遇見花蓮

营业中

休息中

💖北角呢間餐廳主打地道台灣菜，除左台灣麵、小食同甜品飲品等，仲有各種火鍋，選擇豐富。1️⃣花蓮紅燒牛三寶手工麵🍜 $85🔸轉川味湯🌶️ +$3🔸黑糖珍珠奶茶🧋 +$16💖配料豐富，有軟嫩嘅牛腩、彈牙嘅牛筋同爽口嘅牛肚，牛肚掛汁食落更香，仲有爽脆嘅小白菜。麵底係帶嚼勁、有麵粉香嘅台灣麵，可自選湯底，要左微辣惹味嘅川味湯，麵條吸收左湯底後更香口🤤。💖主菜可加錢轉特飲，要左黑糖珍珠奶茶，黑糖掛杯幾靚，奶茶入口順滑，珍珠咬落煙韌。2️⃣古早起司芋泥肉鬆蛋餅🫓 $46💖蛋餅皮帶韌勁，內餡咬落軟糯，拉絲微溶嘅芝士🧀搭配鹹香嘅肉鬆同入口綿密嘅芋泥，鹹甜搭配更開胃～💖整修靚樓底高，坐得舒服，仲有成面落地窗望街景，距離地鐵站步行4分鐘位置方便。

沙茶牛肉鍋滿滿既台式食材，有牛板鍵、牛丸、牛肚、牛筋、不同既特色丸類、鵪鶉蛋、蛋餃、菇等等。最鍾意係蜂巢豆腐、魚餅，因為吸收滿滿濃郁既沙茶醬汁。同時牛筋好粗好Q，好好味。個餐可以配粉絲/飯，我地叫粉絲因為吸晒D沙茶湯汁真係好正!!蒲燒鯛魚腹滷肉飯便當，鯛魚腹無骨滑滑的，蒲燒醬汁十分美味，便當set 好抵食因為除左主食，仲有紫菜湯、小食(臭豆腐、鴨血) ，滷肉飯大大碗仲竟然有滿滿既肉鬆。慢烤雞腿起司蛋吐司，除左吐司烤得香香之外，流心蛋同cheese 爆漿程度配合得好好，一咬雞肉都好juicy ，幫你切開左一半好方便，見到非常足料。愛文芒果起司奶蓋，香甜果汁加咸香綿密起司奶蓋好味道!!黑糖珍珠奶茶，黑糖掛杯，珍珠Q彈。餐廳免加一，唔洗就住嗌，晚市好多人幫襯!

想要品嚐台灣🇹🇼花蓮美食，就要到北角的台灣餐廳———遇見花蓮。沒錯👍🏻這裡就是一個主打台灣菜式的餐廳🍴地道的台灣菜式應有盡有，想要吃得正宗性價比高的，一定要試試這家。兩個人吃什麼好呢？小吃一定要吃哦，主食也是，飲品更不要說：1. 古早烤台灣香腸 $38 配蒜頭🧄吃是最正宗的吃法2. 肉鬆榨菜蛋餅$42 經典招牌必食哦3. 古法慢煮控肉滷肉飯$66 好多滷肉送飯極佳4. 滷肉A菜 $28 喜歡滷肉在青菜🥬上面混著吃，好好吃5. 紅燒半筋半肉麵🍜$78 喜歡吃牛肉的必吃之選6. 古早仙草三色芋丸 $38 甜品也是超正宗，飯後一定吃的甜品。跟餐➕$12 的飲品好划算喔1. 冰糖紅棗燉雪耳 $122. 夜市鳳梨🍍水果茶 $12

好耐冇食台灣菜，好掛住鹽酥雞同蛋餅🥰今次就去咗北角食呢間性價比好高嘅台菜！.✨士林鹽酥雞鹽酥雞幾抵食，外皮鬆脆❤️✨士林鹹蛋芋泥酥(2件)✨慢烤雞腿起司蛋吐司流心蛋令到成份吐司更加Juicy，雞腿好入味，吐司烘得幾香脆✨古早起司芋泥肉鬆蛋餅✨蜜汁滷排骨麻辣拌麵排骨份量好足，外皮香脆，醬汁整得好好食，拌麵辣度適中.每份主食都可以用優惠加加配飲品👇🏻✨仙草奶茶✨愛文芒果起司奶蓋芝士奶蓋好濃厚，令飲品口感幾Creamy，芒果味同芝士味好match.📍 遇見花蓮 (北角)北角炮台山電氣道183號友邦廣場地下14-15號舖

