那個ㄋㄚˋ ㄍㄜ (東寶大廈)

营业中

休息中

估唔到喺大角咀好受歡迎嘅台灣菜「那個」竟然開到嚟港島區！開業一個星期左右已經成功招徠附近嘅上班族，午飯時間更係大排長龍😎 試業期間雖然食物同飲品選擇較少，但招牌菜式都夠做，加上有85折優惠，性價比相當高👍🏻 《 那個滷排骨便當 》$68  5 / 5 🌟🌟🌟🌟🌟可以話係必食嘅那個排骨便當🍱 巨型嘅排骨大塊到遮得晒底下嘅飯餸，大過隻碟🤩 唔只外型誇張，橫切面睇每一塊都好有厚度，賣相確係震撼～ 即叫即炸所以外層更為酥脆😋 內裡有肉汁未會乾，口感嫩🤤 係水準好高嘅炸排骨👍🏻 排骨底下有飯、炒粉絲同是日配菜—紅燒茄子🍆 粉絲醬汁較濃同甜，口味貼近台灣😋《 古早味手工滷肉便當 》$64 4.5 / 5滷肉飯喺台灣嘅地位堪比香港嘅燒味飯，共通點係選擇雖然多但做得出色嘅少，而呢個古早味滷肉便當味道就做得非常在地！滷肉醬香甜得黎充滿膠質，撈飯無敵😋滷肉大大粒肥瘦分明，咬感十足！四款配菜亦都毫不輸蝕，每一樣都係「白飯殺手」🤤《 仙草冬瓜茶 》+$6  4 / 5 清涼冬瓜茶配搭仙草，可以揀微糖，清甜得來一解油膩😋《 寒天白桃冰茶 》+$12  4 / 5有得揀蜜香或者綠茶底，嗜甜嘅朋友可選擇蜜香🥰果香味

今日係我2022年第一次堂食🎊咁有意義？既一餐梗係唔可以求其，萬一中伏真係會好嬲🫣因為要過海，自然就諗到再去我心中No.1既台式料理啦！而且而家仲繼續有試業85折😚大概12:30到店門口已經有人龍，排咗近半個鐘終於有位啦🙌估唔到店長？竟然已經認得我🙈瞬間覺得有啲唔好意思⁄(⁄ ⁄ ⁄ω⁄ ⁄ ⁄)⁄啱啱好有一個沙發位，坐落的確比大角咀店寬敞舒服😌店內已經可以掃code自助下單（方便我呢種社交恐懼癌），見到餐牌比剛開果時豐富咗啦😃便當種類多咗同埋小食都多嘢揀，不過因為減肥中我都只係order咗一個滷香雞球便當（係我心中最好食前三），少飯，加常溫烏龍～高峰時段店員個個都忙到飛起，我就大概兩三個字收到，首先視覺合格😍三大舊滷雞球擺係飯上邊，配菜亦都色澤誘人，影完即刻開動，雞球都係雞脾肉，夠嫩滑有少少juicy，就算起走啲炸衣淨係食肉都鹹淡剛好夠入味（我都知一起食更好味但係我減肥呀唔想被教練投訴🥹），配菜有蔥酥高麗菜，家常炒粉絲同我最鍾意既紅燒茄子🍆，配飯個個都係rice killer，米飯亦都軟硬適中有飯香好好食！整體都keep到大角咀店水準🤤那個滷香雞球便當 7.5/9OVERALL 7.

見到屋企附近有間新開的台式便當餐廳，開業了一星期有多，估計運作應該會暢順，就貪新鮮過來試試order外賣自取。點餐的時候，店員說要等30分鐘，叫我們行吓再回來。我們隔了半小時再回來等，結果要再等一個鐘！總共1小時30分鐘！而我們要等這麼久，並不是因為有很多人比我們早下單，而是因為他們竟然先處理比我們還要遲點餐的order，真的態度如店名，有點那個！如果是剛開業一兩天，還情有可原，但經歷了一星期還可以這麼混亂，我真的很佩服店家的經營模式。屋企距離此店大約3分鐘距離。但這些等了1.5小時的便當，回到家裡卻已變成微暖，要用微波爐翻熱才吃得下。真的不知道這兩盒便當在店內被閑置了多久。味道方面，黑椒腸和鹽酥雞還可以，但滷肉飯真的過甜過膩，感覺似生吞豬油膏。這家便當…真的有點兒那個…

