那個ㄋㄚˋ ㄍㄜ (東寶大廈)

营业中

休息中

Lunch食飯個個都係得一個鐘都想食呀好嘢輕鬆一下這一間台灣嘢幾十蚊大大塊豬扒仲包嘢飲大大杯味道又好受歡迎係理解嘅不過11:45就開始排隊排隊12:30都未入得而且店舖員工眼見亦唔算少廚房人數就見唔到場內位置亦頗多 仲見到有吉位都唔俾人入去然後店員話因為人手不足應付不下俾咗你入去都接唔到單可能等食物都要等好耐我哋都排咗半個鐘有多啦當然繼續等啦入到去錯order飾物飾物上台都唔算等得耐嘢飲亦都中規中矩 大大杯終於上床啦我覺得所有嘅食物賣相都非常之好份量亦都非常之足夠 女士們吃一定會剩 可以帶定個盒打包 怪唔之得咁多人排隊等啦因為食物質素真係好好 都會繼續幫襯下次再早啲排隊

2022-09-19獨自去偷食😝平日放假去咗北角搵食😜見到間新開無耐嘅台灣餐廳🇹🇼叫那個ㄋㄚㄍㄜ 😂連個餐廳名都唔識讀🥹上網睇嘅意思係：係猶豫不決😫餐廳裝修用深木色為主🪵好似去咗台灣cafe嘅感覺🥳平日下午時段，估唔到咁多人😱店員安排近門口二人位圓枱⭕️可用手機落單📱那個滷排骨便當，68蚊個，排骨真係成隻手掌咁大塊，仲要係真厚切，入口好酥脆，不過肉質唔算好嫩滑，食到一半先記得，有麻辣香粉，加少量係排骨食，麻辣酥脆更加精彩，配料好豐富，有蓮藕，粉絲，半隻糖心蛋，伴飯食一流，如果加埋肉燥食，味道再好食多個層次🥳🥳那個濃厚奶綠茶，跟餐加9蚊杯，飲品方面就正常，揀咗半甜，但都係好甜重奶味🍵整體環境幾舒服，冷氣夠哂大，坐近門口嘅我都唔覺熱🥳服務都好主動，好樂意解答顧客嘅問題🤗食物都幾好食，未去到話必食，份量多，性價比高，會再幫襯@nagetwfood 🤪#那個ㄋㄚㄍㄜ#那個滷排骨便當#那個濃厚奶綠茶

附近返工，見到呢間嘢好似好出名成日排長龍 一於就試下中午12:00點幾去到，已經要等好耐。終於入到去喇 環境都唔錯而且可以手機點餐 個app幾好方便好用點完餐，過咗半個鐘只係上咗杯嘢飲見到店員不斷優先pack緊啲外賣而堂食嘅就等咗好耐都無本身已經好肚餓 問店員幾時上餐佢地就話太多訂單 要等等咁就坐低繼續返 等到40分鐘 都係未有任何嘢食終於忍唔住問店長究竟仲要等幾耐佢地先follow up然後仲要送錯嘢食…嘢食係唔錯 都好滿足但間餐廳明顯唔夠人手好心繁忙時間就請多啲人幫手啦如果好肚餓 或者趕時間唔太建議繁忙時間去幫襯

今日早左少少去食晏，黎到卒之唔駛等位了，正！先講食物，因為熱氣唔敢食炸野（但佢啲炸野賣相好吸引），今次食勝利雙腸滷肉飯。平時對腸一般，見多兩條腸都係多幾蚊，於是會一會佢，又唔錯喎，滷肉都好味，上次覺得啲配菜好食，今日都好，係粉絲略略咸左啲。要左杯唔駛加錢嘅綠茶，正正常常喇。上一次黎，店舖新開冇耐，上餐流程少少甩漏，可理解。今日入座順利，招呼入座位哥哥普通正常態度。飲品先到，有個胖哥仔離枱兩吋高“揼”杯凍綠茶落張枱，感覺服務態度麻麻。跟住滷肉飯到，但盤上只有一隻筷子，於是我揚手示意爭一隻筷子，咁啱又搵返同一個胖哥仔，佢遞隻筷子過黎而我未趕得切接佢已經放手，差啲跌埋落地。唔係要求一間七十零蚊餐嘅食店要有五星級酒店服務，但有啲基本禮貌態度無論咩行業咩檔次都應該要有。只論食物，係幾好食嘅。希望下次去唔會再遇到呢種服務喇！

🤩那個ㄋㄚˋ ㄍㄜ˙ 🤩<那個滷排骨便當🍱>一上台就被震撼到😦排骨大過我塊面入口好酥脆但肉質偏乾食得多會覺得好油不過表皮有滷過下味道唔錯💰$ 68 (包飲品)<古早味手工滷肉便當🍱>佢既滷肉整得幾好係偏甜既滷肉 半肥瘦正中我口味唔會膩重有溏心滷水蛋 超入味💰$64 (包飲品)👍🏻佢連配菜都有用心處理過 有蒜香👍🏻佢既茶飲都濃好好飲 好啱解膩回頭率 : 🐥🐥🐥🐥/5那個ㄋㄚˋ ㄍㄜ˙ 📍 北角英皇道483-497號東寶大廈地下C-D號舖