呢晚嚟咗呢間喺車站附近嘅台灣餐廳諗住食個簡單嘅晚餐🤣$56「慢烤雞腿起司蛋吐司」：有煎雞蛋又有雞髀肉🍗仲有啲啲熱溶咗嘅芝士🧀️，用脆脆哋嘅多士🥪夾住呢啲材料，幾好食🤩$75「蜜汁滷排骨麻辣拌麵」：「蜜汁滷排骨」好似係炸過再用蜜汁滷所以味道濃郁；麻辣拌麵🍜叫咗小辣，食得開胃🤣$42「肉鬆榨菜蛋餅（逢甲名物）」：榨菜配肉鬆幾惹味🤣$42「古早花雕雞卷」：雞肉肉質軟熟，啖啖肉，又有淡淡嘅花雕酒香🤩$26「淡水滷肉刈包」：包皮煙靭，夾住滷肉同埋酸菜做餡料，幾好食😋$28「滷肉A菜」：叫咗2份，A菜新鮮爽脆😋，加咗滷肉喺上邊仲好味啲啲🤣跟餐加 $8「台灣奶茶」：叫咗少甜，奶茶夠滑🤩

位於炮台山電器道既台式餐廳 - 遇見花蓮🪷食物種類都幾多，其中有火鍋、蛋餅、台式小食、飯類、麵類、台式甜品等等⋯⋯美食種類應有盡有😋天氣悶熱，煮少餐飯，放工之後一於食埋飯先返屋企😗QR code落單，方便快捷🤟🏻 見到餐牌上既九宮格賣相幾吸引，每款少少，咁就可以試到花蓮唔同既小食啦🥰小食拼盤當中有花雕醉雞卷、台灣香腸、牛肚、炸魚、滷蛋(溏心蛋)、炸地瓜條、豬大腸、鹽酥雞、麻辣鴨血。小編認為炸物同雞卷最出色👍🏻鹽酥雞鹹味適中，雞肉外脆內嫩。炸地瓜條酥脆可口，甜甜地解辣一流😜 至於雞卷肉質嫩滑，陣陣花雕酒香，好開胃！九款小食充分展現出台灣風情🫶🏻每次食台灣野都一定會叫我最鍾意既蛋餅🥹💕Order咗古早起司芋泥肉鬆捲餅(逢甲名物)try try，唔錯喔❣️蛋餅餅皮厚度適中，濃郁嘅芝士加上口感綿密既芋泥，飽肚感up，值得一試👍🏻呢度既小鍋價錢親民，份量十足！今次叫咗個招牌一品臭臭鍋兩個人share😝 辣度有大、中、小、特辣任君選擇。我地揀左小辣，但都幾辣下🥵🌟建議唔食辣既朋友仔記得叫走辣阿。配料分別有白豚肉、臭豆腐、麻辣鴨血、新竹貢丸、米血糕、豬大腸、鵪鶉蛋、蔬菜、沙律、嗚門卷等等⋯⋯臭豆腐有兩

是次餐廳用餐,深感非常失望。從一開始的服務體驗就讓人感到不愉快。到達餐廳時，明明有好多座位，卻被告知入座夾心位。現場座位空置卻不肯安排,讓人感到受到冷落。店員態度麻麻地，黑口黑面….明明手機落左單，又走嚟話要寫野，勁無奈。我哋叫咗個臭臭鍋小辣，成$138，湯底睇落清澈，食落去就辣到飛起，完全食唔到！終食材唔新鮮，肉嚴重失水, 只係一味死辣。完全無法滿足我們的期望。都唔明點解值有啲呢個價！唔好會再幫襯。這次用餐體驗可說是非常糟糕。從服務態度、點餐流程到最終的食物品質,都讓人非常失望。我希望餐廳管理層能夠重視這些問題,改善下。

