄜ。最近喺北角英皇道開咗分店呀，住港島嘅朋友唔使過海都食得到啦！😍.那個滷排骨便當 $68嚟到那個ㄋㄚˋ ㄍㄜ，一定要試依個大過成個碗嘅滷排骨便當🍱啦！滷排骨做法繁複，首先要用醃料醃製，然後拎起炸，炸完再用滷汁煨至入味。浸過滷汁嘅排骨入味之餘，炸漿皮仲留有少少香脆，而入面仲有肉汁流出🤤，好好味。.除咗排骨，依度每個便當都有幾款配菜，是日配菜就有蔥酥高麗菜、家常炒粉絲同紅燒茄子，營養均衡。特別想讚下個炒粉絲，好入味，就咁當做小菜賣都okay呀😋。.香酥脆雞雞便當 （海苔口味）$66朋友就叫咗個炸雞便當share嚟食。炸雞有兩大件，每件有拳頭👊🏻size咁大，以為入面會有骨頭，但兩件都無喎，啖啖肉好正，就算係灘凍咗先食都仲好脆，肉質亦唔會乾柴。除咗海苔口味，另外仲可以揀鹽酥或者香辣，如果試咗都可以同我哋分享下😜。.食過之後，👩🏻終於明點解咁高人氣，回頭率爆晒燈呀💡，應該係👩🏻喺香港食過頭幾間好食嘅台灣嘢💛😋。

叫左外賣話1210有得攞1210去到話未出面等1240 入去問話人多所以漏攞出黎人手唔夠 入面情況又亂大角咀正常好多食物係大角咀7 至8成希望那個可以盡快改善😕🙁☹️😣

大角咀店經常排隊，北角新店有机會食到，但令人失望。牛肉麵湯不熱，排骨便當裡的排骨亦不知坐了多久，只有炸雞是熱的。加大了的波霸奶茶亦冇加大。我不會再去了，這世上還有很多更好的餐廳。

未開門已經見到幾個人排緊隊入場，唔多唔少都有啲期望。試咗一個飯一個麵，一魚一排骨。枱面有三色味粉俾大家享用，海苔，麻辣，鹽酥味。海苔味最濃郁，其他味唔算突出。炸魚炸得唔錯，酥炸感十足，魚質亦紥實，面頭配咗海苔粉，味道唔錯。本身炸魚唔講究有魚味，所以相對排骨較易整。麵係蕎麥麵，硬道適中。湯係紅燒牛湯，湯底係清得嚟但夠味嘅，可以俾你揀咩辣，我就揀咗櫻花蝦辣椒，同個湯配搭起嚟都幾夾，但只有辣味唔太食到櫻花蝦味。個排骨雖然都係酥炸嘅但就有啲燶，同無炸魚炸得咁好，排骨亦唔入味，比較淡味，可能佢係想你配搭枱面啲粉嚟享用吧。嘢飲？ 嗌咗一杯黑糖粉條奶茶同檸檬冬瓜愛玉，兩杯都可以唔駛試，同平時專賣茶飲店嘅質素差太遠，寧願要杯唔駛加錢嘅普通茶好了。整體嚟講不過不失啦，性價比中等，同平時啲台式料理差唔多價錢。唔駛排隊都可以試下新嘢嘅，但要排隊就唔太推介。