大角咀的「那個」一直都幾出名超大份嘅滷排骨便當/香酥雞排便當配料多 便當大份 又抵食前排係北角都開咗間分店 經過去了一試個人覺得北角嘅味道比大角咀更好食因為整體黎講都無咁鹹又無咁油🥢玖香啤酒豬軟骨便當✨👉🏻豬軟骨份量超級多的便當👉🏻滷得很入味 鹹甜味道很下飯 而且骨肉都煮得非常軟腍 食到滿滿嘅骨膠原感🥢香酥海苔脆雞雞便當👉🏻炸雞大塊又酥脆 可以自選鹽酥味粉/香辣味粉/海苔味粉👉🏻玉米加了胡椒調味 有點似食緊pepper lunch嘅口味🥢夜市雞皮卷👉🏻雞皮卷外皮乾脆有點腐皮感 內裡是juicy的雞肉香菇卷 一咬開就流出肉汁🥤愛文芒果包種青茶👉🏻如果不好太甜 可跟我選25%甜度 清甜香氣的愛文芒果配青茶 十分解膩 👉🏻吃到少量愛文芒果肉🥤特濃焙茶鮮奶

呢間餐廳啲職員態度好差而且一啲都唔識得變通，入邊明明仲有好多位但係唔齊人就唔俾人入去，我話朋友仲有十分鐘到，我入去叫晒嘢食先，佢都唔俾人入去。未人齊唔俾入都唔緊要，個職員仲要串串共，我話我哋仲有八個字就上堂，佢就話咁唔關我事，你問你朋友點解遲到，係你哋嘅問題，我明餐廳有自己嘅規矩，但係我認為可以有禮貌咁處理成件事囉。

北角新開左一間食台灣菜嘅餐廳, 每次經過都有好多人喺門外排隊。今晚約左朋友喺北角攞野， 順便去埋呢度食。餐廳用qr code 點菜， 方便快捷， 但個qr code 整左幾次， 2部手機都scan 唔到， 呢度需要改善。點左2個麵， 炸排骨麵， 同炸雞扒麵， 麵類會有2款選擇。 湯底有辣有清湯， 任君選擇。炸排骨超級大塊， 炸得好香脆， 但有少少over, 肉身比較實， 但都算好味。炸雞扒比排骨好， 雞扒有肉汁， 雞皮亦炸得好香好脆。辣的湯底帶點甜味， 怪怪地咁， 但整體合格。

大角咀人氣店那個開到黎港島區了 ! 相比大角咀店, 新店更多位 所以星期日都唔洗等位可以直入呢⁡𓂄 那個滷排骨便當人氣之選 大過我塊面既滷排骨😂 不過老實說可能係揀左滷唔係酥炸排骨關係我覺得個皮有點淋過頭 皮肉有點分離 而且整體都幾多肥膏 食食下都好膩不過值得一讚既係有4款配菜 ! 個紅乳炒粉絲同玉子豆腐好好食 ✨ ⁡𓂄香酥脆雞湯麵個香酥脆雞好好食! 炸得香脆之餘仲keep 個肉汁, 仲可以配上唔同味粉，個湯麵就屬不過不失吧

好耐冇食過台灣菜，今日專程嚟北角食一間開咗冇耐嘅餐廳。以前去台灣旅行，一定食排骨便當, 平時係香港都未食得返嗰隻味同口感。今次試左餐廳個那個滷排骨便當同香酥脆雞雞便當，質數高，味道都似返台灣嗰種味，外脆內軟！！肉汁可以鎖住喺入邊，食完一塊真係想再加點第二塊。餐廳嘅飲品都係台式，唔算太甜味道啱啱好，我哋一點樣兩杯冰茶。今日嚟到餐廳好多人排隊，證明餐廳都好受歡迎，建議避開午飯時間黎，咁就唔使排隊排咁耐。

睇到「那個」出咗嘉義雞肉拌麵就一路掛住想食😍今日終於去咗，係正式營業之後第一次去幫襯🎉見到而家有得儲mee積分啦🎊不過要記得問店員比卡片掃碼💛今日又坐到上次個位😂係menu度又發現新品😃於是就落單三樣嘢：嘉義雞肉拌麵（黑蕎麵，加櫻花蝦辣椒）桂花漬蘿蔔柚子醋沙律菜（小碗）秘制嘉義手撕雞（小份）跟餐飲萬年不變無糖南投炭焙烏龍（看到又有返常溫可以選，幾好喎👍）出於減肥人士嘅自覺：沙律菜少汁，拌麵少麵🥲三樣嘢加飲品好快上齊，如果其他餐廳咁光速？上菜我會擔心有伏🫢但呢度我就完全唔擔心😌睇到topping同滿滿雞肉已經有好食嘅預感😍快手拌開暴風吸入——好吃到跺腳腳！雖然同樣都係黑蕎麵，但完全唔同於之前試過偏軟嘅湯麵，拌麵會硬啲啲更有咬口，完全係我嘅style吖🙌唔怪得係店家推薦啦🥳雞肉量都夠足，幾乎啖啖都可以食到少少韌又夠入味嘅雞絲，配埋櫻花蝦辣椒，微辣帶醬香超惹味，完全食唔停口，只能夠光盤證明好食🤤桂花漬蘿蔔柚子醋沙律菜雖然係小碗，但個碗已經係我屋企中碗咁上下😂蘿蔔帶微甜桂花香，又有柚子醋嘅微酸，再加少少🤏鹹，整體超清爽開胃，感覺食落可以再食一碗麵咁🤣秘制嘉義手撕雞雖然係小份不過量亦都夠多，同拌