新開張見好多人排晒隊，躍躍欲試就排下。排左大約20 分鐘終於入座，點知坐低左先話比我知menu上面只係得上面部分ge飯有提供 ... 其實我地係排隊ge 時候已經諗好晒食咩麵 ... 不過都算la等左咁耐 都成點幾又落大雨唔想再搵... 雖然新開張，但其實可以係人排隊前就post出黎話未能供應 ...(順帶一提，餐廳係設有最低消費。)咁手機qr code落單，個app都幾detail, e.g.有少飯，走飯，走其中一樣配菜等等 ...叫左個炸雞同炸豬扒飯。店員都講明新開張唔夠人手 要等耐少少。等候時間新開張黎講可接受。個炸雞都幾滑幾好味，不過叫左海苔粉就唔係好夾 ... 下次應該叫辣粉。。跟住塊豬扒真係大到。。。等於我兩隻手。同辣粉係夾可惜，咁大塊豬扒中間比較"鞋" 外面部分幾乎係脂肪 ... 所以"林"但係肥膩到呢 ... 最後成碗野個底全部都係油 ... 驚驚 🥹🥹🥹

太誇張了吧……大大份….午市還附送一杯茶…CP值超級高女士們絕對可分兩餐….男士們同中學生們一定夠飽新開張關係…系統失靈….令客人要無止境地…..等…….但店長同店員們都很專業亦有不時安撫客人…來到主角便當出場….我被厚切排骨嚇親…太大塊了吧….友人試了炸雞排便當….即使外賣炸物亦保持乾爽…咔滋咔滋…不會濕掉….還有配菜好好吃….款式多…味道很台灣…可以單點配菜就好了…可能因為太好生意…米飯質地…外面是濕濕像爛飯一樣…但中間是未熟…硬的…希望下次廚房們可以拿捏到煮飯時間….建議冷氣可以調高點….炎炎夏日再加上店內坐滿客人…店員同顧客都有點辛苦…

大角咀人氣台式料理餐廳近排進駐北角區，咁近公司就梗係要率先去試吓！新開張期間仲有全單八五折，餐廳嘅木系簡約風裝潢好似文青Cafe咁，坐落唔逼亦算舒適～餐牌方面都算多選擇，但可能因為新開張所以暫時未有麵線套餐，希望下次嚟試到啦～古早味手工滷肉便當粒粒滷肉煮得非常軟嫩，肥瘦相間嘅五花肉加上香濃醬汁，秒殺白飯！加分位係配菜同粉絲，粉絲彈牙有韌度，而且炒得好入味，推介推介～那個滷排骨便當滷排骨一上枱就驚艷眾人，大塊厚身啖啖肉，炸得香酥唔油膩，先炸後滷鹹香帶少少甜味！香酥脆雞雞便當鹽酥雞新鮮炸起香口好惹味，肉質鮮嫩多汁，炸粉亦唔會過厚，相當有水準！

應該係剛剛開業，試業中1）晚上7點幾，就賣剩排骨、雞＆台灣腸，麵冇晒，只有飯，小食就賣剩丸類，想試三星蔥餅，賣晒2）枱面唔貼“xx出行”，搞到以為枱上嘅落單QR code係出行code,又要騰番出門口du3）出菜亂，先落單者（同一種餐）反而遲啲有得食😐滷汁ok，排骨鬆軟，初初食都juicy, 因為太大塊，可能啲熱力繼續溫住，食到最後，開始有啲乾香酥排骨，聞落都吸引，份量好大（女士來講）總體味道＆質素唔差，至於係咪台灣味道，sor, 只食過排骨，分唔到，希望遲啲預計好啲入貨量，唔使晚市乜都冇得揀、賣晒，試多幾款野再判定。

「那個」開分店，仲要嚟到港島真係無理由唔衝去食😂點了滷排骨便當外加蜜蒜台灣腸 滷排骨真的超。大。塊！（雖然要夾起來吃有點困難）目測長過20cm，真係大過塊面排骨炸過後再加入滷汁，令外皮索滿香濃的滷汁 一口咬開排骨充滿肉汁，亦有濃濃的五香料的味道滷水亦浸入底下的圓圓的米飯便當的配菜一向是我喜愛便當的原因可惜令我最期待的配菜-滷蛋已經售罄，未能一嘗 茄子，高麗菜，涼菜味道都不錯台灣腸吃的就是脆皮跟帶質感的肉，這次特意選蜜蒜來配鹹香的滷排骨真係幾夾鹹鹹甜甜咁，就好似日本菜中常見的味道