呢晚想食台灣菜 搵咗呢間幾抵食嘅餐廳 餐廳以湖水藍同木色搭配 俾人好明亮嘅感覺😎慢煮豬軟骨滷肉飯滷肉飯半肥瘦煮得好入味 配埋底下嘅珍珠米撈飯食一流 但係當然唔少得介紹佢嘅主菜😬 慢煮豬軟骨煮得好腍好入味 佢嘅味道用咗啲果醋熬製而成 食落口酸酸地幾開胃 軟骨部份都完全係可以食晒 骨膠原滿滿🐷古法慢煮焢肉麻辣拌麵呢一個麻辣拌麵味道幾辛辣🍜 拌麵嘅麵係粗麵嚟㗎 食落口非常有咬口 面頭仲有少量嘅滷肉 側邊嘅慢煮焢肉幾層次分明 脂肪嘅部份入口即溶 真係好正☺️ 如果鍾意食辣嘅朋友都幾推介嗌呢一個拌麵麻辣鬼椒起司雞腿蛋吐司呢一個吐司入面嘅餡料配搭得好好 最鍾意係佢嘅雞腿 肉質嫩滑 充滿雞汁🍗 入邊仲有可以拉絲嘅芝士同埋半生熟嘅煎蛋 可以見到仲有蛋汁流緊出嚟㗎🍳起司肉鬆蛋餅每次食台灣菜都會想食蛋餅 呢度嘅肉鬆蛋餅 肉鬆份量超級豐富🫢 咬開個蛋餅啲肉鬆爆晒出黎 另外芝士嘅份量都好充足 古早仙草三色芋圓呢度嘅仙草切成咗一條條 加上咗花奶同埋面頭嘅三色芋圓 整個甜品顏色非常豐富😎 三色芋圓包括有地瓜圓 芋圓 同埋紫薯圓 每粒都煙煙韌韌 當中我最鍾意地瓜圓😉飲品冷泡台南高山綠茶 味道濃郁 用加配價好抵🍵 珍珠

遇見花蓮 (北角)📍北角炮台山電氣道183號友邦廣場地下14-15號舖慢煮豬軟骨滷肉飯 $68豬軟骨同滷肉份量好多質感正常 吾算好軟林滷水味道都幾入味溏心蛋好好食😋酸菜拌飯好開胃仲送一碗湯👍🏻👍🏻6.9/10古早花雕雞卷手工面 $68花雕雞卷好juicy油花雕酒好香好入味手工面質地適中醬油湯底味道正常6.9/10淡水滷肉刈包 $26滷肉餡吾算多酸菜份量比肉多味道比酸菜蓋過刈包超級硬建議叫其他小食5.0/10

我今日約同好友去位於炮台山電氣道183號友邦廣場地下14-15號舖的遇見花蓮食台式小食，環境舒適，坐得舒服。我點左個 古早滷肉飯拼大腸麵線 $42，好友點左個 紅燒牛肉麵拼古早滷肉飯 $48，另外點左個 慢煮豬軟骨滷肉飯 $45。小食點左古早肉鬆榨菜蛋餅 $42；餐飲係冷泡台南高山綠茶及冷泡亞里山烏龍。古早滷肉煮得好入味，送飯一流；紅燒牛肉的肉質軟腍，牛肉味濃；豬軟骨好好味👍；蛋餅熱辣辣，配肉鬆榨菜，囗感豐富；2款餐茶都清新好飲。

炮台山的台灣菜式餐廳，環境企理，乾淨，晚飯時候人流不絕，食物份量大大份，價錢親民，而且不用加一服務費，性價比高，更加划算。麻辣臭豆腐臭味不太夠，不過辣汁都滲入豆腐裏，鹹香辣。川味牛三寶手工麵牛肉麵乃是台灣名物，這碗集合三樣牛部分，牛筋、牛肚、牛腱，炆得很入味，牛肉湯底微微帶點辣。麵條用上手工麵，口感硬身，煙韌。很掛湯。古早花雕雞卷配手工麵雞肉卷配一碗手工麵，分開上。涼拌雞卷，捲成圓形，切成厚片。雞肉軟嫩，外層薄薄的雞皮，散發陣陣淡香的花雕酒味道。慢烤雞腿起司蛋吐司吐司烘烤過，更加焦焦脆脆，一分為二，方便食客享用。裏面餡料有半熟蛋、雞腿及芝士，配搭自家自家調製的醬汁，蠻惹味的。冷泡亞里山烏龍冷泡烏龍茶，香濃茶底，無糖的，解渴又解膩呢。

