遇見花蓮

营业中

休息中

💖北角呢間餐廳主打地道台灣菜，除左台灣麵、小食同甜品飲品等，仲有各種火鍋，選擇豐富。1️⃣花蓮紅燒牛三寶手工麵🍜 $85🔸轉川味湯🌶️ +$3🔸黑糖珍珠奶茶🧋 +$16💖配料豐富，有軟嫩嘅牛腩、彈牙嘅牛筋同爽口嘅牛肚，牛肚掛汁食落更香，仲有爽脆嘅小白菜。麵底係帶嚼勁、有麵粉香嘅台灣麵，可自選湯底，要左微辣惹味嘅川味湯，麵條吸收左湯底後更香口🤤。💖主菜可加錢轉特飲，要左黑糖珍珠奶茶，黑糖掛杯幾靚，奶茶入口順滑，珍珠咬落煙韌。2️⃣古早起司芋泥肉鬆蛋餅🫓 $46💖蛋餅皮帶韌勁，內餡咬落軟糯，拉絲微溶嘅芝士🧀搭配鹹香嘅肉鬆同入口綿密嘅芋泥，鹹甜搭配更開胃～💖整修靚樓底高，坐得舒服，仲有成面落地窗望街景，距離地鐵站步行4分鐘位置方便。