肚與心靈飽足の一日大角咀大名鼎鼎嘅台灣餐廳那個終於殺到嚟北角啦，餐廳開張左兩日就嚟朝聖，一如以往餐廳依然大排長龍，幸好今次有同事一齊出動避免左繁忙時間攞唔到位所以等咗15分鐘就有得安排入座。餐廳環境有古早味的氣氛，特別是四人座位係卡位形式，十分闊落。👯👯‍♀️評分：🌕🌕🌕🌕🌕那個滷排骨便當🍱便當份量10分大，即使係男同事都表達食唔晒。可以留意現場餐牌是可要求少飯，或添飯，🍚🍚🍚，咁就可以避免食唔飽或者食唔晒嘅情況。排骨味道很好，相信係排骨先經炸後然後再滷，所以保持到香脆而古早的味道。大推薦。🉐🉐🉐古早味手工滷肉便當🍱滷肉便當份量依然很大，要三位女同事一齊分享先食得晒， 滷肉飯旁邊配以餐廳特製的配菜， 包括有粉絲茄子蔬菜蘿蔔， 特別係茄子沾滿左古早滷肉味， 🍆🍆🍆必食推薦呢！滷肉飯同平時食嘅味道有少少分別，多咗啲回甘嘅味道，都係大推薦嘅溫馨提示： 如果真係嚟食那個，提提大家要留肚啊！😆😆

呢間分店只係試業咗幾日已經急不及待要去試因為大角咀分店我想試好耐㗎啦每次行過都大排長龍今次終於俾我試到喇！由於係試業嘅關係餐牌上嘅食物唔係全部都有得食我去嗰日只係得4款便當(後來得番3款🥲)想叫「那個滷排骨便當」咁啱賣晒(嗚嗚嗚)我哋每人叫咗一份「香酥脆雞便當」(HKD64)及「香酥魚菲力便當」(HKD76)兩款便當味道唔錯😋 香酥脆雞揀咗香辣口味有少少麻辣好惹味我想講每份便當都好大份好彩聽店員意見要少飯除咗主菜及白飯仲有跟4-5款配菜仲有仲有每份套餐跟一杯飲品有啲係免費嘅有啲飲品就要加錢喇另外我哋叫咗兩份小食▫️黃金流心魚蛋 (HKD10/2粒)▫️臺灣腸 (HKD12/1條)以咁嘅價錢嚟講真係好抵食等佢哋正式開張時會再去試吓其他便當或麵類

看到我最愛的台式料理「那個」在北角開分店啦🎊恭喜之餘當然要專程過海支持lu💛分店離北角站很近，B1口出右轉走三分鐘左右就找到，木製結構門面看起來清新又親切，旁邊就是「那杯」茶飲店🧋餐牌上比大角咀店豐富許多😃不過因為才試業第三天，只有最基本的四種便當可以選，考慮到車程而且我又在減肥😅就選了古早味手工滷肉便當+熱烏龍～剛好我前幾天也突然很想吃滷肉飯（所以這是什麼緣分）所以回家打開見到誘人滷肉立刻心花怒放😍趕快拍完照把飯和滷肉拌起來，嗚嗚嗚好好吃，滷肉肥瘦均勻，鹹淡剛好，夠腍夠入味又一點不油膩，是我想吃的滷肉飯呀🥹配菜有蔥酥高麗菜，家常炒粉絲，紅燒茄子（我的至愛！）和酸菜也都很好吃，尤其是粉絲和茄子😋完全keep到大角咀店的水準喔👍古早味手工滷肉便當 7.5/9OVERALL 7.5/9試業期果然會比較手忙腳亂，我點的是熱烏龍，單子上店員也寫明hot，但是拿到手是凍飲，還好我走出幾步摸到發現不對又回去換😅然後回家拍完照忽然覺得有哪裡不對，看一下拍過的餐牌——配菜少了溏心滷蛋欸欸欸！便當之花啊⋯⋯如果是沒有蛋了點餐或取餐的時候店員應該會告知吧，但沒有講的話應該就是忘記放了？想說試業85折是連滷