相關食物：香酥脆雞雞便當（香辣）之前已經好想試呢間人氣台式便當，一早已經bookmarked 大角咀總店，見成日有排長龍亦好多人推介話好食，所以抱好大期望嚟試食，但點知極度失望，好懷疑好多係打手食評！差嘅地方- QR code 落單但落完之後等咗好耐，仲要係第一碗同第二碗嚟嘅時間相差好遠，朋友食咗一大半，另一碗先上，留意到隔離幾枱都有相同情況- 味粉有辣，海苔，鹽酥，但其實係gimmick 嘢，分別唔大，唔會大大影響件雞個味，而且重點係枱面上係有齊3種味粉，你自己可以再落，我最後全部試晒，但無一樣覺得驚喜or 一定要試，不過如果只可揀一樣，我會揀鹽酥，因為辣味唔辣，海苔無咩味，鹽酥起碼有鹹味- 雞本身無咩味，配菜好難食，我平時好鍾意食粉絲同埋粉絲好難整得難食，但呢間嘢竟然可以令咁普通嘅餸都整得難食，無味又乾- 另外仲有高麗菜，一個字硬，仲有個焦糖玉子，呢個經典，我一路食一路諗呢個係乜，我完全唔知自己食緊咩嘢，我係食完之後再睇返資料先知原來自己食咗焦糖玉子，焦糖味完全食唔出，玉子無玉子應有嘅味，只係食到軟淋淋一pat 嘢，真係好難食，唔做配菜好過做好嘅地方- 份量係足夠，但根本唔會令人好

一直很喜歡「那個」台式便當，但作為港島人，每次都要專登去大角咀食😟知道「那個」終於開分店，地址仲要係北角，我琴日即刻沖去支持，一解我對台灣相思之苦😌12點開店，我12:15pm去到，已經排哂長龍，可能咁啱撞正Office放飯😫終於坐低，環境比大角咀分店大，座位都明顯多好多幾特別係餐廳用二維碼落單，你可以喺電話入面揀你自己想食嘅餐點同飲品，經過左一番掙扎，叫左「雙腸滷肉飯」真係無得輸，一擺落口，台灣嘅感覺返返晒黎，特別鍾意佢哋嘅滷肉，係入口即溶😚台灣便當來講真係香港嘅No.1其他配菜都好好食，本身咁大碟好驚食唔晒，但係飯既份量唔算好多，女仔來講啱啱好😌而家新開優惠，全單九折，問左職員優惠去到7月31號，今餐真係大滿足！😝

呢間名氣好大，外賣都要等半個鐘，堂食日日排長龍！ 今日試試佢， 12:00打去叫外賣， 話要塔7可以去拎， 去到又話仲有個飯未得，要等多 4個字 ！🤷🏻‍♀️🤷🏻‍♀️我叫左個滷水雞翼同滷肉飯， 正常滷水野一早整定，唔明點解都等咁耐🫣🫣滷水雞翼飯lunch set 配左綠茶或者烏龍茶， 賣相吸引，配料有炒粉絲，椰菜，豆腐，粉絲聞落味道怪怪地，食落就乾得滯雞翼入味， 算唔錯！滷肉飯， 個人來講滷肉太甜同埋肥肉太多有d失望

放lunch搵飯食，同事介紹呢間台灣野，12點曬到呀媽都唔認得都照行15分鐘過去餐廳，去到已經排晒隊啦，好彩門口都有瓦遮頭等一陣。聽人講個配菜好多花款，排骨又好大舊，就一於試吓佢。那個滷排骨便當4.5/5一上枱就比個大排骨搶fo，遮曬個飯同配菜，拎開舊排骨先見到唔同配菜，又有粉絲玉子豆腐糖心蛋，好足料味道方面，舊排骨有啲諗身有啲就硬身比較有咬口，都入味。粉絲係加左泡菜嗰啲有啲風味，糖心蛋都入味，幾好食。好大碗，細食要叫少飯。勝利雙腸滷肉飯 4/5台灣香腸一個黑椒味一個蜜味，比較粗大，入面仲有肥豬肉，一咬落去就好香既豬油湧出黎。滷肉比較多肉同多香料去整，好似八角？比較重口味，我朋友表示麻麻鐘意。地理:北角站出口附近，方便，等位有瓦遮頂唔洗怕。環境:入面似cafe裝修，細圓枱，嗌多啲野都唔夠位擺。無乜大枱，我哋6個人都要分開3張2人枱坐。但好窄，同隔離枱好近。價錢:性價比高，咁大碟飯又多配菜仲包杯烏龍茶，宜家仲有9折，抵服務:上菜快，手機落單，暫時淨收現金。