叫咗個鹽酥雞滷肉飯，好難食 炸粉超厚🤮🤮🤮 杯芋泥奶茶仲恐怖 芋泥食落好奇怪 仲有啲白色泡係面 嘔白泡咁款，同個侍應講佢話係啲白泡係芋泥浮上面🤢🤢🤢😵‍💫😵‍💫😵‍💫

餐廳裝修簡潔, 落地大玻璃, 透光感十足,侍應好有禮貌, 重點性價比極高及十分地道, 值得推介-古法慢煮焢肉麻辣拌麵 $72.0麵條彈牙爽口, 焢肉一吃下去肥肉一咬即溶，瘦肉有咬勁不鬆散，豬皮Q彈，配醃酸菜, 有解膩作用. 加配黑糖珍珠奶茶都只是$12.0, 超抵 -市林鹽酥雞 $38.0熱辣辣鹽酥雞, 外酥內軟, 肉汁豐富, 加入九層塔一起油炸，帶有特殊的香氣, 層次分明, 值得推介。-麻辣鴨血 $28.0鴨血口感堅實彈滑, 而湯底用上青花椒丶花椒丶大紅袍辣椒及辣椒粉煮成, 。吃時舌頭微感麻痺，味帶辛辣, 熱辣過癮-古早花雕雞卷 (6件) $42.0雞卷，陣陣花雕酒香，香而不濃，冷藏後冰涼透心，很適合現在熱辣辣的天氣食用-大腸麵線(輕量) $32.0羹湯的湯底美味, 麵線搭配鮮嫩豬大腸，大腸口感QQ，口感豐富味美。-古早烤台灣香腸 $38.0口感紮實，嚼勁十足，煙韌多汁，外觀色澤紅潤-古早仙草三色芋圓 $38.0芋圓煙韌，香甜、Q彈、仙草透心涼, 十分圓滿

太內冇食台灣菜，今次黎左呢間裝修幾有特色的台灣料理。有落地玻璃設計，感覺光猛明亮，坐得舒服。🐮私房麻辣牛三寶必食！有牛肚，牛筋，腱心，全部好入味😋牛筋超大舊，有咬口。腱心夾住小小筋腱，好軟腍！滿滿骨膠原的感覺😍🥬滷肉A菜A菜好爽脆，滷肉惹味。🐟墾丁脆魚塊幾抵食，有五塊。炸得香脆，炸粉幾薄，啖啖魚肉👍🏻🐷薑蔥滷蜜汁排骨飯估吾到台灣野都有薑蔥食😍爆多薑蔥，岩晒葱控的我👍🏻排骨大過我手掌😂厚身，但肉質幾嫩吾會老，滷得入味。🐷慢煮豬軟骨麻辣拌麵豬軟骨超腍，甜甜地有小小似豬腳薑味，一大條好有誠意😆麻辣麵質地煙韌，吾會太辣，麻麻地幾惹味。🥤鮮奶紅豆手工芋圓🥤鮮奶芋泥手工芋圓超濃厚鮮奶味😋手工芋圓好Q彈有口感，紅頭同芋泥清清甜甜，好夾👍🏻

依間台式餐廳真係令人驚喜，除咗味道好之外，佢仲有一樣特別嘅食物，就係台式臭豆腐。臭豆腐係佢嘅招牌菜之一，而且真係超級臭！如果你鍾意食超臭嘅臭豆腐，不妨嚟試吓呢間餐廳。不過對於我嚟講，臭豆腐就太刺激啦，所以我就揀咗牛肉麵、蛋餅同埋佢嘅刈包。首先，我試咗佢哋嘅牛肉麵。牛肉切得好厚，啖啖肉，配上彈牙的麵條，真係好過癮。湯底口感濃郁，充滿牛肉的香味，每一口都令人心滿意足。其次，蛋餅係台灣嘅經典小吃之一，我當然唔可以錯過。我叫咗個芝士肉鬆蛋餅，裏面有好多肉鬆，蛋香同肉鬆充滿口腔，好開胃。最後，佢嘅刈包都好出色。一個小小的包子裏面包著好多滷肉，真係十分豐富。包子外皮鬆軟，配上同埋其他的醬料，好食。