星期五下就黎到都要等位 之前去過大角咀分店 而家新店要黎朝聖下 呢間既裝修好似台鐵甘 好有特色那個滷排骨便當加配滷肉排骨超級大塊 肉質鬆軟 有配菜粉絲 椰菜 粟米 半隻滷蛋 份量好多 一個食都會超飽玖香啤酒豬軟骨配手工麵 湯底可以原味或者辣湯 我地揀左櫻花蝦辣湯 望落好似好辣 但食落還可以 豬軟骨4大塊 真的太多 但真係好入味 又夠淋 正 手工麵爽口 酸菜都好味 加配小食甜不辣 兩大件 係彈牙的 配上少少甜醬 更惹味 跟餐可免費飲無糖烏龍茶 亦都加配奶茶 另加寒天 完全係台灣的風味

幫襯勁買💛Nage那個 🎇@nagetwfood大角咀區內成日排長龍嘅台灣菜小店，主打鐵路便當，份量大，配菜多，價錢相宜！最近小店係北角開設首間港島分店🌊竟然人龍唔算長，唔知係咪因為新開未被太多人發掘🍀相比總店嘅工業風，北角店採用復古嘅鐵路裝潢🛤 以白、木、米色為主，希望為大家帶嚟平實台灣古早風嘅用餐體驗📦另一面舖面係副線「那杯」，專做台式飲品外賣🧋 主打招牌滷排骨飯、古早味手工滷肉飯，一於就試試佢😋古早味手工滷肉便當🥓 配花壇茉莉綠茶🍃滷肉一向都係講求唔肥唔😈 五花腩肥瘦相間，層次分明，肥膏甘香入口即溶，瘦肉亦都滷到好軟🫠 配菜係台式便當嘅signature，當日嘅配菜有4款，味噌炒野菜、家常炒粉絲、白菌玉米丁、炒酸菜，款式仲會不時更換🗓那個滷排骨便當🔥 配南投炭焙烏龍🍂原本以為滷排骨會係似滷水牛腩咁嘅，點知都脆口嘅🤣 據聞老闆要求豬扒一定要大過個碗，唔夠大仲會補多塊肉🍖 先滷後炸，肉厚炸粉薄，咁厚肉但肉質嫩滑💦值得一提嘅係兩杯跟餐茶飲🍃 因為見肉食都好邪惡，真係唔敢再加配其他飲品了🥹 見佢標明無糖，罪惡感即刻細左啲🙈 茶味好濃，唔係一個茶包沖好多次，非常有助解膩！😆秘製嘉義手撕雞肉

今日放假同朋友去食台灣菜原本諗住早啲去避開人潮 但係12:30先去到一等等咗45分鐘唔係要等咁耐 啲食物都幾好食保持到同大角咀店差不多水平香酥排骨湯麵配甜不辣塊排骨大過手掌，好鬆脆，再加埋海苔粉好好味。配麵真係一人份量，但係想試多啲小食唯有叫一碗。三星蔥餡餅 👍🏻👍🏻👍🏻超好食，樣貌好普通，就係左邊果三粒但食落幾juicy 💦午餐包普通飲品，叫咗鳳梨冬瓜茶同另外叫多杯那個厚奶茶。叫咗七分甜都略嫌有啲甜。

之前大角咀總店一直都未有機會試今次開到黎北角終於有機會試下🤩.📍$68 那個滷排骨便當好味道：🌕🌕🌕🌕🌑每枱必叫之選排骨巨型到係遮住曬成個大碗🤣排骨係炸過再滷所以外層食落唔會好乾身🤤食落去係唔會淨係得肥肉/瘦肉，口感好好☺️唯一要挑剔的地方係排骨中間位d肉質比較實相對上無邊邊位個d半肥半瘦咁鬆化😂.📍$0 南投炭焙烏龍好味道：🌕🌕🌕🌗🌑跟餐仲會送一杯飲品有烏龍茶同綠茶選擇🙆🏻‍♂️兩款飲品都係無糖飲落清清地咁🙈又可以中和番個飽肚感岩曬減肥健身緊的朋友😂.同埋，餐廳仲擺放左三種味道的味粉其中海苔粉味道唔錯，好似shake shake粉咁🤣